माथ 27
27
जिसु पिला़त सामाङरे
(मा़र १५:१; लु २३:१,२; जोहा १८:२८-३२)
1आर सेताक्एन खान जोतो माराङ नायकेको आर होड़कोरेन मुरुबिको जिसु गोजेया मेनतेको सोलहा ठिक केदा। 2आर तोलकातेको इदिकेदेया, आर रोमि दिसा़म चाक्लाविच् पिला़त ठेनको सोपरोतकेदेया।
जिहुदा़वाक् गुजुक्
(आ का़ १:१८-१९)
3आर सोपरोतएदेयिच् जिहुदा़ दो उनि सा़जा़इये रेयाक् हुकुम ओडोकेना मेनतेये आँजोमकेत् खाने कासतावेना, आर ओना पे गेल चा़नि टाका माराङ नायकेको आर मुरुबिको ठेने इदि रुवा़ड़केदा,#आपोस का़मि १:१८-१९ 4आरे मेनकेदा, “का़इ आकादा़ञ बिन दुसियानिच् गोच् ओचोक् ला़गित् इञ सोपरोतकेदेते।”
ओनकोको मेतादेया, “ओना रेयाक् आले दो चेत्? आमगे बाडाय मे।”
5आदो चा़नि टाका कोयजोङ ओड़ाक्रे चापात् गिडिकातेये चालावेना, आर सेनकातेये पा़सि गोच् एना।
6आर माराङ नायकेको दो ओना टाका हालाङकातेको मेनकेदा, “नोवा दो दान सुंदुकरे दोक्हो दो ओहो गानलेना माँयाँम रेयाक् दाम कान इया़ते।” 7आदो सोलहा मित्काते ओना टाकाते दो कुङका़लाक् बाड़गेको किरिञकेदा उपरिया़को तोपाको ला़गित्। 8ओना इया़ते ओना गोडा दो तेहेञ हा़बिच् “माँयाँम रेयाक् गोडा” को मेताक्काना।
9उनरे जिरिमिया़ ना़बि होतेते रोड़लेन काथा पुरा़वेना, एनकाथाय, “ओनको दो पे गेल टाकाको हातावकेदा, उनि दामकेदेयिच् रेयाक् दाम ओने इसराएल होपोनको मोदरेनकोको दामलेदे,”#सेकारिया़ 11:12,13; जिरिमिया़ 32:6-9 10आर कुङका़ल गोडा ला़गित् ओनाको एमकेदा, प्रोभुइ बातलावादिञ लेका।
पिला़त सामाङरे जिसु
(मा़र १५:२-५; लु २३:३-५; जोहा १८:३३-३८)
11आर जिसु दो रोमि दिसा़म चाक्लाविच् सामाङरेये तेङगोयेना, आर रोमि दिसा़म चाक्लाविच् ए कुलिकेदेया, “आम दो जिहुदिकोरेन राज कानाम?”
जिसुइ मेनकेदा, “आमेम मेनेदा,” 12आर माराङ नायकेको आर मुरुबिकोको दारावआदेरे चेत् हों बाय रोड़ रुवा़ड़लेदा।
13खानगे पिला़ते मेतादेया, “बाम आँजोमेदा तिना़क् तिना़क् आम उपा़रते गोहाको एमेदा?”
