Aba Loma 3

1Imba bwisa buki bo bulipo pakuba mu Yuda? Pamo bwisa buki bo bulimo mukusilimuliwa? 2Ubwisa bulipo ngani pakuba mu Yuda. Ichindu cha bwandilo, u Chala akabapa aba Yuda amasyu ghake ukuti baghasunge. 3Imba pala bamo batakabanga basubiliwa? Imba ichi chikung’anamula ukuti u Chala atangaba wa kumusubila, chifukwa ichakusita pakuba basubiliwa? 4Awe, napo papala! U Chala abe wabwanaloli, napo umundu wesi mumyasi. Pakuti amasimbo ghakuti,

“Ube we wabwanaloli, po ukuyugha,

sona po ukulongiwa inongwa, ubaghile ukupota inongwa yako bo ukulongiwa.”

5Loli pala ubusita bugholoke bwitu bukulangisya ubugholoke bwa Chala, imba tungati choni? Imba tungayugha ukuti u Chala te mugholoke, bo akutufunda? (Nguyugha fififi ukuyana namo abandu bamo bakuyughila.) 6Awe, napo papala! Pala u Chala te mugholoke, imba angachilonga buli ichisu chapasi?

7Umundu yumo angayugha ukuti, “Pala ubumyasi bwangu bukulangisya ukukila u bwanaloli bwa Chala, nu kongelesya ubughindikiwa bwake, imba choni cho ndongiwe ngati ne wambibi?” 8Po choni cho tutakayugha ukuti, “Sa tubombe ifibibi ukuti ubwisa bwise?” Naloli abandu bamo bakutusamula chifukwa tukuyugha ifindu fififi! Abandu baba ukufundiwa kwabo kubabaghile.

Nayumo umundu yo mugholoke

9Po tungati choni? Imba utwe twe ba Yuda twe bisa ukukila abandu abapanja? Awe, napo papala!#3.9 aba Yuda te bisa ukukila napo panadi: pamo tuli nindamyo ukukila abandu ba panja? Te musila syosi awe! Twabonesya kale ukuti aba Yuda na bandu ba panja, twebosi poka tuli pasi pa bulaghili bwa mbibi. 10#Mas4.1-3; 53.1-3. Ngati mo kasimbiliwe ukuti,

“Nayumo umundu yo mugholoke, 11nayumo umundu yo akusyaghannya,

pamo yo akulonda pakumumanya u Chala. 12Bosi bapaghukila kumbali,

bosi banangite nayumo yo akubomba cho chisa,

napo weka bubu. 13Utumilo twabo twasamite ngati gho mapumba,

indimi syabo siswile nu bumyasi.

Amasyu aghakoghofya gho ghakufuma mumilomo yabo ghayanite bubu ni salile sya njoka. 14#Mas10.7.Mumilomo yabo yiswile ni fighune,

sona namasyu aghakubaba.

15 # Yis59.7-8. Ifinama fyabo fipepe ngani pakukupula ibanda,

16kosi ko bakubuka, bakuleka ifisami ni ndamyo syene.

17Batayimenye isila ya mutende,

18sona batakumoghopa u Chala napo papala.”

19Ipano tusimenye ukuti fyosi fyo indaghilo sikuyugha, sikuyungha nisya bandu bo bali pasi pa ndaghilo, umwakuti patakabe napa kulyeghela napamo pamo, sona nukuti bosi bakwisa pakulongiwa nu Chala. 20#Mas14.2; Aba Lom7.7; Gal2.16. Pakuti atalipo umundu yo u Chala akuyugha ukuti mugholoke pamaso papake chifukwa cha kukonga indaghilo. Ukwendela mundaghilo sikutupela ukuti tumanye ukuti twananga.

Mo u Chala akubayughila abandu pakuba bagholoke

21Loli ipano isila yo u Chala akubayughila abandu pakuba bagholoke pamaso papake yafumbuliwa. Isila yake te po pakukonga indaghilo awe, napo indaghilo isya Mozesi na basololi sikubikila ubwakamboni. 22U Chala akabayugha abandu pakuba bagholoke pamaso papake ukwendela mu lwitiko lwabo mwa Yesu Kilisitu. U Chala akabomba sisisi ku bandu bosi bo bakumusubila u Kilisitu, chifukwa patalipo ukulekana nakumo, 23pakuti abandu bosi banangite, sona bapotwa pakufikapo pa bughindikiwa bwa Chala. 24Bosi bakuyughiwa ukuti bagholoke muchisa chake ukwendela mwa Kilisitu Yesu, yo akubapoka. 25U Chala akamubika pakuba chakwiyipa, ukuti ukwendela mu bufwe bwake imbibi sya bandu sihobokeliwe, ku bo bakumusubila. Akabomba bububu ukulangisya ubugholoke bwake, chifukwa cha bufisalyoyo bwake ukuti atakabafundile nganila abandu bo bakananga. 26Loli ipano u Chala amusala ukuti alangisye ubugholoke bwake. Pakubomba sisisi akilangisya mwene ukuti mugholoke, sona nukuti akubayugha abandu bosi pakuba bagholoke, bo bakusubila mwa Yesu.

27Imba po tungitufya ni choni? Nachimo chimo! Imba ndaghilo siki? Indaghilo sya mbombo? Awe, loli indaghilo sya lwitiko. 28#Imbo13.39. Pololi tukusyaghannya ukuti umundu akuyughiwa mugholoke mu lwitiko ukusita ukubomba imbombo sya ndaghilo. 29Imba u Chala we Chala wa ba Yuda bene? Imba te we Chala uwa bapanja bope? Naloli, we Chala uwa ba panja bope. 30#Gal3.8,20,28.Pakuti u Chala ali weka, akwisa pakubapela bo basilimuliwe pakuba bagholoke ukwendela mu lwitiko lwabo, sona akwisa pakubayugha bo batasilimuliwe pakuba bagholoke ukwendela mulwitiko lwabo. 31Imba ichi chikung’anamula ukuti tukunanga indaghilo mu lwitiko lwitu? Awe, napo papala. Mubuyo bwake, tukusipela indaghilo pakuba syamaka.

Currently Selected:

Aba Loma 3: SSTP

Highlight

Copy