1 Corintios 15
15
Jesucristocã masãrigue
1Yara, yʉcã mʉjãrẽ tosʉgueropʉ Jesucristocã basocare cametʉore quetire bueriguere mʉjãrẽ wãcũñerõcã tiruga. Mʉjã tiere ñurõ peñarõmena boca ñe tiere wedewõrã eawʉ. Tairo tira marĩcʉoropʉcãrẽ tierena ĩcãdiamacãrã ñurõ wedewõrucũmocã.#Ga 1:11; Ro 2:16; 5:2. 2Mʉjã atie Jesucristocã basocare cametʉore quetimenarã cametʉoyora nirã eara ya, tiere nirõrã ĩcãdiamacãrã tutuaromena wedewõrucũmocãrãpʉa. Buri mʉjãcã tairo tiheriñerõcã mʉjãcã cʉ̃rẽ wedewõrẽ cʉore earigue icãta wapamanirõãcu mʉjã cametʉoyora eaheriga.#Ro 1:16; 11:22; 1Co 1:21; Ga 3:4; Heb 3:14. 3Yʉre bueñerõcã yʉcã ñeriawãmerã mʉjãrẽ tiere apeyesotoa wapacʉtire nirẽrẽna queoro wede buetutiawʉ. Mʉjãrẽ yʉ Manigʉ̃ye wederucũrẽrẽ ojayoriapũpʉ wederora abirora “Jesucristora marĩcã ñañarẽrẽ tirigue wapara marĩrẽ cõwõãbosarigʉ niwĩ.#Is 53:5-12; Lc 24:25-27; 1Co 11:23; Heb 7:27. 4Cʉ̃cã cõwõãriasiro cʉ̃ya ũpũrĩniguẽrẽ yacũriara niwã. Cʉ̃rẽ yacũriasiro itiabʉrecosiromenarã Manigʉ̃ cʉ̃rẽ masõrigʉ niwĩ” ĩ wedewʉ.#Sal 16:8-10; Mt 12:40; 16:21; Mc 8:31; Lc 9:22; Hch 2:24-25; 26:22-23. 5Tairora “cʉ̃cã masãriasiro Pedrore bajuasocorigʉ niwĩ. Sirorena cʉ̃ buera docere bajuarigʉ niwĩ.#1Co 1:12; Mt 28:17; Mc 16:14; Lc 24:9, 34, 36; Jn 20:19, 26. 6Sirorena ĩcãrĩrã bajuagʉ pajʉ quinientos sotoare cʉ̃rẽ wedewõrãrẽ bajuarigʉ niwĩ. Marĩcʉ̃ pajʉ cʉ̃rẽ ĩñariara catiwa. Ãpẽrãpe cõwõãsusiawa. 7Siro Santiagore bajuarigʉ niwĩ. Tosirora nipetira cʉ̃ buerare bajuarigʉ niwĩ.#Lc 24:33, 36, 37; Hch 1:3, 6-11; 12:17; 15:13; Ga 1:19; Mt 10:2-3; 13:55; Jn 7:5. 8Siro nitʉoropʉ cʉ̃jãrẽ bajuariasiropʉ yʉcãrẽ bajuawi. Yʉpʉa cʉ̃ buera niãnarẽ ñeriarora abiro ñeyorigʉ nigʉ̃ eaheriwʉ. Buri wĩmagʉ̃ cʉ̃cã bajuatosʉguerora bajuasʉguerora abiro wãcũña manirõmena cʉ̃cã cʉ̃ye quetire buedotigʉ ñeyorigʉ nigʉ̃ eawʉ” ĩ wedewʉ.#Hch 9:3-8; 1Co 9:1; Ga 1:16. 9Tairo tigʉ yʉ ãpẽrã cʉ̃ye quetire buedotigʉ cʉ̃cã beseyoriara docape wapacʉtigʉ nigʉ̃ ña. Tairora yʉ “basocare Jesucristocã cʉ̃ye quetire buedotigʉ beseyorigʉra ñawĩ” ĩ pisuyobogʉmerã ña. Merẽ yʉ tosʉgueropʉre cʉ̃rẽ wedewõrãrẽ ñañacametʉaro tigʉ eawʉ.#Hch 8:3; 9:4-5; Ef 3:8; 1Tm 1:15. 10Tairo nirigʉrena Manigʉ̃cã yʉre cʉ̃ye ĩñamaĩrẽmenarã ñurõ tiriasiro niñerõcã yʉ marĩcʉorore Jesucristocã cʉ̃ye quetire buedotigʉ beseyorigʉ ña. Cʉ̃cã tora abiro cʉ̃ye ĩñamaĩrẽmena yʉre ñurõ tiriasiro niñerõcãrã yʉ ãpẽrã Jesucristocã cʉ̃ye quetire buedotigʉ ñeyoriarasotoape bʉtoro Jesúcã basocare cametʉore quetire wedecametʉonʉcõ. Buri yʉ tiere yʉbasurupera tigʉmerã ya; Manigʉ̃basurupera cʉ̃ye ĩñamaĩrẽmena ñurõ titamugʉ̃cã yʉmena nigʉ̃rã yʉre tiere bʉtoro padedeñerõcã yawí.#Ro 15:18-19; 2Co 3:5; 11:23; Ga 2:8. 11Tairo tiro yʉcã mʉjãrẽ bueriasiro niñerõcã o ãpẽrã Jesucristocã cʉ̃ye quetire buedotigʉ beseyoriarape mʉjãrẽ bueriasiro niñerõcãcãrẽ ñujo. Ʉ̃sã nipetirapʉra ĩcã quetirena Jesucristocã cõwõã masãrigue wadorena bue. Atie quetira ña mʉjãcã tiere tʉora eariwatoapʉra mʉjãcã wedewõsocora earigue.