14मेनखान बाय रोड़ रुवा़ड़लेदा, मित्टेन काथा रेयाक् हों बाङ। ओनाते रोमि दिसा़म चाक्लाविच् दो आ़डिये हाहाड़ायेना।
जिसु गोजे रेयाङे हुकुमेत्कान
(मा़र १५:६-१५; लु २३:१३-२५; जोहा १८:३९—१९:१६)
15सेन पारोम पोरोबरे दिसा़म चाक्लाविच् दो होड़को मित्टेन का़इदिये आड़ाक् आकोकान ताहेंकाना, जाहाँयटाक्गेको खोजे। 16उनरे बाराब्बाको मेताय मित्टेन नामडाक का़इदिये ताहेंकान ताकोवा। 17आदोको जारवायेन खान पिला़ते कुलिकेत्कोवा, “ओकोयटाक् इञ आड़ाक्आपेपे ञामकाना, बाराब्बा से मा़सिको मेताय जिसु?” 18एनतेये बाडायकान ताहेंकाना, हिसका़ इया़तेको सोपरोत आकादेया मेनते।
19आदो पिला़त दो बिक्चा़र दुड़ुप्आक्रेये दुड़ुप् आकान ताहेंकानरे उनिरेन ओड़ाक् होड़ दो काथाय कोल गोत्कादा, “आम दो उनि बिन दुसियान होड़ तुलुच् चेत् हों आलो ताहेनताममा, एनते तेहेञ दो कुकमुते उनि इया़ते आ़डि बा़ड़िच् इञ दुक एना।”
20आर माराङ नायकेको आर मुरुबिको दो गादेल होड़को रा़मजा़उकेत्कोवा जेमोन बाराब्बाको खोजे आर जिसुको गोजे। 21आदो रोमि दिसा़म चाक्लाविच् ए मेतात्कोवा, नुकिन बार होड़ मोदरे ओकोयटाक् इञ आड़ाक्आपेपे ञामकाना?
ओनकोको मेनकेदा, “बाराब्बागे।” 22पिला़ते मेतात्कोवा, “एनडेखान मा़सिको मेताय जिसु दोञ चेकाकाया?”
जोतोगेको मेनकेदा, “कुरुसकायमे।” 23पिला़त दोए मेनकेदा, “चेदाक् चेत् ए बा़ड़िच् आकादा?” मेनखान ओनको दो बेबा़ड़िच्को होहोकेदा, “कुरुसरेये आकाक्मा।”
24आदो पिला़ते ञेलकेत् खान चेत् हों बाय चेका दाड़ेयाक्आ मेनते, बिचकोम आरतेत्गे हुलमाल होयोक् काना, गादेल होड़ सामाङरे दाक् हातावकाते तिये आ़बुक एना आरे मेनकेदा, “इञ दोञ मिरिदोसगेया नोवा माँयाँम खोन दो, आपेगे बाडायपे।”#देउतरोनोमि २१:६-९
25आर सानाम होड़को रोड़ रुवा़ड़केदा, “उनियाक् माँयाँम दो आलेरे आर आलेरेन गिदरा़कोरे पाड़ावक्मा।”
26खानगे बाराब्बाय आड़ाक्आत्कोवा, आर जिसु दो कोडरा ओचोकातेये सोपरोतकादेया कुरुसकाय ला़गित्।
सिपा़हिको जिसुको सिड़ोग आयकान
(मा़र १५:१६-२०; जोहा १९:२-३)
27खान रोमि दिसा़म चाक्लाविच् पिला़तरेन पालटोनको दो दोलानते जिसु इदिकेदेते गोटा पालटोन खातारेनको उनि ठेनको जारवाकेत्कोवा। 28आदो उनियाक् किचरिच् तोत्काते, जेङगेत् आराक् आङगरोपको होरोक्आदेया। 29आर जा़नुम रेयाक् मुकुट गालाङकातेको होरोक् आदेया, आर जोजोम तिरे दो चुछि ठेङगाको साप् आदेया, आर उनि सामाङरे इकड़ुमकाते सिड़ोगआदेतेको मेतादेया, “जोहार जिहुदिकोरेन राजा।” 30आरको थो आदेया, आर ओना चुछि ठेङगा हातावकाते बोहोक्रेको दालादेया। 31आरको सिड़ोग बाड़ावादे खान, ओना आङगरोप तोत्काते, आयाक् किचरिच्को होरोक्आदेया, आर कुरुस ओचोक् ला़गित्को इदिकेदेया।
