१ कोरि 9
9
आपोसतोलाक् होक आर दा़यिक
1चेत् सा़धिन दोञ बाङ काना? आपोसतोल दोञ बाङ काना? आबोरेन प्रोभु जिसु बा़ञ ञेल आकादेया? आपेगे इञाक् का़मि दोपे बाङ काना प्रोभुरे? 2एटाक्को ला़गित् आपोसतोल इञ बाङकान रेहों, आपे ला़गित् दोञ कानगेया, एनते प्रोभुरे इञाक् आपोसतोल हुदा़ रेयाक् मोहोर छाप दो आपेगे।
3इञको बिचा़रेदिञकानको ला़गित् इञाक् रोड़ रुवा़ड़ दो निया़गे। 4जोम ञुय रेयाक् होक दो बा़नुक् तालेया से? 5पा़तिया़वाकान बा़हु आसेन बाड़ाको रेयाक् होक दो चेत् बा़नुक् तालेया, आर आर आपोसतोलको आर प्रोभुरेन बोयहाको आर केफासताको लेका? 6से आ़सुलोक् ला़गित् आलो का़मिया मेनते एकेन इञ आर बारनाबास ता़लिञगे होक दो बा़नुक् ता़लिञा? 7ओकोय हाले आयाक् खोरोचतेये पालटोनोक्आ? ओकोय हाले दारखाय बागवाना, आर ओना रेयाक् जो बाय जोमा? से ओकोय हाले पालरेने गुपिया, आर पालरेनकोवाक् तोवा बाय जोमा?
8चेत् एकेन मानवा धारातेगे नोवाकोञ रोड़ेदा? से आ़न हों इना़कोगे बाय रोड़ेदा? 9एनते मोसे रेयाक् आ़नरे ओल आकाना, “एनोक्कान डाङगरा दो जालखार आलोम लागावाया।” चेत् इसोर दो डाङगराको रेयाङगेये दाँदोक् काना? 10से आसोकायते आबो ला़गित्गे नोनकाये मेनेदा? आबो ला़गित्गे चोङ ओलेन, एनते सियोक्इच् दो आसकाते सियोक् होयोक्ताया आर एनोक् इच् दो बाखरा ञाम आसते एनोक् होयोक्ताया 11जिउ तेयाक् ले एरात्पे खान होड़मो तेयाक् ले इरतापे दो माराङ काथा काना? 12एटाक्को आपे ठेन बाखरा ञाम होक मेनाक्ताको खान, आले दो चेत् आरतेत्गे बाङ? मेनखान ओना होक दो बाले लाड़चाड़ एदा, बिचकोम सानामाक्ले साहाव एदा, जेमोन मा़सियाक् भागे सोमबात आलोले आकोट जाहान। 13बापे बाडाया कोयजोङ ओड़ाक्रे सेक्वा कानको दो कोयजोङ ओड़ाक् खोनगे जोमको ञाम एत्काना आर पिंडरे का़क्मि कान होड़ दो पिंड तुलुच् हा़टिञको ञामेदा मेनते? 14ओनकागे प्रोभु होंए हुकुम आटोवादा, बाङमा भागे सोमबात पोपोरचारको दो भागे सोमबाततेको आ़सुलोक्आ।
15मेनखान इञ दो ओनाको मोदरे ओकाटाक् हों बा़ञ बेवहार आ़गु आकादा, आर इञ ला़गित् ओनका होयोक्आ मेनकाते दो नोवाको बा़ञ ओलेत्काना, एनते जाहाँय इञाक् सारहावक्आक्को आ़उड़ियागतिञ खोन दो बिचकोम गुजुक्गे बेसतिञा। 16भागे सोमबात इञ पोरचारेत् खान सुहुक्आक् दो बा़नुक् तिञा, एनते जा़रुड़ते दो इञरे लादे आकाना, चेदाक्जे भागे सोमबात बा़ञ पोरचार लेखान इञरे दो हाय हाय। 17आपनार कुसितेञ ओनकायेत् खान दो कुड़ा़इ मेनाक् तिञा, मेनखान बेगोर इञाक् कुसितेगेञ ओनकाकेत्ते, ओना दो जिमा़ आकावादिञ मित्टेन दा़यिक का़मिकानतिञा। 18चेत्कानतिञा एनडेखान कुड़ा़इ दो? निया़गे भागे सोमबात पोपोरचाररे,भागे सोमबात दो मोसतेतेञ ला़इसाडेयाको, जेमोन भागे सोमबातरे इञाक् होक पुरा़ आलोञ लाड़चाड़।
