2 Corintios 10
10
Manigʉ̃cã Pablore dotimasĩrẽ nʉnirigue
1Yʉ Pablo Cristoye yʉsʉasãrĩʉseromenarã, cʉ̃ye ĩñamaĩrẽmenarã mʉjãrẽ apeye wederuga: “Ĩcãrã mʉjã watoa nirã yʉre cʉ̃ marĩmena nigʉ̃pʉa tutuaro wederucũmasĩhegʉ bobogʉnirã abiro ñawĩ, buri yoaropʉmenapʉare marĩrẽ wede ojacogʉpe tutuariʉseromena wederucũ yemocãwĩ” ĩwã.#Ro 12:1; 1Co 2:3; 4:18, 21; Ga 5:2. 2Jaʉ ñurõãcu. Buri yʉ mʉjãrẽ yʉcã mʉjã cʉtiropʉ ĩñagʉ̃ wañerõcã mʉjã watoa nirãcã ʉ̃sãrẽ noboro wederucũpãmarãrẽ pũnirĩʉseromena yʉre wederucũñerõcã tirame tiwa ĩ sãĩgʉ̃da. Merẽ cʉ̃jã ʉ̃sãrẽ “atibʉreco macãrãrã abiro Manigʉ̃cã borere tiherara cʉ̃jãcã boriwãmepe tira yawa” ĩãyura. Buri cʉ̃jãcã tairo boñerõcãpʉare cʉ̃jãmenarẽ tutuaromenarã apõtĩõmasĩãcʉra nigʉ̃ ya nigʉ̃pʉa.#1Co 4:21; 2Co 13:2, 10. 3Nirõrã ʉ̃sã atibʉreco macã ũpʉ̃menarã nirãrã ña nirãpʉa. Buri ʉ̃sãrẽ ĩñatutirare wedera atibʉreco macãrãcã tirecʉtirora abiro camequẽrẽmena apõtĩõnirã wedeheri. 4Ʉ̃sã ñañarẽrẽ docaticumuñerõcã tirugara, atibʉreco macãrãcã wãmocʉtirora abiro ʉ̃sãbasurupe ʉ̃sãcã masĩrẽ cʉoremena, ʉ̃sãcã memarẽmena docaticumuñerõcã tiheri. Buripe Manigʉ̃ye tutuaremenape ʉ̃sãrẽ ĩñatutiribasocare, Manigʉ̃rẽ wedewõheracã wãcũrecʉtirere docaticumuñerõcã ya, cʉ̃jãcã Manigʉ̃yere queoro niheriwãmepe wãcũrẽcʉtirere cʉ̃jãmena wederucũ apõtĩõ tiere wapamanirẽ pʉtʉare eañerõcã tira.#Jer 1:10; Hch 7:22; Ro 1:18-23; 1Co 2:5, 13-14; Ef 6:11-17; 1Tm 1:18; 2Tm 2:3. 5Tairora “masĩcametʉa” ĩrẽmenarã cʉ̃jãcã ãpẽrãrẽ Manigʉ̃rẽ ĩñamasĩrã eañerõcã tiherere acutarecãrẽ docaticumurã eañerõcã ya. Tie tutuaremenarã nipetire cʉ̃jãcã boro wãcũrẽrẽ wãcũduñerõcã tinirã Cristopere wãcũ, cʉ̃cã dotirepe wadorena tirecʉtira nirã eañerõcã ya.#Is 2:11-12; 1Co 1:19; 2Co 9:13. 6Merẽ ʉ̃sã, mʉjãcã cʉ̃cã dotirere queoro nirĩwãmerã yʉrucũrã eariasiro nipetira cʉ̃cã dotirere cametʉanʉcãrã earanorẽ ĩñarã ʉ̃sã cʉ̃jãrẽ ñañarõ timasĩrãrã nirã eara ya.#2Co 2:9. 