2 Corintios 5
5
Ʉmʉãwesepʉre nirã eate maquẽ
1Marĩya ũpʉ̃rĩ marĩcã atiditapʉre nirĩũpʉ̃rĩ wi nocãrõgãmerã ĩcãbʉrecono boaduiwatiwira abiro ña. Buri tairo nicapetacãrã marĩrẽ tiwira abiro nirãrẽ sĩãcõãñerõcãnorẽ “Manigʉ̃ marĩrẽ ʉmʉãwesepʉre apewi tairo nirucũãtiwire nʉnigʉ̃rã abiro marĩrẽ apeũpʉ̃ mama ũpʉ̃pe tairo nirucũãtiũpʉ̃pere nʉnigʉagawi; basocacã tiyoriwira abiro nirĩũpʉ̃ niheriga; Manigʉ̃basurupepʉra tiyoriwira abiro tairo nirucũãtiũpʉ̃pe nirõãcu” ĩ masĩ marĩ.#1Co 15:37-49; 2Pe 1:13-14; Heb 9:11. 2Marĩcʉ̃ marĩ atibʉreco macã wira abiro nirĩũpʉ̃mena nijorapʉa bʉtoro ñañarõ cametʉacaperacãrã queorojoropʉare ʉmʉãwese macã wipere cʉora eawarugarara abiro marĩ ti mama ũpʉ̃pere bʉtoro cʉora eawarugaremena ña.#5:4; Ro 8:23; 1Co 15:42-49. 3Tora abiro atiũpʉ̃rẽ marĩcã sutiwetiwʉmʉãñerõcã marĩya yeripũna sutimanirõrã abiro pʉtʉaro eaheriga. Buripe sutiro mamarõrẽ sãñarõrã abiro mama ũpʉ̃pere tairo nirucũãtiũpʉ̃pere cʉoro earoacu.#Flp 3:21; 1Ts 4:16-17. 4Marĩ marĩcʉ̃ marĩya ũpʉ̃ atibʉreco macã wi boatiwira abiro nirĩũpʉ̃menapere ñañarõ cametʉaremena pũnirẽ tʉoiña, tãnurẽmena nicaperacãrã marĩ atiũpʉ̃rẽ cõwõãrẽmena cõãmocã ũpʉ̃manirãrã abiro pʉtʉarugaramerã ya; buripe tiũpʉ̃rĩrẽna mama ũpʉ̃rĩpe wasoayora nirã earepere, tiũpʉ̃rĩ cõwõãtiũpʉ̃rĩcã cõwõheriatiũpʉ̃rĩpe tairo catirucũãtiũpʉ̃rĩpe wasoaro earepere bora ya.#1Co 15:53-54; Is 25:8; Sal 69:15; Pr 1:12. 5Merẽ Manigʉ̃rã marĩrẽ atie mama ũpʉ̃rĩpe wasoamocã tiũpʉ̃rĩpe cʉora nirã eate maquẽrẽ quenoyuesiarigʉ niwĩ. Tairo tigʉ marĩrẽ tiere masĩãro ĩgʉ̃rã “cʉ̃yara ñawã” ĩ ĩñamasĩgʉ̃dagʉ Espíritu Santore marĩmena niñerõcã tigʉ cʉ̃pere ticosocorigʉ niwĩ; cʉ̃rẽ marĩrẽ ticosʉgueremenarã cʉ̃cã tairo tigʉacu ĩriguere queorora ñerõãcu ĩ masĩsʉguedotigʉ.#Ro 8:23; 2Co 1:22; Ef 1:13; Flp 3:21. 6Tiecã tora abiro niñerõcãrã ʉ̃sã ñenojorore cui tʉoiñarõ manirõrã tiere tairora ña ĩ wedewõrucũmocã. Tairo binirãrã ʉ̃sã “mari atidita macã ũpʉ̃mena atiditapʉra nimocãrãpʉa marĩ Nirũpʉ̃ Manigʉ̃ cʉtiropʉre cʉ̃mena ĩcãrõ nirã eamasĩheriga marĩcʉ̃” ĩ masĩ.#Heb 11:13-14. 