2 Corintios 4
4
Jesucristoye quetire wederibasoca
1Tairo tira Manigʉ̃cã cʉ̃ye bopacaĩñarẽmenarã cʉ̃ye ñurẽ quetire padedeana cʉ̃cã cũyoriara ninirãrã icãta sʉtiro manirõrã tocãrõrã tidumocãrãda ĩherara basocare wederucũmocã.#2Co 3:6. 2Ʉ̃sã tiere binirãrã nipetire dairo nirẽ yajioropʉ bobore tirenorẽ boheripeticõãmocã. Ʉ̃sã basocare tiritorugariwãmemenape icãta bueheri, tairora basocare ĩritorugara Manigʉ̃ye quetire niheriwãmepe bueheri. Buripe Manigʉ̃cã ĩñacorore cʉ̃ye quetire wasoaro manirõrã tiecã diamacã maquẽ nirĩwãmerã bue; nipetira “ʉ̃sãrẽ queorora buewa” ĩ tʉoiñatora abiro.#2Co 2:17; 1Ts 2:5. 3Buri ʉ̃sacã Jesucristocã basocare cametʉore quetire wedecapetacãrã Manigʉ̃cã ñañarõ biditiñerõcã tiyoanapʉare atie ʉ̃sãcã wederere icãta tʉomasĩheriwa ĩcãcaseronomena acutayorera abiro. Cʉ̃jã atiere icãta tʉomasĩheriwa.#1Co 1:18; 2Co 2:12; 3:14. 4Cʉ̃jãcã tora abiro tiere ñurõ tʉomasĩ wedewõhereye wapara atibʉreco macãrãya manigʉ̃ wãtĩã nirũpʉ̃ cʉ̃jãrẽ tʉomasĩhera, caperi ĩñabʉaherara abiro pʉtʉara eañerõcã yawí, cʉ̃jãrẽ Jesucristo ñucametʉa nirẽrẽ basocare cametʉogʉye queti ñurõ bowe asibaterere, cʉ̃ Jesucristora Manigʉ̃cã nirĩwãmerã abiro nigʉ̃rẽna icãta tʉomasĩmasĩherijomocãrã nirã earo ĩgʉ̃.#Jn 1:18; 12:31; Col 1:15; Ga 1:4; Heb 1:3; 1Jn 3:2. 5Ʉ̃sã Jesucristoye quetire wedera ʉ̃sãbasurupe ʉ̃sãye quetire wedeheramerã ya. Jesucristoyepere “cʉ̃rã marĩ Nirũpʉ̃ ñawĩ, cʉ̃rẽ wedewõrõ bo” ĩrẽpere wede. Ʉ̃sãpʉa mʉjãrẽ padedebosaribasocara nirã ya, Jesucristore maĩrẽ cʉonirã.#1Co 1:13, 23; 9:19; 12:3; Flp 2:11; Hch 2:36; Ro 10:9. 6Merẽ cʉ̃ Manigʉ̃rã mamarõpʉcãrẽ nipetiro atiditaro naĩtĩãrõ nirĩwatoapʉcãrẽ cʉ̃cã “bowere niãña” ĩrẽmenarã bowerere niãñerõcã tirigʉra cʉ̃cã tairo tiriarora abirora marĩrẽ marĩye yeripũnarĩpʉre bowere niãrora abiro ñurõ tʉomasĩrã nirã eañerõcã yawí Manigʉ̃ cʉ̃cã ñucametʉagʉ nirẽre Jesucristomenape marĩrẽ ĩñamasĩrã eañerõcã tigʉ.#Gn 1:3; Is 9:2; 2Pe 1:3, 19; Jn 1:14; 3:3, 7; 8:12; 2Co 3:7.