Cõwõãriaracã masãte
12Ʉ̃sãcã wedere quetipʉre merẽ “Jesucristo cʉ̃cã cõwõãriasiro cʉ̃ upatutira masãsurigʉ niwĩ” ĩ wedecapetacãrã ¿dairo tira marĩcʉ̃ ĩcãrã mʉjã watoa macãrã cõwõãriarapʉre icãta upatuti masãrẽ manirõãcu ĩrĩ?#Hch 17:32; 23:8; 2Tm 2:18. 13Topʉare cõwõãriarare masãteno maniñerõcãpʉare tairora Jesucristocã cʉ̃cã cõwõãriasirore upatuti masãherigatiyi. 14Tairora cʉ̃ Jesucristocã upatuti masãheririasiro niñerõcãpʉare ʉ̃sãcã mʉjãrẽ buere queticã icãta wapamaniga; mʉjãcã cʉ̃rẽ wedewõrẽ cʉorecã icãta wapamaniga.#1Ts 4:14. 15Atiesotoapere cõwõãriaracã masãhere queorora nimocãñerõcãpʉare ʉ̃sã Manigʉ̃yere wederibasoca ĩritoribasocajoro nirã eara tiboga. Merẽ ʉ̃sã cõwõãriara masãherigawa ĩ bueheri, buripe “Manigʉ̃ Cristore cõwõãrigʉpʉrena masõrigʉ niwĩ” ĩrẽ quetiperena bue. Tairo tiro ʉ̃sãcã ĩrõrã abirora Manigʉ̃cã Jesucristore masõheririasiropere atie cõwõãriaracã masãheriate nirõrã queoro nirẽ niboga.#Hch 2:24; 4:33; 5:30-32; Ro 4:25. 16Buri tairora queorora cõwõriarare masãteno maniñerõcã topʉare Jesucristocã masãherigatiyi. 17Tiwãmerã Jesucristocã masãheririasiro niñerõcãpʉare mʉjãcã cʉ̃rẽ wedewõrẽ cʉorecã icãta wapamaniboga. Marĩcʉ̃ mʉjã mʉjãcã ñañarẽ tirecʉtiriguere acõboyoya manirã nirã tiboga. 18Anorã abiro niñerõcãpʉare topʉare Jesucristore wedewõrẽ cʉoremena cõwõriaracã tairojorora biditiasura tigatiyuwa.#1Ts 4:16. 19Marĩ ano marĩcã catiribʉreco wadorena Jesucristore wedewõnirã “cʉ̃ marĩrẽ ñucametʉaro tigʉagawi” ĩ yuerucũnirã cʉ̃cã boriwãmepe wadore tirucũcaperacãrã siropʉre cʉ̃mena catire petiherere cʉore eare maniñerõcã marĩ ãpẽrãsotoare ñurĩwãme wayohera bopacarajoro ĩñayora nirã eara tiboga. Burijorora wedewõrã tiboga.#2Tm 3:12. 20Buri atie tairomerã ña. Merẽ nirõrã Jesucristo cʉ̃cã cõwõãriasirore masãsusiarigʉ niwĩ. Merẽ cʉ̃rã ñawĩ “cõwõãriaracã masãrãgawa” ĩ eñogʉ̃ ãpẽrã cõwõãriara watoare cʉ̃jãsʉguero masãsocorigʉ.#15:23; Hch 26:23; Col 1:18; 1Pe 1:3; Ap 1:5; 1Ts 4:13-18; Ro 6:4; Ef 2:6. 21Anorã abiro bi. Merẽ ĩcʉ̃ ʉmʉmenarã cõwõrẽ maquẽ eariarora niwʉ̃. Tairora tamʉ ĩcʉ̃ ʉmʉmenarã cõwõãriarare masãte maquẽcã watiriaro niwʉ̃.#Gn 3:17-19; Ro 5:12-21. 22Adánmenapere nipetira basoca cõwõrẽ maquẽrẽ cʉora earora abirora Jesucristomena wadora nipetira cõwõãriarapʉ nicaperãcãrã ũpatuti masã catire petiherere cʉora earagawa.#Jn 5:25; 1Tm 4:16; Ap 20:6. 23Nipetiracãrõ marĩrẽ masãriwatoa eariwatoara masãrõãcu. Merẽ cʉ̃ Jesucristora masãsʉguesiarigʉ niwĩ. Tosirope cʉ̃cã upatuti watiriwatoape marĩ cʉ̃yara nirã eariaracã masãrõãcu.#1Ts 4:13-17. 24Tocawatoamena atibʉreco petiro earoacu. Tibʉrecocã earemena Jesucristo nipetira ñañarãrẽ atibʉrecopʉ nirãrẽ, ʉmʉãwesepʉ nirãrẽ, cʉ̃jã nirũpãrãrẽ, tutuare cʉorare cõãpetimocãgʉagawi. Cʉ̃cã cʉ̃jãrẽ tairo tirosiro cʉ̃cã nipetira Nirũpʉ̃ nirẽrẽ cʉ̃ Pacʉre wiyogʉagawi.#Dn 7:14, 27; Col 2:15. 25Marĩcʉ̃ Jesucristo cʉ̃cã Nirũpʉ̃ nirẽrẽ cʉogʉagawi pʉ Manigʉ̃cã cʉ̃ Jesucristore ĩñatutirare cõãdiocoriwatoapʉ.#Sal 110:1; Is 2:2-4; Miq 4:1-5; Mt 22:44; Ap 20:1-6. 26Cʉ̃jãrẽ cõãrõsiro cʉ̃rẽ ĩñatutigʉ nitʉorera abiro nirẽ cõwõãrẽrẽ Cristo cõãtʉocogʉagawi.#2Tm 1:10; Ap 19:11-21; 20:5-14; 21:4. 27Manigʉ̃ye wederucũrẽrẽ ojayoriapũpʉ ĩrõrã abirora «Cristore nipetirare dotigʉ, nipetirere cʉogʉ pʉtʉañerõcã tirigʉ niwĩ» ĩ. Tora abiro nipetirere ĩrõ “Manigʉ̃ Cristo docape ñawĩ” ĩrõmerã ya. Manigʉ̃basurupera nipetirere, nipetirare Cristocã dotiro docape pʉtʉañerõcã tirigʉ niwĩ.#Mt 28:18; Heb 2:8. 