7Mʉjã ãpẽrãcã tirecʉtire sotoamaquẽ wadorena ĩñarã nimocã. Buri mʉjã yʉre pupeasãñurõ ĩña wãcũmasĩrã earapʉa nirõrã yʉcã Cristoyagʉ nirĩwãmepere ĩñamasĩrã eaboga. Topʉre ĩcãrã “ʉ̃sã nirõrã Jesucristoyarajoro nirã ña” ĩ tʉoiñarãno; nirõrã Cristoyara nirãnopʉa cʉ̃jãcã tairo Cristoyara nijorere tʉoiñarĩwãmerã ʉ̃sãcãrẽ “cʉ̃jã Jesucristoyarara ñawã” ĩmasĩrãrã nirõ bo.#Jn 7:24; 1Co 1:12; 14:37; Ga 1:12. 8Marĩ Nirũpʉ̃cã yʉre cʉ̃ye dotimasĩrẽ nʉniriguemenarã yʉ sotoasãñurõ “ʉ̃sãrẽ cʉ̃yere buedotigʉra cũwĩ” ĩ wederucũboyemocãpeicãrã tiere icãta bobo tʉoiñaherijomocã. Merẽ tairo bueremenarã mʉjãrẽ õpe cʉ̃rẽ wedewõnemowʉmʉãrõ ĩgʉ̃rã, mʉjãrẽ tairo titamudotigʉra tie dotiremena ʉ̃sãrẽ cũwĩ. Mʉjãrẽ mʉjãcã wedewõrẽ cʉorere posodotigʉmerã ʉ̃sãrẽ “mʉjã tairo tiya” ĩcũwĩ.#2Co 7:4; 13:10. 9Yʉcã mʉjãrẽ anorã abiro ojaremena mʉjãrẽ “ãni marĩrẽ anorã abiro ĩ ojacogʉ ʉcʉorugagʉ tiayuri” ĩ wãcũñerõcã tirugagʉmerã ya.#1Co 4:18, 21. 10Ãpẽrã mʉjã watoapʉ nirãrã yʉcã mʉjãrẽ yoaropʉmena wede ojacoripũrĩrẽ “tipũrĩ cʉ̃cã bʉtoro tutuariwãmejoro marĩrẽ wede ojacorejoro ña” ĩwã. “Buri bicapeicãrã marĩmena nigʉ̃pe marĩrẽ dairo ĩ tutuariʉseromena wederucũmasĩhegʉ ñawĩ” ĩwã. Tairora “cʉ̃cã wederucũrẽrẽ cuwiopesaremena tʉoñerõcã timasĩherijomocãwĩ” ĩwã.#1Co 1:17; 2:3; Ga 4:13-14. 11Buri tiwãmerã anorã abiro ĩrãnorẽ atiere masĩñerõcã tigʉda: “ʉ̃sãcã yoaropʉmena wederucũcoriwãmerã, ʉ̃sãcã ojacoripũrĩpʉre tutuariwãmemena wede ojacorora abirora ʉ̃sãcã ‘abiro tiroacu’ ĩriawãmerã mʉjã cʉtiropʉ nirã earacã tiere tiwãmerã tutuaromena tira earoacu” ĩ. 12Queorojoropʉare mʉjã watoa nirãcã cʉ̃jãbasurupera “marĩpe ñurõ masĩrã ña; ãpẽrãsotoa nirã ña” ĩ cʉ̃jãcã came wederucũboyerenomena yʉ icãta cʉ̃jãnomenarẽ pẽrõgãnojoro “cʉ̃jãcã marĩrã abirosãñurõrã ñawã o marĩrẽ ĩcãrõpesãñuwã” ĩ wederucũrugaherijomocãgʉ̃ cati. Ʉ̃sã cʉ̃jãcã tirecʉtirora abiro icãta tiheri. Merẽ cʉ̃jã cʉ̃jãcã tora abiro cʉ̃jãbasurupera “ʉ̃sã abira nirã ña” ĩrẽcʉtiremenarã; cʉ̃jãcã ãpẽrãmenape queo “ʉ̃sã cʉ̃jãrã abiro niheri” ĩrẽcʉtiremenarã icãta tʉomasĩmasĩherajoro nirã yawa.