Ñañarõ cametʉare watoa nicapetacã Jesucristore wedewõrẽ cʉorucũmocãrẽ
7Tie ñucametʉanʉcãrẽ wapacʉtirera ña Manigʉ̃cã cʉ̃ye mama ñurẽ quetire wededotigʉ cʉ̃cã ʉ̃sãrẽ wiyoriguere ʉ̃sãcã ʉ̃sãye ũpʉ̃rĩ dimena weyoriaparʉ pajarera abiro nirĩũpʉ̃rĩpʉ ʉ̃sãcã cʉore. Abiro niñerõcãrã ʉ̃sãcã cʉ̃ye mama quetire wedeñerõcã basoca “tie queticã tutuare cʉore Manigʉ̃menarã wati” ĩ masĩwã. Ʉ̃sãmenapere dimena weyoriaparʉ pajarara abiro nirãmenapere “tie queticã tutuare cʉore watiheri” ĩ masĩwã.#1Co 2:5; 2Co 5:1. 8Tiwãmerã ãpẽrãcã ʉ̃sãrẽ Manigʉ̃ye wederere pitiñerõcã tirugaremena ʉ̃sãrẽ paje ñañarẽ cametʉañerõcã ticapetacãrã, ʉ̃sã wãcũpasʉtiheri. Wãcũpasʉtiracã Manigʉ̃ marĩrẽ titamuherigawi; tairo tira tocãrõrã tidumocãrãda ĩheri.#2Co 1:8; 7:5. 9Basocacã ʉ̃sãrẽ ñañarõ tirugara quetatucapetacãrã Manigʉ̃pe ʉ̃sãrẽ ʉ̃sã wadore cũcõãheriwi. Ʉ̃sãrẽ cʉ̃jã apewatoare bʉtoro dotenedocacũcaperacãrã ʉ̃sãrẽ icãta sĩãcõãmasĩheriwa.#Sal 37:24; Jn 15:20; Heb 13:5. 10Ʉ̃sãcã no waro Jesucristocã ñañarõ cametʉariarora abirora ʉ̃sãcã ñañarõ cametʉa. Ʉ̃sãcã cʉ̃rẽ queoro yʉquetatureye wapamenarã ʉ̃sãye catirepʉrena sĩworiaro cuwioro bicã. Ʉ̃sãcã tora abiro cʉ̃yere tiremenarã Jesucristo ʉ̃sãpʉmenarã cʉ̃ye catirere cʉ̃cã niriawãmerã abiro nirẽrẽ eñowĩ.#Ro 8:17, 36; 1Co 15:31; Ga 6:17; Flp 3:10; Col 1:24. 11Merẽ ʉ̃sã ʉ̃sãcã catiribʉrecorijoropʉare ʉ̃sãcã catiro apõtĩõrõcãrõ Jesúye quetire wedereye wapamenarã sĩãcõãyoriaro cuwioro bira ya. Ʉ̃sãcã tairo biñerõcãrã Jesucristope cõwõãriarare catirere cʉora eañerõcã timasĩgʉ̃pe ʉ̃sãpʉmenarã ʉ̃sãcã cõwõãtiũpʉ̃rĩ cʉocapetacãrã cʉ̃ye catirere cʉ̃cã niriawãmerã abiro nirẽrẽ basocare atiditapʉre masĩrã eañerõcã yawí.#Ro 8:36; 1Co 15:31. 12Tora abiriwãme ʉ̃sãpere sĩwõrõpʉto nirõ eacapetacãrã mʉjãpe catire petiherere cʉorucũrã eara ya ʉ̃sãcã mʉjãrẽ tiewatoarena Jesucristoye quetire buerucũrẽye wapamenarã.#2Co 13:9. 13Manigʉ̃ye wederucũrẽrẽ ojayoriapũpʉ abiro ojayorigue ña: «Yʉ wedewõrẽ cʉogʉ eawʉ; tairo tigʉ cʉ̃yere wedewʉ» ĩ. Ʉ̃sãcã tiwãmerã cʉ̃rẽ wedewõrẽ cʉora eawʉ; tairo tira ʉ̃sã cʉ̃yerena wedera ya.#Sal 116:10; Ro 1:12. 14Ʉ̃sã atiere masĩnirã tairo ya. Manigʉ̃ Jesucristore cʉ̃cã cõwõãriasiropʉrena masõrigʉ niwĩ. Tairo tigʉ marĩcãrẽ cʉ̃menarã cʉ̃cã cʉ̃rẽ masõriarora abirora marĩcãrẽ marĩcã anorẽ cõwõãriasiropʉcãrẽ marĩ nipetirare cʉ̃rẽ wedewõrã eariaranorẽ masõgʉagawi. Tairo tinigʉ̃ ʉ̃sãrẽ, mʉjãrẽ ĩcãrõrã cʉ̃ cʉtiropʉ newagʉagagawi.#Ro 8:11; 1Co 6:14; 15:20; 1Ts 4:14. 