1 Corintios 14
14
Basocaburi wederucũriʉserire wederucũmasĩrẽ maquẽ ĩñerõcã Manigʉ̃cã wededotirere wedemasĩrẽ maquẽ
1Mʉjã queoro nirĩwãmerã ãpẽrãrẽ maĩrucũmocãña. Ĩñerõcã tairora Manigʉ̃cã Espíritu Santomena timasĩrẽ nʉnirẽrẽ amarucũmocãña; queorojopʉare Manigʉ̃cã wededotirere wedemasĩñerõcã tirepere cʉorugarucũrã amaña tiepere ñurõ wedemasĩrãrã nirãdara.#1Co 16:14; 12:1, 31; 13:2. 2Ĩcʉ̃no basocaburi wederucũriʉserire wederucũgʉ̃no basocare wederucũgʉ̃merã yawí; Manigʉ̃pere wederucũgʉ̃ yawí cʉ̃ wadora tiere cʉ̃cã tʉopetigʉ niñerõcã. Merẽ basocanopʉa noãnojoro tiere cʉ̃cã ĩrẽrẽ icãta tʉomasĩheriwa Espíritu Santocã cʉ̃ye tʉoiñarẽpʉre masĩrẽ nʉnirẽmenarã Manigʉ̃ye masĩñamanirẽ niriguere cʉ̃cã wederucũgʉ̃ niñerõcã.#Hch 10:46; 1Co 12:10, 28, 30; 13:1. 3Buri Manigʉ̃cã wededotirere wedegʉnope basocarena wederucũgʉ̃ yawí. Cʉ̃ cʉ̃cã wederucũrẽrẽ tʉorare Jesucristore wedewõrãrẽ õpe cʉ̃rẽ wedewõwʉmʉãnemoñerõcã tigʉ yawí. Cʉ̃jãrẽ wãcũtutuañerõcã cʉ̃jãrẽ cʉ̃jãye yeripũnarĩpʉre ñurõ tʉoiñarã nirã eañerõcã tigʉ yawí.#14:5, 12, 17, 26; Hch 4:36. 4No basocaburi wederucũriʉserire wederucũmasĩgʉ̃no cʉ̃basurupera Jesucristore õpe wedewõwʉmʉãnemogʉ̃ tigawi. Manigʉ̃cã wededotirere wedegʉnope ãpẽrã Jesucristore wedewõrãpere cʉ̃rẽ õpe wedewʉmʉãnemoñerõcã tigʉ yawí. 5Yʉ mʉjã nipetirare basocaburi wederucũriʉserire wederucũmasĩrã niñerõcã bomiga; buri atiesotoapere mʉjãrẽ Manigʉ̃cã wededotirepere bʉtoro wedeñerõcãpere bosãmiga. Merẽ Manigʉ̃cã wededotirere wedegʉpe basocaburi wederucũriʉserire wederucũmasĩgʉ̃ sotoape basocare titamugʉ̃ ñawĩ. Buri tairo nicapetacãrã basocaburi wederucũriʉserire wederucũmasĩgʉ̃cã wederucũrẽrẽ ãpĩpe tiere “tie abiro ĩrugaro ya” ĩ wedeñerõcãpere ñujo. Cʉ̃cã tiere tairo ĩ wederemenarã Jesucristore wedewõrãrẽ cʉ̃jãrẽ õpẽ cʉ̃rẽ wedewõnemowʉmʉãñerõcã tigʉ yawí.#Nm 11:29; 1Co 8:1. 6Yara ʉmʉã, nomiã apewatoa yʉcã mʉjã cʉtiropʉ ĩñagʉ̃ wañerõcãno yʉnocã basocaburi wederucũriʉserinomena mʉjãrẽ wederucũñerõcã ¿mʉjãrẽ tie ñenorẽ titamumasĩrõãgari? ¡Icãta mʉjãrẽ titamuheriga! Manigʉ̃cã cʉ̃yere masĩñerõcã tiriguere mʉjãrẽ wedegʉ doca, cʉ̃ye queti diamacã maquẽ nirẽrẽ mʉjãrẽ wedegʉ doca, cʉ̃cã cʉ̃ye maquẽrẽ yʉre wededotirere mʉjãrẽ wedegʉ doca o cʉ̃yere mʉjãrẽ buegʉ doca mʉjãrẽ tiemena titamumasĩñerõcã tigʉ tigʉacu.#14:26; Ro 6:17; 1Co 12:8. 7Yara, teneriawʉre o arpare queoro wãmocʉtiheriñerõcã tie basare niga ĩmasĩña maniga. 8Tairora camesĩãrõpʉre surarare camesĩãrõpʉ ña ĩ wedegʉ trompetare tocã bʉsʉriwãmerã queoro pũtiheriñerõcã surara merẽ camesĩãrõpʉra niga ĩ masĩhera cʉ̃jãyere quenoherigawa.#Nm 10:9; Jos 6:4, 9. 