2 Corintios 11
11
Pablocã ĩritoremena bueribasocaye maquẽrẽ wedere
1Mʉjã ãpẽrãmañurẽ cʉ̃jãbasurupera “ʉ̃sã ñurõ tira ña” ĩrãmañurẽ mʉjã ñurõ tʉo. Tairo tira marĩcʉorore niñayoribasocʉra abiro yʉcã yaye maquẽrẽ mʉjãrẽ wede ojacorere, mʉjã tiere buera pẽrõ yʉre tʉo nʉcãmocãña.#2Co 5:13. 2Yʉ mʉjãrẽ tora abiro yʉre pẽrõ nʉcãmocãña ĩgʉ̃ ya; merẽ yʉcã mʉjãrẽ dowe tʉoiñarẽ tie dowere Manigʉ̃mena watirera ña. Yʉ mʉjãrẽ ĩcʉ̃menarã manʉcʉtianarã abiro tisiawʉ; cʉ̃rã ñawĩ Jesucristo. Yʉcã cʉ̃yere wedeñerõcã tʉora mʉjã cʉ̃rẽ wedewõwʉ̃. Tairo tigʉ mʉjãrẽ ĩcõ nomiõ manʉcʉtigodago icãta ñañarẽ cʉohego ʉmʉmena niñahegora abiro nirã eañerõcã tinigʉ̃ cʉ̃ Jesucristopʉre wiyorugagʉ ya.#Os 2:19; 2Co 4:14; Ef 5:25-27; Ap 19:7; 21:2, 9. 3Buri tairo bocapeicã ãñacã cʉ̃ye ĩritomemarẽmenarã Evare ĩritoriaronorã abiro mʉjãcãrẽ ĩritoyora eabogawa ĩgʉ̃ bʉtoro cuisãgʉ̃ cati. Cʉ̃cã tiriarora abirora ãpẽrãcã cʉ̃jãcã ĩritomemarẽmenarã mʉjãrẽ bue ĩritora eañerõcã mʉjã tiere tʉo ĩritoyora earara mʉjãcã Jesucristoye wadorena wãcũ tirugariguere, cʉ̃ye dotire wadorena yʉrugariguere piticõãmocãrã earoacu.#Gn 3:4; Jn 8:44; 1Tm 2:14. 4Buri mʉjã, dairo nirã ĩritoremena bueribasoca mʉjã cʉtiropʉ eanirã no ãpĩ Jesucristoyere buera eañerõcã mʉjã cʉ̃jãrẽ ñurõ tʉo. Cʉ̃jãcã, ʉ̃sãcã mʉjãrẽ bueyogʉ Jesucristoyepere bueriawãmepe queoro bueherara merĩãwãmepe buecapetacãrã. Mʉjã ʉ̃sãcã Jesucristoye quetire bueñerõcã tiere tʉo wedewõrã eara Espíritu Santore ñerã eawʉ. Buri marĩcʉoropere cʉ̃jãcã ĩritoremenape buerere tʉora ãpĩ espíriture ñerã ya. Ĩñerõcã tairora ʉ̃sãcã mʉjãrẽ mamarõpʉ Manigʉ̃cã Jesucristomena basocare cametʉore quetire wederere mʉjãcã tʉo wedewõrã earigue quetimerẽna tʉora ya; apeye quetipʉre tʉora ya.#1Co 3:11; Ro 8:15; Ga 1:6-8. 5Ĩñerõcã yʉ apeyere “ʉ̃sãpe doca ña Jesucristocã cʉ̃yere buedotigʉ cũyoriarasotoapere nijomocãrã” ĩ wãcũpãmãrãrẽ, cʉ̃jãrẽ ñenojoromenacãrẽ tigʉ “yʉ cʉ̃jã docasãñurõ nigʉ̃ ña” ĩ pẽrõgãno icãta tʉoiñamasĩherijomocã.#2Co 12:11; Ga 2:6. 6Yʉ cʉ̃jãrã abiro nipetira tʉocoropʉre ñurõ wederucũmemahericapeicãrã cʉ̃jãsotoape Manigʉ̃yepere ñucametʉaro ĩñamasĩgʉ̃rã nigʉ̃ ya. Merẽ tie maquẽrẽ ʉ̃sãcã ñucametʉaro ĩñamasĩrẽrẽna ʉ̃sãcã cʉ̃ye nipetirere tirucũrẽmenarã mʉjãrẽ tiere bue ñurĩwãme eñosiawʉ.#1Co 1:17; 2:6-10; 2Co 4:2; Ef 3:4. 7Yʉ mʉjãrẽ Manigʉ̃cã Jesucristomena basocare cametʉore quetire wedegʉ yʉcã tiere wedere wapare mʉjãrẽ pẽrõgãno niyeru wapaseheriwʉ. Buripe buri nigʉ̃rã abiro nigʉ̃ eanigʉ̃ padede wapata yawʉ, mʉjãrẽ tie cametʉore quetire masĩrã eañerõcã bosãgʉ̃. ¿Mʉjãcã tʉoiñañerõcãpere yʉ tairo tigʉ ñañarõ tigʉ tiyuri?