#1Co 1:31; 2Co 3:1; 5:12. 13Ʉ̃sãpʉa ʉ̃sãcã tiherepʉrena sotoasãñurõ abiro tiboyemocã ĩ wederucũnemocomasĩheriga. Yʉ yʉcã tirere sotoasãñurõ wederucũboyerugagʉno Manigʉ̃cã ʉ̃sãrẽ Jesucristoyere wededotiriguere yʉcã tire wadorena, cʉ̃cã dotirere tire wadorena wederucũboyegʉda. Merẽ cʉ̃rã ʉ̃sãrẽ mʉjã cʉtiropʉcãrẽ cʉ̃ye quetire wedera eawañerõcã tiwi. 14Tairo tira ʉ̃sãrã cʉ̃cã ʉ̃sãrẽ buedotigʉ cũriarora abirora mʉjãrẽ Jesucristomena cʉ̃cã basocare cametʉore quetire wedesocora eawʉ. Topʉ mʉjãrẽ buera eawara, cʉ̃cã ʉ̃sãrẽ dotiriarora abirora tiwʉ. Buri ʉ̃sã atiere abiro ya ĩrã Manigʉ̃cã ʉ̃sãrẽ tidotiriaro sotoape ticametʉonʉcõ ĩrãmerã ya. #2Co 2:12; Ro 15:18-19. 15Ʉ̃sãrẽ cʉ̃cã buedotigʉ cũriaronorã tiere wedera queoro wede. Ãpẽrãcã tiriguepʉrena “tie ʉ̃sãcã tire ña” ĩ wederucũboyeherijomocã. Buripe tora abiro ĩrõno tira mʉjãrẽ ʉ̃sã buera Jesucristore õpe wedewõnemowʉmʉãñerõcã bo. Ʉ̃sãcã mʉjã watoare tora abiro tiremenarã Manigʉ̃cã ʉ̃sãrẽ dotiriarora abiro ʉ̃sãcã tire õpe pairo sesawʉmʉãtora abiro.#Ro 15:20; 2Ts 1:3. 16Siro tora abiro tinirã mʉjã cʉtiromena yoarepʉ macãrãrẽ Manigʉ̃cã Jesucristomena basocare cametʉore quetire tʉoiñaherapʉcãrẽ wedera waradara. Ãpẽrãcã tie quetire wedera eaherepʉre wedera warugara ya ãpẽrãcã wedera eariguepʉrena “ʉ̃sãpe niwʉ̃ cʉ̃jãrẽ wedera eara” ĩ wederucũboyerugaherinirã.#Ro 15:24, 28. 17Manigʉ̃ye wederucũrẽrẽ ojayoriapũpʉ abiro ojayoriaro niwʉ̃: «Ĩcʉ̃no “yʉpe ña abiro timocãgʉ̃no” ĩ wederucũboyerugagʉno buripe marĩ Nirũpʉ̃pere “cʉ̃ tutuacametʉanʉcãgʉ̃ ñawĩ; marĩrẽ ñucametʉaro tirigʉ niwĩ” ĩ wederucũboyegʉpe niãro» ĩ ojayore ña.#Jer 9:24; 1Co 1:31. 18Merẽ ĩcʉ̃nocã cʉ̃cã cʉ̃basurupera “yʉ ñurõ tigʉno ña” ĩrẽno icãta wapamani. Marĩ Nirũpʉ̃pe “cʉ̃ ñurõ tigʉno ñawĩ” ĩ cʉ̃cã ĩñayogʉpe doca diamacãrã queoro tigʉno ñawĩ.#1Co 4:4-5; Ro 2:29.