9Mʉjãmenacãrẽ tiwãmejorora bi. Mʉjãcã basocaburi wederucũriʉserimena wederucũrẽrẽ tʉomasĩboriwãmepe wederucũheriñerõcã ¿noãnojoro tiere abiro ĩrugara yawa ĩ tʉomasĩrã eamasĩbogari? Mʉjãcã tiemena tora abiro wederucũrẽ mʉjãcã burijorora wederucũpãmarẽrã nirõ ya.#1Co 9:26. 10Merẽ atibʉrecopʉre paje wederucũriʉseri ña. Buri bicaperocãrã tie wederucũriʉsericarõ tiecã wederucũriwãmerã tʉomasĩyore wadora nirõ ya. 11Yʉ ãpẽrãcã wederucũriʉserore tʉohegʉ cʉ̃menarẽ apero macʉ̃rã abiro nigʉ̃ eagʉ ya. Yʉmenapecãrẽ cʉ̃cã tairora apebumacʉ̃rã abiro nigʉ̃ eagʉ yawí.#Hch 28:2. 12Mʉjãcãrẽ tora abirora bi. Tairo tira mʉjã Manigʉ̃cã Espíritu Santomena timasĩrẽrẽ nʉnirẽmaquẽrẽ bʉtoro borucũrã ninirã Jesucristore wedewõrãrẽ õpe cʉ̃pere wedewõnemowʉmʉãñerõcã timasĩborepere cʉora eanirã tiepere bʉtoro tirugarucũmocãña.#14:4-5, 17, 26. 13Tairo tira anorã abiro niñerõcãrã basocaburi wederucũriʉserire wederucũmasĩrãno “yʉre atie yʉcã wederucũmasĩrẽrẽ ‘abiro ĩrugaro ya’ ĩ wedemasĩrẽcãrẽ yʉre nʉniña” ĩ ñubue sãĩaro Manigʉ̃rẽ. 14Merẽ marĩnocã ãpẽrãye wederucũriʉserimenarã Manigʉ̃rẽ ñubueñerõcã marĩya yeripũnapʉpʉa Manigʉ̃menarã wederucũrõ ya. Buri tora abiro ticapetacãrã marĩye wãcũrẽmenapere “abiro ĩrã tiga” ĩmasĩheri. 15Topʉare anorã abiro niñerõcã ¿marirẽ daironope tiñerõcã ñubogari? Marĩya yeripũnamenapʉra ñubuera marĩye wãcũrẽpʉcãrẽ tʉomasĩrĩwãmerã ñubueñerõcã ñuboga. Tairora marĩya yeripũnamenapʉra basara marĩya wãcũrẽpʉcãrẽ tʉomasĩboriwãmerã basañerõcã ñuboga.#Ef 5:19; Col 3:16. 16Marĩcã marĩya yeripũnapʉmena wadora Manigʉ̃rẽ ʉseapeoñerõcãpere ãpĩpe tiere tʉoherinigʉ̃ marĩcã Manigʉ̃rẽ ʉseapeorere “tairora ña” ĩtamumasĩherigawi.#1Co 11:24; 1Cr 16:36; Sal 106:48; Mt 15:36. 17Marĩcã Manigʉ̃rẽ ʉseapeore ñucametʉare nimasĩ nirõpʉa. Buri tairo ñucametʉare nicapetacãrã marĩmena nirãpere tie wederucũrẽrẽ tʉomasĩrã eaheriñerõcã marĩ cʉ̃jãrẽ Jesucristore õpe wedewõnewʉmʉãñerõcã tiramerã tiga.#Ro 14:19. 18Yʉ Manigʉ̃rẽ bʉtoro ʉseare nʉni merẽ cʉ̃rã yʉre basocaburi wederucũriʉserire wederucũmasĩrẽrẽ mʉjãrẽ nʉniriarosotape yʉre tiere wederucũmasĩñerõcã tirere nʉniwĩ. Tairo tigʉ mʉjãsotoaperena tiere wederucũmasĩgʉ̃rã nigʉ̃ ya. 19Buri tairo nicapeicã Jesucristore wedewõrãcã neãporopʉre cʉ̃jãrẽ wedegʉ cʉ̃jãcã tʉomasĩboriʉseromena wadora cʉ̃jãrẽ noquẽ ʉserimerã wede. Buripe basocaburi wederucũriʉserimena cʉ̃jãcã icãta tʉomasĩheremenape paje wederucũrẽmena cʉ̃jãrẽ wederono tigʉ. 20Yara mʉjãcã wĩmarãgãrã abiro wãcũrẽrẽ tocãrõrã wãcũpitiya. Ñañarẽrẽ tiremaquẽ wadorena mʉjã wĩmarãgãrã abiro niña. Buri apeyepere bʉtoara abiro ñurõ masĩrẽmena wãcũmasĩrãpe niña.#Sal 131:2; Ro 16:19; Ef 4:14; Heb 5:12-13; 1Pe 2:2. 21Merẽ Manigʉ̃ye wederucũrẽrẽ ojayoriapũpʉre abiro ojayorigue ña:
«Manigʉ̃ abiro ĩwĩ:
“Yʉ atimacã macãrã yarare apedita macãrãye wederucũriʉserimenape wederucũgʉ̃da.