15Tairo tira ʉ̃sã mʉjãye maquẽ niãtere tirara ʉ̃sã nipetirere ñañarõ cametʉara ya. Pajʉ ãpẽrãcã ʉ̃sãcã wederere tʉora Manigʉ̃cã Jesúmena ñucametʉaro tirere masĩrã eañerõcã borara tairo ya. Tiemenarã pajʉ ãpẽrãcãrẽ õpe tiere tʉosesawʉmʉãrãrẽ Manigʉ̃rẽ ʉseare nʉnirã “mʉ ñucametʉasugʉ ña” ĩrã eatora abiro. ¡Tiera nipetire cʉ̃ye ñucametʉare nirẽ eatora abiro!#1Co 3:21. 16Tairo tira ʉ̃sã sʉtiro manirõrã tocãrõrã tidumocãrãda ĩherara atie quetire basocare wederucũmocã. Bʉtoa wanirã õpe ʉ̃sãye ũpʉ̃ maquẽ tutuarecã petiwʉmʉãcapetacãrã Manigʉ̃pe ʉ̃sãrẽ bʉrecoricãrõ ʉ̃sãye yeripũnarĩpʉpʉare õpe tutuara, wãcũtutuarara ninemorã eañerõcã yawí.#Ro 7:22; Col 3:10. 17Tairo tira ʉ̃sã atibʉrecopʉre ʉ̃sãcã anorã abiro ñañacametʉaro posaremenarã Manigʉ̃cã ʉ̃sãrẽ siropʉre tiatere abiro wãcũ: “marĩcã atibʉrecopʉre ñañarõ posare nocãrõgãmerã petiate ña. Yoariwatoa nirucũheriga. Buri atieye wapamenarã Manigʉ̃cã ñurõ tiate icãta petiheriga, tiesotoajoro pairojoro ñeno dʉsaro manirõ ñucametʉaro nirucũrã eañerõcã tiatera nirõãcu” ĩ wãcũ ʉ̃sã.#Ro 8:18; 1Pe 1:6-7; 5:10; Heb 12:11. 18Marĩcʉorore ʉ̃sã atibʉreco warepere, marĩcã ĩñarẽpere ĩñanirã wãcũnʉnʉheri; merẽ tie nocãrõgãmerã petiate wado ña. Buripe ʉmʉãwesepʉ marĩcã niãte maquẽpere, marĩcã ĩñaherepere wãcũnʉnʉ. Marĩcʉorore marĩcʉ̃ marĩ tiere ñurõ masĩheri; buri topʉre tairo catirucũmocãrõãcu ĩrẽpʉare ñucametʉaro masĩ.#Ro 8:24; Heb 11:1, 3.
Currently Selected:
2 Corintios 4: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
2 Corintios 4
4
Jesucristoye quetire wederibasoca
1Tairo tira Manigʉ̃cã cʉ̃ye bopacaĩñarẽmenarã cʉ̃ye ñurẽ quetire padedeana cʉ̃cã cũyoriara ninirãrã icãta sʉtiro manirõrã tocãrõrã tidumocãrãda ĩherara basocare wederucũmocã.#2Co 3:6. 2Ʉ̃sã tiere binirãrã nipetire dairo nirẽ yajioropʉ bobore tirenorẽ boheripeticõãmocã. Ʉ̃sã basocare tiritorugariwãmemenape icãta bueheri, tairora basocare ĩritorugara Manigʉ̃ye quetire niheriwãmepe bueheri. Buripe Manigʉ̃cã ĩñacorore cʉ̃ye quetire wasoaro manirõrã tiecã diamacã maquẽ nirĩwãmerã bue; nipetira “ʉ̃sãrẽ queorora buewa” ĩ tʉoiñatora abiro.#2Co 2:17; 1Ts 2:5. 3Buri ʉ̃sacã Jesucristocã basocare cametʉore quetire wedecapetacãrã Manigʉ̃cã ñañarõ biditiñerõcã tiyoanapʉare atie ʉ̃sãcã wederere icãta tʉomasĩheriwa ĩcãcaseronomena acutayorera abiro. Cʉ̃jã atiere icãta tʉomasĩheriwa.#1Co 1:18; 2Co 2:12; 3:14. 