मा़र 2
2
जिसु मित्काड़ गोच् होड़े बोगेयेदे
(माथ 9:1-8; लु 5:17-26)
1आदो थोड़ा दिन तायोम जिसु काफारना़हुमते आरहोंए बोलोयेन खान, आँजोमेना मित्टेन ओड़ाक्रे मेनाया मेनते। 2खान आ़डि होड़को जारवायेना, उना़क् हा़बिच् जे बाङको साहोंप्लेना, दुवा़र ठेन हों बाङ आर जिसु दो इसोराक् काथाय गालमारावाकोकान ताहेंकाना। 3आदो जिसु ठेन मित्टेन मित्काड़ गोच् होड़ पोन होड़तेको गोक् आ़गुयेदेकाना। 4आर ओनको गादेल होड़ इया़ते जिसु ठेन बाङको आ़गु सोर दाड़ेयादे खान, उनिये ताहेंकान ठेनाक् चालको चोटाक् केदा आर भुगा़क्काते पारकोम सुदहा़ उनि मित्काड़ गोच्इच्को फेड गोत्कादेया। 5आदो जिसु ओनकोवाक् बिसवा़स ञेलकाते उनि मित्काड़ गोच् होड़े मेतादेया, “ए बा़बु, आमाक् का़इको इका़येनतामा।” 6मेनखान आ़न चेचेत्को मोदरेन आदोम होड़ ओंडेको दुड़ुप् आकान ताहेंकाना, आर आकोवाक् मोनरेको ना़न्दिगुन्दि जोङकान ताहेंकाना। 7चेदाक् उनि होड़ दो नोनकाए रोड़ेदा? इसोरे हेनोसतावाय काना, मित् गोटेनगे मेताक्मे, इसोर छाडाकाते ओकोय हाले का़इ दोए इका़ दाड़ेयाक्आ?#जेसाया 43:25 8जिसु दो आको आकोरे नोनकाको ना़न्दिगुन्दिक् काना मेनते आयाक् जिउरे बाडाय तोराए मेतात्कोवा “चेदाक् आपेयाक् मोनरे नोवा रेयाक्पे ना़न्दिगुन्दिक् काना? 9ओकाटाक् बा़ड़ति आलगावा, नुय मित्काड़ गोच् होड़ मेताय, ‘आमाक् का़इ इका़येनतामा,’ से मेताय, ‘मा बेरेत्मे आमाक् पारकोम कुटुङताम आर ताड़ाममे?’ 10मेनखान इञ सा़बुत आपेकाना जेमोनपे बाडाय मानवा होपोन दो धा़रतिरे का़इ इका़ रेयाक् एकतिया़रि मेनाक्ताया मेनते,” उनि मित्काड़ गोच् होड़े मेतादेया, 11“आम इञ मेताम काना मा बेरेत्मे आमाक् पारकोम कुटुङताम आर आमाक् ओड़ाक्ते सेनजोङमे।” 12खानगेये बेरेत् एना आर इना़ घा़ड़िच्तेगे पारकोम कुटुङकेत्ते जोतोको सामाङरेये ओडोक चालावेना, ओनाते जोतोको ठाक एना आर इसोर साबासिआतेको मेनकेदा, “नोनकानाक् दो तिस हों बाबोन ञेल आकादा।”
लेविये होहो ओचोयेन
(माथ 9:9-13; लु 5:27-32)
13खानगे जिसु ओडोककाते आरहों गा़लिल दोरयाँव आड़ेतेये चालावेना आर ओनको जोतो होड़ उनि ठेनको हेच्एना आरे चेत् आकोकान ताहेंकाना। 14आदोए चालाव पारोमोक्कानरे आलफायरेन होपोन लेबि, मा़सुल उक्ठा़उ ओड़ाक् ठेन दुड़ुप् आकाने ञेलकेदेया, आरे मेतादेया, “देला पाँजाञमे,” खानगेये बेरेत् एना आरे पाँजाकेदेया। 15इना़ तायोम जिसु लेवियाक् ओड़ाक्रे जोजोमे दुड़ुप् आकान जोखेच् आ़डि उता़र मा़सुल उठा़उको आर का़इ होड़को, जिसु आर उनिरेन चेलाको तुलुच् जोम ला़गित्को दुड़ुप् पान्तेयेना, एनते उनि पाक्ञ्जाको दो आ़डि साङगेको ताहेंकाना। 