Buri yʉcã tairo ticapetacãrã cʉ̃jãpe tiemena docare yʉre icãta tʉoheriroagawa”
ĩwĩ Manigʉ̃» ĩ ojayorigue ña.#Is 28:11-12. 22Tairo tiro Manigʉ̃cã aperomacãrãye wederucũriʉserimena wederucũñerõcã tire cʉ̃rẽ wedewõrãpere wededotirere eñorẽmerã ña. Buripe cʉ̃rẽ ĩñamasĩherapere cʉ̃cã wededotirere eñorẽpe nirõ ya. Tairora cʉ̃cã cʉ̃ye maquẽrẽ wededotirecã cʉ̃rẽ wedewõherare wededotigʉ cʉ̃cã eñorẽmerã ña. Buripe cʉ̃rẽ wedewõrãpere cʉ̃cã wededotirere eñorẽpe nirõ ya. 23Topʉare anorã abiro niñerõcãrã apewatoa mʉjãcã neãporopʉre nipetirapʉra basocaburi wederucũriʉserire wederucũpetira eañerõcãno ãpẽrã wedewõhera mʉjãrẽ topʉ tairo birare tʉora sãjeara ãnijã mawisira yawa ĩrõãgawa.#Hch 2:13. 24Buri mʉjãcã nipetirapʉra Manigʉ̃cã wededotirepere wedeñerõcã ãpẽrã wedewõherare o noborano mʉjãcã wederere tʉora earapere “ʉ̃sã ñañarẽrẽ tirara nigã; tairo tira tie wapara ñañarõ tiyoanarã niga” ĩ wãcũmasĩrã nirã eañerõcã tira tiroacu. 25Mʉjãcã tairo tiremenarã cʉ̃jãcã ñañarẽ tiriguere yajioro cʉ̃jãya yeripũnapʉ cʉoriguere baunirõpʉ “ñañarẽrẽ tiyu ʉ̃sã” ĩmasĩrã earoagawa. Tairo tira Manigʉ̃rẽ ãsʉ̃rʉ̃poperimena eacumuwa wedewõrãgawa. Ĩñerõcã “nirõrã mʉjãmenarã Manigʉ̃ ñawĩ” ĩrã earoagawa.#Is 45:14; Zac 8:23; Jn 4:19; Lc 17:16.
Neãporopʉre ñurĩwãme tiremaquẽ
26Yara marĩ atiere ¿dairi wãmepe ĩtuwanʉcõrã earoari? Yʉ mʉjãrẽ abiro tiya ĩgʉ̃da. Mʉjãcã ĩcãrõ neãporopʉre mʉjãcãrõ ĩcãrãnorã basarere tiya. Ãpẽrãpe Manigʉ̃yere bueya. Ãpẽrãpe Manigʉ̃cã cʉ̃yere masĩñerõcã tiriguere wedeya. Ãpẽrãpe basocaburi wederucũriʉserire wederucũña ĩñerõcã tairora ãpẽrãpe basocaburi wederucũriʉserire wederucũrãcã wederere “tie abiro ĩrugaro ya” ĩña. Tie nipetire mʉjãcã tairo tire Jesucristore wedewõrãrẽ õpe Manigʉ̃rẽ wedewõnemowʉmʉãñerõcã tire wadora niãro.#1Co 8:1; 12:7-10; 2Co 12:19; Ef 4:12; 5:19; Col 3:16; Mt 26:30; Lc 4:16-22. 27Basocaburi wederucũriʉserire wederucũmasĩrãno wederucũrã pʉ̃ãrã o itiãrãno wederucũña. Ĩcʉ̃cã wederucũãriasirope ãpĩ wasoa wederucũ tiya. Cʉ̃jãcã wedetuwarosiro ãpĩ cʉ̃jãcã wederucũãriguere “tie abiro ĩrugaro ya” ĩ wedeya. 28Buri ĩcʉ̃norã tiere “tie abiro ĩrugaro ya” ĩ wedemasĩgʉ̃no maniñerõcãpere mʉjãcã neãporopʉre basocaburi wederucũriʉserimena wederucũmasĩrãno topʉre tiere wederucũherimocãña. Buripe mʉjãsesarora mʉjãye yeripũnarĩpʉra Manigʉ̃mena wederucũ tʉoiñamocãña. 