Maleka 6
6
Jesu aa kanigwa ku bakwakwe mwa Nazaleta
(Mateu13.53-58; Luka4.16-30)
1Mi Jesu kale zwa momo mucilalanda no kuja ku cilalanda ca gwakwe, mi abazigigwa bakwe kale ba mu umpilila. 2Ijuba lyo nsabata aa seli lasiki, kale atatika ukuziga mu Macinagoge, mi abantu bonse kaba mushugwa kale bakomokwa no kuta buti, “Kwibo naga bigwana joju unkosi bebi bintu? Butalinzi a kwesi ubu naa wegwa, mi mamakazonzi ga ga akwesi ukutenda?” 3Joju tali nomubeji? Ntali ni mwana Maliya mukulwe gwa Jemusi, Jose, Juda ne Simoni, bakwakwe tali neswe bakele? Mi kale bakana uku mu zumina.
4Jesu kale abata buti, “Umuboni ala kutikigwa mu malonga ga kungi, kono kuba mwilonga lyakwe no kuba kwakwe taba mukutiki nabo mukoga gwakwe.”
5Taa kagola ukutenda amamakazo momo, bwita ukutula bulyo amaganja gakwe abantu bace aba kaba lwala no kuba lwalukisa. 6Mi naga komokwa lwini abantu muku bula kwabo intumelo.
Jesu aa tuma abazigigwa bekumi na bobile
(Mateu10.5-15; Luka9.1-6)
Mi Jesu kale a zimumbuluka mu minzigana no minzi minene, naja buziga. 7Jesu kale a kuga bekumi na bobile (12), no kuba tuma bobile ka bobile, no ku bawa inguzu egulu jo myoya imimangoju. 8Kale abalaga buti, “Muleke kuinda cimwinya mu lujendo lwenu, bwita ulutaga, baleke ukuinda icinkwa kampa muzigo kampa masheleni mu mapokoto gabo. 9Mu zwate inshangu mi muleke kuinda nanga mukanjo gonke.” 10Kale aba gambaguza buti, “Mu njugo jonse iji na mungine, na mukalemo kusikila aa na muzwe momo mu munzi. 11Mi ati bantu mwaceco icibaka taa naba mitambule no kukana kumishugwa, namu leke ceco cibaka no ku kunkumuna iluli lya ku matende genu, ubu na bube bumpaki bwenu kwabo kubu mangoju bwabo.”
12Kale baja buziga abantu buti babange. 13Kale batanda imyoya mimangoju imingi, mi ubungi bo balwele, kale baba singa amafuta no ku lwaluka.
Ulufwu lwa Joani Mukolobezi
(Mateu14.1-12; Luka9.7-9)
14Umfumu Eloda aa shugwa byebi byonse, buti izina lya Jesu kale lya zibaala lwini, bamwinya buti ka batyo, “Joani mukolobezi ala buki ku bafwu mpaa kutendaala ama makazo ga tendigwa ke nguzu jakwe.”
15Bamwinya buti ka batyo, “Ni Eliya,” Kame bamwinya buti ka batyo, “Muboni, go kukoza sinagwe jumwinya go baboni bo kale.”
16Kono Eloda aa naga shugwa bobo, kale atyo buti, “Ni Joani u mukolobezi uju nana koshola umutwi, uju ala buki ku bafwu!” 17Ukuti Eloda neje naga tuma abantu buti ba kashumine Joani no ku mutula muntolongo, kebaka lyo kusesa muka mwanjegwe Filipi. 18Joani naga gambaguza Eloda buti, “To botele kusesa muka mwancego.”
19Mu kutenda bobo, Elodiyasi kale amuzimba, noku kashaka buti Joani ayagigwe, kono kale akangwa, 20ukuti Eloda ka jogite Joani, mu kuziba buti nu nkosi ka cenete no bugomba. Mi Eloda aa ka shugwanga Joani na tandaza, ka zikinyeanga lwini, ukuti ka shakanga uku mu tegelezanga.