28Apewãmepere nipetirecã, nipetiracã Cristocã dotiro docape nirõ eapetirosirope Cristobasurupera Manigʉ̃ Macʉ̃ nigʉ̃rã cʉ̃cã nipetirere, nipetirare Nirũpʉ̃ nirẽrẽ cʉ̃ Pacʉ Manigʉ̃rẽ wiyogʉ ea, cʉ̃cã dotiro docape pʉtʉagʉ eagʉagawi. Tairo tigʉ Manigʉ̃pe cʉ̃ wadora nipetirere, nipetirare Nirũpʉ̃ nigʉ̃ eagʉagawi, cʉ̃basurupera tiere Cristocã dotiro docape cũrĩgʉ ninigʉ̃.#1Co 3:23; Flp 3:21. 29Mʉjãrẽ tamʉ cõwõãriaracã masãte maquẽrẽ wederucũnemogʉ̃da. Ĩcãrãcã ĩrõrã abiro cõwõãriara icãta masãherigawa ĩcapetacãrã ¿dairo tira cõwõãriarapʉre cʉ̃jãya wãmemenape wãmeõtiyobosaicãrĩ? Cʉ̃jã “cõwõãriara masãherigawa” ĩrãpʉa tairo tiheribogawa. 30Ñenopere tira ʉ̃sã ¿ʉ̃sãcã cõwõãriara masãrãgawa ĩ wedere wapamenarã ñañarõ tiyora toquẽrĩpʉra ʉ̃sãye catirere sĩwõriaro cuwioro cametʉaicãrãmerã yari? Ʉ̃sãrẽ ñañarõ tirugacapetacãrã cõwõãriaracã masãtere masĩnirã ʉ̃sã tiere tairo buerucũmocã.#2Co 11:23-29. 31Merẽ mʉjã atiere ñucametʉaro masĩga. Yʉ nipetiribʉricori ya catirere sĩwõriaro cuwioro cametʉaicãgʉ̃ ya. Yara, mʉjãcã Jesúre wedewõrẽ wapamenarã yʉcã bʉtoro ʉsea tʉoiñarõrã abiro atie queorora ña.#Ro 8:36; 2Co 4:10-11; 11:23. 32Yʉcã Jesucristoye quetire wedere wapara yʉre Éfeso macãrã waibʉcʉra yaiwara abiro ñañacametʉaro tiwa. Cõwõãriaracã masãheriato niñerõcãpʉare ¿topʉare yʉ burijorora cʉ̃jãcã yʉre ñañarõ tirere cametʉagʉ tiyuri? Topʉare “cõwõãriara masãherigawa” ĩrẽ queorora niñerõcãpʉare ãpẽrãcã ĩrẽcʉtirora abiro “jamʉ yara; jamʉ sĩnirã; apewatoa tira menamerã marĩ cõwõãsuboga” ĩrẽcʉtirora abirope tirada ĩmasĩboga.#Is 22:13; Lc 12:19; 2Co 1:8; Hch 19:23-41. 33Mʉjã ãpẽrãrẽ niheriwãmepe bueyonirã icãta ĩritoyoherimocãña. Mʉjãrẽ atie basocacã ĩrẽcʉtirora abiro biri ĩrã. Tiemañu abiro ĩ: “Ñañarãmena bapuñerõcã ñurẽ tirecʉtirepe ditiasuga” ĩrẽ ña.#Pr 13:20. 34Tairo tira mʉjã ñurõ tʉomasĩña. Mʉjãcã tosʉgueropʉ ñurõ tʉoiñanʉcõrẽmena queoro tirecʉti nirẽcʉtirere tiriarora abirora tirucũmocã niña tamʉ. Ñañarẽrẽ tocãrõrã tidumocãña, merẽ ĩcãrã mʉjã watoa nirã Manigʉ̃yere icãta ĩñamasĩhera ñawã marĩcʉ̃. Yʉ mʉjãrẽ atiere wede mʉjãrẽ bobore tʉoiñaro ĩgʉ̃.#1Co 6:5; 1Ts 4:5.
¿Cõwõãriara dairo ti masãrãgari?
35Ĩcãrã abiro sãĩñagawa: “Cõwõãriara ¿dairo ti masãrãgari? ¿Dairere ũpʉ̃rĩ cʉoroagari?” ĩgawa.#Ez 37:3; Ro 9:19. 36¡Tie tʉomasĩhegʉnojoro sãĩñarẽ ña! Otecape marĩcʉ̃ oteheriñerõcã boaherora winirõ catiro eamasĩheri. Oterosirope doca ticape boa wimasĩrõ ea.#Jn 12:24; Is 55:10-11. 37Oteñerõcã tigʉmerã ña wirodaro. Buripe otecapepe ña merĩã wirodaro. Merẽ dairo nirẽ trigocapeno, apeye otecapenocã tairo wadora bi. 38Siro Manigʉ̃pʉ ñawĩ cʉ̃cã boriwãmepe ticapecã wirigʉre tigʉcã niãtiwamerã wiñerõcã tigʉ. Ĩñerõcã otecapecãrõrẽ tipecã nirĩwãmerã wiñerõcã yawí. Orica capere oricawõ wiñerõcã yawí.#Gn 1:11. 39Ũpʉ̃rĩ nipetirepʉra ĩcãrõpe nirẽ niheri; basoca apeũpʉ̃rĩ cʉowa, waibʉcʉracã apeũpʉ̃rĩ cʉowa, waibʉcʉra wʉracã apeũpũrĩ cʉowa tairora waicã apeũpʉ̃rĩ cʉowa. 40Tiwãmerã ʉmʉãwesepʉcãrẽ ũpũrĩ ña. Ĩñerõcã atiditapʉcãrẽ ũpʉ̃rĩ ña. Ʉmʉãwese maquẽ ũpʉ̃rĩ topʉpʉare ñucametʉare nirõ ya. Tairora atiditaro maquẽ ũpũrĩcã anopepʉare ñucametʉarera nirõ ya. 41Muipʉ̃cã asire muipʉ̃ ñamimacʉ̃ bowerera abiro niheri ĩñerõcã tairora ñocõãcã bowerera abiro niheri. Tiwãmerã ñocõãwadobasurupecã ĩcãrõpe boweheriwa; ĩcãrã bʉtoro, ãpẽrã pẽrõ bowewa. 42Cõwõãriaracã masãte maquẽcã atiwãmerã abirora bi. Atiũpʉ̃cã cõwõãñerõcã atiũpʉ̃ boamʉtãtiũpʉ̃rẽ yacũcõãmocãyo. Tiũpʉ̃rẽ yacũãriasiropʉra cõwõãriaracã masãriwatoa eañerõcã tiũpʉ̃ mama ũpʉ̃ nirõ eamasĩrõãcu. Tairo tiro ti ũpʉ̃ sua icãta upatuti cõwõãnemomasĩheriroacu.#Dn 12:3; Mt 13:43. 