Matta 6
6
Echibagano e Yesu Zwam Ipanga Uhanch
1Yesu nyange,<< Ishi honjhe zwam tugyam na tuhi tuta sha twaheni. Zwam shi shiu nani, ya'hiu ketope wo buchi na buhi bone boyo na turwana ba >>.
2<<Zwamnani shi bwashi uhanchi ta yada o zwam ta uramahut a shagagu wo Egenga na yena zwam ato a kudaga yek. Tamahinda na mai zwama a hiu ketope kyaba ba'un. 3Shi bwa pa uhanch ta yada wa kagurha ohya ene wa katoga owashi ba, 4zwam ushi uhanch nobe na tuswe,buch na buhi bune bo yenge ene yo na tuswai bwa bo topeu >>.
Menyenga
5<< Shi yeshi menga e ta sha ta oramahuta, zwam yek a kudage e shagu e menga yesagane na mugenga mwaba na yena zwam ato a hya yek. Tamahinda gyam mwa kame zwamaga yeka hiu ketope kyaba. 6Shi bwashi menga, o esh ubana̱ nobe ogunda yinu-eso, gab shi menga wo buch nobe bone bwaba hyanagu boik ba, buch nobe bone bohyanagu ene yo na tuswai bwa bo pa kitop. 7Shi bwashi menga ta hina ringyatomaga ba, ta alʻumai a shagagu, na ihyanu nyaba a hogo yek zwam udubu o taaje owaba. 8E tasha̱ taba, zwam buch na buhi budaki ene e gahi za kape iginbage boik >>.
9<< Zwamnani shi meng nane.>>
<< < Buch na buti bune bo yo na so turwana,
A kimga rezhe na rebe honjhe,
10Tugwama na tobe tu kurya,
A shi ene gab kudage na tonge
Ta ba owenshi na turwana.
11Tu pa kuryago kuti kunare.
12Tu yapiya tugwada̱ na tuti,
Ta gatu owen yapya ane a tu shagi tugwada
13Tata isa wo turiya,
Tu chage wo rekoko rewo.>
14Zwam shi yapiya ato tukwada twaba buch bone bo yo na turwana bwa yapeu kumba. 15Ama shi yapiya ato tugwada twaba ba, buch na buhi bwa me yapiya gahi kumba ba >>.
E chibagano Yesu Zwam Tu'oware
16<<Shi owe tu'owere, e ta yada hachigage shinu ta oramahutu a shagagu. Ab de a hachigage shinu yaba zwam ato hya nezwama a owe tu'oware. Tamahinda na owen kame zwammagaa, a hiu ketope kyaba ba un. 17Shi owen tu'oware, e ma sukutage manebe na reto henda e gunza̱gi shinu na hi, 18Zwam a hya gabishi tu'oware. Buch na bobe bone bwaba hyanagiwa, bone henda bu hyanagu ene yo na tuswe, bwa bu tope.
E chibagano zwam tu'ira̱ twa zunga na Turwana
19Ita ma ira̱ga̱ na tonge pani pazhe na tukura̱ ane a hachigago yek, pani henda pazhe Hahi ane a eso a shi rihi. 20Ama e ira̱gi hazunga na hi na turwana pani pa za abapaba ko tukura ane a hachigago ek ba, ko henda Hahi hane a eso ashi rihi. 21Zwam pa tuʻira̱ na tobe tu yo, pab so nobe o yo.
22Rishi ishi bichera be kingi, shi rishi na rebe rejhe lapiya, kwat kingi na kabe ka shindu na tubanga. 23Ama shi henda rishi na rebe reza lapiya kwat, kingi na kabe ka maringeu tunsh, nani tush twashi dinya!
24Aza bune bwa swab ato tuwaga barya̠gya̠ ko wonje buinka̱ swabe buinka̱ ko shagi buinka̱ Iyi bob ko kudage ko henda yage buinka̱. Ba ta gahi ya swab Onhon na kurubi kuchi.
Ita madama
25Zwamnani na on kame zwamaga, eta madama ta gahi yanshi rekoko zwam iyi gahya re ko gahi yanswa ko henda ta gahi yanshi matana zwam kingi na kahi. rekoko rehenge kuryago ba? kingi ka henge matana ma gahya tano ba? 26Hingyanajhi mononu nai, mu shagu tubero ba, mushagu biguba̱ ba, mu ira̱gu na a uriya̱ ba. ko nanani buch na buhi bone bo yo na turwana bob bo on ryagyatum moika. Gahi henge moika tooto ba? 27Ga wo gahi zwam tudam bwa makisano berom binka̱ wo mugeta mo muhundo mo bob ba?
28Zwam ya̱ gahi madame zwam hazunga gahi ya tano? hingyana pure ozanga ta ba shagu tuwa, a shagagu enke a ko ya̱ba. 29Ama konanani na on kamai zwammagaa, sulemanu sarai na tuwaga to eb, e taboshi tusambari Taaba ba. 30To, shi Onhon owa kimga mapuchpuch ma uzanga naniya ane ayo nare, abi henda a tuki yek ora, balle gashi? Gahi ana aza etano mahinda!
31Zwamnani e ta madamaga nezwama, yan gatu two re? ko, ya̱n gatu twa su? ko, ya̱n gatwa tano? 32Zwam ane a daki Onhon ba, ab ne a on gembo iri ne. Buch na buhi bune bo yo na turwana bu daki e on gembago iri te. 33Iyi mahinda e Jigu e tane so ne gimbago Iyi bura̱ e tugwama to Onhon, na henda adalchi a ob, a mai kisano har iri te ma. 34Zwamnani eta ma damaga zwam abiyi, zwam abiyi a kurago na tuzuma twaba, tuzuma tu nare tu me dama zwam nare.
Currently Selected:
Matta 6: UAA
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The word for the World Nigeria
