UHOSIYA 14
14
Ama-Israyeli abizelwa ekuvumeni izono zawo
1Buyela kuSomnini uZimakho, wena Israyeli
ngombana izono zakho zikurarejile.
2Buyelani kuSomnini,
nivume izono zenu nithi:
“Somnini, silibalela zoke izono zethu,
wamukele ukuvuma kwethu.
Sithanda ukunikela ngeenthelo zomlomethu.
3I-Asiriya angeze yasisiza;
asisazokuthembela eenjomaneni zepi;
angeze besisatjho sithi ‘zimethu’
entweni esiyenze ngezandla zethu
ngombana kuwe wedwa nentandani
ifunyana isirhawu.”
Ipendulo kaSomnini
4“Ngizakupholisa ukuhlubuka kwabo,
ngibathande ngomusa.
Njengombana ukusilingeka kwami
kungasekho kibo,
5ngizakufana nombethe ku-Israyeli;
yena athuthumbe njengamakhwa.
anabise imirabhakhe ekuzikeni,
adzimelele njengeLibhanoni;
6amahlumelakhe azakukhula.
Uzakuphazima njengomuthi we-oliva,
onuka kamnandi njengehlathi leLibhanoni.
7Abantu ebebahlala emthunzinakhe
bazakubuya godu batjale ikoroyi.
Bazakutlhurha banabe njengesidiribe.
Idumo laka-Israyeli libe njengewayini leLibhanoni.
8Efrayimu, uthi nginandabani nje
neenthombe ezibaziweko?
Ngimi owakuthobisako,
kodwana ngizakutjheja.
Ngifana nomuthi ohlala uhlaza,
ukuphumelela kwakho kubuya kimi.”
Isiphetho
9Ohlakaniphileko uzayihlatha ikulumo le,
onengqondo uzakulemuka;
ngombana iindlela zakaSomnini zinqophile.
Abalungileko bakhamba kizo,
kodwana abaphika ikani ziyabarareja.
Currently Selected:
UHOSIYA 14: SND12
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 2012. Used with permission. All rights reserved.