29Tiwãmerã ãpẽrã Manigʉ̃cã wededotirere wederacã pʉ̃ãrãno o itiãrãno wederucũña. Ãpẽrãpe cʉ̃jãcã wederere “tie diamacãrã ñarĩ” ĩrã ñurõ ĩñabeseya.#1Co 12:10. 30Ĩcʉ̃ cʉ̃cã wederucũriwatoara ãpĩrẽ to duigʉre Manigʉ̃cã wederucũdotiñerõcã wederucũsocoarigʉ cʉ̃rẽ wederucũdotigʉdagʉ tocãrõrã wederucũduya.#Hch 11:28; 21:10-11; 13:1-2. 31Anorã abiro mʉjã nipetira Manigʉ̃cã wededotirere ĩcʉ̃ wado came ñurõ wasoa wedesocowʉmʉãña, cʉ̃cã tuwaremena ãpĩ, cʉ̃sirope tamʉ ãpĩ ñurĩwãme wedetutiawʉmʉãña. Nipetira to nirã tiere tʉoracã tiere masĩrã ea, wãcũtutuara nirã eatora abiro. 32Mʉjã Manigʉ̃cã wededotirere wedera ñurõ wãcũ tʉoiñanʉcõnirãpʉ “atiera basocare wedeñerõcã ñurõãcu” ĩtuwanirãpʉ wedememacũmumocãña. Noborora wedepãmaherimocãña. Tairora ãpẽrãcã wederucũriwãtoara wederucũpãmaherimocãña.#1Jn 4:1. 33Merẽ Manigʉ̃ noborora tisobearere o ĩbaterere boheriwi, cʉ̃ tie macʉ̃merã ñawĩ. Buripe queoro nirĩwãmepe tiñerõcãpere bowi, tie macʉ̃ ninigʉ̃.#14:40; 1Ts 5:23. Nipetira marĩ Jesucristore wedewõrĩbumacãrãcã tirecʉtirora abiro 34marĩcã neãporopʉre nomiãrẽ wederucũdotiherimocãrõ bo. Cʉ̃jãrẽ wederucũdotire mani. Manigʉ̃ye wederucũrẽrẽ ojayoriapũpʉre dotirora abiro manʉsʉmʉã dotiro doca niãro.#Gn 3:16; 1Tm 2:11-12; 1Pe 3:1. 35Cʉ̃jãrõmiã apeyenorẽ masĩrugara cʉ̃jãyawiseripʉ earapʉ cʉ̃jã manʉsʉmʉãrẽ sãĩñaro. Cʉ̃jãcã Jesucristore wedewõrã neãporopʉre wederucũñerõcã ñuheri bobore ña. 36Mʉjã “ʉ̃sãcã borora ʉ̃sãcã tirugarere timasĩ” ĩ wãcũherimocãña. Merẽ Manigʉ̃ye queti mʉjãmena watisocoheriyu. Ĩñerõcã mʉjã “ʉ̃sã wadora cʉ̃ye quetire ñerã eariara ña” ĩ wãcũherimocãña. 37No ĩcʉ̃no “yʉ Manigʉ̃cã wededotirere wederibasocʉ ña” ĩ tʉoiñagʉ̃no o “Espíritu Santocã dotirora abiro ñurõ yʉgʉ ña” ĩgʉ̃no atie yʉcã ojacorere Nirũpʉ̃cã dotirere cʉ̃cã tidoticorera ña ĩnigʉ̃ tiere ñurõ boca ñegʉagawi.#2Co 10:7; 1Jn 4:6. 38Buri tairora “Nirũpʉ̃ dotirere cʉ̃cã tidoticoremerã ña” ĩnirã boca ñerã eañerõcãpere Nirũpʉ̃cã cʉ̃jãrẽ “cʉ̃jã Manigʉ̃cã wededotirere wederamerã ñawã o Espíritu Santocã dotirora abiro ñurõ yʉquetaturamerã ñawã” ĩgʉagawi. Tairo tira mʉjãcã cʉ̃jãnorẽ wedewõherimocãña.#2Ts 3:14. 39Tairo tira yara, mʉjã Manigʉ̃cã cʉ̃yere wededotirepere bʉtoro wederugara tie maquẽ wedemasĩrẽpere cʉorugara bʉtoro amaña. Tairora ãpẽrã mʉjãmenamacãrãcã basocaburi wederucũriʉserire wederucũrugañerõcã cʉ̃jãrẽ wederucũdotihera acutaheracã.#1Co 12:31. 40Nipetire mʉjãcã tirere tiboriwãmerã queoro tiya. Icãta noboriwãmerã tiherimocãña.#14:33.