#1Co 9:18; 2Co 12:13; Hch 18:1-4; 20:33-35. 8Yʉ ñañarõ tigʉmerã tiwʉ. Ãpẽrã Jesúre wedewõrĩbumacãrã mʉjãrẽ buearo ĩrã yʉre titamurã niyeru nʉnirẽrẽ yʉcã ñerẽmenarã mʉjãrẽ titamugʉ̃ eawʉ.#Flp 4:15-18. 9Yʉ mʉjã watoapʉ nigʉ̃ eagʉ yʉre apeyeno dʉsarere wapatirugagʉ icãta ĩcʉ̃norẽ yʉre titamugʉ̃ niyeru nʉniña ĩ sãĩpatacõherijomocãwʉ̃. Marĩyara Jesúre wedewõrã Macedonia dita macãrã doca yʉre yʉcã borere titamurã niyeru nejeawa. Tairo tigʉ mʉjãrẽ yʉre titamurã niyeru nʉniña ĩ patacõheriwʉ; siropʉcãrẽ tairora icãta sãĩpatacõhegʉra yapaticogʉacu.#Hch 18:5; 2Co 12:13-14; Flp 4:15. 10Jesucristoye diamacã maquẽ ĩrẽ nirõrã yʉpʉrena nirĩwãmerã yʉcã tiere queorora ĩñamasĩrĩwãmerã diamacãrã yʉcã “yʉ mʉjãrẽ pẽrõgãno niyerure sãĩpatãcõmocã tiheriwʉ” ĩ wedegʉ ya. Atiere yʉcã mʉjãrẽ tairora tiwʉ ĩ wedetutuacumurẽrẽ icãta ĩcʉ̃no Acaya ditamacʉ̃no “Pablo cʉ̃cã tiere buere wapare niyeru wapasewi; tairo ĩmocãgʉ̃ yawí” ĩmasĩherigawa.#Ro 9:1; 1Co 9:15. 11Yʉ anorã abiro mʉjãrẽ sãĩheriwʉ ĩ wedegʉ mʉjãrẽ boherimocã tigʉmerã ya. ¡Yʉcã mʉjãrẽ bʉtoro maĩ bocametʉarere merẽ Manigʉ̃rã ñurõ masĩwĩ!#2Co 6:11; 7:3; 12:15. 12Buri yʉpe mʉjãrẽ patacõhegʉra yʉcã tirucũrõrã abirora icãta mʉjãye niyerure ñerõ manirõmenarã yʉcã tigʉda ĩrẽrẽ tiwʉmʉãrucũmocãgʉ̃da. Ʉ̃sãcã tora abiro tiremenarã cʉ̃jã ĩritoremena bueribasocare mʉjãrẽ buere wapamenarã niyeru wapatarugaribasocare “ʉ̃sãcã Jesúcã buedotigʉ cũyoriara ĩcãrõpera nirã ya” ĩpãmarugaranorẽ tairo bimequẽderibasocara pʉtʉara eañerõcã tiroacu. Ʉ̃sãpe cʉ̃jãrã abiro wapatarugaheri. Tairo tira cʉ̃jã “ʉ̃sãcã Pablojãrã abirora tira ya” ĩ pẽrõgãno wederucũboyemasĩherigawa.#1Co 9:12. 13Merẽ cʉ̃jã Jesúcã buedotigʉ beseyoriarara ña ĩcãperacãrã queorojoropʉare cʉ̃jãmerã tairo ĩpãmarĩbasoca ñawã. Cʉ̃jã ĩritoribasoca Jesucristocã buedotigʉ cũyoriarara abiro bauritoribasoca ñawã.#Hch 15:24; Ga 1:7; 6:12; Flp 3:2; Tit 1:10-11; 2Pe 2:1; Ap 2:2. 14Cʉ̃jãcã tairo tirere ¿dairo tira tairo yari? ĩmasĩñamani. Merẽ wãtĩã nirũpʉ̃pʉra Manigʉ̃rẽ wedecoteribasocʉ ñugʉ̃rã abiro bauritoicãwĩ basocare cʉ̃cã ĩritorere “diamacãrã ña” ĩ wãcũñerõcã tirugagʉ.#Ga 1:8. 15Tairo tira ĩritoremena bueribasoca wãtĩrẽ padedecoteribasoca ninirã cʉ̃cã tirecʉtirora abirora bauritoicãwã ñañarã nicaperacãrã cʉ̃jãcã ĩritoremena basocare “Manigʉ̃rẽ padedecotera ñawã, ñurẽrẽ tira ñawã” ĩñerõcã tirugara. Buri cʉ̃jãrã siropʉre marĩcʉ̃ marĩcʉoropʉare basocacã cʉ̃jãrẽ “ñurẽrẽ tira ñawã” ĩ wãcũcapetacãrã nipetire cʉ̃jãcã ñañarẽ tirigue wapamenarã Manigʉ̃rẽ ñañarõ ticõãyoroagawa.#2Co 3:9; Flp 3:19.
