1 Corintios Atipũ abiro tiro ojayoyu
Atipũ abiro tiro ojayoyu
Jesucristocã cʉ̃ye quetire buedotigʉ beseyorigʉ Pablocã nirĩwatoare macã Corintora dotirimacã nijorimacãjoro niyuro Acaya dita Romacã dotiro docapʉ nirĩditare. Macã Corintora diapemena bʉtoro duare nejearimacã niyuro marĩcʉorore tora Greciare todoca cʉtiripanepe pʉapeta deco pʉtʉaro ninirõ. Tairora timacã paje wedewõrẽmena, tirecʉtiremena cʉ̃jãcã manirã ñawã ĩrãrẽ paje cʉ̃jãrẽ wedewõpeoriwiserimena baunirĩmacã niyuro. Ĩñerõcã tidotiheriwãmepe nomiãcã ñañarõ tieperepirimacãjoro niyuro bʉtorojoropʉare tairo tiyura cʉ̃jãcã neãporiwipʉ manigõ Afrodítare tairo tire maquẽ manigõrẽ wedewõpeora. Anorã abiro tirecʉtirecã nirĩwatoara niyuro Pablocã cʉ̃cã ĩcãrĩsiro Jesucristoye quetire wedecamesãgʉ̃ wariwatoamena topʉre cʉ̃cã Jesúre wedewõrã nirã eañerõcã tisocoriwatoa (Hch 18:1-18). “Pablo atipũrẽ cʉmarĩ 54-55 watoano Jesucristocã bajuariasiro niñerõcã cʉ̃cã itiacʉma Éfeso macãrã Jesúre wedewõrãmena nirĩwatoara ojagatiyi” ĩ wãcũyo (16:5-9; Hch 20:31).
Corintopʉre Jesucristore wedewõrãcã nirĩbuwatoare bʉtorojoropʉare tosʉgueropʉre Manigʉ̃rẽ wedewõhera niriara nijomocãyura (12:2), buri bicapetacãrã ĩcãrã judío basoca Jesúre wedewõrãcã niyura birapʉa. Pablo cʉ̃jãmena ĩcãcʉma apecʉma deco niyugʉ cʉ̃jãrẽ cʉ̃jãcã Jesucristore wedewõrẽ cʉore maquẽrẽ ñurõ wedecũgʉ̃dagʉ (3:6, 10). Pablocã topʉre eariasirore ãpẽrã bueribasoca eayura. Cʉ̃jã watoare nijomocãrã Cefas (Pedro) ĩñerõcã Apolo niyura (1:12). Pablo, Jesúre wedewõrĩbumacãrã watoapʉre bueribasocacã ĩcãrãrẽ came dicawatiñerõcã tirere tʉogʉ eayugʉ (1:10-11); tiere binigʉ̃ Pablo atipũrẽ cʉ̃jãrẽ wede ojacogʉ tiyugʉ cʉ̃jãrẽ Jesúre wedewõrãrẽ “merĩãburi dicawatinirã camequẽherimocãña” ĩgʉ̃ (1:10-17; 3:4-23). Cʉ̃jãcã tairo dicawatiremenarã Pablo Jesucristocã cʉ̃ye quetire buedotigʉ cʉ̃cã beseyorigʉ nirẽcãrẽ cʉ̃jãrẽ “abiro ña” ĩ wedegʉ tiyugʉ (4:1-21).
Apeye cʉ̃cã tipũpʉre ojacore maquẽ Jesúre wedewõrĩbumacãrãcã cʉ̃jãcã queoro niheriwãmepe, noborora tipãmarẽrẽ wedequẽnocore niyuro. Tie watoare atie niyuro: Ĩcãrã Jesúre wedewõrã ʉmʉãcã, nomiãcã tidotiheriwãmepe ñañarõ tirecʉtire (5:1-13; 6:12-20), “ãpẽrãsotoa ʉ̃sã masĩcametʉanʉcãrã ña” ĩrẽ ĩñerõcã “merẽ ʉ̃sã masĩpetirapʉ ña” ĩrẽ (1:18-31; 3:1-3, 18-20), ĩñabeseribasoca Manigʉ̃rẽ ĩñamasĩhera cʉtiropʉ cʉ̃jãcã cʉ̃jãrẽ birere wedesãrẽ maquẽ (6:1-8), Nirũpʉ̃cã yatʉoriarora abiro tira cʉ̃jãcã queoro tihere maquẽ (11:17-34) ĩñerõcã nirĩwãmepe Manigʉ̃cã timasĩrẽ nʉnirẽmena Jesúre wedewõrã watoapʉre timasĩrẽ maquẽ (12:1–14:40). Apeyecãrẽ Pablo cʉ̃jãcã cʉ̃rẽ sãĩñacoriguere yʉcogʉ apeye maquẽrẽ cʉ̃jãrẽ wedenemocoyugʉ. Tie niyuro: wãmo siaremaquẽ (capítulo 7), yariguere queore weyoriarare nʉniyoriguere yaro bori ĩrẽ maquẽ (8:1-13), queore weyoriaraye maquẽ (10:1-22), wedewõgʉ̃nocã cʉ̃cã tirugariwãmerã tire maquẽ (10:23–11:1), ñubue ʉseapeoriwatoare nomiãcã tibore maquẽ (11:1-16) ĩñerõcã cõwõãriaracã masãte maquẽ (capítulo 15) niyuro.
Pablocã
Corinto Macãrãrẽ Ojasocoriapũ
Currently Selected:
1 Corintios Atipũ abiro tiro ojayoyu: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.