16आर फा़रिसिको मोदरेन आ़न चेचेत्को दो मा़सुल उक्ठा़उको आर का़इ होड़को तुलुच् जिसु जोजोमकानको ञेलकेदे खान, उनिरेन चेलाकोको मेतात्कोवा, “चेदाक् नुय दो मा़सुल उठा़उको आर जिहुदि बाहरेरेनको तुलुच् ए जोमञुयेदा?” 17जिसु दो ओनाय आँजोम केदा आरे मेतात्कोवा, “बोगे होड़को दो रारानिच् रेयाक् जा़रुड़ दो बा़नुक् ताकोवा, मेनखान दुखा़लिकोगे। भागे होड़ होहोवाको ला़गित् दो बा़ञ हेच् आकाना मेनखान का़इ होड़कोगे।”#लुक 19:10
उपा़स बाबोत कुक्लि
(माथ 9:14-17; लु 5:33-39)
18आर जोहान रेन चेलाको आर फा़रिसिको दोको उपा़सेत् ताहेंकाना, आदोम होड़ दो जिसु ठेन हेच्कातेको कुलिकेदेया “चेत् इया़ते जोहानरेन चेलाको आर फा़रिसिकोरेन चेलाको दोको उपा़सेदा, आर आमरेन चेलाको दो बाङको उपा़सेदा?” 19जिसु दो ओनकोय रोड़ रुवा़ड़ात्कोवा “चेत् बापला ओड़ाक्रे जाँवाँय बेटा आको साँवरे ताहेन तुलुच् बा़रिया़तको दोको उपा़सकेया?” तिन हा़बिच् जाँवाँय बेटा आको साँवरेये ताहेना, ओनको दो बाङको उपा़सा। 20मेनखान दिनको दाराकाना, तिनरे जाँवाँय बेटा दो ओनको खोने रेजोगोक् उनरे ओनाको दिनरे दोको उपा़सा। 21ओकोय हों मारे किचरिच्रे नावाँनाक् किचरिच् कुटरा़ दो बाको कानथा जालादा, बाङ खान नावाँनाक् एक्सेत्आक्ते दो मारेनाक्ए ओर ओड़ेजा, आर ओड़ेच्तेत् दो आरगे माराङोक्आ। 22ओकोय हों नावाँ दारखा रासा मारे हारता भाजानकोरे दो बाको दुल दोहोया, बाङ खान दारखा रासाते हारता भाजानको ओड़ेजोक्आ, आर दारखा रासा दो नोसटोक्आ। मेनखान नावाँ दारखा रासा दो नावाँ हारता भाजानरेको दोहोया।
जिरा़उक् माँहाँरेन प्रोभु
(माथ 12:1-14; लु 6:1-11)
23आदो जिसु जिरा़उक् माँहाँरे फोसोल तालातेये पारोम चालाक् कान ताहेंकाना आर उनिरेन चेलाको दो सेनोक् तुलुच् गेले होहोत्को एहोप् एना,#देउतरोनोमि 23:25 24खानगे फा़रिसिको दोको मेतादेया, ञेलमे जिरा़उक् माँहाँरे ओका बाङ गानोक् का़मिकान ओनाको चेदाक्को का़मियेदा? 25आदो जिसुइ मेतात्कोवा तिस हों बापे पाड़हाव आकादा, दा़उद चेत् ए चेकालेदा, जा़रुड़ादे आर रेङगेच्लेदेरे आच् आर आच् सोङगेतेनको? 26चेत्लेका माराङ नायके आ़बिया़थाराक् पा़रिया़रे इसोराक् ओड़ाक्तेये बोलोयेना आर सामाङाक् पिठा़इ जोमकेदा, ओने ओना नायकेको छाडा जोम दो बाङ गानोक्, आर आच् सोङगेतेनको होंए एमात्कोवा।#१ बिबोरोन 24:6; २ सामुएल 8:17; लेबितिकुस 24:5-9; १ सामुएल 21:1-6 27जिसु दो ओनकोय मेतात्कोवा जिरा़उक् माँहाँ दो मानवा ला़गित् बेनाव आकाना, मानवा दो जिरा़उक् माँहाँ ला़गित् दो बाङा।#एकसोडस 23:12; देउतरोनोमि 5:14 28ओनाते मानवा होपोन दो जिरा़उक् माँहाँरेन होंए प्रोभु काना।
Currently Selected:
मा़र 2: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