21Ku mamaninino Elodiyasi kale a gwana kaito, mwijuba lyo mukiti go ku zaligwa gwe Mfumu Eloda, mi kale a memela a manduna ba kunkuta jakwe na bakulu bo masole no bantu bo butokwa ka bazwa mucilalanda ca Galileya. 22Mi mwana Elodiyasi go mukazana, kale a ngina noku nenga, mi kale a nyangulula Eloda na banyenda bakwe. Mi Umfumu kale atyo buti ku mukazana, “U ni kumbile icintu conse ici u shaka, mi kuti ni cikuwe.” 23Mi kale a mu kuluwiza buti, “Icintu conse ici saka ukumbile kuti ni kuwe, nanga kuku koshwela ku mubuso gwangu!” 24Mukazana kale aa ja no ka lugwila nyina buti, “Maa cinzi ni botele uku kumbila?” Nyina kale amu taba buti, “Ukumbile umutwi gwa Joani mukolobezi.”
25Mi ao bulyo mukazana kale abogola ku Mfumu no kumbila buti, “Nasa shaka buti aano u niwe bulyo umutwi gwa Joani akasuba!”
26Mi umfumu kale alinyaza lwini, kono kebaka lyo bintu naga kuluwiza no kulishumina na kele no banyenda, kale ga kangwa uku mu kanina. 27Ao bulyo umfumu kale atuma jumwinya go bamameli bo ntolongo, buti aka koshole umutwi gwa Joani aka muletele. Umulindili kale akaja ku ntolongo no ka koshola umutwi gwa Joani, 28no ka gu leta akasuba no kuwa umukazana, mi u mukazana kale agu tambika nyina. 29Abazigigwa ba Joani aa naba shugwa byebyo nabya tendaala, kale ba keza kuinda icitupu cakwe no ka muzika mwibita.
Jesu alela bantu abangi
(Maleka14.13-21; Luka9.10-17; Joani6.1-14)
30Abatumigwa kale bagwanana no kubunganina Jesu, no ku mugambaguza byonse ibi naba katenda no kuziga. 31Mi kale atyo kwabo buti, “Mukeze tuje kumbali uku takuli abantu, ukuti tukawiseko kanini mi ubungi bo bantu kabakeza no kaja mi takabakwesi inako jokulya.” 32Mi kale ba longana mubwato kaja ukule ku cibaka ciombele.
33Kono bungi bo bantu aba na baba bona naba kaja, kale baba ziba no kutiga no matende mu minzi jonse no kaba tantilila ku buso. 34Jesu aa sala suki mubwato, mi kale abona abantu bangi, no kuba fwila inse, ukuti kaba kozite sinagwe ni ngu taji kwesi umulisani, mi kale ga tatika ku baziga ibintu bingi. 35Mwa jejo inako ijuba ase lija butenguwa, abazigigwa kale bakeza kwa Jesu no kumuta buti, “Tula nangisi. 36Mute abantu ba ngundumuke buti ba kaje ku minzi no ku bilalanda bya afuwi buti baka ligulile zo kulya.” 37Kono Jesu kale ge bataba buti, “Mu bawe byo kulya.”
Kale bamu taba buti, “Gwasa shaka buti tuinde amasheleni go muntu uju alabelekeli imyezi ja tosanwe na myezi jotatwe gonse tu gainde tuka ga gule byo kulya no kubawa buti balye?”
38Mi kale gaba buza buti, “Binkwa byoti mukwesi? Mi mujende muka bilole.”
Ase bala ka shakisisi kale batyo, “Binkwa byo tosanwe ibi tukwesi ne nswi zobile.”
39Cwale Jesu kale aba lugwila buti ba kalike abantu bonse mu tugugi mubwiju bo lulemba. 40Mi kale bakalika abankosi mutugugi to makumi ge kumi bamwinya mu makumi ga tosanwe. 41Mi Jesu kale ainda amakwaela go binkwa ga tosanwe ne nswi zobile noku ligamina kwigulu, mi kale a kumbila noku komagula ibinkwa, mi kale abiwa kuba umpilili bakwe buti ba taangile abantu. Kame kale gaba taangila ne inswi mukati kabo bonse. 42Bonse kale balya no ku kuta, 43mi abazigigwa kale ba bumba ibitundu bye kumi na byobile byo bu bugulusi bo binkwa ne nswi. 44Mi abankosi na balya ka bali bo myanda ja tosanwe (5,000).