जिसुइ कुरुस ओचोयेन
(मा़र १५:२१-३२; लु २३:२६-४३; जोहा १९:१७-२७)
32आरको ओडोक चालाक् कान जोखेच् सिमोन ञुतुमाय कुरेनिरेन मित् होड़को ञामकेदेया, आर बेगारिको साप्केदेया, उनियाक् कुरुस गोक् इदि ला़गित्। 33आर गोलगोथाको मेताक् जायगाको सेटेरेन खान, मेताक्मे खा़परि जायगा ठेन, 34हाड़हात्आक् भेञ्जान आकात् दारखा रासा ञुय ला़गित्को एमादेया, मेनखान ओनाय चाखा आ़इका़उकेत् खान ञुञु बाय रेबेनलेना।#सेरेञको ६९:२१
35आदोको कुरुसकेदे खान गुलिबाँटकाते उनियाक् किचरिच्को हा़टिञाना, 36आर ओंडे दुड़ुप्कातेको होरहोकेदेया। 37आर उनियाक् बोहोक् चेतानरे उनियाक् दोस ओलाक्को बा़इसा़उकेदा, “नुय दो जिसु, जिहुदिकोरेन राजा कानाय।” 38आर बारया डा़कु उनि तुलुच्किन कुरुस ओचोयेना, मित् दो एतोम आर मित् दो कोञेंरे।
39आर पारोम चालाक् कानको दो आकोवाक् बोहोक् रुकु रुकुवातेको हेनोसतावादेया,#सेरेञको २२:७; १०९:२५ 40मेनकेदाको, “एया कोयजोङ ओड़ाक् धाङधाक्सेरिच् आर पे माँहाँते बेक्नाविच्, मा आम बाड़े बाञचावक्मे, इसोररेन होपोन कानाम मेनखान, कुरुस खोन मा फेड हिजुक्मे।”#माथाय २६:६१; जोहान २:१९
41ओनकागे माराङ नायकेको हों सोसतोर बाडायको आर मुरुबिको सालाक् सिड़ोगादेतेको मेनकेदा, 42“एटाक्को दोए बाञचावकेत्कोवा, आच् दो बाय बाञचाव दाड़ेयाक् काना। इसराएलकोरेन राजा कानाय, नितोक् कुरुस खोने फेड हिजुक्मा, आदो उनिरेबोन पा़तिया़उक्आ। 43इसोररेये भोरसा आकान, नित बाड़ेये बाञचावेमा उनिये कुसियायकान खान, एनतेये मेनलेत् चोङ, इसोररेन होपोन काना़ञ।”#सेरेञको २२:८ 44ओनकागे उनि साँवतेकिन कुरुस ओचोलेन डा़कु होंकिन सिड़ोगआदेया।
जिसुवाक् गुजुक्
(मा़र १५:३३-४१; लु २३:४४-४९; जोहा १९:२८-३०)
45आदो तिकिन खोन तारासिञ हा़बिच् गोटा दिसा़म ञुत एना। 46आर तारासिञ गान जिसु दो आँटतेये होहोकेदा, “एलि, एलि, लामा साबाकथानि?” मेताक्मे, “ए इञरेन इसोर, ए इञरेन इसोर चेदाक्एम बा़गि गिडिआदिञा?”#सेरेञको २२:१
47आर ओंडे तेङगोवाकानको मोदरे आदोम होड़ ओना आँजोमकातेको मेनकेदा, “नुय दो एलिया़ए होहोवायकाना।” 48आर नोको मोदरेन मित् होड़ दो ञिर सेन गोत्एनते मित्टेच् इसपोंज हातावकाते सिरका़रेये तोपोकेदा आर चुछि ठेङगारे गुतुकातेये चेपेच् आदेया।#सेरेञको ६९:२१