4Cʉ̃jãcã tora abiro tiere ñurõ tʉomasĩ wedewõhereye wapara atibʉreco macãrãya manigʉ̃ wãtĩã nirũpʉ̃ cʉ̃jãrẽ tʉomasĩhera, caperi ĩñabʉaherara abiro pʉtʉara eañerõcã yawí, cʉ̃jãrẽ Jesucristo ñucametʉa nirẽrẽ basocare cametʉogʉye queti ñurõ bowe asibaterere, cʉ̃ Jesucristora Manigʉ̃cã nirĩwãmerã abiro nigʉ̃rẽna icãta tʉomasĩmasĩherijomocãrã nirã earo ĩgʉ̃.#Jn 1:18; 12:31; Col 1:15; Ga 1:4; Heb 1:3; 1Jn 3:2. 5Ʉ̃sã Jesucristoye quetire wedera ʉ̃sãbasurupe ʉ̃sãye quetire wedeheramerã ya. Jesucristoyepere “cʉ̃rã marĩ Nirũpʉ̃ ñawĩ, cʉ̃rẽ wedewõrõ bo” ĩrẽpere wede. Ʉ̃sãpʉa mʉjãrẽ padedebosaribasocara nirã ya, Jesucristore maĩrẽ cʉonirã.#1Co 1:13, 23; 9:19; 12:3; Flp 2:11; Hch 2:36; Ro 10:9. 6Merẽ cʉ̃ Manigʉ̃rã mamarõpʉcãrẽ nipetiro atiditaro naĩtĩãrõ nirĩwatoapʉcãrẽ cʉ̃cã “bowere niãña” ĩrẽmenarã bowerere niãñerõcã tirigʉra cʉ̃cã tairo tiriarora abirora marĩrẽ marĩye yeripũnarĩpʉre bowere niãrora abiro ñurõ tʉomasĩrã nirã eañerõcã yawí Manigʉ̃ cʉ̃cã ñucametʉagʉ nirẽre Jesucristomenape marĩrẽ ĩñamasĩrã eañerõcã tigʉ.#Gn 1:3; Is 9:2; 2Pe 1:3, 19; Jn 1:14; 3:3, 7; 8:12; 2Co 3:7.
Ñañarõ cametʉare watoa nicapetacã Jesucristore wedewõrẽ cʉorucũmocãrẽ
7Tie ñucametʉanʉcãrẽ wapacʉtirera ña Manigʉ̃cã cʉ̃ye mama ñurẽ quetire wededotigʉ cʉ̃cã ʉ̃sãrẽ wiyoriguere ʉ̃sãcã ʉ̃sãye ũpʉ̃rĩ dimena weyoriaparʉ pajarera abiro nirĩũpʉ̃rĩpʉ ʉ̃sãcã cʉore. Abiro niñerõcãrã ʉ̃sãcã cʉ̃ye mama quetire wedeñerõcã basoca “tie queticã tutuare cʉore Manigʉ̃menarã wati” ĩ masĩwã. Ʉ̃sãmenapere dimena weyoriaparʉ pajarara abiro nirãmenapere “tie queticã tutuare cʉore watiheri” ĩ masĩwã.#1Co 2:5; 2Co 5:1. 8Tiwãmerã ãpẽrãcã ʉ̃sãrẽ Manigʉ̃ye wederere pitiñerõcã tirugaremena ʉ̃sãrẽ paje ñañarẽ cametʉañerõcã ticapetacãrã, ʉ̃sã wãcũpasʉtiheri. Wãcũpasʉtiracã Manigʉ̃ marĩrẽ titamuherigawi; tairo tira tocãrõrã tidumocãrãda ĩheri.#2Co 1:8; 7:5. 9Basocacã ʉ̃sãrẽ ñañarõ tirugara quetatucapetacãrã Manigʉ̃pe ʉ̃sãrẽ ʉ̃sã wadore cũcõãheriwi. Ʉ̃sãrẽ cʉ̃jã apewatoare bʉtoro dotenedocacũcaperacãrã ʉ̃sãrẽ icãta sĩãcõãmasĩheriwa.#Sal 37:24; Jn 15:20; Heb 13:5. 10Ʉ̃sãcã no waro Jesucristocã ñañarõ cametʉariarora abirora ʉ̃sãcã ñañarõ cametʉa. Ʉ̃sãcã cʉ̃rẽ queoro yʉquetatureye wapamenarã ʉ̃sãye catirepʉrena sĩworiaro cuwioro bicã. Ʉ̃sãcã tora abiro cʉ̃yere tiremenarã Jesucristo ʉ̃sãpʉmenarã cʉ̃ye catirere cʉ̃cã niriawãmerã abiro nirẽrẽ eñowĩ.#Ro 8:17, 36; 1Co 15:31; Ga 6:17; Flp 3:10; Col 1:24. 