Currently Selected:
1 Corintios 14: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
1 Corintios 14
14
Basocaburi wederucũriʉserire wederucũmasĩrẽ maquẽ ĩñerõcã Manigʉ̃cã wededotirere wedemasĩrẽ maquẽ
1Mʉjã queoro nirĩwãmerã ãpẽrãrẽ maĩrucũmocãña. Ĩñerõcã tairora Manigʉ̃cã Espíritu Santomena timasĩrẽ nʉnirẽrẽ amarucũmocãña; queorojopʉare Manigʉ̃cã wededotirere wedemasĩñerõcã tirepere cʉorugarucũrã amaña tiepere ñurõ wedemasĩrãrã nirãdara.#1Co 16:14; 12:1, 31; 13:2. 2Ĩcʉ̃no basocaburi wederucũriʉserire wederucũgʉ̃no basocare wederucũgʉ̃merã yawí; Manigʉ̃pere wederucũgʉ̃ yawí cʉ̃ wadora tiere cʉ̃cã tʉopetigʉ niñerõcã. Merẽ basocanopʉa noãnojoro tiere cʉ̃cã ĩrẽrẽ icãta tʉomasĩheriwa Espíritu Santocã cʉ̃ye tʉoiñarẽpʉre masĩrẽ nʉnirẽmenarã Manigʉ̃ye masĩñamanirẽ niriguere cʉ̃cã wederucũgʉ̃ niñerõcã.#Hch 10:46; 1Co 12:10, 28, 30; 13:1. 3Buri Manigʉ̃cã wededotirere wedegʉnope basocarena wederucũgʉ̃ yawí. Cʉ̃ cʉ̃cã wederucũrẽrẽ tʉorare Jesucristore wedewõrãrẽ õpe cʉ̃rẽ wedewõwʉmʉãnemoñerõcã tigʉ yawí. Cʉ̃jãrẽ wãcũtutuañerõcã cʉ̃jãrẽ cʉ̃jãye yeripũnarĩpʉre ñurõ tʉoiñarã nirã eañerõcã tigʉ yawí.#14:5, 12, 17, 26; Hch 4:36. 4No basocaburi wederucũriʉserire wederucũmasĩgʉ̃no cʉ̃basurupera Jesucristore õpe wedewõwʉmʉãnemogʉ̃ tigawi. Manigʉ̃cã wededotirere wedegʉnope ãpẽrã Jesucristore wedewõrãpere cʉ̃rẽ õpe wedewʉmʉãnemoñerõcã tigʉ yawí. 5Yʉ mʉjã nipetirare basocaburi wederucũriʉserire wederucũmasĩrã niñerõcã bomiga; buri atiesotoapere mʉjãrẽ Manigʉ̃cã wededotirepere bʉtoro wedeñerõcãpere bosãmiga. Merẽ Manigʉ̃cã wededotirere wedegʉpe basocaburi wederucũriʉserire wederucũmasĩgʉ̃ sotoape basocare titamugʉ̃ ñawĩ. Buri tairo nicapetacãrã basocaburi wederucũriʉserire wederucũmasĩgʉ̃cã wederucũrẽrẽ ãpĩpe tiere “tie abiro ĩrugaro ya” ĩ wedeñerõcãpere ñujo. Cʉ̃cã tiere tairo ĩ wederemenarã Jesucristore wedewõrãrẽ cʉ̃jãrẽ õpẽ cʉ̃rẽ wedewõnemowʉmʉãñerõcã tigʉ yawí.#Nm 11:29; 1Co 8:1. 6Yara ʉmʉã, nomiã apewatoa yʉcã mʉjã cʉtiropʉ ĩñagʉ̃ wañerõcãno yʉnocã basocaburi wederucũriʉserinomena mʉjãrẽ wederucũñerõcã ¿mʉjãrẽ tie ñenorẽ titamumasĩrõãgari? ¡Icãta mʉjãrẽ titamuheriga! Manigʉ̃cã cʉ̃yere masĩñerõcã tiriguere mʉjãrẽ wedegʉ doca, cʉ̃ye queti diamacã maquẽ nirẽrẽ mʉjãrẽ wedegʉ doca, cʉ̃cã cʉ̃ye maquẽrẽ yʉre wededotirere mʉjãrẽ wedegʉ doca o cʉ̃yere mʉjãrẽ buegʉ doca mʉjãrẽ tiemena titamumasĩñerõcã tigʉ tigʉacu.#14:26; Ro 6:17; 1Co 12:8. 7Yara, teneriawʉre o arpare queoro wãmocʉtiheriñerõcã tie basare niga ĩmasĩña maniga. 8Tairora camesĩãrõpʉre surarare camesĩãrõpʉ ña ĩ wedegʉ trompetare tocã bʉsʉriwãmerã queoro pũtiheriñerõcã surara merẽ camesĩãrõpʉra niga ĩ masĩhera cʉ̃jãyere quenoherigawa.#Nm 10:9; Jos 6:4, 9. 