Pablocã Jesucristora cʉ̃ye quetire bueribasocʉ niãcʉ cũyorigʉ ninigʉ̃ ñañarõ cametʉa bʉtoro posarigue
16Tamʉ yʉ yʉcã mamarõpʉ ĩãriarora abirora upatutira mʉjãrẽ abiro ĩnemogʉ̃da: Icãta ĩcʉ̃no mʉjã yʉre “cʉ̃ niñayo mawisigʉ yawí” ĩ wãcũherimocãña. Buri tora abiro yʉre wãcũrãnopʉa topʉare ãpẽrã niñayoribasocacã cʉ̃jãye maquẽ wadorena mʉjãrẽ wedeñerõcã cʉ̃jãrẽ mʉjãcã tʉorora abirora yʉcãrẽ mʉjã pẽrõ tʉomocãña. Yʉcã yaye maquẽrẽ yʉcã tirere mʉjãrẽ wederemenarã “yʉcã ticametʉasu” ĩ yʉbasurupe yʉcã pẽrõ tʉoiñaboyegʉra niãtora abiro.#2Co 12:6. 17Buri yʉcã anorã abiriwãme yaye maquẽrẽ pẽrõ wederucũboyere marĩ Nirũpʉ̃mena watiremerã ña; buripe niñayoribasocʉnocã tireno peña.#Hch 9:24-25; 1Co 7:6; 12:25. 18Merẽ pajʉ mʉjãrẽ bueribasoca atibʉreco maquẽpe wadorena wãcũrucũcaperacãrã cʉ̃jãcã tirere “ʉ̃sã ñurẽrẽ tirecʉtira ña” ĩboye wederucũwã. Tairo tigʉ yʉcã cʉ̃jãrã abirora yaye maquẽrẽ yʉcã tirere “yʉcã ñurẽrẽ tigʉra nigʉ̃ ya” ĩboye wederucũgʉ̃da.#Flp 3:3-4. 19Mʉjã mʉjãbasurupera masĩcametʉara ña ĩribasoca nicaperacãrã niñayoribasocara abiro wederucũ bueribasocapere cʉ̃jãcã wederere cajiaro manirõmena ñurõpʉra tʉomocã, cʉ̃jãcã tirecʉtirere nʉcãmasĩrã ña. 20Mʉjã mʉjãrẽ dotieperibasocare tirara abiro tiribasocapʉrena, cʉ̃jãye maquẽrẽ tiñerõcã bora ʉmʉã cʉoeperibasocapʉrena ĩritoremena, cʉ̃jãpe mʉjãsotoare nirã tʉoiñanirã mʉjãpere buri nirãrã abiro ĩñacõãrĩbasocapʉrena, mʉjãrẽ boboro wañerõcã tirugara mʉjãye wasopãnarĩrẽ paribasocapʉrena mʉjã ñurõ nʉcãrucũmocã. Tie mʉjãcã tairo tire icãta ñuherijomocãrẽ ña.#Ga 5:1; Mc 12:40. 21Merẽ ʉ̃sãpʉa mʉjãrẽ cʉ̃jãrã abiro tutuariwãmemena ñañarõ tirono tira mʉjãmenarẽ ʉ̃sã tutuaheriwãmemenape ñurõ ʉsearomena nirã eawʉ. ¡Tairo tira tora abire mʉjãrẽ tira eaheririara ninirã icãta bobo tʉoiñarẽ cʉoro manirõ nirã ya! Buri ano docare ãpẽrãcã cʉ̃jãbasurupera cʉ̃jãye maquẽrẽna “ʉ̃sã abiro nirã ninirã abiro tira ya” ĩpãma wederucũboyeronorã yʉcã tiwãmerã yaye maquẽrẽ yʉcã tirere wederucũboyemasĩgʉ̃rã nigʉ̃ ya; niñayogʉra abiro wederucũrẽ nimocãpetacãrã.#2Co 10:10; Flp 3:4. 22Cʉ̃jã hebreo basoca ña ĩgawa; cʉ̃jãcã tairo ĩboyerora abirora yʉcã cʉ̃jãrã abirora hebreo basocʉra nigʉ̃ ya. Cʉ̃jã Israelyabumacãrãrã ña ĩgawa; yʉcã cʉ̃jãcã tairo ĩboyerora abirora Israelyabumacʉ̃rã nigʉ̃ ya. Cʉ̃jã Abraham pãrãmerã ña ĩgawa; yʉcã cʉ̃jãcã tairo ĩboyerora abirora Abraham pãrãmirã nigʉ̃ ya.#Hch 6:1; 22:3-5; 26:4-5; Ro 2:28-29; 9:4; 11:1; 1Co 12:13; Flp 3:5-6; Ga 3:28-29; Ef 2:11-18; Col 3:11. 