Currently Selected:
2 Corintios 10: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
2 Corintios 10
10
Manigʉ̃cã Pablore dotimasĩrẽ nʉnirigue
1Yʉ Pablo Cristoye yʉsʉasãrĩʉseromenarã, cʉ̃ye ĩñamaĩrẽmenarã mʉjãrẽ apeye wederuga: “Ĩcãrã mʉjã watoa nirã yʉre cʉ̃ marĩmena nigʉ̃pʉa tutuaro wederucũmasĩhegʉ bobogʉnirã abiro ñawĩ, buri yoaropʉmenapʉare marĩrẽ wede ojacogʉpe tutuariʉseromena wederucũ yemocãwĩ” ĩwã.#Ro 12:1; 1Co 2:3; 4:18, 21; Ga 5:2. 2Jaʉ ñurõãcu. Buri yʉ mʉjãrẽ yʉcã mʉjã cʉtiropʉ ĩñagʉ̃ wañerõcã mʉjã watoa nirãcã ʉ̃sãrẽ noboro wederucũpãmarãrẽ pũnirĩʉseromena yʉre wederucũñerõcã tirame tiwa ĩ sãĩgʉ̃da. Merẽ cʉ̃jã ʉ̃sãrẽ “atibʉreco macãrãrã abiro Manigʉ̃cã borere tiherara cʉ̃jãcã boriwãmepe tira yawa” ĩãyura. Buri cʉ̃jãcã tairo boñerõcãpʉare cʉ̃jãmenarẽ tutuaromenarã apõtĩõmasĩãcʉra nigʉ̃ ya nigʉ̃pʉa.#1Co 4:21; 2Co 13:2, 10. 3Nirõrã ʉ̃sã atibʉreco macã ũpʉ̃menarã nirãrã ña nirãpʉa. Buri ʉ̃sãrẽ ĩñatutirare wedera atibʉreco macãrãcã tirecʉtirora abiro camequẽrẽmena apõtĩõnirã wedeheri. 4Ʉ̃sã ñañarẽrẽ docaticumuñerõcã tirugara, atibʉreco macãrãcã wãmocʉtirora abiro ʉ̃sãbasurupe ʉ̃sãcã masĩrẽ cʉoremena, ʉ̃sãcã memarẽmena docaticumuñerõcã tiheri. Buripe Manigʉ̃ye tutuaremenape ʉ̃sãrẽ ĩñatutiribasocare, Manigʉ̃rẽ wedewõheracã wãcũrecʉtirere docaticumuñerõcã ya, cʉ̃jãcã Manigʉ̃yere queoro niheriwãmepe wãcũrẽcʉtirere cʉ̃jãmena wederucũ apõtĩõ tiere wapamanirẽ pʉtʉare eañerõcã tira.#Jer 1:10; Hch 7:22; Ro 1:18-23; 1Co 2:5, 13-14; Ef 6:11-17; 1Tm 1:18; 2Tm 2:3. 5Tairora “masĩcametʉa” ĩrẽmenarã cʉ̃jãcã ãpẽrãrẽ Manigʉ̃rẽ ĩñamasĩrã eañerõcã tiherere acutarecãrẽ docaticumurã eañerõcã ya. Tie tutuaremenarã nipetire cʉ̃jãcã boro wãcũrẽrẽ wãcũduñerõcã tinirã Cristopere wãcũ, cʉ̃cã dotirepe wadorena tirecʉtira nirã eañerõcã ya.#Is 2:11-12; 1Co 1:19; 2Co 9:13. 6Merẽ ʉ̃sã, mʉjãcã cʉ̃cã dotirere queoro nirĩwãmerã yʉrucũrã eariasiro nipetira cʉ̃cã dotirere cametʉanʉcãrã earanorẽ ĩñarã ʉ̃sã cʉ̃jãrẽ ñañarõ timasĩrãrã nirã eara ya.