मा़र 2
2
जिसु मित्काड़ गोच् होड़े बोगेयेदे
(माथ 9:1-8; लु 5:17-26)
1आदो थोड़ा दिन तायोम जिसु काफारना़हुमते आरहोंए बोलोयेन खान, आँजोमेना मित्टेन ओड़ाक्रे मेनाया मेनते। 2खान आ़डि होड़को जारवायेना, उना़क् हा़बिच् जे बाङको साहोंप्लेना, दुवा़र ठेन हों बाङ आर जिसु दो इसोराक् काथाय गालमारावाकोकान ताहेंकाना। 3आदो जिसु ठेन मित्टेन मित्काड़ गोच् होड़ पोन होड़तेको गोक् आ़गुयेदेकाना। 4आर ओनको गादेल होड़ इया़ते जिसु ठेन बाङको आ़गु सोर दाड़ेयादे खान, उनिये ताहेंकान ठेनाक् चालको चोटाक् केदा आर भुगा़क्काते पारकोम सुदहा़ उनि मित्काड़ गोच्इच्को फेड गोत्कादेया। 5आदो जिसु ओनकोवाक् बिसवा़स ञेलकाते उनि मित्काड़ गोच् होड़े मेतादेया, “ए बा़बु, आमाक् का़इको इका़येनतामा।” 6मेनखान आ़न चेचेत्को मोदरेन आदोम होड़ ओंडेको दुड़ुप् आकान ताहेंकाना, आर आकोवाक् मोनरेको ना़न्दिगुन्दि जोङकान ताहेंकाना। 7चेदाक् उनि होड़ दो नोनकाए रोड़ेदा? इसोरे हेनोसतावाय काना, मित् गोटेनगे मेताक्मे, इसोर छाडाकाते ओकोय हाले का़इ दोए इका़ दाड़ेयाक्आ?#जेसाया 43:25 8जिसु दो आको आकोरे नोनकाको ना़न्दिगुन्दिक् काना मेनते आयाक् जिउरे बाडाय तोराए मेतात्कोवा “चेदाक् आपेयाक् मोनरे नोवा रेयाक्पे ना़न्दिगुन्दिक् काना? 9ओकाटाक् बा़ड़ति आलगावा, नुय मित्काड़ गोच् होड़ मेताय, ‘आमाक् का़इ इका़येनतामा,’ से मेताय, ‘मा बेरेत्मे आमाक् पारकोम कुटुङताम आर ताड़ाममे?’ 10मेनखान इञ सा़बुत आपेकाना जेमोनपे बाडाय मानवा होपोन दो धा़रतिरे का़इ इका़ रेयाक् एकतिया़रि मेनाक्ताया मेनते,” उनि मित्काड़ गोच् होड़े मेतादेया, 11“आम इञ मेताम काना मा बेरेत्मे आमाक् पारकोम कुटुङताम आर आमाक् ओड़ाक्ते सेनजोङमे।” 12खानगेये बेरेत् एना आर इना़ घा़ड़िच्तेगे पारकोम कुटुङकेत्ते जोतोको सामाङरेये ओडोक चालावेना, ओनाते जोतोको ठाक एना आर इसोर साबासिआतेको मेनकेदा, “नोनकानाक् दो तिस हों बाबोन ञेल आकादा।”
लेविये होहो ओचोयेन
(माथ 9:9-13; लु 5:27-32)
13खानगे जिसु ओडोककाते आरहों गा़लिल दोरयाँव आड़ेतेये चालावेना आर ओनको जोतो होड़ उनि ठेनको हेच्एना आरे चेत् आकोकान ताहेंकाना। 14आदोए चालाव पारोमोक्कानरे आलफायरेन होपोन लेबि, मा़सुल उक्ठा़उ ओड़ाक् ठेन दुड़ुप् आकाने ञेलकेदेया, आरे मेतादेया, “देला पाँजाञमे,” खानगेये बेरेत् एना आरे पाँजाकेदेया। 15इना़ तायोम जिसु लेवियाक् ओड़ाक्रे जोजोमे दुड़ुप् आकान जोखेच् आ़डि उता़र मा़सुल उठा़उको आर का़इ होड़को, जिसु आर उनिरेन चेलाको तुलुच् जोम ला़गित्को दुड़ुप् पान्तेयेना, एनते उनि पाक्ञ्जाको दो आ़डि साङगेको ताहेंकाना। 