7Tairo tira marĩcʉorore cʉ̃rẽ ĩñariasiromenape wedewõrẽ cʉonirã nirucũheri; buripe ĩñahericaperacãrã “queorora cʉ̃cã ĩriarora abiro tigʉagawi” ĩ cʉ̃rẽ wedewõrẽ cʉoremenape nirucũ.#1Co 13:12. 8Yʉcã ĩãriaronorã atiecã anorã abiro niñerõcãrã ʉ̃sã bʉtorojoro wãcũpasʉtiherara “atiere queorora ña” ĩ wedewõrucũmocã. Tairo tira ʉ̃sã atiditaro maquẽ ũpʉ̃rĩrẽ cõãmocã, Manigʉ̃ cʉtiro ʉmʉãwesepʉ nirã warisuarepere bora ya, topʉra cʉ̃mena ñurõ nirucũrãdara.#Flp 1:23; Job 7:7-10; Sal 6:5; Ecl 9:10. 9Atiere binirãrã ʉ̃sã atiũpʉ̃mena ano nirãcã o tairora apeũpʉ̃menapʉ nirãpʉcã ʉ̃sãcã tirocãrõrã toquẽrĩpʉra Nirũpʉ̃ Manigʉ̃cã peñarẽ wadore tirucũmocãrugaga. 10Merẽ marĩ nipetirapʉra Jesucristo marĩrẽ ĩñabeseribasocʉ apõtĩõrõpʉra nucũrã earoacu. Tairo tigʉ cʉ̃ topʉ marĩ nipetiracãrõrẽ marĩcã anopʉ atiũpʉ̃mena nirãpʉ ñurẽrẽ, ñañarẽrẽ tiriawãmerĩcãrõrẽ ĩñabese, marĩcãrõrẽna marĩcã diepere tiriguewapamenarã wapatare nʉnigʉagawi.#Ro 14:10; Ef 6:8; 1Co 3:11-15; 2Tm 4:1.
Manigʉ̃menamacãrã nirã earada
11Ʉ̃sã tiere masĩnirã marĩ Nirũpʉ̃ Jesucristore cuwiopesaremena ĩña wedewõrõ nirõ ya ĩnirãrã ʉ̃sãcã tirocãrõrã basocare cʉ̃rẽ wedewõrã eañerõcã bora cʉ̃ye quetirena wede. Manigʉ̃basurupera ʉ̃sãcã tirere ñurõ ĩñamasĩwĩ. Ĩñerõcã mʉjãcãrẽ tiwãmerã ʉ̃sãcã tirere mʉjãye tʉoiñarẽpʉre “ñurõrã yawa” ĩmasĩñerõcã tiaro.#2Co 3:1; 4:2; Heb 10:31; Jud23. 12Ʉ̃sã upatutira ʉ̃sãbasurupera ʉ̃sãye maquẽrẽna mʉjãrẽ ñurõ wederucũcoramerã ya tamʉ. Buripe ʉ̃sãcã anorã abiro tiremenarã mʉjãrẽ “ʉ̃sã cʉ̃jãmenarã abiro ĩtutuamasĩrã nirã ya” ĩmasĩrã nirã eañerõcãpere bosãgʉ̃rã mʉjãrẽ yʉ abiro ĩ ojagʉ ya. Mʉjã atiere masĩrã ãpẽrã bueribasoca basoca ĩñacoro wadorena “ʉ̃sã ãpẽrãsotoa nirã ña” ĩribasocare cʉ̃jãcã ʉ̃sãrẽ “cʉ̃jã queoro bueheriwa” ĩ ñañarõ wedepasʉtiñerõcã ñurõ yʉmasĩrãrã nirõãcu. Cʉ̃jã sotoamaquẽ baure wadorena wãcũrã ñawã; yeripũna maquẽpʉpere icãta wãcũhera ñawã.#2Co 1:14; 3:1. 13Cʉ̃jãcã “cʉ̃jã niñayora mawisira yawa” ĩñerõcã Manigʉ̃yere tiremena tairo bira tiroacu. Buri ʉ̃sã niñayo mawisiherapʉa mʉjãye maquẽ tira tairo bira tiroacu. Queorojoropʉare ʉ̃sã niñayo mawisiramerã ya.#1Co 2:1-5; 2Co 11:1, 16-17; Hch 26:24. 