43Ũpʉ̃rĩ cõwõãñerõcã yacũcõãyoriũpʉ̃rĩ ñañari ũpʉ̃rĩ nirõ ya; buri apeũpʉ̃menape masãriũpʉ̃rĩpe ñucametʉariũpʉ̃rĩ nirõ earo tiroacu. Cõwõãñerõcã yacũcõãyoriũpʉ̃rĩ tutuahere nirõ ya; buri apeũpʉ̃mena masãriũpʉ̃rĩpe tutuarepʉ nirõ earo tiroacu.#Flp 3:21. 44Ũpʉ̃ cõwõãñerõcã yacũcõãyoriũpʉ̃ atibʉreco macã ũpʉ̃ nirõ ya; buri tiũpʉ̃rã yacũcõãyoariasirore mama ũpʉ̃ masãriũpʉ̃pe ʉmʉãwesemacã ũpʉ̃ cõwõãheriatiũpʉ̃pʉ nirõ earo tiroacu. Tairo tira marĩ marĩcʉorore “atibʉreco macã ũpʉ̃rẽ cʉo marĩcʉ̃; siropʉpere ʉmʉãwesemacã ũpʉ̃pʉre icãta cõwõãheriatiũpʉ̃pʉre cʉora earoacu” ĩ masĩ.#Ef 2:6-7; Ro 8:23. 45Merẽ Manigʉ̃ye wederucũrẽrẽ ojayoriapũpʉcãrẽ abiro ĩrẽ ña: «Basocʉ nisocogʉ Adánrã Manigʉ̃cã catire nʉniyogʉ catire cʉogʉ nigʉ̃ earigʉ niwĩ» ĩ ojayore ña. Buri tora abirora nitʉogʉ Adánsiromacʉ̃ Jesucristope ʉmʉãwesemacʉ̃pʉ ninigʉ̃ catire petiherere nʉnigʉ̃ earigʉ ñawĩ.#Gn 2:7; Ro 5:14; 8:2. 46Tairo tira marĩ atibʉreco macã ũpʉ̃pe nisocoriasiro niñerõcãrã atibʉreco macã ũpʉ̃pere cʉosocora nirã ña. Sirope docare ʉmʉãwesemacã ũpʉ̃pere cʉora nirã earoacu. 47Merẽ ʉmʉ nisocorigʉ Adán atiditaro maquẽ ditamenarã tiyorigʉ ñawĩ; tairo tigʉ atiyepa macʉ̃rã nirigʉ niwĩ. Siromacʉ̃ ʉmʉ Jesucristope ʉmʉãwesepʉmena watirigʉ ñawĩ; tairo tigʉ ʉmʉãwesemacʉ̃pʉra nigʉ̃ ñawĩ.#Gn 2:7; 3:19; Jn 3:31. 48Tairo tira nipetira basoca atiditaropʉ nirã Adánya ũpʉ̃ ditamena tiyoriaũpʉ̃rã abiro ũpʉ̃cʉtira nirã yawa. Buri ʉmʉãwesepʉ wanape to ʉmʉãwesepʉmena watirigʉya ũpʉ̃rã abiro ũpʉ̃cʉtira eana nirã yawa. 49Ʉmʉ nisocorigʉya ũpʉ̃rã abiro marĩcã cʉora eariarora abiro tiwãmerã Jesucristo ʉmʉãwesepʉmena watirigʉmenacãrẽ cʉ̃ya ũpʉ̃rã abirora cʉora earoacu.#Gn 5:3; Ro 8:29; 1Jn 3:2. 50Yara mʉjãrẽ atiere wede. Marĩrẽ atiũpʉ̃ atibʉreco macã ũpʉ̃menapere Manigʉ̃cã cʉ̃yarare dotiro ʉmʉãwesepʉre icãta wamasĩñamani. Tairora atiũpʉ̃ ñañari ũpʉ̃ cõwõãtiũpʉ̃menacãrẽ tairo cõwõrõmanirõrã nirucũãtopʉcãrẽ icãta wamasĩñamani.#Mt 16:17; Jn 3:3, 5. 51Buri mʉjãrẽ Manigʉ̃cã wedero manirõ yajioropʉ cʉoriguere wedegʉda: Nipetirapʉra cõwõãhericu, buripe apeũpʉ̃pe wasoayopetiasuroacu,#1Ts 4:15-17; Flp 3:21. 52nocãrõgãmerã cape bia pãwõcorocãrõrã atibʉreco petiro earomena putirigare putitʉoriwatoamena tairo biroacu. Tocawatoamena cõwõãrirara mama ũpʉ̃mena masãrãgawa pʉãrĩ cõwõãrãdaramerã. Tairora marĩcã marĩcʉ̃ catiremena nirãpecã apeũpʉ̃pʉ wasoapetiasuroacu.#Mt 24:31; Jn 5:25; 1Ts 4:16; Ap 11:15; 19:11-16; 20:1-6. 53Manigʉ̃ atiũpʉ̃rĩ cõwõriũpʉ̃rĩrẽ, boamʉtãrĩũpʉ̃rĩrẽ icãta cõwõãheriatiũpʉ̃rĩpe wasoagʉagawi. Tairo tiro sua tiũpʉ̃rĩ icãta cõwõãnemohericu.#2Co 5:4. 54Anorã abiro atiecã biñerõcãrã Manigʉ̃ye wederucũrẽrẽ ojayoriapũpʉ wederora abiro queoro waro tiroacu: «Cõwõãñerõcã tire cõãdiocoyore pʉtʉa. 55¿Dairo biri cõwõãrẽ tutuare cʉore nimirigue? ¿Nopʉ ñarĩ cõwõrẽ pũnirẽ nimirigue?» ĩ ojayore ña.#Is 25:8; Heb 2:14; Ap 20:14; Os 13:14. 56Ñañarẽrẽ tirecʉtire wapara cõwõrẽ pũnirẽ wati. Tairo tira tie ñañarẽrẽ tirigue wapara cõwõãna wado ña; tie ñañarẽ tire tutuare cʉore Manigʉ̃cã Moisére dotire cũriguemena masĩyo.#Ro 4:15; 5:12-13; 7:7-12. 57Buri marĩ Manigʉ̃rẽ bʉtoro ʉseare nʉnirãda merẽ cʉ̃ Jesucristocã tiriguemenarã cõwõrẽrẽ marĩrẽ cametʉanʉcãrã eañerõcã yawí.#Ro 4:25. 58Tairo tira mʉjã yara, marĩ Nirũpʉ̃ Jesucristore ĩcãdiamacãrã, tutuaromena wedewõrucũmocãña. ¡Ãpẽrãcã mʉjãrẽ cʉ̃yere pitidotiñerõcã icãta pitiherimocãña! Tairora bʉrecoricãrõ cʉ̃cã cʉ̃yere padededotirere padederucũmocãña. Mʉjã merẽ cʉ̃mena ĩcãrõ ninirãrã cʉ̃rẽ padedebosarere burijorora padedepãmarẽ niherere masĩsia. Tie wapacʉtire nirõ ya.#1Co 16:10; 2Pe 3:14; Is 65:17, 22-23; Mt 25:21; Lc 19:17; Ga 2:2; Flp 2:16; 1Ts 3:5.