23Cʉ̃jã Jesucristore padedecoteribasocajoro nirã ya ĩgawa; cʉ̃jãcã tairo ĩboyerora abirora yʉpe doca cʉ̃jãsotoape ñucametʉaro yʉcã Jesucristore padedecoterere ticametʉanigʉ̃ Jesucristore padedecoteribasocʉjorora nigʉ̃ ya; buri yʉ anorã abiro wederucũgʉ̃rã ĩcʉ̃ niñayoribasocʉra abiro wederucũgʉ̃ tigʉ cati. Yʉpe doca Jesucristoyere tigʉ cʉ̃jãsotoapere padedecametʉonʉcõgʉ̃rã bi. Yʉpe doca yʉcã Jesucristoye quetire wedere wapa cʉ̃jãsotoape pajerijoro peresupʉ sone biadopoyogʉ bi; tairora yʉpe doca cʉ̃jãsotoapera yʉcã Jesucristore wedewõrẽ cʉore wapara pajeri bapeyogʉ nigʉ̃ ya. Ĩñerõcã yʉpe doca cʉ̃jãsotoapere pajeri ya catirere sĩãyogʉpʉra bigʉ ña Jesucristore padedecotereye wapamena.#Hch 16:23; 1Co 15:10; 2Co 6:5. 24Ĩcãõpʉcʉ̃ñejoro yʉre judío basoca nirũpãrã ñewã; cʉ̃jãcã yʉre ñerẽcãrõ treinta y nueverijoro yʉre bapeicãwã.#Dt 25:3. 25Itiãrĩjoro nirũpãrã Roma macãrã yʉre ñe yucʉmena pawa. Ĩcãrĩ yʉre ʉ̃tãperĩmena basoca docawa yʉre docasĩãrugara. Itiãrĩ yʉcã ware doriacũmuãrĩpʉre miniwʉ̃; ĩcãrĩ minigʉ̃ ĩcãbʉreco, ĩcãñami taboapĩsotoa pairiyare bapasawʉ.#Hch 9:30; 11:26; 13:4, 13; 14:9, 19-20, 25-26; 16:2, 11; 17:14; 18:18-19, 21-22; 27:39-44. 26Yʉ macãrĩpʉre pajeri buewonogʉ̃ warigʉ nigʉ̃ ya. Diyarire tĩãwarucũgʉ̃ mini cõwõãriarocuwioro cametʉawʉ. Tairora yajaribasoca watoare, ya wedera judío basoca watoare, judío basoca nihera watoacãrẽ yʉ cuwioro biwõnowʉ̃. Tairo ĩñerõcã macãpʉcãrẽ, basoca pẽrãgã nirẽpʉcãrẽ, dia pairiyapʉcãrẽ yʉ cuwiorojoro camesãgʉ̃ earigʉra nigʉ̃ ya. “Jesúre wedewõrãrã ña” ĩritoribasoca watoacãrẽ tairora cuwiororena bicamesãgʉ̃ eawʉ.#Hch 9:23; 13:50; 14:5; 20:3; 21:31; Ga 2:4. 27Yʉ Jesucristoyere padedegʉ yoariwatoa sʉticametʉagʉpʉra padededugʉ eaicã. Ĩñerõcã yʉre paje ñañarẽ wisiore biro eaicã. Tairo bigʉ apewatoare paje ñamiripʉra icãta canihegʉ nigʉ̃ eaicã. Yʉ apewatoare ʉaboaremena, ñemesipioyogʉ sĩnirugaremena ñañarõ cametʉagʉ eaicã. Pajeripʉra apewatoare icãta yahegʉ nigʉ̃ eaicã. Yʉsʉare bʉgʉ bʉtoro ñañarõ posagʉ nigʉ̃ eaicã; sutironogã yʉre dʉsañerõcã.#1Co 4:11; 2Co 6:5; 1Ts 2:9. 28Atiedocamenarã ĩñerõcã apeye paje watoa nimocãcapetacãrã bʉrecoricãrõ Jesúre wedewõrĩbumacãrãrẽ nipetiropʉ nirãrẽ yʉcã cʉ̃jãrẽ bʉtoro wãcũrẽcʉtirere yʉ icãta pitiherijomocã. 29No ĩcʉ̃nocã Jesúre wedewõtutuahegʉ niñerõcã yʉcã cʉ̃rã abiro tʉoiña, titamurugagʉ. Ĩcʉ̃nocã Jesucristore wedewõgʉ̃rẽ ñañarẽ ticumuñerõcã tiñerõcã ʉ̃sã cʉ̃mena tairo tigʉnomena cua.#1Co 9:22. 30Yʉ yaye maquẽperena wederucũboyerono tigʉ; buripe yʉre “basocacã tutuahegʉ ñawĩ” ĩrẽpere yʉ wederucũboyegʉ nigʉ̃da.#1Co 2:3; 2Co 12:5. 31Merẽ Manigʉ̃ marĩ Nirũpʉ̃ Jesucristo Pacʉra tairo basapeorucũyobogʉra yʉcã mʉjãrẽ wederucũrẽrẽ “queorora ĩgʉ̃ yawí” ĩ masĩwĩ.#Ro 9:5; Ga 1:20. 32Yʉcã Damascopʉ nigʉ̃ eariwatoare nirũpʉ̃ Aretas cʉ̃ doca macʉ̃ dotigʉre timacã witiware sopepʉtoripʉre cote ĩñanʉõdotigʉ surarare cũdotirigʉ niwĩ yʉre ñedotigʉdagʉ.#Hch 9:24-25. 33Buri bigʉpʉa yʉre ñañarõ tirugarere yʉ duti camewitimocãgʉ̃ eawʉ. Merẽ yʉmenamacãrãrã yʉre pipʉ sãnirã timacãrẽ wecamewõnoãriatʉropʉ nirĩsopegãpʉ yʉre necametʉodujiocowa.