19एनते सानामको खोन सा़धिन मिना़ञरे हों, सानामको ठेन गोलाम इञ खाटाव एना, जेमोन आरतेत् बा़ड़ति होड़कोञ जिता़उको। 20जिहुदिको ला़गित् दो जिहुदिञ होयेना, जेमोन जिहुदिकोञ जिता़उको, आ़न ता़रिरेनको ला़गित् दो आ़न ता़रिरेन लेका, आ़नता़रिरेन इञ बाङकानते हों, जेमोन आ़न ता़रिरेनकोञ जिता़उको। 21बिन आ़नको ठेन दो बिन आ़न आनिच् लेका, इसोर सेच्ते दो बिन आ़न आनिच् बाङकानरे हों, मेनखान मा़सि सेच्ते दो आ़न ता़रिरेनगे, जेमोन बिन आ़नानकोञ जिता़उको। 22निजोरको ला़गित् दो निजोर इञ होयेना, जेमोन निजोरकोञ जिता़उको, सानामको ला़गित् सानामाक् इञ होयेना जेमोन सानाम लेकाते जा उडिच् इञ बाञचावको।
23भागे सोमबात खा़तिरते सानामाक् इञ का़मियेदा, जेमोन उनियाक् भोररेञ सेलेदोक्।
24बापे बाडाया, आखड़ारे दा़दा़ड़को मा सानामगेको दा़ड़, मेनखान जित चिन दो मित् होड़गेये ञामा? नोनका दा़ड़ पे जेमोन आपे बाडे़पे ञामजोङ। 25आर जोतो हापारावक्को दो सानामाक्रे सामबड़ावतेको ताहेन काना। ओनको मा मोसोदोक् जित टुपरिको ञाम ला़गित् मेनखान आबो दो बिन मोसोदोक्आक्गे। 26ओना इया़ते इञ दो मित्टेन मोतलोब ञेलकातेञ दा़ड़ेत् काना। इञ दो नोनकान घुसा़यिच् कानाञ ओकोय दो होयरे आ़उड़िगे बाय घुसा़येत् कान। 27बिचकोम होड़मोञ कुहा़उ गाङेत्तिञा आर गोलाम आकाय इञ दोहोयेदा, जेमोन एटाक्को ठेन पोरचारकाते आपनार दो बिन लेक आलोञ होयोक्।
Currently Selected:
१ कोरि 9: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
१ कोरि 9
9
आपोसतोलाक् होक आर दा़यिक
1चेत् सा़धिन दोञ बाङ काना? आपोसतोल दोञ बाङ काना? आबोरेन प्रोभु जिसु बा़ञ ञेल आकादेया? आपेगे इञाक् का़मि दोपे बाङ काना प्रोभुरे? 2एटाक्को ला़गित् आपोसतोल इञ बाङकान रेहों, आपे ला़गित् दोञ कानगेया, एनते प्रोभुरे इञाक् आपोसतोल हुदा़ रेयाक् मोहोर छाप दो आपेगे।
3इञको बिचा़रेदिञकानको ला़गित् इञाक् रोड़ रुवा़ड़ दो निया़गे। 4जोम ञुय रेयाक् होक दो बा़नुक् तालेया से? 5पा़तिया़वाकान बा़हु आसेन बाड़ाको रेयाक् होक दो चेत् बा़नुक् तालेया, आर आर आपोसतोलको आर प्रोभुरेन बोयहाको आर केफासताको लेका? 6से आ़सुलोक् ला़गित् आलो का़मिया मेनते एकेन इञ आर बारनाबास ता़लिञगे होक दो बा़नुक् ता़लिञा? 7ओकोय हाले आयाक् खोरोचतेये पालटोनोक्आ? ओकोय हाले दारखाय बागवाना, आर ओना रेयाक् जो बाय जोमा? से ओकोय हाले पालरेने गुपिया, आर पालरेनकोवाक् तोवा बाय जोमा?