9Mʉjãmenacãrẽ tiwãmejorora bi. Mʉjãcã basocaburi wederucũriʉserimena wederucũrẽrẽ tʉomasĩboriwãmepe wederucũheriñerõcã ¿noãnojoro tiere abiro ĩrugara yawa ĩ tʉomasĩrã eamasĩbogari? Mʉjãcã tiemena tora abiro wederucũrẽ mʉjãcã burijorora wederucũpãmarẽrã nirõ ya.#1Co 9:26. 10Merẽ atibʉrecopʉre paje wederucũriʉseri ña. Buri bicaperocãrã tie wederucũriʉsericarõ tiecã wederucũriwãmerã tʉomasĩyore wadora nirõ ya. 11Yʉ ãpẽrãcã wederucũriʉserore tʉohegʉ cʉ̃menarẽ apero macʉ̃rã abiro nigʉ̃ eagʉ ya. Yʉmenapecãrẽ cʉ̃cã tairora apebumacʉ̃rã abiro nigʉ̃ eagʉ yawí.#Hch 28:2. 12Mʉjãcãrẽ tora abirora bi. Tairo tira mʉjã Manigʉ̃cã Espíritu Santomena timasĩrẽrẽ nʉnirẽmaquẽrẽ bʉtoro borucũrã ninirã Jesucristore wedewõrãrẽ õpe cʉ̃pere wedewõnemowʉmʉãñerõcã timasĩborepere cʉora eanirã tiepere bʉtoro tirugarucũmocãña.#14:4-5, 17, 26. 13Tairo tira anorã abiro niñerõcãrã basocaburi wederucũriʉserire wederucũmasĩrãno “yʉre atie yʉcã wederucũmasĩrẽrẽ ‘abiro ĩrugaro ya’ ĩ wedemasĩrẽcãrẽ yʉre nʉniña” ĩ ñubue sãĩaro Manigʉ̃rẽ. 14Merẽ marĩnocã ãpẽrãye wederucũriʉserimenarã Manigʉ̃rẽ ñubueñerõcã marĩya yeripũnapʉpʉa Manigʉ̃menarã wederucũrõ ya. Buri tora abiro ticapetacãrã marĩye wãcũrẽmenapere “abiro ĩrã tiga” ĩmasĩheri. 15Topʉare anorã abiro niñerõcã ¿marirẽ daironope tiñerõcã ñubogari? Marĩya yeripũnamenapʉra ñubuera marĩye wãcũrẽpʉcãrẽ tʉomasĩrĩwãmerã ñubueñerõcã ñuboga. Tairora marĩya yeripũnamenapʉra basara marĩya wãcũrẽpʉcãrẽ tʉomasĩboriwãmerã basañerõcã ñuboga.#Ef 5:19; Col 3:16. 16Marĩcã marĩya yeripũnapʉmena wadora Manigʉ̃rẽ ʉseapeoñerõcãpere ãpĩpe tiere tʉoherinigʉ̃ marĩcã Manigʉ̃rẽ ʉseapeorere “tairora ña” ĩtamumasĩherigawi.#1Co 11:24; 1Cr 16:36; Sal 106:48; Mt 15:36. 17Marĩcã Manigʉ̃rẽ ʉseapeore ñucametʉare nimasĩ nirõpʉa. Buri tairo ñucametʉare nicapetacãrã marĩmena nirãpere tie wederucũrẽrẽ tʉomasĩrã eaheriñerõcã marĩ cʉ̃jãrẽ Jesucristore õpe wedewõnewʉmʉãñerõcã tiramerã tiga.#Ro 14:19. 18Yʉ Manigʉ̃rẽ bʉtoro ʉseare nʉni merẽ cʉ̃rã yʉre basocaburi wederucũriʉserire wederucũmasĩrẽrẽ mʉjãrẽ nʉniriarosotape yʉre tiere wederucũmasĩñerõcã tirere nʉniwĩ. Tairo tigʉ mʉjãsotoaperena tiere wederucũmasĩgʉ̃rã nigʉ̃ ya. 19Buri tairo nicapeicã Jesucristore wedewõrãcã neãporopʉre cʉ̃jãrẽ wedegʉ cʉ̃jãcã tʉomasĩboriʉseromena wadora cʉ̃jãrẽ noquẽ ʉserimerã wede. Buripe basocaburi wederucũriʉserimena cʉ̃jãcã icãta tʉomasĩheremenape paje wederucũrẽmena cʉ̃jãrẽ wederono tigʉ. 20Yara mʉjãcã wĩmarãgãrã abiro wãcũrẽrẽ tocãrõrã wãcũpitiya. Ñañarẽrẽ tiremaquẽ wadorena mʉjã wĩmarãgãrã abiro niña. Buri apeyepere bʉtoara abiro ñurõ masĩrẽmena wãcũmasĩrãpe niña.#Sal 131:2; Ro 16:19; Ef 4:14; Heb 5:12-13; 1Pe 2:2. 21Merẽ Manigʉ̃ye wederucũrẽrẽ ojayoriapũpʉre abiro ojayorigue ña:
«Manigʉ̃ abiro ĩwĩ:
“Yʉ atimacã macãrã yarare apedita macãrãye wederucũriʉserimenape wederucũgʉ̃da.