Currently Selected:
2 Corintios 11: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
2 Corintios 11
11
Pablocã ĩritoremena bueribasocaye maquẽrẽ wedere
1Mʉjã ãpẽrãmañurẽ cʉ̃jãbasurupera “ʉ̃sã ñurõ tira ña” ĩrãmañurẽ mʉjã ñurõ tʉo. Tairo tira marĩcʉorore niñayoribasocʉra abiro yʉcã yaye maquẽrẽ mʉjãrẽ wede ojacorere, mʉjã tiere buera pẽrõ yʉre tʉo nʉcãmocãña.#2Co 5:13. 2Yʉ mʉjãrẽ tora abiro yʉre pẽrõ nʉcãmocãña ĩgʉ̃ ya; merẽ yʉcã mʉjãrẽ dowe tʉoiñarẽ tie dowere Manigʉ̃mena watirera ña. Yʉ mʉjãrẽ ĩcʉ̃menarã manʉcʉtianarã abiro tisiawʉ; cʉ̃rã ñawĩ Jesucristo. Yʉcã cʉ̃yere wedeñerõcã tʉora mʉjã cʉ̃rẽ wedewõwʉ̃. Tairo tigʉ mʉjãrẽ ĩcõ nomiõ manʉcʉtigodago icãta ñañarẽ cʉohego ʉmʉmena niñahegora abiro nirã eañerõcã tinigʉ̃ cʉ̃ Jesucristopʉre wiyorugagʉ ya.#Os 2:19; 2Co 4:14; Ef 5:25-27; Ap 19:7; 21:2, 9. 3Buri tairo bocapeicã ãñacã cʉ̃ye ĩritomemarẽmenarã Evare ĩritoriaronorã abiro mʉjãcãrẽ ĩritoyora eabogawa ĩgʉ̃ bʉtoro cuisãgʉ̃ cati. Cʉ̃cã tiriarora abirora ãpẽrãcã cʉ̃jãcã ĩritomemarẽmenarã mʉjãrẽ bue ĩritora eañerõcã mʉjã tiere tʉo ĩritoyora earara mʉjãcã Jesucristoye wadorena wãcũ tirugariguere, cʉ̃ye dotire wadorena yʉrugariguere piticõãmocãrã earoacu.#Gn 3:4; Jn 8:44; 1Tm 2:14. 4Buri mʉjã, dairo nirã ĩritoremena bueribasoca mʉjã cʉtiropʉ eanirã no ãpĩ Jesucristoyere buera eañerõcã mʉjã cʉ̃jãrẽ ñurõ tʉo. Cʉ̃jãcã, ʉ̃sãcã mʉjãrẽ bueyogʉ Jesucristoyepere bueriawãmepe queoro bueherara merĩãwãmepe buecapetacãrã. Mʉjã ʉ̃sãcã Jesucristoye quetire bueñerõcã tiere tʉo wedewõrã eara Espíritu Santore ñerã eawʉ. Buri marĩcʉoropere cʉ̃jãcã ĩritoremenape buerere tʉora ãpĩ espíriture ñerã ya. Ĩñerõcã tairora ʉ̃sãcã mʉjãrẽ mamarõpʉ Manigʉ̃cã Jesucristomena basocare cametʉore quetire wederere mʉjãcã tʉo wedewõrã earigue quetimerẽna tʉora ya; apeye quetipʉre tʉora ya.#1Co 3:11; Ro 8:15; Ga 1:6-8. 5Ĩñerõcã yʉ apeyere “ʉ̃sãpe doca ña Jesucristocã cʉ̃yere buedotigʉ cũyoriarasotoapere nijomocãrã” ĩ wãcũpãmãrãrẽ, cʉ̃jãrẽ ñenojoromenacãrẽ tigʉ “yʉ cʉ̃jã docasãñurõ nigʉ̃ ña” ĩ pẽrõgãno icãta tʉoiñamasĩherijomocã.#2Co 12:11; Ga 2:6. 6Yʉ cʉ̃jãrã abiro nipetira tʉocoropʉre ñurõ wederucũmemahericapeicãrã cʉ̃jãsotoape Manigʉ̃yepere ñucametʉaro ĩñamasĩgʉ̃rã nigʉ̃ ya. Merẽ tie maquẽrẽ ʉ̃sãcã ñucametʉaro ĩñamasĩrẽrẽna ʉ̃sãcã cʉ̃ye nipetirere tirucũrẽmenarã mʉjãrẽ tiere bue ñurĩwãme eñosiawʉ.#1Co 1:17; 2:6-10; 2Co 4:2; Ef 3:4. 7Yʉ mʉjãrẽ Manigʉ̃cã Jesucristomena basocare cametʉore quetire wedegʉ yʉcã tiere wedere wapare mʉjãrẽ pẽrõgãno niyeru wapaseheriwʉ. Buripe buri nigʉ̃rã abiro nigʉ̃ eanigʉ̃ padede wapata yawʉ, mʉjãrẽ tie cametʉore quetire masĩrã eañerõcã bosãgʉ̃. ¿Mʉjãcã tʉoiñañerõcãpere yʉ tairo tigʉ ñañarõ tigʉ tiyuri?