8चेत् एकेन मानवा धारातेगे नोवाकोञ रोड़ेदा? से आ़न हों इना़कोगे बाय रोड़ेदा? 9एनते मोसे रेयाक् आ़नरे ओल आकाना, “एनोक्कान डाङगरा दो जालखार आलोम लागावाया।” चेत् इसोर दो डाङगराको रेयाङगेये दाँदोक् काना? 10से आसोकायते आबो ला़गित्गे नोनकाये मेनेदा? आबो ला़गित्गे चोङ ओलेन, एनते सियोक्इच् दो आसकाते सियोक् होयोक्ताया आर एनोक् इच् दो बाखरा ञाम आसते एनोक् होयोक्ताया 11जिउ तेयाक् ले एरात्पे खान होड़मो तेयाक् ले इरतापे दो माराङ काथा काना? 12एटाक्को आपे ठेन बाखरा ञाम होक मेनाक्ताको खान, आले दो चेत् आरतेत्गे बाङ? मेनखान ओना होक दो बाले लाड़चाड़ एदा, बिचकोम सानामाक्ले साहाव एदा, जेमोन मा़सियाक् भागे सोमबात आलोले आकोट जाहान। 13बापे बाडाया कोयजोङ ओड़ाक्रे सेक्वा कानको दो कोयजोङ ओड़ाक् खोनगे जोमको ञाम एत्काना आर पिंडरे का़क्मि कान होड़ दो पिंड तुलुच् हा़टिञको ञामेदा मेनते? 14ओनकागे प्रोभु होंए हुकुम आटोवादा, बाङमा भागे सोमबात पोपोरचारको दो भागे सोमबाततेको आ़सुलोक्आ।
15मेनखान इञ दो ओनाको मोदरे ओकाटाक् हों बा़ञ बेवहार आ़गु आकादा, आर इञ ला़गित् ओनका होयोक्आ मेनकाते दो नोवाको बा़ञ ओलेत्काना, एनते जाहाँय इञाक् सारहावक्आक्को आ़उड़ियागतिञ खोन दो बिचकोम गुजुक्गे बेसतिञा। 16भागे सोमबात इञ पोरचारेत् खान सुहुक्आक् दो बा़नुक् तिञा, एनते जा़रुड़ते दो इञरे लादे आकाना, चेदाक्जे भागे सोमबात बा़ञ पोरचार लेखान इञरे दो हाय हाय। 17आपनार कुसितेञ ओनकायेत् खान दो कुड़ा़इ मेनाक् तिञा, मेनखान बेगोर इञाक् कुसितेगेञ ओनकाकेत्ते, ओना दो जिमा़ आकावादिञ मित्टेन दा़यिक का़मिकानतिञा। 18चेत्कानतिञा एनडेखान कुड़ा़इ दो? निया़गे भागे सोमबात पोपोरचाररे,भागे सोमबात दो मोसतेतेञ ला़इसाडेयाको, जेमोन भागे सोमबातरे इञाक् होक पुरा़ आलोञ लाड़चाड़।
19एनते सानामको खोन सा़धिन मिना़ञरे हों, सानामको ठेन गोलाम इञ खाटाव एना, जेमोन आरतेत् बा़ड़ति होड़कोञ जिता़उको। 20जिहुदिको ला़गित् दो जिहुदिञ होयेना, जेमोन जिहुदिकोञ जिता़उको, आ़न ता़रिरेनको ला़गित् दो आ़न ता़रिरेन लेका, आ़नता़रिरेन इञ बाङकानते हों, जेमोन आ़न ता़रिरेनकोञ जिता़उको। 21बिन आ़नको ठेन दो बिन आ़न आनिच् लेका, इसोर सेच्ते दो बिन आ़न आनिच् बाङकानरे हों, मेनखान मा़सि सेच्ते दो आ़न ता़रिरेनगे, जेमोन बिन आ़नानकोञ जिता़उको। 22निजोरको ला़गित् दो निजोर इञ होयेना, जेमोन निजोरकोञ जिता़उको, सानामको ला़गित् सानामाक् इञ होयेना जेमोन सानाम लेकाते जा उडिच् इञ बाञचावको।
23भागे सोमबात खा़तिरते सानामाक् इञ का़मियेदा, जेमोन उनियाक् भोररेञ सेलेदोक्।
24बापे बाडाया, आखड़ारे दा़दा़ड़को मा सानामगेको दा़ड़, मेनखान जित चिन दो मित् होड़गेये ञामा? नोनका दा़ड़ पे जेमोन आपे बाडे़पे ञामजोङ। 25आर जोतो हापारावक्को दो सानामाक्रे सामबड़ावतेको ताहेन काना। ओनको मा मोसोदोक् जित टुपरिको ञाम ला़गित् मेनखान आबो दो बिन मोसोदोक्आक्गे। 26ओना इया़ते इञ दो मित्टेन मोतलोब ञेलकातेञ दा़ड़ेत् काना। इञ दो नोनकान घुसा़यिच् कानाञ ओकोय दो होयरे आ़उड़िगे बाय घुसा़येत् कान। 27बिचकोम होड़मोञ कुहा़उ गाङेत्तिञा आर गोलाम आकाय इञ दोहोयेदा, जेमोन एटाक्को ठेन पोरचारकाते आपनार दो बिन लेक आलोञ होयोक्।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025