49आरको दोको मेनकेदा, “हापे, ञेललेगेबोन बाञचावे ला़गित् एलिया़ए हिजुक्काना से बाङ।”
50आर जिसु दो आरहों आँट आड़ाङतेये होहोकेदा, खान जिवि ओडोकेनताया।
51खानगे ञेलपे, कोयजोङ ओड़ाक् रेयाक् ओरवाल दो चोट खोन फेड हा़बिच् ओड़ेच्एनते बार हा़टिञेना, आर ओत दो दाल दालावेना आर चा़टा़इनिको पाड़ाक् एना।#एकसोडस २६:३१-३३ 52आर कोबोरको झिच् एना आर आ़डि उता़र जा़पित् आकात् सोनोत होड़कोवाक् होड़मो जिवेत् बेरेत्एनताकोवा। 53आर उनियाक् जिवेत् बेरेत् तायोम कोबोरको खोन ओडोक हेच्काते सोनोत नागराहातेको बोलोयेना आर आ़डि होड़को ठेनको ञेल ओचोयेना।
54आदो सुबेदार आर उनि तुलुच् जिसु होरहोयेदेकान ताहेंकानको दो ओत लाड़ाव आर ओनाको होय आकानाक्को ञेलकाते बेबा़ड़िच्को बोतोरेना आरको मेनकेदा, “सा़रिगे नुय दो इसोररेन होपोने ताहेंकाना।”
55आर ओंडे दो फाराक खोन ञेञेलकान आयमा मायजिउको ताहेंकाना ओने ओनको गा़लिल खोन जिसुको पाँजाआकादे ताहेंकान आरको साप्सोरायकान ताहेंकान।#लुक ८:२-३ 56ओनको मोदरे मागदालिनि मा़रिया़मे ताहेंकाना, जाकब आर जोसेफ ता़किनरेन एङगात मा़रिया़म आर साबदाय होपोन ता़किनरेन एङगाते ताहेंकाना।
जिसुको तोपाकेदे
(मा़र १५:४२-४७; लु २३:५०-५६; जोहा १९:३८-४२)
57आर आ़युप्एन खान जोसेफ ञुतुमान आ़रिमा़थिया़रेन मित्टेन किसा़ँड़ होड़े हेच् एना, ओने उनि आच् हों जिसुरेन चेलाए ताहेंकान। 58उनि दो पिला़त ठेन सेनकाते जिसुवाक् मा़ँड़िंंये कोयकेदा। आदो पिला़ते हुकुमकेदा ओना एमाय ला़गित्। 59आर जोसेफ दो मा़ँड़िंं हातावकाते साफा मुसना़ किचरिच्तेये पोटोमकेदा। 60आर चा़टाइनिरे खोलाव आकात् आयाक् नावाँ कोबोररेये दोहोकादा, आर कोबोर दुवा़ररे माराङ ओकोच् धिरि गुडरा़उ आ़गुकातेये एसेत्कादा आरे चालावेना। 61आर मागदालिनि मा़रिया़म आर एटागिच् मा़रिया़म दो ओंडे कोबोर मोहंडा मुहंडिरेकिन दुड़ुप् आकान ताहेंकाना।
जिसुवाक् कोबोरको होरहोयेत्
62आदो दोसार हिलोक्, मेताक्मे सापड़ावक् दिन तायोम हिलोक्, माराङ नायकेको आर फा़रिसिको दो पिला़त ठेन सेन जारवाकातेको मेनकेदा, 63“ए मा़लिक, दिसा़केदाले उनि बुक्ला़विच् दो जिवेत् ए ताहेंकानरेये मेनलेदा, ‘पे माँहाँ खानगेञ जिवेत् बेरेदोक्आ’ मेनते।#माथाय १६:२१; १७:२३; २०:१९; मा़रकुस ८:३१; ९:३१; लुक ९:२२; १८:३१-३३ 64ओनाते हुकुममे जेमोन कोबोर दो पे माँहाँ हा़बिच् काजाकते होरहोक्, बाङ खान उनिरेन चेला हेच्कातेको कोमबड़ो इदि बोतेच्केया आर दिसा़म होड़को ला़इयाकोवा गोच्को खोने जिवेत् बेरेत् एना मेनते, आदो सेसाक् बुला़उ दो पा़हिलाक् खोन आरतेत् बा़ड़िच्गे होयोक्आ।” 65पिला़ते मेतात्कोवा, “पाहराको मेनाक्कोतापेगेया सेनकाते दाड़ेयाक् भोर काजाकते होरहोयपे।”