#1Co 9:18; 2Co 12:13; Hch 18:1-4; 20:33-35. 8Yʉ ñañarõ tigʉmerã tiwʉ. Ãpẽrã Jesúre wedewõrĩbumacãrã mʉjãrẽ buearo ĩrã yʉre titamurã niyeru nʉnirẽrẽ yʉcã ñerẽmenarã mʉjãrẽ titamugʉ̃ eawʉ.#Flp 4:15-18. 9Yʉ mʉjã watoapʉ nigʉ̃ eagʉ yʉre apeyeno dʉsarere wapatirugagʉ icãta ĩcʉ̃norẽ yʉre titamugʉ̃ niyeru nʉniña ĩ sãĩpatacõherijomocãwʉ̃. Marĩyara Jesúre wedewõrã Macedonia dita macãrã doca yʉre yʉcã borere titamurã niyeru nejeawa. Tairo tigʉ mʉjãrẽ yʉre titamurã niyeru nʉniña ĩ patacõheriwʉ; siropʉcãrẽ tairora icãta sãĩpatacõhegʉra yapaticogʉacu.#Hch 18:5; 2Co 12:13-14; Flp 4:15. 10Jesucristoye diamacã maquẽ ĩrẽ nirõrã yʉpʉrena nirĩwãmerã yʉcã tiere queorora ĩñamasĩrĩwãmerã diamacãrã yʉcã “yʉ mʉjãrẽ pẽrõgãno niyerure sãĩpatãcõmocã tiheriwʉ” ĩ wedegʉ ya. Atiere yʉcã mʉjãrẽ tairora tiwʉ ĩ wedetutuacumurẽrẽ icãta ĩcʉ̃no Acaya ditamacʉ̃no “Pablo cʉ̃cã tiere buere wapare niyeru wapasewi; tairo ĩmocãgʉ̃ yawí” ĩmasĩherigawa.#Ro 9:1; 1Co 9:15. 11Yʉ anorã abiro mʉjãrẽ sãĩheriwʉ ĩ wedegʉ mʉjãrẽ boherimocã tigʉmerã ya. ¡Yʉcã mʉjãrẽ bʉtoro maĩ bocametʉarere merẽ Manigʉ̃rã ñurõ masĩwĩ!#2Co 6:11; 7:3; 12:15. 12Buri yʉpe mʉjãrẽ patacõhegʉra yʉcã tirucũrõrã abirora icãta mʉjãye niyerure ñerõ manirõmenarã yʉcã tigʉda ĩrẽrẽ tiwʉmʉãrucũmocãgʉ̃da. Ʉ̃sãcã tora abiro tiremenarã cʉ̃jã ĩritoremena bueribasocare mʉjãrẽ buere wapamenarã niyeru wapatarugaribasocare “ʉ̃sãcã Jesúcã buedotigʉ cũyoriara ĩcãrõpera nirã ya” ĩpãmarugaranorẽ tairo bimequẽderibasocara pʉtʉara eañerõcã tiroacu. Ʉ̃sãpe cʉ̃jãrã abiro wapatarugaheri. Tairo tira cʉ̃jã “ʉ̃sãcã Pablojãrã abirora tira ya” ĩ pẽrõgãno wederucũboyemasĩherigawa.#1Co 9:12. 13Merẽ cʉ̃jã Jesúcã buedotigʉ beseyoriarara ña ĩcãperacãrã queorojoropʉare cʉ̃jãmerã tairo ĩpãmarĩbasoca ñawã. Cʉ̃jã ĩritoribasoca Jesucristocã buedotigʉ cũyoriarara abiro bauritoribasoca ñawã.#Hch 15:24; Ga 1:7; 6:12; Flp 3:2; Tit 1:10-11; 2Pe 2:1; Ap 2:2. 14Cʉ̃jãcã tairo tirere ¿dairo tira tairo yari? ĩmasĩñamani. Merẽ wãtĩã nirũpʉ̃pʉra Manigʉ̃rẽ wedecoteribasocʉ ñugʉ̃rã abiro bauritoicãwĩ basocare cʉ̃cã ĩritorere “diamacãrã ña” ĩ wãcũñerõcã tirugagʉ.#Ga 1:8. 15Tairo tira ĩritoremena bueribasoca wãtĩrẽ padedecoteribasoca ninirã cʉ̃cã tirecʉtirora abirora bauritoicãwã ñañarã nicaperacãrã cʉ̃jãcã ĩritoremena basocare “Manigʉ̃rẽ padedecotera ñawã, ñurẽrẽ tira ñawã” ĩñerõcã tirugara. Buri cʉ̃jãrã siropʉre marĩcʉ̃ marĩcʉoropʉare basocacã cʉ̃jãrẽ “ñurẽrẽ tira ñawã” ĩ wãcũcapetacãrã nipetire cʉ̃jãcã ñañarẽ tirigue wapamenarã Manigʉ̃rẽ ñañarõ ticõãyoroagawa.#2Co 3:9; Flp 3:19.