14Jesucristocã marĩ nipetirare maĩnigʉ̃ ñurõ tibosagʉra marĩcã ñañarẽ tirigue wapare cõwõãbosariguere ʉ̃sãcã tʉomasĩrã eariwatoamenarã cʉ̃ye maĩrẽ ʉ̃sãye catirepʉre dotimasĩrõ nirõ eawʉ. Tairo tiro tiera marĩ nipetirare marĩcã ñañarẽ tiriguere cʉ̃menarã cõwõãriarara abiro pʉtʉara eañerõcã tiyu.#Hch 18:5; Ro 5:15; 6:2-11; Ga 2:19-20. 15Cʉ̃ Jesucristo marĩ nipetira basocacã ñañarẽ tirigue wapamenarã marĩrẽ cõwõãbosarigʉ niwĩ, marĩrẽ tamʉ tiwãmerã marĩcã boriwãmepera tirucũ nisãsudotigʉmerã. Buripe marĩrẽ ñurõ tibosagʉ marĩrẽ cõwõbosa masãrigʉ niwĩ; marĩrẽ sua tocãrõrã cʉ̃cã boriwãmepe tirucũrã nirã eamasĩdotigʉ.#Ro 14:7-9; 1Tm 2:6. 16Tairo tira ʉ̃sã, atibʉreco macãrã cʉ̃rẽ ĩñamasĩheracã ãpẽrãrẽ “tairo nirã ñawã” ĩ ĩñarõrã abiro ʉ̃sã icãta tiwãmerã abiro ãpẽrãrẽ ĩña wãcũherapʉ ña. Marĩcʉ̃ yʉcã tosʉgueropʉre Jesucristore atibʉreco macãrãcã wãcũrõrã abirora wãcũgʉ̃ nimiwʉ̃. Buri marĩcʉorore sua cʉ̃rẽ ĩñamasĩnirã icãta tairo wãcũherapʉ ña.#Jn 8:15; 2Co 11:18; Flp 3:4. 17Marĩcʉorore marĩrẽ dairo nirãrẽ Jesucristomena ĩcãrõ nirã eañerõcãrã Manigʉ̃ mama wãmemenape merĩãwãmepe nirẽcʉtirepere marĩrẽ cʉora eañerõcã yawí. Manigʉ̃ marĩcã bʉcʉ wãmepe nirẽcʉtimirigueniguẽrẽ tuwecõãmocã mama wãmemenape merĩãwãmepe nirẽcʉtirepere sutisãnigʉ̃ nisocora eañerõcã yawí.#Ro 8:18-23; Jn 1:3; Col 1:16; Heb 1:2; Ef 2:10; Ga 5:6; 6:15; Tit 3:5; 1Pe 1:3, 23; Ap 21:4-5. 18Tie nipetire marĩrẽ cʉ̃cã tairo tirigue Manigʉ̃mena watire wadora ña. Marĩcʉ̃ marĩ mamarõpʉpʉare cʉ̃ Manigʉ̃mena came ñurõ nihera niriara niwʉ̃. Tairo tigʉ Jesucristocã cõwõãriguemenarã Manigʉ̃ cʉ̃basurupera marĩrẽ cʉ̃mena came queno cʉ̃mena ñurõ nirã eañerõcã tirigʉ niwĩ. Ĩñerõcã cʉ̃cã tairo tiremenarã nipetirare tairo nirã eañerõcã bogʉ ʉ̃sãrẽna mama quetire, cʉ̃mena came ñurõ nirã eañerõcã tirequetirena wededotigʉ cũwĩ.#Jn 3:13; Ro 5:8-10; Col 1:20. 19O tairora Manigʉ̃ Jesucristocã cõwõãrẽmenarã nipetira atibʉreco macãrãrẽ cʉ̃jãcã ñañarẽ tirigue wapara wapa cʉora nirãrẽ cʉ̃jãrẽ acõbo ñeno wapa cʉoherara abiro pʉtʉara niñerõcã tinigʉ̃ cʉ̃basurupera cʉ̃jãmena came ñurõ queno cʉ̃mena came ñurõ pʉtʉara eañerõcã tigʉ tirigʉ niwĩ. Tairo tigʉ nipetirare cʉ̃mena ñurõ nirã eañerõcã bogʉra ʉ̃sãrẽna atie quetire wededotigʉ cũwĩ “Manigʉ̃ Jesucristomenarã ñañarẽ tiriguere acõbo cʉ̃mena ñurõ nirã eañerõcã yawí” ĩ wededotigʉ. 