Jesu aa jenda amenzi
(Mateu14.22-23; Joani6.15-21)
45Ao bulyo Jesu kale a lugwila abazigigwa bakwe buti bangine mubwato, buti ba litangize abuso kwakwe ku munzi gwa Betasaida, ige aa kasi gundumuna bantu. 46Aa sala baleki, kale a kaja kalija kwilundu ka kumbila. 47Mwi nako jo lutengwana, ubwato akati ke ziba ka bu jendele, mi Jesu genke ka kela mwisilya lye kamba. 48Kale ga bona bazigigwa naba zoganisa ukuzuga ubwato buti buje abuso, ukuti inkuli kame kaji balwisa lwini. Ao bulyo ijuba nalisini ukun’tula amasikusiku, kale ga bezila najenda amenzi mwi ziba. Seka shaka ku ba itilila, 49mi aa bamu bona ajenda mwi ziba, kale ba gaja buti “Cilumba.” Kale bakumba lwini. 50Ukuti bonse naba mubona mi naba joga wawa. Ao bulyo kale agamba kwabo buti, “Mube no bundume, nime! Muleke kujoga.” 51Mi kale angina mubwato umu kabali, mi inkuli kale ja ombelela. Mi naba komokwa wawa, 52ukuti shugwisisa umutendelo go binkwa, mi imyojo jabo kaji ku kutuwite.
Jesu a oza abalwele mwa Genezaleti
(Mateu14.34-36)
53Aa sebala lutili mwi silya ziba, kale baka fugika mucilalanda ca Genezaleti no ka shumininamo bwato. 54Ao bulyo aa se bala longoki mubwato, abantu kale bamu ziba. 55Mi kale batigatiga mwilonga lyonse kaleta balwele bonse ku batwala konse uku kaba shugwa buti kokwa gwanaala. 56Mi konse uku kaita mu minzi na minzigana kampa mulugole, kaba letenga abalwele kuba tula ankanza, mi bantu kaba mu kumbila buti bakwate nanga ku mamaninino go mukanjo gwakwe, mi bonse aba naba kwatako naba lwaluka.
Currently Selected:
Maleka 6: TBTP
Highlight
Share
Copy
Want to have your highlights saved across all your devices? Sign up or sign in
The Word For The World International
Maleka 6
6
Jesu aa kanigwa ku bakwakwe mwa Nazaleta
(Mateu13.53-58; Luka4.16-30)
1Mi Jesu kale zwa momo mucilalanda no kuja ku cilalanda ca gwakwe, mi abazigigwa bakwe kale ba mu umpilila. 2Ijuba lyo nsabata aa seli lasiki, kale atatika ukuziga mu Macinagoge, mi abantu bonse kaba mushugwa kale bakomokwa no kuta buti, “Kwibo naga bigwana joju unkosi bebi bintu? Butalinzi a kwesi ubu naa wegwa, mi mamakazonzi ga ga akwesi ukutenda?” 3Joju tali nomubeji? Ntali ni mwana Maliya mukulwe gwa Jemusi, Jose, Juda ne Simoni, bakwakwe tali neswe bakele? Mi kale bakana uku mu zumina.
4Jesu kale abata buti, “Umuboni ala kutikigwa mu malonga ga kungi, kono kuba mwilonga lyakwe no kuba kwakwe taba mukutiki nabo mukoga gwakwe.”
5Taa kagola ukutenda amamakazo momo, bwita ukutula bulyo amaganja gakwe abantu bace aba kaba lwala no kuba lwalukisa. 6Mi naga komokwa lwini abantu muku bula kwabo intumelo.
Jesu aa tuma abazigigwa bekumi na bobile
(Mateu10.5-15; Luka9.1-6)
Mi Jesu kale a zimumbuluka mu minzigana no minzi minene, naja buziga. 7Jesu kale a kuga bekumi na bobile (12), no kuba tuma bobile ka bobile, no ku bawa inguzu egulu jo myoya imimangoju. 8Kale abalaga buti, “Muleke kuinda cimwinya mu lujendo lwenu, bwita ulutaga, baleke ukuinda icinkwa kampa muzigo kampa masheleni mu mapokoto gabo. 9Mu zwate inshangu mi muleke kuinda nanga mukanjo gonke.” 10Kale aba gambaguza buti, “Mu njugo jonse iji na mungine, na mukalemo kusikila aa na muzwe momo mu munzi. 11Mi ati bantu mwaceco icibaka taa naba mitambule no kukana kumishugwa, namu leke ceco cibaka no ku kunkumuna iluli lya ku matende genu, ubu na bube bumpaki bwenu kwabo kubu mangoju bwabo.”