66ओनको दो सेनकाते धिरि मोहोर छापआत्ते पाहराकोको खाटावकेत्कोवा आर कोबोरको रुखिया़ दोहोकेदा।
Currently Selected:
माथ 27: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
माथ 27
27
जिसु पिला़त सामाङरे
(मा़र १५:१; लु २३:१,२; जोहा १८:२८-३२)
1आर सेताक्एन खान जोतो माराङ नायकेको आर होड़कोरेन मुरुबिको जिसु गोजेया मेनतेको सोलहा ठिक केदा। 2आर तोलकातेको इदिकेदेया, आर रोमि दिसा़म चाक्लाविच् पिला़त ठेनको सोपरोतकेदेया।
जिहुदा़वाक् गुजुक्
(आ का़ १:१८-१९)
3आर सोपरोतएदेयिच् जिहुदा़ दो उनि सा़जा़इये रेयाक् हुकुम ओडोकेना मेनतेये आँजोमकेत् खाने कासतावेना, आर ओना पे गेल चा़नि टाका माराङ नायकेको आर मुरुबिको ठेने इदि रुवा़ड़केदा,#आपोस का़मि १:१८-१९ 4आरे मेनकेदा, “का़इ आकादा़ञ बिन दुसियानिच् गोच् ओचोक् ला़गित् इञ सोपरोतकेदेते।”
ओनकोको मेतादेया, “ओना रेयाक् आले दो चेत्? आमगे बाडाय मे।”
5आदो चा़नि टाका कोयजोङ ओड़ाक्रे चापात् गिडिकातेये चालावेना, आर सेनकातेये पा़सि गोच् एना।
6आर माराङ नायकेको दो ओना टाका हालाङकातेको मेनकेदा, “नोवा दो दान सुंदुकरे दोक्हो दो ओहो गानलेना माँयाँम रेयाक् दाम कान इया़ते।” 7आदो सोलहा मित्काते ओना टाकाते दो कुङका़लाक् बाड़गेको किरिञकेदा उपरिया़को तोपाको ला़गित्। 8ओना इया़ते ओना गोडा दो तेहेञ हा़बिच् “माँयाँम रेयाक् गोडा” को मेताक्काना।
9उनरे जिरिमिया़ ना़बि होतेते रोड़लेन काथा पुरा़वेना, एनकाथाय, “ओनको दो पे गेल टाकाको हातावकेदा, उनि दामकेदेयिच् रेयाक् दाम ओने इसराएल होपोनको मोदरेनकोको दामलेदे,”#सेकारिया़ 11:12,13; जिरिमिया़ 32:6-9 10आर कुङका़ल गोडा ला़गित् ओनाको एमकेदा, प्रोभुइ बातलावादिञ लेका।
पिला़त सामाङरे जिसु
(मा़र १५:२-५; लु २३:३-५; जोहा १८:३३-३८)
11आर जिसु दो रोमि दिसा़म चाक्लाविच् सामाङरेये तेङगोयेना, आर रोमि दिसा़म चाक्लाविच् ए कुलिकेदेया, “आम दो जिहुदिकोरेन राज कानाम?”
जिसुइ मेनकेदा, “आमेम मेनेदा,” 12आर माराङ नायकेको आर मुरुबिकोको दारावआदेरे चेत् हों बाय रोड़ रुवा़ड़लेदा।
13खानगे पिला़ते मेतादेया, “बाम आँजोमेदा तिना़क् तिना़क् आम उपा़रते गोहाको एमेदा?”