20Tairo tira ʉ̃sã Jesucristocã cʉ̃ye quetire wededotigʉ cʉ̃cã ticoyoriarara nirã ya. Tairo tigʉ Manigʉ̃pʉra ñawĩ ʉ̃sãpʉmenarã ʉ̃sãcã cʉ̃ye quetire wederemenarã basocare cʉ̃jãrẽ tie quetire wedewõrã eañerõcã tigʉ. Tairo tira ʉ̃sã Jesucristocã cʉ̃ye quetire wededotigʉ cʉ̃cã ticoyoriarara ninirã ʉ̃sã mʉjãrẽ cʉ̃ya wãmemenarã “Manigʉ̃rẽ cʉ̃cã mʉjãmena came ñurõ pʉtʉara eañerõcã tirere cʉ̃mena came ñurõ pʉtʉara eañerõcã tidotiya” ĩ sãĩ.#2Co 3:6; 6:1; Ef 6:20. 21Jesucristo icãta pẽrõgãno ñañarẽrẽ tigʉ eaherijomocãrigʉ niwĩ. Buri marĩye ñañarẽye wapamenapere marĩpere ñañarõ tiborianorẽ Manigʉ̃ Jesucristopere ñañarẽrẽ tirigʉre tigʉra abiro cʉ̃pere ñañarõ tirigʉ niwĩ; cʉ̃cã tora abiro tibosariguemenape marĩcã Jesucristomena ĩcãrõ nirã earemena cʉ̃ Manigʉ̃mena came ñurõ pʉtʉa, diamacã maquẽrẽ tirucũrã nirã eañerõcã tigʉ.#Ga 3:13; 1Pe 2:22; 1Jn 3:5; Heb 4:15; Is 53:6, 9; Ro 1:17; 5:15-21; 8:3; Flp 3:9.
Currently Selected:
2 Corintios 5: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
2 Corintios 5
5
Ʉmʉãwesepʉre nirã eate maquẽ
1Marĩya ũpʉ̃rĩ marĩcã atiditapʉre nirĩũpʉ̃rĩ wi nocãrõgãmerã ĩcãbʉrecono boaduiwatiwira abiro ña. Buri tairo nicapetacãrã marĩrẽ tiwira abiro nirãrẽ sĩãcõãñerõcãnorẽ “Manigʉ̃ marĩrẽ ʉmʉãwesepʉre apewi tairo nirucũãtiwire nʉnigʉ̃rã abiro marĩrẽ apeũpʉ̃ mama ũpʉ̃pe tairo nirucũãtiũpʉ̃pere nʉnigʉagawi; basocacã tiyoriwira abiro nirĩũpʉ̃ niheriga; Manigʉ̃basurupepʉra tiyoriwira abiro tairo nirucũãtiũpʉ̃pe nirõãcu” ĩ masĩ marĩ.#1Co 15:37-49; 2Pe 1:13-14; Heb 9:11. 2Marĩcʉ̃ marĩ atibʉreco macã wira abiro nirĩũpʉ̃mena nijorapʉa bʉtoro ñañarõ cametʉacaperacãrã queorojoropʉare ʉmʉãwese macã wipere cʉora eawarugarara abiro marĩ ti mama ũpʉ̃pere bʉtoro cʉora eawarugaremena ña.#5:4; Ro 8:23; 1Co 15:42-49. 3Tora abiro atiũpʉ̃rẽ marĩcã sutiwetiwʉmʉãñerõcã marĩya yeripũna sutimanirõrã abiro pʉtʉaro eaheriga. Buripe sutiro mamarõrẽ sãñarõrã abiro mama ũpʉ̃pere tairo nirucũãtiũpʉ̃pere cʉoro earoacu.