Currently Selected:
1 Corintios 15: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
1 Corintios 15
15
Jesucristocã masãrigue
1Yara, yʉcã mʉjãrẽ tosʉgueropʉ Jesucristocã basocare cametʉore quetire bueriguere mʉjãrẽ wãcũñerõcã tiruga. Mʉjã tiere ñurõ peñarõmena boca ñe tiere wedewõrã eawʉ. Tairo tira marĩcʉoropʉcãrẽ tierena ĩcãdiamacãrã ñurõ wedewõrucũmocã.#Ga 1:11; Ro 2:16; 5:2. 2Mʉjã atie Jesucristocã basocare cametʉore quetimenarã cametʉoyora nirã eara ya, tiere nirõrã ĩcãdiamacãrã tutuaromena wedewõrucũmocãrãpʉa. Buri mʉjãcã tairo tiheriñerõcã mʉjãcã cʉ̃rẽ wedewõrẽ cʉore earigue icãta wapamanirõãcu mʉjã cametʉoyora eaheriga.#Ro 1:16; 11:22; 1Co 1:21; Ga 3:4; Heb 3:14. 3Yʉre bueñerõcã yʉcã ñeriawãmerã mʉjãrẽ tiere apeyesotoa wapacʉtire nirẽrẽna queoro wede buetutiawʉ. Mʉjãrẽ yʉ Manigʉ̃ye wederucũrẽrẽ ojayoriapũpʉ wederora abirora “Jesucristora marĩcã ñañarẽrẽ tirigue wapara marĩrẽ cõwõãbosarigʉ niwĩ.#Is 53:5-12; Lc 24:25-27; 1Co 11:23; Heb 7:27. 4Cʉ̃cã cõwõãriasiro cʉ̃ya ũpũrĩniguẽrẽ yacũriara niwã. Cʉ̃rẽ yacũriasiro itiabʉrecosiromenarã Manigʉ̃ cʉ̃rẽ masõrigʉ niwĩ” ĩ wedewʉ.#Sal 16:8-10; Mt 12:40; 16:21; Mc 8:31; Lc 9:22; Hch 2:24-25; 26:22-23. 5Tairora “cʉ̃cã masãriasiro Pedrore bajuasocorigʉ niwĩ. Sirorena cʉ̃ buera docere bajuarigʉ niwĩ.#1Co 1:12; Mt 28:17; Mc 16:14; Lc 24:9, 34, 36; Jn 20:19, 26. 6Sirorena ĩcãrĩrã bajuagʉ pajʉ quinientos sotoare cʉ̃rẽ wedewõrãrẽ bajuarigʉ niwĩ. Marĩcʉ̃ pajʉ cʉ̃rẽ ĩñariara catiwa. Ãpẽrãpe cõwõãsusiawa. 7Siro Santiagore bajuarigʉ niwĩ. Tosirora nipetira cʉ̃ buerare bajuarigʉ niwĩ.#Lc 24:33, 36, 37; Hch 1:3, 6-11; 12:17; 15:13; Ga 1:19; Mt 10:2-3; 13:55; Jn 7:5. 8Siro nitʉoropʉ cʉ̃jãrẽ bajuariasiropʉ yʉcãrẽ bajuawi. Yʉpʉa cʉ̃ buera niãnarẽ ñeriarora abiro ñeyorigʉ nigʉ̃ eaheriwʉ. Buri wĩmagʉ̃ cʉ̃cã bajuatosʉguerora bajuasʉguerora abiro wãcũña manirõmena cʉ̃cã cʉ̃ye quetire buedotigʉ ñeyorigʉ nigʉ̃ eawʉ” ĩ wedewʉ.#Hch 9:3-8; 1Co 9:1; Ga 1:16. 9Tairo tigʉ yʉ ãpẽrã cʉ̃ye quetire buedotigʉ cʉ̃cã beseyoriara docape wapacʉtigʉ nigʉ̃ ña. Tairora yʉ “basocare Jesucristocã cʉ̃ye quetire buedotigʉ beseyorigʉra ñawĩ” ĩ pisuyobogʉmerã ña. Merẽ yʉ tosʉgueropʉre cʉ̃rẽ wedewõrãrẽ ñañacametʉaro tigʉ eawʉ.#Hch 8:3; 9:4-5; Ef 3:8; 1Tm 1:15. 10Tairo nirigʉrena Manigʉ̃cã yʉre cʉ̃ye ĩñamaĩrẽmenarã ñurõ tiriasiro niñerõcã yʉ marĩcʉorore Jesucristocã cʉ̃ye quetire buedotigʉ beseyorigʉ ña. Cʉ̃cã tora abiro cʉ̃ye ĩñamaĩrẽmena yʉre ñurõ tiriasiro niñerõcãrã yʉ ãpẽrã Jesucristocã cʉ̃ye quetire buedotigʉ ñeyoriarasotoape bʉtoro Jesúcã basocare cametʉore quetire wedecametʉonʉcõ. Buri yʉ tiere yʉbasurupera tigʉmerã ya; Manigʉ̃basurupera cʉ̃ye ĩñamaĩrẽmena ñurõ titamugʉ̃cã yʉmena nigʉ̃rã yʉre tiere bʉtoro padedeñerõcã yawí.#Ro 15:18-19; 2Co 3:5; 11:23; Ga 2:8. 11Tairo tiro yʉcã mʉjãrẽ bueriasiro niñerõcã o ãpẽrã Jesucristocã cʉ̃ye quetire buedotigʉ beseyoriarape mʉjãrẽ bueriasiro niñerõcãcãrẽ ñujo. Ʉ̃sã nipetirapʉra ĩcã quetirena Jesucristocã cõwõã masãrigue wadorena bue. Atie quetira ña mʉjãcã tiere tʉora eariwatoapʉra mʉjãcã wedewõsocora earigue.
