Imbombo 28

U Pabuli pa kasungo ka Melita

1Bo twafika akisa pisila, tukamanya ukuti ilita lya kasungo likaba we Melita. 2Abandu aba pa kasungo kala bakaba bachisa ngani kukwitu nukutupokela akisa, bakatupembela umulilo ukuti tote pakuti ifula yikawanga sona kukatalala ngani. 3U Pabuli akabunganika umusigho wangwi nukusungisya pamulilo, po injoka yikafuma mumusigho mula chifukwa chakutukila, yikamuluma nukumukakatila inyobe. 4Bo abenekaya ba tesya injoka yikumukwela kunyobe yake, bakayughisannya bene bene bakati, “Naloli umundu uyu mufyeka, napo akapona panyanja, ubwanaloli butakumwitikisya ukuti abe nu bumi.” 5Loli u Pabuli akayikung’undila injoka yila pamulilo ukisita kufulala. 6Abandu bala bakalindililagha nu kwinong’ona ukuti akwisa pakwisula pamo akwisa pakuwa pasi nukufwa lubilo, loli bo balindilila akabalilo akatali, ukusita kumubonekela chimo ichigheni bakanyosyako inyinong’ono syabo nukuti, “Umundu uyu we chala!”

7Papipi nu buyo bula bula pakaba imighunda ya Pululiya, umulaghili wa pa kasungo pala, akatupokela akisa nu kwikala nutwe amasiku matatu pakuba bagheni bake. 8Po uwise wa Pubuliya akalambalala pachitala chifukwa akabinagha isekema, sona akapelagha ibanda, u Pabuli akingila mula mula nukumwiputila, po akabika inyobe papake nukumuposya. 9Bo isi syabombiwa, abandu bosi bo bakabina pa kasungo pala bakisa sona bakapola. 10Bakatupa ifyabupi ifingi, sona bo twiyanisye pakunyamuka, bakakwesya ifindu fyosi fyo tukasobelwagha pa bulendo bwitu.

Ukufuma mu Melita ukubuka ku Loma

11Bo yakilapo imyesi mitatu tukenda mu ngalaba ukufuma mu Alekizandiliya, bo bakatingi, ‘Abana abamapasa, bo bakikala pa kasungo pala pachisiku. 12Tukafika mukaya aka Silakusi nukwikalako amasiku matatu. 13Ukufuma kula tukenda nukufika mukaya ka Legiyamu, ilya ningelo lyake imbepo ya kundende yikanda pakukuka, po pisiku ilingi tukafika mukaya ka Puteyoli. 14Ko tukabagha abawamwitu bo bakatusuma ukuti twikale nabo usabata. Po tukafika ku Loma. 15Bo abawamwitu bifwa ukuti tukwisa, bakisa mupaka pa Munalo wa Apiya, sona ni Nyumba Sitatu sya bagheni ukuti bakomane nutwe, bo u Pabuli abatesya bubu, akamupalisya u Chala sona ichi chikamukasya ngani.

U Pabuli mukaya ka Loma

16Bo twafika mu Loma, u Pabuli akitikisiwa ukuti ikalaghe mwene nu musilikali uwakumulindilila.

17Bo ghakilapo amasiku matatu u Pabuli akabitisya abalongosi ba Chiyuda, bo babungana, akababusya akati, “Mwe bakamu, napo ndabanangilepo nachimo abandu pamo imiteto ya batata bitu, loli ngakoliwa mukaya ka Yelusalemu nukubikiwa mu nyobe sya ba Loma. 18Bo babusikisya inongwa yangu, abene bakalondagha pakusatula pakuti batakanyagha ni nongwa yakuti ngoghiwe nayo. 19#Imbo25.11.Loli bo aba Yuda bakana, ngafyengiwa bubu pakusuma ukuti inongwa yangu yilongiwe nu Kesali, napo ndakaba ni nongwa nayimo na baluko lwangu. 20Ichi chocho chifukwa ngasuma ukuti ngomane nawe ukuti tuyughisannye, pakuti mbinyiwe ni mbingu chifukwa cha kusubila syo abanya Izilayeli bakalindililagha.”

21Bakamula bakati, “Tutapokelitepo abakalata abakufuma ku Yudeya aba kuyugha nisya uwe, sona nayumo umundu mubakamu binyu yo isilepo kuno pakutulingannya pamo pakuyughapo nisya bubibi bwako. 22Loli tukulonda twiyifwile twebene inyinong’ono syako, pakuti tusimenye ukuti kosi nakosi abandu bakuyugha ifibibi akabukutila kako.”

23Po bakifwana nawe isiku lyakuti bakomane, po ichilundilo cha bandu chikisa ku nyumba yo u Pabuli akikalagha, akabalingannya nu kuyugha nabo isya Bunyafyale bwa Chala ukwanda pangelo mupaka pabusiku, nukughesya pakubannyengelela nu kuyugha nabo nisya Yesu ukufuma mu ndaghilo sya Mozesi na mubasololi. 24Po bamo sikabakola syo u Pabuli akayugha, loli bamo batakasubilagha. 25Loli bo batakwifwana, bakasata bubu bo u Pabuli ayugha isyu lyoka ukuti, “U Mbepo Mwikemo akayugha ubwanaloli na batata binyu bo akayugha ukwendela mu musololi u Yisaya ukuti,

26 # Yis6.9-10. Bukagha nukubabusya abandu aba ukuti, Ukwifwa muyukwifwa, loli temukifwisye,

ukutesya muyukutesya, loli temukatesye.

27Pakuti imyoyo ya bandu aba mikafu ngani,

sona amakutu ghabo ghali namapuli,

na maso ghabo ghasisilite,

ukuti bangatesya namaso,

batangifwa namakutu,

bangasyaghannya nimyoyo yabo,

po pindukila kukwangu,

ukuti une mbaposye.’

28Po musyaghannye ukuti lelo ubupoki bwa Chala ubu, butumiwe kubapanja, bene bo baya pakwifwisya.”

30Po u Pabuli akikala kula kula ifinja fibili mu nyumba yo akalipilagha mwene, akabapokela bosi bo bakisa pakumutesya. 31Akalumbililagha nisya Bunyafyale bwa Chala nu kumanyisya nisya Malafyale u Yesu Kilisitu nubukifu bosi, sona ukusita kumupinga yumo.

Currently Selected:

Imbombo 28: SSTP

Highlight

Copy