11Merẽ ʉ̃sã ʉ̃sãcã catiribʉrecorijoropʉare ʉ̃sãcã catiro apõtĩõrõcãrõ Jesúye quetire wedereye wapamenarã sĩãcõãyoriaro cuwioro bira ya. Ʉ̃sãcã tairo biñerõcãrã Jesucristope cõwõãriarare catirere cʉora eañerõcã timasĩgʉ̃pe ʉ̃sãpʉmenarã ʉ̃sãcã cõwõãtiũpʉ̃rĩ cʉocapetacãrã cʉ̃ye catirere cʉ̃cã niriawãmerã abiro nirẽrẽ basocare atiditapʉre masĩrã eañerõcã yawí.#Ro 8:36; 1Co 15:31. 12Tora abiriwãme ʉ̃sãpere sĩwõrõpʉto nirõ eacapetacãrã mʉjãpe catire petiherere cʉorucũrã eara ya ʉ̃sãcã mʉjãrẽ tiewatoarena Jesucristoye quetire buerucũrẽye wapamenarã.#2Co 13:9. 13Manigʉ̃ye wederucũrẽrẽ ojayoriapũpʉ abiro ojayorigue ña: «Yʉ wedewõrẽ cʉogʉ eawʉ; tairo tigʉ cʉ̃yere wedewʉ» ĩ. Ʉ̃sãcã tiwãmerã cʉ̃rẽ wedewõrẽ cʉora eawʉ; tairo tira ʉ̃sã cʉ̃yerena wedera ya.#Sal 116:10; Ro 1:12. 14Ʉ̃sã atiere masĩnirã tairo ya. Manigʉ̃ Jesucristore cʉ̃cã cõwõãriasiropʉrena masõrigʉ niwĩ. Tairo tigʉ marĩcãrẽ cʉ̃menarã cʉ̃cã cʉ̃rẽ masõriarora abirora marĩcãrẽ marĩcã anorẽ cõwõãriasiropʉcãrẽ marĩ nipetirare cʉ̃rẽ wedewõrã eariaranorẽ masõgʉagawi. Tairo tinigʉ̃ ʉ̃sãrẽ, mʉjãrẽ ĩcãrõrã cʉ̃ cʉtiropʉ newagʉagagawi.#Ro 8:11; 1Co 6:14; 15:20; 1Ts 4:14. 15Tairo tira ʉ̃sã mʉjãye maquẽ niãtere tirara ʉ̃sã nipetirere ñañarõ cametʉara ya. Pajʉ ãpẽrãcã ʉ̃sãcã wederere tʉora Manigʉ̃cã Jesúmena ñucametʉaro tirere masĩrã eañerõcã borara tairo ya. Tiemenarã pajʉ ãpẽrãcãrẽ õpe tiere tʉosesawʉmʉãrãrẽ Manigʉ̃rẽ ʉseare nʉnirã “mʉ ñucametʉasugʉ ña” ĩrã eatora abiro. ¡Tiera nipetire cʉ̃ye ñucametʉare nirẽ eatora abiro!#1Co 3:21. 16Tairo tira ʉ̃sã sʉtiro manirõrã tocãrõrã tidumocãrãda ĩherara atie quetire basocare wederucũmocã. Bʉtoa wanirã õpe ʉ̃sãye ũpʉ̃ maquẽ tutuarecã petiwʉmʉãcapetacãrã Manigʉ̃pe ʉ̃sãrẽ bʉrecoricãrõ ʉ̃sãye yeripũnarĩpʉpʉare õpe tutuara, wãcũtutuarara ninemorã eañerõcã yawí.#Ro 7:22; Col 3:10. 17Tairo tira ʉ̃sã atibʉrecopʉre ʉ̃sãcã anorã abiro ñañacametʉaro posaremenarã Manigʉ̃cã ʉ̃sãrẽ siropʉre tiatere abiro wãcũ: “marĩcã atibʉrecopʉre ñañarõ posare nocãrõgãmerã petiate ña. Yoariwatoa nirucũheriga. Buri atieye wapamenarã Manigʉ̃cã ñurõ tiate icãta petiheriga, tiesotoajoro pairojoro ñeno dʉsaro manirõ ñucametʉaro nirucũrã eañerõcã tiatera nirõãcu” ĩ wãcũ ʉ̃sã.#Ro 8:18; 1Pe 1:6-7; 5:10; Heb 12:11. 18Marĩcʉorore ʉ̃sã atibʉreco warepere, marĩcã ĩñarẽpere ĩñanirã wãcũnʉnʉheri; merẽ tie nocãrõgãmerã petiate wado ña. Buripe ʉmʉãwesepʉ marĩcã niãte maquẽpere, marĩcã ĩñaherepere wãcũnʉnʉ. Marĩcʉorore marĩcʉ̃ marĩ tiere ñurõ masĩheri; buri topʉre tairo catirucũmocãrõãcu ĩrẽpʉare ñucametʉaro masĩ.#Ro 8:24; Heb 11:1, 3.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.