Cõwõãriaracã masãte
12Ʉ̃sãcã wedere quetipʉre merẽ “Jesucristo cʉ̃cã cõwõãriasiro cʉ̃ upatutira masãsurigʉ niwĩ” ĩ wedecapetacãrã ¿dairo tira marĩcʉ̃ ĩcãrã mʉjã watoa macãrã cõwõãriarapʉre icãta upatuti masãrẽ manirõãcu ĩrĩ?#Hch 17:32; 23:8; 2Tm 2:18. 13Topʉare cõwõãriarare masãteno maniñerõcãpʉare tairora Jesucristocã cʉ̃cã cõwõãriasirore upatuti masãherigatiyi. 14Tairora cʉ̃ Jesucristocã upatuti masãheririasiro niñerõcãpʉare ʉ̃sãcã mʉjãrẽ buere queticã icãta wapamaniga; mʉjãcã cʉ̃rẽ wedewõrẽ cʉorecã icãta wapamaniga.#1Ts 4:14. 15Atiesotoapere cõwõãriaracã masãhere queorora nimocãñerõcãpʉare ʉ̃sã Manigʉ̃yere wederibasoca ĩritoribasocajoro nirã eara tiboga. Merẽ ʉ̃sã cõwõãriara masãherigawa ĩ bueheri, buripe “Manigʉ̃ Cristore cõwõãrigʉpʉrena masõrigʉ niwĩ” ĩrẽ quetiperena bue. Tairo tiro ʉ̃sãcã ĩrõrã abirora Manigʉ̃cã Jesucristore masõheririasiropere atie cõwõãriaracã masãheriate nirõrã queoro nirẽ niboga.#Hch 2:24; 4:33; 5:30-32; Ro 4:25. 16Buri tairora queorora cõwõriarare masãteno maniñerõcã topʉare Jesucristocã masãherigatiyi. 17Tiwãmerã Jesucristocã masãheririasiro niñerõcãpʉare mʉjãcã cʉ̃rẽ wedewõrẽ cʉorecã icãta wapamaniboga. Marĩcʉ̃ mʉjã mʉjãcã ñañarẽ tirecʉtiriguere acõboyoya manirã nirã tiboga. 18Anorã abiro niñerõcãpʉare topʉare Jesucristore wedewõrẽ cʉoremena cõwõriaracã tairojorora biditiasura tigatiyuwa.#1Ts 4:16. 19Marĩ ano marĩcã catiribʉreco wadorena Jesucristore wedewõnirã “cʉ̃ marĩrẽ ñucametʉaro tigʉagawi” ĩ yuerucũnirã cʉ̃cã boriwãmepe wadore tirucũcaperacãrã siropʉre cʉ̃mena catire petiherere cʉore eare maniñerõcã marĩ ãpẽrãsotoare ñurĩwãme wayohera bopacarajoro ĩñayora nirã eara tiboga. Burijorora wedewõrã tiboga.#2Tm 3:12. 20Buri atie tairomerã ña. Merẽ nirõrã Jesucristo cʉ̃cã cõwõãriasirore masãsusiarigʉ niwĩ. Merẽ cʉ̃rã ñawĩ “cõwõãriaracã masãrãgawa” ĩ eñogʉ̃ ãpẽrã cõwõãriara watoare cʉ̃jãsʉguero masãsocorigʉ.#15:23; Hch 26:23; Col 1:18; 1Pe 1:3; Ap 1:5; 1Ts 4:13-18; Ro 6:4; Ef 2:6. 21Anorã abiro bi. Merẽ ĩcʉ̃ ʉmʉmenarã cõwõrẽ maquẽ eariarora niwʉ̃. Tairora tamʉ ĩcʉ̃ ʉmʉmenarã cõwõãriarare masãte maquẽcã watiriaro niwʉ̃.#Gn 3:17-19; Ro 5:12-21. 22Adánmenapere nipetira basoca cõwõrẽ maquẽrẽ cʉora earora abirora Jesucristomena wadora nipetira cõwõãriarapʉ nicaperãcãrã ũpatuti masã catire petiherere cʉora earagawa.#Jn 5:25; 1Tm 4:16; Ap 20:6. 23Nipetiracãrõ marĩrẽ masãriwatoa eariwatoara masãrõãcu. Merẽ cʉ̃ Jesucristora masãsʉguesiarigʉ niwĩ. Tosirope cʉ̃cã upatuti watiriwatoape marĩ cʉ̃yara nirã eariaracã masãrõãcu.#1Ts 4:13-17. 24Tocawatoamena atibʉreco petiro earoacu. Tibʉrecocã earemena Jesucristo nipetira ñañarãrẽ atibʉrecopʉ nirãrẽ, ʉmʉãwesepʉ nirãrẽ, cʉ̃jã nirũpãrãrẽ, tutuare cʉorare cõãpetimocãgʉagawi. Cʉ̃cã cʉ̃jãrẽ tairo tirosiro cʉ̃cã nipetira Nirũpʉ̃ nirẽrẽ cʉ̃ Pacʉre wiyogʉagawi.#Dn 7:14, 27; Col 2:15. 25Marĩcʉ̃ Jesucristo cʉ̃cã Nirũpʉ̃ nirẽrẽ cʉogʉagawi pʉ Manigʉ̃cã cʉ̃ Jesucristore ĩñatutirare cõãdiocoriwatoapʉ.#Sal 110:1; Is 2:2-4; Miq 4:1-5; Mt 22:44; Ap 20:1-6. 26Cʉ̃jãrẽ cõãrõsiro cʉ̃rẽ ĩñatutigʉ nitʉorera abiro nirẽ cõwõãrẽrẽ Cristo cõãtʉocogʉagawi.#2Tm 1:10; Ap 19:11-21; 20:5-14; 21:4. 27Manigʉ̃ye wederucũrẽrẽ ojayoriapũpʉ ĩrõrã abirora «Cristore nipetirare dotigʉ, nipetirere cʉogʉ pʉtʉañerõcã tirigʉ niwĩ» ĩ. Tora abiro nipetirere ĩrõ “Manigʉ̃ Cristo docape ñawĩ” ĩrõmerã ya. Manigʉ̃basurupera nipetirere, nipetirare Cristocã dotiro docape pʉtʉañerõcã tirigʉ niwĩ.#Mt 28:18; Heb 2:8. 