14मेनखान बाय रोड़ रुवा़ड़लेदा, मित्टेन काथा रेयाक् हों बाङ। ओनाते रोमि दिसा़म चाक्लाविच् दो आ़डिये हाहाड़ायेना।
जिसु गोजे रेयाङे हुकुमेत्कान
(मा़र १५:६-१५; लु २३:१३-२५; जोहा १८:३९—१९:१६)
15सेन पारोम पोरोबरे दिसा़म चाक्लाविच् दो होड़को मित्टेन का़इदिये आड़ाक् आकोकान ताहेंकाना, जाहाँयटाक्गेको खोजे। 16उनरे बाराब्बाको मेताय मित्टेन नामडाक का़इदिये ताहेंकान ताकोवा। 17आदोको जारवायेन खान पिला़ते कुलिकेत्कोवा, “ओकोयटाक् इञ आड़ाक्आपेपे ञामकाना, बाराब्बा से मा़सिको मेताय जिसु?” 18एनतेये बाडायकान ताहेंकाना, हिसका़ इया़तेको सोपरोत आकादेया मेनते।
19आदो पिला़त दो बिक्चा़र दुड़ुप्आक्रेये दुड़ुप् आकान ताहेंकानरे उनिरेन ओड़ाक् होड़ दो काथाय कोल गोत्कादा, “आम दो उनि बिन दुसियान होड़ तुलुच् चेत् हों आलो ताहेनताममा, एनते तेहेञ दो कुकमुते उनि इया़ते आ़डि बा़ड़िच् इञ दुक एना।”
20आर माराङ नायकेको आर मुरुबिको दो गादेल होड़को रा़मजा़उकेत्कोवा जेमोन बाराब्बाको खोजे आर जिसुको गोजे। 21आदो रोमि दिसा़म चाक्लाविच् ए मेतात्कोवा, नुकिन बार होड़ मोदरे ओकोयटाक् इञ आड़ाक्आपेपे ञामकाना?
ओनकोको मेनकेदा, “बाराब्बागे।” 22पिला़ते मेतात्कोवा, “एनडेखान मा़सिको मेताय जिसु दोञ चेकाकाया?”
जोतोगेको मेनकेदा, “कुरुसकायमे।” 23पिला़त दोए मेनकेदा, “चेदाक् चेत् ए बा़ड़िच् आकादा?” मेनखान ओनको दो बेबा़ड़िच्को होहोकेदा, “कुरुसरेये आकाक्मा।”
24आदो पिला़ते ञेलकेत् खान चेत् हों बाय चेका दाड़ेयाक्आ मेनते, बिचकोम आरतेत्गे हुलमाल होयोक् काना, गादेल होड़ सामाङरे दाक् हातावकाते तिये आ़बुक एना आरे मेनकेदा, “इञ दोञ मिरिदोसगेया नोवा माँयाँम खोन दो, आपेगे बाडायपे।”#देउतरोनोमि २१:६-९
25आर सानाम होड़को रोड़ रुवा़ड़केदा, “उनियाक् माँयाँम दो आलेरे आर आलेरेन गिदरा़कोरे पाड़ावक्मा।”
26खानगे बाराब्बाय आड़ाक्आत्कोवा, आर जिसु दो कोडरा ओचोकातेये सोपरोतकादेया कुरुसकाय ला़गित्।
सिपा़हिको जिसुको सिड़ोग आयकान
(मा़र १५:१६-२०; जोहा १९:२-३)
27खान रोमि दिसा़म चाक्लाविच् पिला़तरेन पालटोनको दो दोलानते जिसु इदिकेदेते गोटा पालटोन खातारेनको उनि ठेनको जारवाकेत्कोवा। 28आदो उनियाक् किचरिच् तोत्काते, जेङगेत् आराक् आङगरोपको होरोक्आदेया। 29आर जा़नुम रेयाक् मुकुट गालाङकातेको होरोक् आदेया, आर जोजोम तिरे दो चुछि ठेङगाको साप् आदेया, आर उनि सामाङरे इकड़ुमकाते सिड़ोगआदेतेको मेतादेया, “जोहार जिहुदिकोरेन राजा।” 30आरको थो आदेया, आर ओना चुछि ठेङगा हातावकाते बोहोक्रेको दालादेया। 31आरको सिड़ोग बाड़ावादे खान, ओना आङगरोप तोत्काते, आयाक् किचरिच्को होरोक्आदेया, आर कुरुस ओचोक् ला़गित्को इदिकेदेया।
