Mateyo 8
8
Jesu waponya shimankuntu
(Maako 1.40-45; Luuka 5.12-16)
1Jesu nakaselemuka kuzwa a mulundu, imbunga ya bantu yaka muchilila. 2Amane muntu wakalinga kuchite mankuntu, wakaza kufugama kuli Jesu a kwaamba ati, “Mwami naa koyanda nsalanzhe.”
3Jesu wakatandabika lyaanza lyakwe a muntu, akumwaambila ati, “Ndayanda,” salala ono! Peenka penka muntu wakaponeshegwa kuzwa kumankuntu. 4Ama ne Jesu wakamwambila kwaamba, nkonva utaambili uli oonse, pesi kounka ulitondezhe ku mu Paizhi a kupa muyasilo mbuli Mozesi mbwakalailila chintondezha ku bantu boonse kwaamba ati wasalazhigwa kumankutu.
Musebenzhi wa shikalumamba munene
(Luuka 7.1-10)
5Ono Jesu nakanjila mu Kapenaumu, shikalumamba wachi Looma wakaza kuli Jesu a kulomba lugwasho, 6Mwami, “Musebenzhi wangu wachiswa kuyuminina mubili ku ng'anda alimwi mubili uliyuminine maningi.
7Jesu wakaamba ati, “Ndaunka muponye,”
8“Shikalumamba wakanviila ati, “Toelele kwaamba uza ku ng'anda yangu. Amba boo majwi musebenzhi wangu ulapona. 9Ime, ndi muntu upelwe nguzu zhakwendelezha bashikalumamba, ndalailila omwi, ‘Kounka!’ ulaunka, alimwi ndamulailila kwaamba koza!’ ulaza, a ku muzhike wangu ndamulailila ulachita bweenka.”
10Jesu nakanva makani aya, wakakankamana, alimwi wakaambila baali kumuchilila, “Kashimpe ndamwaabila, nshina kujana wa lushomo lunene mbuli ulu mu Izilaili. 11“Ndamwaabila, baanji balakuzwa kujwe, kumbo a kukkala kulya antomwi a Ablahamu, Izeki a Jakobe mu bwami bwa ku julu. 12Pesi abo belele kujanika mu bulelo balakuwalwa ansengwe a munshinzhe, kwalo nkweshi bakalile aku lumanya meeno.” 13Amane Jesu wakaambila shikalumamba ati, “Kounka ku ng'anda nchiwashoma chachitika.”
“Peenka penka musebenzhi wakwe wakaponeshegwa.
Jesu wakaponya bantu baanji
(Maako 1.29-34; Luuka 4.38-41)
14Jesu nakaunka mu ng'anda ya Petulo, alimwi wakabona bapongoshi ba Petulo kabonene abulo nkambo balinga kuchiswile mubili kupya. 15Wakabajata kulyaanza lyabo, amane peenka penka kupya kwa mubili kwakamana, bakabuka a kubapa chakulya. 16Mangolezha enka ayo, bakamuletela bantu baanji bakalinga kunjililwe myuya ibibi, wakaitanda myuya ibibi a kusenbezha ijwi, alimwi boonse balwazhi bakalikushiswa. 17Izhi zhakachitika zhoonse kuzuzikizha chakaamba mushishimi Izaya.”
Wakaponya malwazhi a machise esu oonse.”
Chili mukuchilila Jesu
(Luuka 9.57-62)
18Jesu nakabona mbunga yabantu yakalinga kumuzhingulukile, wakaambila bashichiiya bakwe kwaamba bazubukile kutala a mulonga. 19“Amane muii wa mulawo,” wakaamba ati, “O Muii ndilibambile kunka andiwe mfumbwa nkweshi uunke.”
20Jesu wakanviila ati, “Bamwaaba bamushokwe balichite malyango abalo bayuni balichite nzhiinswa, pesi Mwana Muntu tachite akoona.”
21Shichiiya umwi wakamwaambila ati, “Mwami, ndalomba ngunke nka zhiike bata.” 22“Jesu wakanviila ati, “Nchilile, amuleke bafile bazhikane beene.”
Jesu waumuzha mayuwe
(Maako 4.35-41; Luuka 8.22-25)
23Jesu wakanjila mu bwaato, alimwi bashichiiya bakwe bakamuchilila. 24Peenka penka kwakaza muwo unene amulonga wakanyamuna mayuwe akatalika kuma kubwaato, pesi Jesu wakalikonene. 25Bashichiiya bakwe bakaunka ku mubusha, akwaamba, “Mwami tuvune, twaloba!”
26Wakabanviila ati, “Nubantu balushomo lushoonto, nkambo nzhi nchimutija?” Amane wakanyamuka a kukalalila muwo a mayuwe, amana kwakaba lumuno.
27Alimwi ba sankwa bakakankamana a kubuzha, “Ino ngu muntu buti uyu? Wakwaamba muwo a mayuwe oonse alamunvila!”
Jesu wakaponya bantu bobilo bakalikuchite myuya ibibi
(Maako 5.1-20; Luuka 8.26-39)
28Jesu nakashika kutala a mulonga mumunzhi wa Gadala, wakaswangana a abasankwa bobilo balinga kuchite myuuya ibiibi kabazwa kunamaumbwe. Taaku naba muntu omwi wakalinga kwiinda nzhila iyo. 29Penka bakaolobezha, “Ino ulandanzhi kulindiswe, O Mwana Leza? Saa waza mukutusubula chiindi kachitana kushika?”
30Kakutali kulale akwankalinga nkumba zhakalinga kuchela. 31Amana myuuya ibiibi yakamulomba Jesu ati, “Naulanda kututanda, tutandile mubu takanga bwa nkumba zhilya.”
32Jesu wakaambila myuuya ibiibi ati, “Kamuya!” alimwi yakazwa akunjila mu nkumba. Amane butakanga bwa nkumba boonse bwa kanyikila mu mulonga a kufa.
33Bamane bembezhi ba nkumba bakabalika akunka mu munzhi kwaamba makani oonse, a nzhibakabona nzhakachitika ku basankwa ba myuuya ibiibi. 34Munzhi oonse wakaunka kubona Jesu. Nibakamana kumubona Jesu, bakamulomba kwaamba azwe mu chishi chabo.
Currently Selected:
Mateyo 8: STP
Highlight
Share
Copy
Want to have your highlights saved across all your devices? Sign up or sign in
The Word For The World International