Buri yʉcã tairo ticapetacãrã cʉ̃jãpe tiemena docare yʉre icãta tʉoheriroagawa”
ĩwĩ Manigʉ̃» ĩ ojayorigue ña.#Is 28:11-12. 22Tairo tiro Manigʉ̃cã aperomacãrãye wederucũriʉserimena wederucũñerõcã tire cʉ̃rẽ wedewõrãpere wededotirere eñorẽmerã ña. Buripe cʉ̃rẽ ĩñamasĩherapere cʉ̃cã wededotirere eñorẽpe nirõ ya. Tairora cʉ̃cã cʉ̃ye maquẽrẽ wededotirecã cʉ̃rẽ wedewõherare wededotigʉ cʉ̃cã eñorẽmerã ña. Buripe cʉ̃rẽ wedewõrãpere cʉ̃cã wededotirere eñorẽpe nirõ ya. 23Topʉare anorã abiro niñerõcãrã apewatoa mʉjãcã neãporopʉre nipetirapʉra basocaburi wederucũriʉserire wederucũpetira eañerõcãno ãpẽrã wedewõhera mʉjãrẽ topʉ tairo birare tʉora sãjeara ãnijã mawisira yawa ĩrõãgawa.#Hch 2:13. 24Buri mʉjãcã nipetirapʉra Manigʉ̃cã wededotirepere wedeñerõcã ãpẽrã wedewõherare o noborano mʉjãcã wederere tʉora earapere “ʉ̃sã ñañarẽrẽ tirara nigã; tairo tira tie wapara ñañarõ tiyoanarã niga” ĩ wãcũmasĩrã nirã eañerõcã tira tiroacu. 25Mʉjãcã tairo tiremenarã cʉ̃jãcã ñañarẽ tiriguere yajioro cʉ̃jãya yeripũnapʉ cʉoriguere baunirõpʉ “ñañarẽrẽ tiyu ʉ̃sã” ĩmasĩrã earoagawa. Tairo tira Manigʉ̃rẽ ãsʉ̃rʉ̃poperimena eacumuwa wedewõrãgawa. Ĩñerõcã “nirõrã mʉjãmenarã Manigʉ̃ ñawĩ” ĩrã earoagawa.#Is 45:14; Zac 8:23; Jn 4:19; Lc 17:16.
Neãporopʉre ñurĩwãme tiremaquẽ
26Yara marĩ atiere ¿dairi wãmepe ĩtuwanʉcõrã earoari? Yʉ mʉjãrẽ abiro tiya ĩgʉ̃da. Mʉjãcã ĩcãrõ neãporopʉre mʉjãcãrõ ĩcãrãnorã basarere tiya. Ãpẽrãpe Manigʉ̃yere bueya. Ãpẽrãpe Manigʉ̃cã cʉ̃yere masĩñerõcã tiriguere wedeya. Ãpẽrãpe basocaburi wederucũriʉserire wederucũña ĩñerõcã tairora ãpẽrãpe basocaburi wederucũriʉserire wederucũrãcã wederere “tie abiro ĩrugaro ya” ĩña. Tie nipetire mʉjãcã tairo tire Jesucristore wedewõrãrẽ õpe Manigʉ̃rẽ wedewõnemowʉmʉãñerõcã tire wadora niãro.#1Co 8:1; 12:7-10; 2Co 12:19; Ef 4:12; 5:19; Col 3:16; Mt 26:30; Lc 4:16-22. 27Basocaburi wederucũriʉserire wederucũmasĩrãno wederucũrã pʉ̃ãrã o itiãrãno wederucũña. Ĩcʉ̃cã wederucũãriasirope ãpĩ wasoa wederucũ tiya. Cʉ̃jãcã wedetuwarosiro ãpĩ cʉ̃jãcã wederucũãriguere “tie abiro ĩrugaro ya” ĩ wedeya. 28Buri ĩcʉ̃norã tiere “tie abiro ĩrugaro ya” ĩ wedemasĩgʉ̃no maniñerõcãpere mʉjãcã neãporopʉre basocaburi wederucũriʉserimena wederucũmasĩrãno topʉre tiere wederucũherimocãña. Buripe mʉjãsesarora mʉjãye yeripũnarĩpʉra Manigʉ̃mena wederucũ tʉoiñamocãña. 29Tiwãmerã ãpẽrã Manigʉ̃cã wededotirere wederacã pʉ̃ãrãno o itiãrãno wederucũña. Ãpẽrãpe cʉ̃jãcã wederere “tie diamacãrã ñarĩ” ĩrã ñurõ ĩñabeseya.