12Kale baja buziga abantu buti babange. 13Kale batanda imyoya mimangoju imingi, mi ubungi bo balwele, kale baba singa amafuta no ku lwaluka.
Ulufwu lwa Joani Mukolobezi
(Mateu14.1-12; Luka9.7-9)
14Umfumu Eloda aa shugwa byebi byonse, buti izina lya Jesu kale lya zibaala lwini, bamwinya buti ka batyo, “Joani mukolobezi ala buki ku bafwu mpaa kutendaala ama makazo ga tendigwa ke nguzu jakwe.”
15Bamwinya buti ka batyo, “Ni Eliya,” Kame bamwinya buti ka batyo, “Muboni, go kukoza sinagwe jumwinya go baboni bo kale.”
16Kono Eloda aa naga shugwa bobo, kale atyo buti, “Ni Joani u mukolobezi uju nana koshola umutwi, uju ala buki ku bafwu!” 17Ukuti Eloda neje naga tuma abantu buti ba kashumine Joani no ku mutula muntolongo, kebaka lyo kusesa muka mwanjegwe Filipi. 18Joani naga gambaguza Eloda buti, “To botele kusesa muka mwancego.”
19Mu kutenda bobo, Elodiyasi kale amuzimba, noku kashaka buti Joani ayagigwe, kono kale akangwa, 20ukuti Eloda ka jogite Joani, mu kuziba buti nu nkosi ka cenete no bugomba. Mi Eloda aa ka shugwanga Joani na tandaza, ka zikinyeanga lwini, ukuti ka shakanga uku mu tegelezanga.
21Ku mamaninino Elodiyasi kale a gwana kaito, mwijuba lyo mukiti go ku zaligwa gwe Mfumu Eloda, mi kale a memela a manduna ba kunkuta jakwe na bakulu bo masole no bantu bo butokwa ka bazwa mucilalanda ca Galileya. 22Mi mwana Elodiyasi go mukazana, kale a ngina noku nenga, mi kale a nyangulula Eloda na banyenda bakwe. Mi Umfumu kale atyo buti ku mukazana, “U ni kumbile icintu conse ici u shaka, mi kuti ni cikuwe.” 23Mi kale a mu kuluwiza buti, “Icintu conse ici saka ukumbile kuti ni kuwe, nanga kuku koshwela ku mubuso gwangu!” 24Mukazana kale aa ja no ka lugwila nyina buti, “Maa cinzi ni botele uku kumbila?” Nyina kale amu taba buti, “Ukumbile umutwi gwa Joani mukolobezi.”
25Mi ao bulyo mukazana kale abogola ku Mfumu no kumbila buti, “Nasa shaka buti aano u niwe bulyo umutwi gwa Joani akasuba!”
26Mi umfumu kale alinyaza lwini, kono kebaka lyo bintu naga kuluwiza no kulishumina na kele no banyenda, kale ga kangwa uku mu kanina. 27Ao bulyo umfumu kale atuma jumwinya go bamameli bo ntolongo, buti aka koshole umutwi gwa Joani aka muletele. Umulindili kale akaja ku ntolongo no ka koshola umutwi gwa Joani, 28no ka gu leta akasuba no kuwa umukazana, mi u mukazana kale agu tambika nyina. 29Abazigigwa ba Joani aa naba shugwa byebyo nabya tendaala, kale ba keza kuinda icitupu cakwe no ka muzika mwibita.
Jesu alela bantu abangi
(Maleka14.13-21; Luka9.10-17; Joani6.1-14)
30Abatumigwa kale bagwanana no kubunganina Jesu, no ku mugambaguza byonse ibi naba katenda no kuziga. 31Mi kale atyo kwabo buti, “Mukeze tuje kumbali uku takuli abantu, ukuti tukawiseko kanini mi ubungi bo bantu kabakeza no kaja mi takabakwesi inako jokulya.” 32Mi kale ba longana mubwato kaja ukule ku cibaka ciombele.