Pablocã Jesucristora cʉ̃ye quetire bueribasocʉ niãcʉ cũyorigʉ ninigʉ̃ ñañarõ cametʉa bʉtoro posarigue
16Tamʉ yʉ yʉcã mamarõpʉ ĩãriarora abirora upatutira mʉjãrẽ abiro ĩnemogʉ̃da: Icãta ĩcʉ̃no mʉjã yʉre “cʉ̃ niñayo mawisigʉ yawí” ĩ wãcũherimocãña. Buri tora abiro yʉre wãcũrãnopʉa topʉare ãpẽrã niñayoribasocacã cʉ̃jãye maquẽ wadorena mʉjãrẽ wedeñerõcã cʉ̃jãrẽ mʉjãcã tʉorora abirora yʉcãrẽ mʉjã pẽrõ tʉomocãña. Yʉcã yaye maquẽrẽ yʉcã tirere mʉjãrẽ wederemenarã “yʉcã ticametʉasu” ĩ yʉbasurupe yʉcã pẽrõ tʉoiñaboyegʉra niãtora abiro.#2Co 12:6. 17Buri yʉcã anorã abiriwãme yaye maquẽrẽ pẽrõ wederucũboyere marĩ Nirũpʉ̃mena watiremerã ña; buripe niñayoribasocʉnocã tireno peña.#Hch 9:24-25; 1Co 7:6; 12:25. 18Merẽ pajʉ mʉjãrẽ bueribasoca atibʉreco maquẽpe wadorena wãcũrucũcaperacãrã cʉ̃jãcã tirere “ʉ̃sã ñurẽrẽ tirecʉtira ña” ĩboye wederucũwã. Tairo tigʉ yʉcã cʉ̃jãrã abirora yaye maquẽrẽ yʉcã tirere “yʉcã ñurẽrẽ tigʉra nigʉ̃ ya” ĩboye wederucũgʉ̃da.#Flp 3:3-4. 19Mʉjã mʉjãbasurupera masĩcametʉara ña ĩribasoca nicaperacãrã niñayoribasocara abiro wederucũ bueribasocapere cʉ̃jãcã wederere cajiaro manirõmena ñurõpʉra tʉomocã, cʉ̃jãcã tirecʉtirere nʉcãmasĩrã ña. 20Mʉjã mʉjãrẽ dotieperibasocare tirara abiro tiribasocapʉrena, cʉ̃jãye maquẽrẽ tiñerõcã bora ʉmʉã cʉoeperibasocapʉrena ĩritoremena, cʉ̃jãpe mʉjãsotoare nirã tʉoiñanirã mʉjãpere buri nirãrã abiro ĩñacõãrĩbasocapʉrena, mʉjãrẽ boboro wañerõcã tirugara mʉjãye wasopãnarĩrẽ paribasocapʉrena mʉjã ñurõ nʉcãrucũmocã. Tie mʉjãcã tairo tire icãta ñuherijomocãrẽ ña.#Ga 5:1; Mc 12:40. 21Merẽ ʉ̃sãpʉa mʉjãrẽ cʉ̃jãrã abiro tutuariwãmemena ñañarõ tirono tira mʉjãmenarẽ ʉ̃sã tutuaheriwãmemenape ñurõ ʉsearomena nirã eawʉ. ¡Tairo tira tora abire mʉjãrẽ tira eaheririara ninirã icãta bobo tʉoiñarẽ cʉoro manirõ nirã ya! Buri ano docare ãpẽrãcã cʉ̃jãbasurupera cʉ̃jãye maquẽrẽna “ʉ̃sã abiro nirã ninirã abiro tira ya” ĩpãma wederucũboyeronorã yʉcã tiwãmerã yaye maquẽrẽ yʉcã tirere wederucũboyemasĩgʉ̃rã nigʉ̃ ya; niñayogʉra abiro wederucũrẽ nimocãpetacãrã.#2Co 10:10; Flp 3:4. 22Cʉ̃jã hebreo basoca ña ĩgawa; cʉ̃jãcã tairo ĩboyerora abirora yʉcã cʉ̃jãrã abirora hebreo basocʉra nigʉ̃ ya. Cʉ̃jã Israelyabumacãrãrã ña ĩgawa; yʉcã cʉ̃jãcã tairo ĩboyerora abirora Israelyabumacʉ̃rã nigʉ̃ ya. Cʉ̃jã Abraham pãrãmerã ña ĩgawa; yʉcã cʉ̃jãcã tairo ĩboyerora abirora Abraham pãrãmirã nigʉ̃ ya.#Hch 6:1; 22:3-5; 26:4-5; Ro 2:28-29; 9:4; 11:1; 1Co 12:13; Flp 3:5-6; Ga 3:28-29; Ef 2:11-18; Col 3:11. 