#Flp 3:21; 1Ts 4:16-17. 4Marĩ marĩcʉ̃ marĩya ũpʉ̃ atibʉreco macã wi boatiwira abiro nirĩũpʉ̃menapere ñañarõ cametʉaremena pũnirẽ tʉoiña, tãnurẽmena nicaperacãrã marĩ atiũpʉ̃rẽ cõwõãrẽmena cõãmocã ũpʉ̃manirãrã abiro pʉtʉarugaramerã ya; buripe tiũpʉ̃rĩrẽna mama ũpʉ̃rĩpe wasoayora nirã earepere, tiũpʉ̃rĩ cõwõãtiũpʉ̃rĩcã cõwõheriatiũpʉ̃rĩpe tairo catirucũãtiũpʉ̃rĩpe wasoaro earepere bora ya.#1Co 15:53-54; Is 25:8; Sal 69:15; Pr 1:12. 5Merẽ Manigʉ̃rã marĩrẽ atie mama ũpʉ̃rĩpe wasoamocã tiũpʉ̃rĩpe cʉora nirã eate maquẽrẽ quenoyuesiarigʉ niwĩ. Tairo tigʉ marĩrẽ tiere masĩãro ĩgʉ̃rã “cʉ̃yara ñawã” ĩ ĩñamasĩgʉ̃dagʉ Espíritu Santore marĩmena niñerõcã tigʉ cʉ̃pere ticosocorigʉ niwĩ; cʉ̃rẽ marĩrẽ ticosʉgueremenarã cʉ̃cã tairo tigʉacu ĩriguere queorora ñerõãcu ĩ masĩsʉguedotigʉ.#Ro 8:23; 2Co 1:22; Ef 1:13; Flp 3:21. 6Tiecã tora abiro niñerõcãrã ʉ̃sã ñenojorore cui tʉoiñarõ manirõrã tiere tairora ña ĩ wedewõrucũmocã. Tairo binirãrã ʉ̃sã “mari atidita macã ũpʉ̃mena atiditapʉra nimocãrãpʉa marĩ Nirũpʉ̃ Manigʉ̃ cʉtiropʉre cʉ̃mena ĩcãrõ nirã eamasĩheriga marĩcʉ̃” ĩ masĩ.#Heb 11:13-14. 7Tairo tira marĩcʉorore cʉ̃rẽ ĩñariasiromenape wedewõrẽ cʉonirã nirucũheri; buripe ĩñahericaperacãrã “queorora cʉ̃cã ĩriarora abiro tigʉagawi” ĩ cʉ̃rẽ wedewõrẽ cʉoremenape nirucũ.#1Co 13:12. 8Yʉcã ĩãriaronorã atiecã anorã abiro niñerõcãrã ʉ̃sã bʉtorojoro wãcũpasʉtiherara “atiere queorora ña” ĩ wedewõrucũmocã. Tairo tira ʉ̃sã atiditaro maquẽ ũpʉ̃rĩrẽ cõãmocã, Manigʉ̃ cʉtiro ʉmʉãwesepʉ nirã warisuarepere bora ya, topʉra cʉ̃mena ñurõ nirucũrãdara.#Flp 1:23; Job 7:7-10; Sal 6:5; Ecl 9:10. 9Atiere binirãrã ʉ̃sã atiũpʉ̃mena ano nirãcã o tairora apeũpʉ̃menapʉ nirãpʉcã ʉ̃sãcã tirocãrõrã toquẽrĩpʉra Nirũpʉ̃ Manigʉ̃cã peñarẽ wadore tirucũmocãrugaga. 10Merẽ marĩ nipetirapʉra Jesucristo marĩrẽ ĩñabeseribasocʉ apõtĩõrõpʉra nucũrã earoacu. Tairo tigʉ cʉ̃ topʉ marĩ nipetiracãrõrẽ marĩcã anopʉ atiũpʉ̃mena nirãpʉ ñurẽrẽ, ñañarẽrẽ tiriawãmerĩcãrõrẽ ĩñabese, marĩcãrõrẽna marĩcã diepere tiriguewapamenarã wapatare nʉnigʉagawi.#Ro 14:10; Ef 6:8; 1Co 3:11-15; 2Tm 4:1.