#2Co 2:9. 7Mʉjã ãpẽrãcã tirecʉtire sotoamaquẽ wadorena ĩñarã nimocã. Buri mʉjã yʉre pupeasãñurõ ĩña wãcũmasĩrã earapʉa nirõrã yʉcã Cristoyagʉ nirĩwãmepere ĩñamasĩrã eaboga. Topʉre ĩcãrã “ʉ̃sã nirõrã Jesucristoyarajoro nirã ña” ĩ tʉoiñarãno; nirõrã Cristoyara nirãnopʉa cʉ̃jãcã tairo Cristoyara nijorere tʉoiñarĩwãmerã ʉ̃sãcãrẽ “cʉ̃jã Jesucristoyarara ñawã” ĩmasĩrãrã nirõ bo.#Jn 7:24; 1Co 1:12; 14:37; Ga 1:12. 8Marĩ Nirũpʉ̃cã yʉre cʉ̃ye dotimasĩrẽ nʉniriguemenarã yʉ sotoasãñurõ “ʉ̃sãrẽ cʉ̃yere buedotigʉra cũwĩ” ĩ wederucũboyemocãpeicãrã tiere icãta bobo tʉoiñaherijomocã. Merẽ tairo bueremenarã mʉjãrẽ õpe cʉ̃rẽ wedewõnemowʉmʉãrõ ĩgʉ̃rã, mʉjãrẽ tairo titamudotigʉra tie dotiremena ʉ̃sãrẽ cũwĩ. Mʉjãrẽ mʉjãcã wedewõrẽ cʉorere posodotigʉmerã ʉ̃sãrẽ “mʉjã tairo tiya” ĩcũwĩ.#2Co 7:4; 13:10. 9Yʉcã mʉjãrẽ anorã abiro ojaremena mʉjãrẽ “ãni marĩrẽ anorã abiro ĩ ojacogʉ ʉcʉorugagʉ tiayuri” ĩ wãcũñerõcã tirugagʉmerã ya.#1Co 4:18, 21. 10Ãpẽrã mʉjã watoapʉ nirãrã yʉcã mʉjãrẽ yoaropʉmena wede ojacoripũrĩrẽ “tipũrĩ cʉ̃cã bʉtoro tutuariwãmejoro marĩrẽ wede ojacorejoro ña” ĩwã. “Buri bicapeicãrã marĩmena nigʉ̃pe marĩrẽ dairo ĩ tutuariʉseromena wederucũmasĩhegʉ ñawĩ” ĩwã. Tairora “cʉ̃cã wederucũrẽrẽ cuwiopesaremena tʉoñerõcã timasĩherijomocãwĩ” ĩwã.#1Co 1:17; 2:3; Ga 4:13-14. 11Buri tiwãmerã anorã abiro ĩrãnorẽ atiere masĩñerõcã tigʉda: “ʉ̃sãcã yoaropʉmena wederucũcoriwãmerã, ʉ̃sãcã ojacoripũrĩpʉre tutuariwãmemena wede ojacorora abirora ʉ̃sãcã ‘abiro tiroacu’ ĩriawãmerã mʉjã cʉtiropʉ nirã earacã tiere tiwãmerã tutuaromena tira earoacu” ĩ. 12Queorojoropʉare mʉjã watoa nirãcã cʉ̃jãbasurupera “marĩpe ñurõ masĩrã ña; ãpẽrãsotoa nirã ña” ĩ cʉ̃jãcã came wederucũboyerenomena yʉ icãta cʉ̃jãnomenarẽ pẽrõgãnojoro “cʉ̃jãcã marĩrã abirosãñurõrã ñawã o marĩrẽ ĩcãrõpesãñuwã” ĩ wederucũrugaherijomocãgʉ̃ cati. Ʉ̃sã cʉ̃jãcã tirecʉtirora abiro icãta tiheri. Merẽ cʉ̃jã cʉ̃jãcã tora abiro cʉ̃jãbasurupera “ʉ̃sã abira nirã ña” ĩrẽcʉtiremenarã; cʉ̃jãcã ãpẽrãmenape queo “ʉ̃sã cʉ̃jãrã abiro niheri” ĩrẽcʉtiremenarã icãta tʉomasĩmasĩherajoro nirã yawa.