23Cʉ̃jã Jesucristore padedecoteribasocajoro nirã ya ĩgawa; cʉ̃jãcã tairo ĩboyerora abirora yʉpe doca cʉ̃jãsotoape ñucametʉaro yʉcã Jesucristore padedecoterere ticametʉanigʉ̃ Jesucristore padedecoteribasocʉjorora nigʉ̃ ya; buri yʉ anorã abiro wederucũgʉ̃rã ĩcʉ̃ niñayoribasocʉra abiro wederucũgʉ̃ tigʉ cati. Yʉpe doca Jesucristoyere tigʉ cʉ̃jãsotoapere padedecametʉonʉcõgʉ̃rã bi. Yʉpe doca yʉcã Jesucristoye quetire wedere wapa cʉ̃jãsotoape pajerijoro peresupʉ sone biadopoyogʉ bi; tairora yʉpe doca cʉ̃jãsotoapera yʉcã Jesucristore wedewõrẽ cʉore wapara pajeri bapeyogʉ nigʉ̃ ya. Ĩñerõcã yʉpe doca cʉ̃jãsotoapere pajeri ya catirere sĩãyogʉpʉra bigʉ ña Jesucristore padedecotereye wapamena.#Hch 16:23; 1Co 15:10; 2Co 6:5. 24Ĩcãõpʉcʉ̃ñejoro yʉre judío basoca nirũpãrã ñewã; cʉ̃jãcã yʉre ñerẽcãrõ treinta y nueverijoro yʉre bapeicãwã.#Dt 25:3. 25Itiãrĩjoro nirũpãrã Roma macãrã yʉre ñe yucʉmena pawa. Ĩcãrĩ yʉre ʉ̃tãperĩmena basoca docawa yʉre docasĩãrugara. Itiãrĩ yʉcã ware doriacũmuãrĩpʉre miniwʉ̃; ĩcãrĩ minigʉ̃ ĩcãbʉreco, ĩcãñami taboapĩsotoa pairiyare bapasawʉ.#Hch 9:30; 11:26; 13:4, 13; 14:9, 19-20, 25-26; 16:2, 11; 17:14; 18:18-19, 21-22; 27:39-44. 26Yʉ macãrĩpʉre pajeri buewonogʉ̃ warigʉ nigʉ̃ ya. Diyarire tĩãwarucũgʉ̃ mini cõwõãriarocuwioro cametʉawʉ. Tairora yajaribasoca watoare, ya wedera judío basoca watoare, judío basoca nihera watoacãrẽ yʉ cuwioro biwõnowʉ̃. Tairo ĩñerõcã macãpʉcãrẽ, basoca pẽrãgã nirẽpʉcãrẽ, dia pairiyapʉcãrẽ yʉ cuwiorojoro camesãgʉ̃ earigʉra nigʉ̃ ya. “Jesúre wedewõrãrã ña” ĩritoribasoca watoacãrẽ tairora cuwiororena bicamesãgʉ̃ eawʉ.#Hch 9:23; 13:50; 14:5; 20:3; 21:31; Ga 2:4. 27Yʉ Jesucristoyere padedegʉ yoariwatoa sʉticametʉagʉpʉra padededugʉ eaicã. Ĩñerõcã yʉre paje ñañarẽ wisiore biro eaicã. Tairo bigʉ apewatoare paje ñamiripʉra icãta canihegʉ nigʉ̃ eaicã. Yʉ apewatoare ʉaboaremena, ñemesipioyogʉ sĩnirugaremena ñañarõ cametʉagʉ eaicã. Pajeripʉra apewatoare icãta yahegʉ nigʉ̃ eaicã. Yʉsʉare bʉgʉ bʉtoro ñañarõ posagʉ nigʉ̃ eaicã; sutironogã yʉre dʉsañerõcã.#1Co 4:11; 2Co 6:5; 1Ts 2:9. 28Atiedocamenarã ĩñerõcã apeye paje watoa nimocãcapetacãrã bʉrecoricãrõ Jesúre wedewõrĩbumacãrãrẽ nipetiropʉ nirãrẽ yʉcã cʉ̃jãrẽ bʉtoro wãcũrẽcʉtirere yʉ icãta pitiherijomocã. 29No ĩcʉ̃nocã Jesúre wedewõtutuahegʉ niñerõcã yʉcã cʉ̃rã abiro tʉoiña, titamurugagʉ. Ĩcʉ̃nocã Jesucristore wedewõgʉ̃rẽ ñañarẽ ticumuñerõcã tiñerõcã ʉ̃sã cʉ̃mena tairo tigʉnomena cua.#1Co 9:22. 30Yʉ yaye maquẽperena wederucũboyerono tigʉ; buripe yʉre “basocacã tutuahegʉ ñawĩ” ĩrẽpere yʉ wederucũboyegʉ nigʉ̃da.#1Co 2:3; 2Co 12:5. 31Merẽ Manigʉ̃ marĩ Nirũpʉ̃ Jesucristo Pacʉra tairo basapeorucũyobogʉra yʉcã mʉjãrẽ wederucũrẽrẽ “queorora ĩgʉ̃ yawí” ĩ masĩwĩ.#Ro 9:5; Ga 1:20. 32Yʉcã Damascopʉ nigʉ̃ eariwatoare nirũpʉ̃ Aretas cʉ̃ doca macʉ̃ dotigʉre timacã witiware sopepʉtoripʉre cote ĩñanʉõdotigʉ surarare cũdotirigʉ niwĩ yʉre ñedotigʉdagʉ.#Hch 9:24-25. 33Buri bigʉpʉa yʉre ñañarõ tirugarere yʉ duti camewitimocãgʉ̃ eawʉ. Merẽ yʉmenamacãrãrã yʉre pipʉ sãnirã timacãrẽ wecamewõnoãriatʉropʉ nirĩsopegãpʉ yʉre necametʉodujiocowa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.