28Apewãmepere nipetirecã, nipetiracã Cristocã dotiro docape nirõ eapetirosirope Cristobasurupera Manigʉ̃ Macʉ̃ nigʉ̃rã cʉ̃cã nipetirere, nipetirare Nirũpʉ̃ nirẽrẽ cʉ̃ Pacʉ Manigʉ̃rẽ wiyogʉ ea, cʉ̃cã dotiro docape pʉtʉagʉ eagʉagawi. Tairo tigʉ Manigʉ̃pe cʉ̃ wadora nipetirere, nipetirare Nirũpʉ̃ nigʉ̃ eagʉagawi, cʉ̃basurupera tiere Cristocã dotiro docape cũrĩgʉ ninigʉ̃.#1Co 3:23; Flp 3:21. 29Mʉjãrẽ tamʉ cõwõãriaracã masãte maquẽrẽ wederucũnemogʉ̃da. Ĩcãrãcã ĩrõrã abiro cõwõãriara icãta masãherigawa ĩcapetacãrã ¿dairo tira cõwõãriarapʉre cʉ̃jãya wãmemenape wãmeõtiyobosaicãrĩ? Cʉ̃jã “cõwõãriara masãherigawa” ĩrãpʉa tairo tiheribogawa. 30Ñenopere tira ʉ̃sã ¿ʉ̃sãcã cõwõãriara masãrãgawa ĩ wedere wapamenarã ñañarõ tiyora toquẽrĩpʉra ʉ̃sãye catirere sĩwõriaro cuwioro cametʉaicãrãmerã yari? Ʉ̃sãrẽ ñañarõ tirugacapetacãrã cõwõãriaracã masãtere masĩnirã ʉ̃sã tiere tairo buerucũmocã.#2Co 11:23-29. 31Merẽ mʉjã atiere ñucametʉaro masĩga. Yʉ nipetiribʉricori ya catirere sĩwõriaro cuwioro cametʉaicãgʉ̃ ya. Yara, mʉjãcã Jesúre wedewõrẽ wapamenarã yʉcã bʉtoro ʉsea tʉoiñarõrã abiro atie queorora ña.#Ro 8:36; 2Co 4:10-11; 11:23. 32Yʉcã Jesucristoye quetire wedere wapara yʉre Éfeso macãrã waibʉcʉra yaiwara abiro ñañacametʉaro tiwa. Cõwõãriaracã masãheriato niñerõcãpʉare ¿topʉare yʉ burijorora cʉ̃jãcã yʉre ñañarõ tirere cametʉagʉ tiyuri? Topʉare “cõwõãriara masãherigawa” ĩrẽ queorora niñerõcãpʉare ãpẽrãcã ĩrẽcʉtirora abiro “jamʉ yara; jamʉ sĩnirã; apewatoa tira menamerã marĩ cõwõãsuboga” ĩrẽcʉtirora abirope tirada ĩmasĩboga.#Is 22:13; Lc 12:19; 2Co 1:8; Hch 19:23-41. 33Mʉjã ãpẽrãrẽ niheriwãmepe bueyonirã icãta ĩritoyoherimocãña. Mʉjãrẽ atie basocacã ĩrẽcʉtirora abiro biri ĩrã. Tiemañu abiro ĩ: “Ñañarãmena bapuñerõcã ñurẽ tirecʉtirepe ditiasuga” ĩrẽ ña.#Pr 13:20. 34Tairo tira mʉjã ñurõ tʉomasĩña. Mʉjãcã tosʉgueropʉ ñurõ tʉoiñanʉcõrẽmena queoro tirecʉti nirẽcʉtirere tiriarora abirora tirucũmocã niña tamʉ. Ñañarẽrẽ tocãrõrã tidumocãña, merẽ ĩcãrã mʉjã watoa nirã Manigʉ̃yere icãta ĩñamasĩhera ñawã marĩcʉ̃. Yʉ mʉjãrẽ atiere wede mʉjãrẽ bobore tʉoiñaro ĩgʉ̃.#1Co 6:5; 1Ts 4:5.
¿Cõwõãriara dairo ti masãrãgari?
35Ĩcãrã abiro sãĩñagawa: “Cõwõãriara ¿dairo ti masãrãgari? ¿Dairere ũpʉ̃rĩ cʉoroagari?” ĩgawa.#Ez 37:3; Ro 9:19. 36¡Tie tʉomasĩhegʉnojoro sãĩñarẽ ña! Otecape marĩcʉ̃ oteheriñerõcã boaherora winirõ catiro eamasĩheri. Oterosirope doca ticape boa wimasĩrõ ea.#Jn 12:24; Is 55:10-11. 37Oteñerõcã tigʉmerã ña wirodaro. Buripe otecapepe ña merĩã wirodaro. Merẽ dairo nirẽ trigocapeno, apeye otecapenocã tairo wadora bi. 38Siro Manigʉ̃pʉ ñawĩ cʉ̃cã boriwãmepe ticapecã wirigʉre tigʉcã niãtiwamerã wiñerõcã tigʉ. Ĩñerõcã otecapecãrõrẽ tipecã nirĩwãmerã wiñerõcã yawí. Orica capere oricawõ wiñerõcã yawí.#Gn 1:11. 39Ũpʉ̃rĩ nipetirepʉra ĩcãrõpe nirẽ niheri; basoca apeũpʉ̃rĩ cʉowa, waibʉcʉracã apeũpʉ̃rĩ cʉowa, waibʉcʉra wʉracã apeũpũrĩ cʉowa tairora waicã apeũpʉ̃rĩ cʉowa. 40Tiwãmerã ʉmʉãwesepʉcãrẽ ũpũrĩ ña. Ĩñerõcã atiditapʉcãrẽ ũpʉ̃rĩ ña. Ʉmʉãwese maquẽ ũpʉ̃rĩ topʉpʉare ñucametʉare nirõ ya. Tairora atiditaro maquẽ ũpũrĩcã anopepʉare ñucametʉarera nirõ ya. 41Muipʉ̃cã asire muipʉ̃ ñamimacʉ̃ bowerera abiro niheri ĩñerõcã tairora ñocõãcã bowerera abiro niheri. Tiwãmerã ñocõãwadobasurupecã ĩcãrõpe boweheriwa; ĩcãrã bʉtoro, ãpẽrã pẽrõ bowewa. 42Cõwõãriaracã masãte maquẽcã atiwãmerã abirora bi. Atiũpʉ̃cã cõwõãñerõcã atiũpʉ̃ boamʉtãtiũpʉ̃rẽ yacũcõãmocãyo. Tiũpʉ̃rẽ yacũãriasiropʉra cõwõãriaracã masãriwatoa eañerõcã tiũpʉ̃ mama ũpʉ̃ nirõ eamasĩrõãcu. Tairo tiro ti ũpʉ̃ sua icãta upatuti cõwõãnemomasĩheriroacu.#Dn 12:3; Mt 13:43. 