#1Co 1:31; 2Co 3:1; 5:12. 13Ʉ̃sãpʉa ʉ̃sãcã tiherepʉrena sotoasãñurõ abiro tiboyemocã ĩ wederucũnemocomasĩheriga. Yʉ yʉcã tirere sotoasãñurõ wederucũboyerugagʉno Manigʉ̃cã ʉ̃sãrẽ Jesucristoyere wededotiriguere yʉcã tire wadorena, cʉ̃cã dotirere tire wadorena wederucũboyegʉda. Merẽ cʉ̃rã ʉ̃sãrẽ mʉjã cʉtiropʉcãrẽ cʉ̃ye quetire wedera eawañerõcã tiwi. 14Tairo tira ʉ̃sãrã cʉ̃cã ʉ̃sãrẽ buedotigʉ cũriarora abirora mʉjãrẽ Jesucristomena cʉ̃cã basocare cametʉore quetire wedesocora eawʉ. Topʉ mʉjãrẽ buera eawara, cʉ̃cã ʉ̃sãrẽ dotiriarora abirora tiwʉ. Buri ʉ̃sã atiere abiro ya ĩrã Manigʉ̃cã ʉ̃sãrẽ tidotiriaro sotoape ticametʉonʉcõ ĩrãmerã ya. #2Co 2:12; Ro 15:18-19. 15Ʉ̃sãrẽ cʉ̃cã buedotigʉ cũriaronorã tiere wedera queoro wede. Ãpẽrãcã tiriguepʉrena “tie ʉ̃sãcã tire ña” ĩ wederucũboyeherijomocã. Buripe tora abiro ĩrõno tira mʉjãrẽ ʉ̃sã buera Jesucristore õpe wedewõnemowʉmʉãñerõcã bo. Ʉ̃sãcã mʉjã watoare tora abiro tiremenarã Manigʉ̃cã ʉ̃sãrẽ dotiriarora abiro ʉ̃sãcã tire õpe pairo sesawʉmʉãtora abiro.#Ro 15:20; 2Ts 1:3. 16Siro tora abiro tinirã mʉjã cʉtiromena yoarepʉ macãrãrẽ Manigʉ̃cã Jesucristomena basocare cametʉore quetire tʉoiñaherapʉcãrẽ wedera waradara. Ãpẽrãcã tie quetire wedera eaherepʉre wedera warugara ya ãpẽrãcã wedera eariguepʉrena “ʉ̃sãpe niwʉ̃ cʉ̃jãrẽ wedera eara” ĩ wederucũboyerugaherinirã.#Ro 15:24, 28. 17Manigʉ̃ye wederucũrẽrẽ ojayoriapũpʉ abiro ojayoriaro niwʉ̃: «Ĩcʉ̃no “yʉpe ña abiro timocãgʉ̃no” ĩ wederucũboyerugagʉno buripe marĩ Nirũpʉ̃pere “cʉ̃ tutuacametʉanʉcãgʉ̃ ñawĩ; marĩrẽ ñucametʉaro tirigʉ niwĩ” ĩ wederucũboyegʉpe niãro» ĩ ojayore ña.#Jer 9:24; 1Co 1:31. 18Merẽ ĩcʉ̃nocã cʉ̃cã cʉ̃basurupera “yʉ ñurõ tigʉno ña” ĩrẽno icãta wapamani. Marĩ Nirũpʉ̃pe “cʉ̃ ñurõ tigʉno ñawĩ” ĩ cʉ̃cã ĩñayogʉpe doca diamacãrã queoro tigʉno ñawĩ.#1Co 4:4-5; Ro 2:29.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.