16आर फा़रिसिको मोदरेन आ़न चेचेत्को दो मा़सुल उक्ठा़उको आर का़इ होड़को तुलुच् जिसु जोजोमकानको ञेलकेदे खान, उनिरेन चेलाकोको मेतात्कोवा, “चेदाक् नुय दो मा़सुल उठा़उको आर जिहुदि बाहरेरेनको तुलुच् ए जोमञुयेदा?” 17जिसु दो ओनाय आँजोम केदा आरे मेतात्कोवा, “बोगे होड़को दो रारानिच् रेयाक् जा़रुड़ दो बा़नुक् ताकोवा, मेनखान दुखा़लिकोगे। भागे होड़ होहोवाको ला़गित् दो बा़ञ हेच् आकाना मेनखान का़इ होड़कोगे।”#लुक 19:10
उपा़स बाबोत कुक्लि
(माथ 9:14-17; लु 5:33-39)
18आर जोहान रेन चेलाको आर फा़रिसिको दोको उपा़सेत् ताहेंकाना, आदोम होड़ दो जिसु ठेन हेच्कातेको कुलिकेदेया “चेत् इया़ते जोहानरेन चेलाको आर फा़रिसिकोरेन चेलाको दोको उपा़सेदा, आर आमरेन चेलाको दो बाङको उपा़सेदा?” 19जिसु दो ओनकोय रोड़ रुवा़ड़ात्कोवा “चेत् बापला ओड़ाक्रे जाँवाँय बेटा आको साँवरे ताहेन तुलुच् बा़रिया़तको दोको उपा़सकेया?” तिन हा़बिच् जाँवाँय बेटा आको साँवरेये ताहेना, ओनको दो बाङको उपा़सा। 20मेनखान दिनको दाराकाना, तिनरे जाँवाँय बेटा दो ओनको खोने रेजोगोक् उनरे ओनाको दिनरे दोको उपा़सा। 21ओकोय हों मारे किचरिच्रे नावाँनाक् किचरिच् कुटरा़ दो बाको कानथा जालादा, बाङ खान नावाँनाक् एक्सेत्आक्ते दो मारेनाक्ए ओर ओड़ेजा, आर ओड़ेच्तेत् दो आरगे माराङोक्आ। 22ओकोय हों नावाँ दारखा रासा मारे हारता भाजानकोरे दो बाको दुल दोहोया, बाङ खान दारखा रासाते हारता भाजानको ओड़ेजोक्आ, आर दारखा रासा दो नोसटोक्आ। मेनखान नावाँ दारखा रासा दो नावाँ हारता भाजानरेको दोहोया।
जिरा़उक् माँहाँरेन प्रोभु
(माथ 12:1-14; लु 6:1-11)
23आदो जिसु जिरा़उक् माँहाँरे फोसोल तालातेये पारोम चालाक् कान ताहेंकाना आर उनिरेन चेलाको दो सेनोक् तुलुच् गेले होहोत्को एहोप् एना,#देउतरोनोमि 23:25 24खानगे फा़रिसिको दोको मेतादेया, ञेलमे जिरा़उक् माँहाँरे ओका बाङ गानोक् का़मिकान ओनाको चेदाक्को का़मियेदा? 25आदो जिसुइ मेतात्कोवा तिस हों बापे पाड़हाव आकादा, दा़उद चेत् ए चेकालेदा, जा़रुड़ादे आर रेङगेच्लेदेरे आच् आर आच् सोङगेतेनको? 26चेत्लेका माराङ नायके आ़बिया़थाराक् पा़रिया़रे इसोराक् ओड़ाक्तेये बोलोयेना आर सामाङाक् पिठा़इ जोमकेदा, ओने ओना नायकेको छाडा जोम दो बाङ गानोक्, आर आच् सोङगेतेनको होंए एमात्कोवा।#१ बिबोरोन 24:6; २ सामुएल 8:17; लेबितिकुस 24:5-9; १ सामुएल 21:1-6 27जिसु दो ओनकोय मेतात्कोवा जिरा़उक् माँहाँ दो मानवा ला़गित् बेनाव आकाना, मानवा दो जिरा़उक् माँहाँ ला़गित् दो बाङा।#एकसोडस 23:12; देउतरोनोमि 5:14 28ओनाते मानवा होपोन दो जिरा़उक् माँहाँरेन होंए प्रोभु काना।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025