Manigʉ̃menamacãrã nirã earada
11Ʉ̃sã tiere masĩnirã marĩ Nirũpʉ̃ Jesucristore cuwiopesaremena ĩña wedewõrõ nirõ ya ĩnirãrã ʉ̃sãcã tirocãrõrã basocare cʉ̃rẽ wedewõrã eañerõcã bora cʉ̃ye quetirena wede. Manigʉ̃basurupera ʉ̃sãcã tirere ñurõ ĩñamasĩwĩ. Ĩñerõcã mʉjãcãrẽ tiwãmerã ʉ̃sãcã tirere mʉjãye tʉoiñarẽpʉre “ñurõrã yawa” ĩmasĩñerõcã tiaro.#2Co 3:1; 4:2; Heb 10:31; Jud23. 12Ʉ̃sã upatutira ʉ̃sãbasurupera ʉ̃sãye maquẽrẽna mʉjãrẽ ñurõ wederucũcoramerã ya tamʉ. Buripe ʉ̃sãcã anorã abiro tiremenarã mʉjãrẽ “ʉ̃sã cʉ̃jãmenarã abiro ĩtutuamasĩrã nirã ya” ĩmasĩrã nirã eañerõcãpere bosãgʉ̃rã mʉjãrẽ yʉ abiro ĩ ojagʉ ya. Mʉjã atiere masĩrã ãpẽrã bueribasoca basoca ĩñacoro wadorena “ʉ̃sã ãpẽrãsotoa nirã ña” ĩribasocare cʉ̃jãcã ʉ̃sãrẽ “cʉ̃jã queoro bueheriwa” ĩ ñañarõ wedepasʉtiñerõcã ñurõ yʉmasĩrãrã nirõãcu. Cʉ̃jã sotoamaquẽ baure wadorena wãcũrã ñawã; yeripũna maquẽpʉpere icãta wãcũhera ñawã.#2Co 1:14; 3:1. 13Cʉ̃jãcã “cʉ̃jã niñayora mawisira yawa” ĩñerõcã Manigʉ̃yere tiremena tairo bira tiroacu. Buri ʉ̃sã niñayo mawisiherapʉa mʉjãye maquẽ tira tairo bira tiroacu. Queorojoropʉare ʉ̃sã niñayo mawisiramerã ya.#1Co 2:1-5; 2Co 11:1, 16-17; Hch 26:24. 14Jesucristocã marĩ nipetirare maĩnigʉ̃ ñurõ tibosagʉra marĩcã ñañarẽ tirigue wapare cõwõãbosariguere ʉ̃sãcã tʉomasĩrã eariwatoamenarã cʉ̃ye maĩrẽ ʉ̃sãye catirepʉre dotimasĩrõ nirõ eawʉ. Tairo tiro tiera marĩ nipetirare marĩcã ñañarẽ tiriguere cʉ̃menarã cõwõãriarara abiro pʉtʉara eañerõcã tiyu.#Hch 18:5; Ro 5:15; 6:2-11; Ga 2:19-20. 15Cʉ̃ Jesucristo marĩ nipetira basocacã ñañarẽ tirigue wapamenarã marĩrẽ cõwõãbosarigʉ niwĩ, marĩrẽ tamʉ tiwãmerã marĩcã boriwãmepera tirucũ nisãsudotigʉmerã. Buripe marĩrẽ ñurõ tibosagʉ marĩrẽ cõwõbosa masãrigʉ niwĩ; marĩrẽ sua tocãrõrã cʉ̃cã boriwãmepe tirucũrã nirã eamasĩdotigʉ.#Ro 14:7-9; 1Tm 2:6. 16Tairo tira ʉ̃sã, atibʉreco macãrã cʉ̃rẽ ĩñamasĩheracã ãpẽrãrẽ “tairo nirã ñawã” ĩ ĩñarõrã abiro ʉ̃sã icãta tiwãmerã abiro ãpẽrãrẽ ĩña wãcũherapʉ ña. Marĩcʉ̃ yʉcã tosʉgueropʉre Jesucristore atibʉreco macãrãcã wãcũrõrã abirora wãcũgʉ̃ nimiwʉ̃. Buri marĩcʉorore sua cʉ̃rẽ ĩñamasĩnirã icãta tairo wãcũherapʉ ña.#Jn 8:15; 2Co 11:18; Flp 3:4. 