43Ũpʉ̃rĩ cõwõãñerõcã yacũcõãyoriũpʉ̃rĩ ñañari ũpʉ̃rĩ nirõ ya; buri apeũpʉ̃menape masãriũpʉ̃rĩpe ñucametʉariũpʉ̃rĩ nirõ earo tiroacu. Cõwõãñerõcã yacũcõãyoriũpʉ̃rĩ tutuahere nirõ ya; buri apeũpʉ̃mena masãriũpʉ̃rĩpe tutuarepʉ nirõ earo tiroacu.#Flp 3:21. 44Ũpʉ̃ cõwõãñerõcã yacũcõãyoriũpʉ̃ atibʉreco macã ũpʉ̃ nirõ ya; buri tiũpʉ̃rã yacũcõãyoariasirore mama ũpʉ̃ masãriũpʉ̃pe ʉmʉãwesemacã ũpʉ̃ cõwõãheriatiũpʉ̃pʉ nirõ earo tiroacu. Tairo tira marĩ marĩcʉorore “atibʉreco macã ũpʉ̃rẽ cʉo marĩcʉ̃; siropʉpere ʉmʉãwesemacã ũpʉ̃pʉre icãta cõwõãheriatiũpʉ̃pʉre cʉora earoacu” ĩ masĩ.#Ef 2:6-7; Ro 8:23. 45Merẽ Manigʉ̃ye wederucũrẽrẽ ojayoriapũpʉcãrẽ abiro ĩrẽ ña: «Basocʉ nisocogʉ Adánrã Manigʉ̃cã catire nʉniyogʉ catire cʉogʉ nigʉ̃ earigʉ niwĩ» ĩ ojayore ña. Buri tora abirora nitʉogʉ Adánsiromacʉ̃ Jesucristope ʉmʉãwesemacʉ̃pʉ ninigʉ̃ catire petiherere nʉnigʉ̃ earigʉ ñawĩ.#Gn 2:7; Ro 5:14; 8:2. 46Tairo tira marĩ atibʉreco macã ũpʉ̃pe nisocoriasiro niñerõcãrã atibʉreco macã ũpʉ̃pere cʉosocora nirã ña. Sirope docare ʉmʉãwesemacã ũpʉ̃pere cʉora nirã earoacu. 47Merẽ ʉmʉ nisocorigʉ Adán atiditaro maquẽ ditamenarã tiyorigʉ ñawĩ; tairo tigʉ atiyepa macʉ̃rã nirigʉ niwĩ. Siromacʉ̃ ʉmʉ Jesucristope ʉmʉãwesepʉmena watirigʉ ñawĩ; tairo tigʉ ʉmʉãwesemacʉ̃pʉra nigʉ̃ ñawĩ.#Gn 2:7; 3:19; Jn 3:31. 48Tairo tira nipetira basoca atiditaropʉ nirã Adánya ũpʉ̃ ditamena tiyoriaũpʉ̃rã abiro ũpʉ̃cʉtira nirã yawa. Buri ʉmʉãwesepʉ wanape to ʉmʉãwesepʉmena watirigʉya ũpʉ̃rã abiro ũpʉ̃cʉtira eana nirã yawa. 49Ʉmʉ nisocorigʉya ũpʉ̃rã abiro marĩcã cʉora eariarora abiro tiwãmerã Jesucristo ʉmʉãwesepʉmena watirigʉmenacãrẽ cʉ̃ya ũpʉ̃rã abirora cʉora earoacu.#Gn 5:3; Ro 8:29; 1Jn 3:2. 50Yara mʉjãrẽ atiere wede. Marĩrẽ atiũpʉ̃ atibʉreco macã ũpʉ̃menapere Manigʉ̃cã cʉ̃yarare dotiro ʉmʉãwesepʉre icãta wamasĩñamani. Tairora atiũpʉ̃ ñañari ũpʉ̃ cõwõãtiũpʉ̃menacãrẽ tairo cõwõrõmanirõrã nirucũãtopʉcãrẽ icãta wamasĩñamani.#Mt 16:17; Jn 3:3, 5. 51Buri mʉjãrẽ Manigʉ̃cã wedero manirõ yajioropʉ cʉoriguere wedegʉda: Nipetirapʉra cõwõãhericu, buripe apeũpʉ̃pe wasoayopetiasuroacu,#1Ts 4:15-17; Flp 3:21. 52nocãrõgãmerã cape bia pãwõcorocãrõrã atibʉreco petiro earomena putirigare putitʉoriwatoamena tairo biroacu. Tocawatoamena cõwõãrirara mama ũpʉ̃mena masãrãgawa pʉãrĩ cõwõãrãdaramerã. Tairora marĩcã marĩcʉ̃ catiremena nirãpecã apeũpʉ̃pʉ wasoapetiasuroacu.#Mt 24:31; Jn 5:25; 1Ts 4:16; Ap 11:15; 19:11-16; 20:1-6. 53Manigʉ̃ atiũpʉ̃rĩ cõwõriũpʉ̃rĩrẽ, boamʉtãrĩũpʉ̃rĩrẽ icãta cõwõãheriatiũpʉ̃rĩpe wasoagʉagawi. Tairo tiro sua tiũpʉ̃rĩ icãta cõwõãnemohericu.#2Co 5:4. 54Anorã abiro atiecã biñerõcãrã Manigʉ̃ye wederucũrẽrẽ ojayoriapũpʉ wederora abiro queoro waro tiroacu: «Cõwõãñerõcã tire cõãdiocoyore pʉtʉa. 55¿Dairo biri cõwõãrẽ tutuare cʉore nimirigue? ¿Nopʉ ñarĩ cõwõrẽ pũnirẽ nimirigue?» ĩ ojayore ña.#Is 25:8; Heb 2:14; Ap 20:14; Os 13:14. 56Ñañarẽrẽ tirecʉtire wapara cõwõrẽ pũnirẽ wati. Tairo tira tie ñañarẽrẽ tirigue wapara cõwõãna wado ña; tie ñañarẽ tire tutuare cʉore Manigʉ̃cã Moisére dotire cũriguemena masĩyo.#Ro 4:15; 5:12-13; 7:7-12. 57Buri marĩ Manigʉ̃rẽ bʉtoro ʉseare nʉnirãda merẽ cʉ̃ Jesucristocã tiriguemenarã cõwõrẽrẽ marĩrẽ cametʉanʉcãrã eañerõcã yawí.#Ro 4:25. 58Tairo tira mʉjã yara, marĩ Nirũpʉ̃ Jesucristore ĩcãdiamacãrã, tutuaromena wedewõrucũmocãña. ¡Ãpẽrãcã mʉjãrẽ cʉ̃yere pitidotiñerõcã icãta pitiherimocãña! Tairora bʉrecoricãrõ cʉ̃cã cʉ̃yere padededotirere padederucũmocãña. Mʉjã merẽ cʉ̃mena ĩcãrõ ninirãrã cʉ̃rẽ padedebosarere burijorora padedepãmarẽ niherere masĩsia. Tie wapacʉtire nirõ ya.#1Co 16:10; 2Pe 3:14; Is 65:17, 22-23; Mt 25:21; Lc 19:17; Ga 2:2; Flp 2:16; 1Ts 3:5.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.