#1Co 12:10. 30Ĩcʉ̃ cʉ̃cã wederucũriwatoara ãpĩrẽ to duigʉre Manigʉ̃cã wederucũdotiñerõcã wederucũsocoarigʉ cʉ̃rẽ wederucũdotigʉdagʉ tocãrõrã wederucũduya.#Hch 11:28; 21:10-11; 13:1-2. 31Anorã abiro mʉjã nipetira Manigʉ̃cã wededotirere ĩcʉ̃ wado came ñurõ wasoa wedesocowʉmʉãña, cʉ̃cã tuwaremena ãpĩ, cʉ̃sirope tamʉ ãpĩ ñurĩwãme wedetutiawʉmʉãña. Nipetira to nirã tiere tʉoracã tiere masĩrã ea, wãcũtutuara nirã eatora abiro. 32Mʉjã Manigʉ̃cã wededotirere wedera ñurõ wãcũ tʉoiñanʉcõnirãpʉ “atiera basocare wedeñerõcã ñurõãcu” ĩtuwanirãpʉ wedememacũmumocãña. Noborora wedepãmaherimocãña. Tairora ãpẽrãcã wederucũriwãtoara wederucũpãmaherimocãña.#1Jn 4:1. 33Merẽ Manigʉ̃ noborora tisobearere o ĩbaterere boheriwi, cʉ̃ tie macʉ̃merã ñawĩ. Buripe queoro nirĩwãmepe tiñerõcãpere bowi, tie macʉ̃ ninigʉ̃.#14:40; 1Ts 5:23. Nipetira marĩ Jesucristore wedewõrĩbumacãrãcã tirecʉtirora abiro 34marĩcã neãporopʉre nomiãrẽ wederucũdotiherimocãrõ bo. Cʉ̃jãrẽ wederucũdotire mani. Manigʉ̃ye wederucũrẽrẽ ojayoriapũpʉre dotirora abiro manʉsʉmʉã dotiro doca niãro.#Gn 3:16; 1Tm 2:11-12; 1Pe 3:1. 35Cʉ̃jãrõmiã apeyenorẽ masĩrugara cʉ̃jãyawiseripʉ earapʉ cʉ̃jã manʉsʉmʉãrẽ sãĩñaro. Cʉ̃jãcã Jesucristore wedewõrã neãporopʉre wederucũñerõcã ñuheri bobore ña. 36Mʉjã “ʉ̃sãcã borora ʉ̃sãcã tirugarere timasĩ” ĩ wãcũherimocãña. Merẽ Manigʉ̃ye queti mʉjãmena watisocoheriyu. Ĩñerõcã mʉjã “ʉ̃sã wadora cʉ̃ye quetire ñerã eariara ña” ĩ wãcũherimocãña. 37No ĩcʉ̃no “yʉ Manigʉ̃cã wededotirere wederibasocʉ ña” ĩ tʉoiñagʉ̃no o “Espíritu Santocã dotirora abiro ñurõ yʉgʉ ña” ĩgʉ̃no atie yʉcã ojacorere Nirũpʉ̃cã dotirere cʉ̃cã tidoticorera ña ĩnigʉ̃ tiere ñurõ boca ñegʉagawi.#2Co 10:7; 1Jn 4:6. 38Buri tairora “Nirũpʉ̃ dotirere cʉ̃cã tidoticoremerã ña” ĩnirã boca ñerã eañerõcãpere Nirũpʉ̃cã cʉ̃jãrẽ “cʉ̃jã Manigʉ̃cã wededotirere wederamerã ñawã o Espíritu Santocã dotirora abiro ñurõ yʉquetaturamerã ñawã” ĩgʉagawi. Tairo tira mʉjãcã cʉ̃jãnorẽ wedewõherimocãña.#2Ts 3:14. 39Tairo tira yara, mʉjã Manigʉ̃cã cʉ̃yere wededotirepere bʉtoro wederugara tie maquẽ wedemasĩrẽpere cʉorugara bʉtoro amaña. Tairora ãpẽrã mʉjãmenamacãrãcã basocaburi wederucũriʉserire wederucũrugañerõcã cʉ̃jãrẽ wederucũdotihera acutaheracã.#1Co 12:31. 40Nipetire mʉjãcã tirere tiboriwãmerã queoro tiya. Icãta noboriwãmerã tiherimocãña.#14:33.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.