17Marĩcʉorore marĩrẽ dairo nirãrẽ Jesucristomena ĩcãrõ nirã eañerõcãrã Manigʉ̃ mama wãmemenape merĩãwãmepe nirẽcʉtirepere marĩrẽ cʉora eañerõcã yawí. Manigʉ̃ marĩcã bʉcʉ wãmepe nirẽcʉtimirigueniguẽrẽ tuwecõãmocã mama wãmemenape merĩãwãmepe nirẽcʉtirepere sutisãnigʉ̃ nisocora eañerõcã yawí.#Ro 8:18-23; Jn 1:3; Col 1:16; Heb 1:2; Ef 2:10; Ga 5:6; 6:15; Tit 3:5; 1Pe 1:3, 23; Ap 21:4-5. 18Tie nipetire marĩrẽ cʉ̃cã tairo tirigue Manigʉ̃mena watire wadora ña. Marĩcʉ̃ marĩ mamarõpʉpʉare cʉ̃ Manigʉ̃mena came ñurõ nihera niriara niwʉ̃. Tairo tigʉ Jesucristocã cõwõãriguemenarã Manigʉ̃ cʉ̃basurupera marĩrẽ cʉ̃mena came queno cʉ̃mena ñurõ nirã eañerõcã tirigʉ niwĩ. Ĩñerõcã cʉ̃cã tairo tiremenarã nipetirare tairo nirã eañerõcã bogʉ ʉ̃sãrẽna mama quetire, cʉ̃mena came ñurõ nirã eañerõcã tirequetirena wededotigʉ cũwĩ.#Jn 3:13; Ro 5:8-10; Col 1:20. 19O tairora Manigʉ̃ Jesucristocã cõwõãrẽmenarã nipetira atibʉreco macãrãrẽ cʉ̃jãcã ñañarẽ tirigue wapara wapa cʉora nirãrẽ cʉ̃jãrẽ acõbo ñeno wapa cʉoherara abiro pʉtʉara niñerõcã tinigʉ̃ cʉ̃basurupera cʉ̃jãmena came ñurõ queno cʉ̃mena came ñurõ pʉtʉara eañerõcã tigʉ tirigʉ niwĩ. Tairo tigʉ nipetirare cʉ̃mena ñurõ nirã eañerõcã bogʉra ʉ̃sãrẽna atie quetire wededotigʉ cũwĩ “Manigʉ̃ Jesucristomenarã ñañarẽ tiriguere acõbo cʉ̃mena ñurõ nirã eañerõcã yawí” ĩ wededotigʉ. 20Tairo tira ʉ̃sã Jesucristocã cʉ̃ye quetire wededotigʉ cʉ̃cã ticoyoriarara nirã ya. Tairo tigʉ Manigʉ̃pʉra ñawĩ ʉ̃sãpʉmenarã ʉ̃sãcã cʉ̃ye quetire wederemenarã basocare cʉ̃jãrẽ tie quetire wedewõrã eañerõcã tigʉ. Tairo tira ʉ̃sã Jesucristocã cʉ̃ye quetire wededotigʉ cʉ̃cã ticoyoriarara ninirã ʉ̃sã mʉjãrẽ cʉ̃ya wãmemenarã “Manigʉ̃rẽ cʉ̃cã mʉjãmena came ñurõ pʉtʉara eañerõcã tirere cʉ̃mena came ñurõ pʉtʉara eañerõcã tidotiya” ĩ sãĩ.#2Co 3:6; 6:1; Ef 6:20. 21Jesucristo icãta pẽrõgãno ñañarẽrẽ tigʉ eaherijomocãrigʉ niwĩ. Buri marĩye ñañarẽye wapamenapere marĩpere ñañarõ tiborianorẽ Manigʉ̃ Jesucristopere ñañarẽrẽ tirigʉre tigʉra abiro cʉ̃pere ñañarõ tirigʉ niwĩ; cʉ̃cã tora abiro tibosariguemenape marĩcã Jesucristomena ĩcãrõ nirã earemena cʉ̃ Manigʉ̃mena came ñurõ pʉtʉa, diamacã maquẽrẽ tirucũrã nirã eañerõcã tigʉ.#Ga 3:13; 1Pe 2:22; 1Jn 3:5; Heb 4:15; Is 53:6, 9; Ro 1:17; 5:15-21; 8:3; Flp 3:9.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.