Matta 16
16
Gembo Alama
1Parisiyawa na sadukiyawa a kore wo Yesu zwam amakani ek, a roke ek e chibane yek alama a mai a tuwaga ana a chibano tuwaga to eb. 2Eb echane yek nyange, <<Sha rembe shiu,gahi zwamya, shi ha̱ turwana tu shiu shane, gahi zwamya, <I hin, shepo owa sambaro biyi,> 3Na bungo henda shi ha̱ turwana tuzhe shene, to hachigage shinu, gahi angya, nare ashira̱ a hen.E on daki ta turwana tu swab, ama e pwa daki alama a gagu uni ba. 4Ato a zamane oni aza aminchi wo Onhon ba,ashi a mugu. A kodage iha̱ alama, a chibano ek ko owana alama ba,sai alama a yunan.>> Pa eb e ge ek ekarige.
Yisti Aparisiyawa Na Sadukiyawa
5Na aswabo a bone eb a kore na gungu, henda, a bobotago a zhangwa kapuka. 6Pa Yesu nyange naba, <<Ashi honjhe henda,ashi hankali na yisti o Parisiyawa na Asadukiyawa >>.
7Paba paare taaje na ato ab a be zwammagaa, <<Obu zwam gatu shibukana kapuka̱ ba >>.
8Na Yesu e hoge nani pa eb nyange, <<Gahi shi ato ai tano so chimu,zwam ya̱ gahi oizwamagaa e za kapuka̱? 9Har nani gahi gano ba? ebobotago ta gem ryagyatome ato udubu na kapuka̱ ka ta? moyago mwana mo gahi tarage? 10Ko henda gagu owaba ryagatome ato dubu o nashi na kapuka̱ ka tandare, moyago mwana mo gahi tarage? 11Inga ta gahi imashinbage e daki bana on taaje o kapuka̱ ba? Nage ishi honjhe na ato yisti o Parisiyawa na Sadukiyawa.>> 12Na pab yek gane ba eʻo taaje o yisti o kapuka̱ ba ama yek ashi honjhe na e chibagano e Parisiyawa na Sadukiyawa.
Bitrus e Yado Yesu Ishi Bot-bwakimga
13Ta Yesu ekore tonge to Kaseriya Pilibi pa eb eka̱ba̱ aswabo a bone eb nyange, <<Ya̱ ato a on zwammagaa bwa bot bushi >>.
14Paba ange, << A mai ange Yohana e Baptisma, a mai henda Iliya, a mai Irimiya, ko henda bumai bando hatuma >>.
15Pa eb nyange na ba, <<Gahi nuwa gemushi ga ne ha̱ nuhi?>> 16Pa Siman Bitrus e chane nyange, <<Gab shi botʻbwakimga, bwa bo Onhon o muhondo >>.
17Pa Yesu e chane nyange, <<Iyi bura̱ e yo wo gab Siman buyu bo yunan, zwam ba bot ne bo bu zwama ba, ama bando mahya na mami na buch na bumi bone boyo na turwana. 18Na on kabo zwammagaa, gab shi Bitrus, na zaat te, ote gem on mago ato nami aiswabo, Egenga nimi,ene mahore muza mahore na oba. 19Na bopa iyaguje yinu eso e tugwama tu turwana henda ene ya̱ba para na tonge,a para yek na turwana.Ene ya̱ba pashingiu na tonge, a pashingiu yek na turwana.>> 20Na eb e pasga aswabo a bune eb dinya a ta zwamana ko ga ne zwama ebe shi botʻbwakimga.
Yesu e Zwam Ta Eb ya̱ u
21Tun na gagu ni Yesu e kumbe ubchaga aswabo a bone eb ne zwam dole ekore Urushalima, e su tuzuma iri-iri na wa muya̱re na pristochi a tuwaga na hamarumi ai chibagano e musa a hone ek,na mugeta mu tato anshige ek.
22Pa Bitrus be numi ek gungu ui unka pa beb be pasaga ek, Onhon kimaga, Botʻbutuwaga!>> Nani owaparo na gab ba >>.
23Na Yesu e magijege nyange na Bitrus,<<Marabi na gyam, gab bugwam bo mupyar! Gabwa na sapo odubuta, bu on tunane ta bot, ba ta Onhon ba >>.
24Pa Yesu nyange na aswabo a bone eb, <<Bone bo kudage kana swabo, bo wonje ret rebob,bo jhengi a gendo a boba bona swabe.
25Bone bo kodage bo cheche rekoko rebob, bwanagu. Ama buni bunagi rekoko rebob zwama gem, bwahiu.
26Iri ya̱ bot bwa hiu, shibu hiu tunge kuchi zwam muhondo na bobeya? Ob henda ya̱ bot bwa pa zwam rekoko re bob? 27Bwa bo bot bwa kore na tumana hagamba bob na so e dande buchi bob,nanani eb nya̱ topo koga enk a bob. 28Tamahinda na on kamai zwammagaa, azhe a mai pani ane a owagu ba, sai a hya̱ koro Bwa bot na tugwama to bob >>.
Currently Selected:
Matta 16: UAA
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The word for the World Nigeria