जिसुइ कुरुस ओचोयेन
(मा़र १५:२१-३२; लु २३:२६-४३; जोहा १९:१७-२७)
32आरको ओडोक चालाक् कान जोखेच् सिमोन ञुतुमाय कुरेनिरेन मित् होड़को ञामकेदेया, आर बेगारिको साप्केदेया, उनियाक् कुरुस गोक् इदि ला़गित्। 33आर गोलगोथाको मेताक् जायगाको सेटेरेन खान, मेताक्मे खा़परि जायगा ठेन, 34हाड़हात्आक् भेञ्जान आकात् दारखा रासा ञुय ला़गित्को एमादेया, मेनखान ओनाय चाखा आ़इका़उकेत् खान ञुञु बाय रेबेनलेना।#सेरेञको ६९:२१
35आदोको कुरुसकेदे खान गुलिबाँटकाते उनियाक् किचरिच्को हा़टिञाना, 36आर ओंडे दुड़ुप्कातेको होरहोकेदेया। 37आर उनियाक् बोहोक् चेतानरे उनियाक् दोस ओलाक्को बा़इसा़उकेदा, “नुय दो जिसु, जिहुदिकोरेन राजा कानाय।” 38आर बारया डा़कु उनि तुलुच्किन कुरुस ओचोयेना, मित् दो एतोम आर मित् दो कोञेंरे।
39आर पारोम चालाक् कानको दो आकोवाक् बोहोक् रुकु रुकुवातेको हेनोसतावादेया,#सेरेञको २२:७; १०९:२५ 40मेनकेदाको, “एया कोयजोङ ओड़ाक् धाङधाक्सेरिच् आर पे माँहाँते बेक्नाविच्, मा आम बाड़े बाञचावक्मे, इसोररेन होपोन कानाम मेनखान, कुरुस खोन मा फेड हिजुक्मे।”#माथाय २६:६१; जोहान २:१९
41ओनकागे माराङ नायकेको हों सोसतोर बाडायको आर मुरुबिको सालाक् सिड़ोगादेतेको मेनकेदा, 42“एटाक्को दोए बाञचावकेत्कोवा, आच् दो बाय बाञचाव दाड़ेयाक् काना। इसराएलकोरेन राजा कानाय, नितोक् कुरुस खोने फेड हिजुक्मा, आदो उनिरेबोन पा़तिया़उक्आ। 43इसोररेये भोरसा आकान, नित बाड़ेये बाञचावेमा उनिये कुसियायकान खान, एनतेये मेनलेत् चोङ, इसोररेन होपोन काना़ञ।”#सेरेञको २२:८ 44ओनकागे उनि साँवतेकिन कुरुस ओचोलेन डा़कु होंकिन सिड़ोगआदेया।
जिसुवाक् गुजुक्
(मा़र १५:३३-४१; लु २३:४४-४९; जोहा १९:२८-३०)
45आदो तिकिन खोन तारासिञ हा़बिच् गोटा दिसा़म ञुत एना। 46आर तारासिञ गान जिसु दो आँटतेये होहोकेदा, “एलि, एलि, लामा साबाकथानि?” मेताक्मे, “ए इञरेन इसोर, ए इञरेन इसोर चेदाक्एम बा़गि गिडिआदिञा?”#सेरेञको २२:१
47आर ओंडे तेङगोवाकानको मोदरे आदोम होड़ ओना आँजोमकातेको मेनकेदा, “नुय दो एलिया़ए होहोवायकाना।” 48आर नोको मोदरेन मित् होड़ दो ञिर सेन गोत्एनते मित्टेच् इसपोंज हातावकाते सिरका़रेये तोपोकेदा आर चुछि ठेङगारे गुतुकातेये चेपेच् आदेया।#सेरेञको ६९:२१
49आरको दोको मेनकेदा, “हापे, ञेललेगेबोन बाञचावे ला़गित् एलिया़ए हिजुक्काना से बाङ।”
50आर जिसु दो आरहों आँट आड़ाङतेये होहोकेदा, खान जिवि ओडोकेनताया।
