Matta 10
10
Yesu e Ogage Aswabo A bune eb
1Pa Yesu e ogage aswabo a bune eb rekwape na haragya, e pa yek mahonre e shiratume upher owo rumigyatumi ko owana unagu tusong. 2Rezhe ryaba reno tumana rekwape na haryagya.
Bu Jigu, siman ene yaba ogago Bitrus,
Andarawus buhuwa̱ bo siman,
Yakubu buyu bo Zabadi,
Yohana buhuwa̱ bo Yakubu,
3Pilibu,
Bartalamawas,
Toma,
Matiyu mai zhangu e gandu,
Yakubu bwa bo Halpa,
Tadayus,
4Siman bot bo kaʻana
Yahuda iskariyoti ene e sange Yesu.
5Yesu e tuma rekwape na haragya nyange naba, <<Ta kurya wo ana aza yahudawa,eta e sa shepo o Samariyawa. 6Ekore wo tami ne epu e isra'ila. 7Gagu gashi tuhano gahi shagyaka yek mupasa, gahi zwama < tugwama to turwana to nya̱ wuchi.> 8E rumigyatumi ane aza e hoge tusongo, nyashingyatumi ane a owagi, e kimga raha, e shiryatume mupher-mowo. a mai pa suba, gahi kumba e pa suba. 9Eta humaga̱ zinariya, ko azurupa, ko henda tagula na shirjahu. 10E ta huma̱ga̱ utuwa ko henda, egodu irya, ko hatak, ko agungu zwam tuhanu na tuhi, zwam bot bo enk bu sambari bu hi iyi hone tu dama.
11<<Kowana shepo ko shiʻundu shi gahi esh, e gembe bot bo bura̱ e shani wo bob har gagu gahya mashingeu. 12Gagu o gahi esh yaba, nyenge,< Gaparanji.> 13shi yaba eyo honjhe, gapara nuhi o kazhi wo ab, shi sabariyo ba, gapara nuhi umaringya wo gashi 14buni bo maicho ba ko henda bo wonge hoge nuhi, e bizhikagi ubutur o bona nihi gagu gashi on shere yaba ko shepo 15tamahinda na oikamai zwammagaa, a hyango hoge yam yato sodom na gomara na ato shepo oni oho hadoba. 16<<Gyam bot kamai tuma ta temi na so mokerkechi zwam nani iya̱ na turenge ta shahwa, ana za mugunta ta muhurgu.
17<< Ishi honjhe na ato, zwam a mai shipko wo ato hadoba a tu, a mai supagi shidub wo Egenga yaba. 18Zwam gyam ab mai shibka wo ato tuwaga na bugwam, zwam e zwame anabare a tusungo na bishina̱ byaba na bishina̱ byane aza yahudawa, 19Gagu owaba mai tuta, eta madama nene gahya zwamo a mai pa ene gahya zwam na gagu uni, 20zwam ba gahi on taaje ba, uhunchi o buchi nabuhi bo on shi taaje wo gahi.
21<<Buhu bwa tuta buhu boba a hone boik, buchi henda bwatuta bwa bob, awo henda a yago a cheche ba har asa̱ ahunage yek. 22Ko ga henda bwa mai wunje zwam rezhenarimi ama bune bo ma ipaga har iyaka bwa hiu muhodo. 23Sha mai dame na shepo mai emashinge e some koro shepo oto sha, zwam tamahinda na on kame zwammagaa, kame gahi hwagi ringachagi hashep a isra'ila, buyu bot bwa maringe. 24<<A za buswab bone bo hange Umarumi oboba, ko henda bugyam bwa hyange buch buyabai bob. 25Udama buswab bushi ta Umarumi bob, bugyam henda ta buchi bo yaba bob, sheka ange na buchi bo yaba Ba'alzabul to ato yaba henda a zwam na ba haya̱!
26<<Zwam nani, eta hoga ryansa ryaba, zwam ba ene yo sabtogani ene yaba za sabchiwa, henda ba ene ma swai ene yaba za ha̱ ba. 27Ene gem on kame zwammagaa na tuswai ko zwame na tubanga, ene yaba mai zwama henda na tuzwam ezwamagaa yek na muyaba. 28Ita hoga ryansa hane a hono buto ba, ama a pwa hone muhondo mo bob ba. e hoge ryansa bone bwa hono kingi na muhondo na yaba e ora. 29Ba a sangago munono muryagya̱ kobu oink ba? Ba henda ene nya henago na tunge ba taba̱ na eyado e buchi na buhi ba. 30Ko tuhinji to reto na rihi a rotago toika. 31zwama nani e ta huga ryansa ai e hanye mono daraja dinya.
32Bone bo chibano buchi na bumi na bishina̱ byato gem ma na chibano boik na bishina̱ be buchi nabomi bone boyo zaat na turwana. 33Ama bone bo wondo gem ma na wondo boik na bishina̱ be buchi na bumi bone boyo zaat na turwana.
34<<Ita zwama na shibke ashiya̱ a bura̱ ba na tunge.ba zwam na shibkanya ashinya a bura̱ gem koreba saidai bi taga. 35Zwam na kore ne
<< <E sep bwa bushi mushiwa na buchi bo bob,
Ekangaza na yina eb,
36Ato yabe bot ab shi ato moshiuwa mo bob >.
37<<Bone bo henge kudage yina bob na buchi bob piye na gyam bu dama bushi na bumi ba; henda ko ga bu henge kudaga bwa bo bob ko awo bob henge na gyam bo dama bushi na bumi ba; 38ko ga bu jhangu aginda a boba bona swabwaba bu dama bushi na bumiba. 39Ko ga bone bo guda e chago e rekoko re bob bwa nagu koga bunagu rekoko re bob bwa hiu reka >>.
Enke ai topo
40<<Bone boi cheu gahi boi cheu gem, bone bona cheu gem henda bo cheu bone bo na tuma. 41Bone bo che hatuma zwam bob bushi boink bando hatuma bwa hiu ketope ke hatuma, kuma hend bone bo tuwa bubura̱ zwam bob bushi bubura̱ bwa hiu ketope ke bot bura̱. 42Koga bo pa ene e hange tu chim ko da ebobo enk e mani matudaru zwam bob bushi buswab tamahinda na on kamai zwammagaa bwanagu ketope ke bob ba >>.
Currently Selected:
Matta 10: UAA
Highlight
Share
Compare
Copy
Want to have your highlights saved across all your devices? Sign up or sign in
The Word for the World International and The word for the World Nigeria