33Kono bungi bo bantu aba na baba bona naba kaja, kale baba ziba no kutiga no matende mu minzi jonse no kaba tantilila ku buso. 34Jesu aa sala suki mubwato, mi kale abona abantu bangi, no kuba fwila inse, ukuti kaba kozite sinagwe ni ngu taji kwesi umulisani, mi kale ga tatika ku baziga ibintu bingi. 35Mwa jejo inako ijuba ase lija butenguwa, abazigigwa kale bakeza kwa Jesu no kumuta buti, “Tula nangisi. 36Mute abantu ba ngundumuke buti ba kaje ku minzi no ku bilalanda bya afuwi buti baka ligulile zo kulya.” 37Kono Jesu kale ge bataba buti, “Mu bawe byo kulya.”
Kale bamu taba buti, “Gwasa shaka buti tuinde amasheleni go muntu uju alabelekeli imyezi ja tosanwe na myezi jotatwe gonse tu gainde tuka ga gule byo kulya no kubawa buti balye?”
38Mi kale gaba buza buti, “Binkwa byoti mukwesi? Mi mujende muka bilole.”
Ase bala ka shakisisi kale batyo, “Binkwa byo tosanwe ibi tukwesi ne nswi zobile.”
39Cwale Jesu kale aba lugwila buti ba kalike abantu bonse mu tugugi mubwiju bo lulemba. 40Mi kale bakalika abankosi mutugugi to makumi ge kumi bamwinya mu makumi ga tosanwe. 41Mi Jesu kale ainda amakwaela go binkwa ga tosanwe ne nswi zobile noku ligamina kwigulu, mi kale a kumbila noku komagula ibinkwa, mi kale abiwa kuba umpilili bakwe buti ba taangile abantu. Kame kale gaba taangila ne inswi mukati kabo bonse. 42Bonse kale balya no ku kuta, 43mi abazigigwa kale ba bumba ibitundu bye kumi na byobile byo bu bugulusi bo binkwa ne nswi. 44Mi abankosi na balya ka bali bo myanda ja tosanwe (5,000).
Jesu aa jenda amenzi
(Mateu14.22-23; Joani6.15-21)
45Ao bulyo Jesu kale a lugwila abazigigwa bakwe buti bangine mubwato, buti ba litangize abuso kwakwe ku munzi gwa Betasaida, ige aa kasi gundumuna bantu. 46Aa sala baleki, kale a kaja kalija kwilundu ka kumbila. 47Mwi nako jo lutengwana, ubwato akati ke ziba ka bu jendele, mi Jesu genke ka kela mwisilya lye kamba. 48Kale ga bona bazigigwa naba zoganisa ukuzuga ubwato buti buje abuso, ukuti inkuli kame kaji balwisa lwini. Ao bulyo ijuba nalisini ukun’tula amasikusiku, kale ga bezila najenda amenzi mwi ziba. Seka shaka ku ba itilila, 49mi aa bamu bona ajenda mwi ziba, kale ba gaja buti “Cilumba.” Kale bakumba lwini. 50Ukuti bonse naba mubona mi naba joga wawa. Ao bulyo kale agamba kwabo buti, “Mube no bundume, nime! Muleke kujoga.” 51Mi kale angina mubwato umu kabali, mi inkuli kale ja ombelela. Mi naba komokwa wawa, 52ukuti shugwisisa umutendelo go binkwa, mi imyojo jabo kaji ku kutuwite.
Jesu a oza abalwele mwa Genezaleti
(Mateu14.34-36)
53Aa sebala lutili mwi silya ziba, kale baka fugika mucilalanda ca Genezaleti no ka shumininamo bwato. 54Ao bulyo aa se bala longoki mubwato, abantu kale bamu ziba. 55Mi kale batigatiga mwilonga lyonse kaleta balwele bonse ku batwala konse uku kaba shugwa buti kokwa gwanaala. 56Mi konse uku kaita mu minzi na minzigana kampa mulugole, kaba letenga abalwele kuba tula ankanza, mi bantu kaba mu kumbila buti bakwate nanga ku mamaninino go mukanjo gwakwe, mi bonse aba naba kwatako naba lwaluka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word For The World International