51खानगे ञेलपे, कोयजोङ ओड़ाक् रेयाक् ओरवाल दो चोट खोन फेड हा़बिच् ओड़ेच्एनते बार हा़टिञेना, आर ओत दो दाल दालावेना आर चा़टा़इनिको पाड़ाक् एना।#एकसोडस २६:३१-३३ 52आर कोबोरको झिच् एना आर आ़डि उता़र जा़पित् आकात् सोनोत होड़कोवाक् होड़मो जिवेत् बेरेत्एनताकोवा। 53आर उनियाक् जिवेत् बेरेत् तायोम कोबोरको खोन ओडोक हेच्काते सोनोत नागराहातेको बोलोयेना आर आ़डि होड़को ठेनको ञेल ओचोयेना।
54आदो सुबेदार आर उनि तुलुच् जिसु होरहोयेदेकान ताहेंकानको दो ओत लाड़ाव आर ओनाको होय आकानाक्को ञेलकाते बेबा़ड़िच्को बोतोरेना आरको मेनकेदा, “सा़रिगे नुय दो इसोररेन होपोने ताहेंकाना।”
55आर ओंडे दो फाराक खोन ञेञेलकान आयमा मायजिउको ताहेंकाना ओने ओनको गा़लिल खोन जिसुको पाँजाआकादे ताहेंकान आरको साप्सोरायकान ताहेंकान।#लुक ८:२-३ 56ओनको मोदरे मागदालिनि मा़रिया़मे ताहेंकाना, जाकब आर जोसेफ ता़किनरेन एङगात मा़रिया़म आर साबदाय होपोन ता़किनरेन एङगाते ताहेंकाना।
जिसुको तोपाकेदे
(मा़र १५:४२-४७; लु २३:५०-५६; जोहा १९:३८-४२)
57आर आ़युप्एन खान जोसेफ ञुतुमान आ़रिमा़थिया़रेन मित्टेन किसा़ँड़ होड़े हेच् एना, ओने उनि आच् हों जिसुरेन चेलाए ताहेंकान। 58उनि दो पिला़त ठेन सेनकाते जिसुवाक् मा़ँड़िंंये कोयकेदा। आदो पिला़ते हुकुमकेदा ओना एमाय ला़गित्। 59आर जोसेफ दो मा़ँड़िंं हातावकाते साफा मुसना़ किचरिच्तेये पोटोमकेदा। 60आर चा़टाइनिरे खोलाव आकात् आयाक् नावाँ कोबोररेये दोहोकादा, आर कोबोर दुवा़ररे माराङ ओकोच् धिरि गुडरा़उ आ़गुकातेये एसेत्कादा आरे चालावेना। 61आर मागदालिनि मा़रिया़म आर एटागिच् मा़रिया़म दो ओंडे कोबोर मोहंडा मुहंडिरेकिन दुड़ुप् आकान ताहेंकाना।
जिसुवाक् कोबोरको होरहोयेत्
62आदो दोसार हिलोक्, मेताक्मे सापड़ावक् दिन तायोम हिलोक्, माराङ नायकेको आर फा़रिसिको दो पिला़त ठेन सेन जारवाकातेको मेनकेदा, 63“ए मा़लिक, दिसा़केदाले उनि बुक्ला़विच् दो जिवेत् ए ताहेंकानरेये मेनलेदा, ‘पे माँहाँ खानगेञ जिवेत् बेरेदोक्आ’ मेनते।#माथाय १६:२१; १७:२३; २०:१९; मा़रकुस ८:३१; ९:३१; लुक ९:२२; १८:३१-३३ 64ओनाते हुकुममे जेमोन कोबोर दो पे माँहाँ हा़बिच् काजाकते होरहोक्, बाङ खान उनिरेन चेला हेच्कातेको कोमबड़ो इदि बोतेच्केया आर दिसा़म होड़को ला़इयाकोवा गोच्को खोने जिवेत् बेरेत् एना मेनते, आदो सेसाक् बुला़उ दो पा़हिलाक् खोन आरतेत् बा़ड़िच्गे होयोक्आ।” 65पिला़ते मेतात्कोवा, “पाहराको मेनाक्कोतापेगेया सेनकाते दाड़ेयाक् भोर काजाकते होरहोयपे।”
66ओनको दो सेनकाते धिरि मोहोर छापआत्ते पाहराकोको खाटावकेत्कोवा आर कोबोरको रुखिया़ दोहोकेदा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025