लुक ओलखात
ओलखात
लुके लेखल्यी हाजी बातमी ओं नवा नियमोंअ तियां शार पुस्तकोंम रोत एक पुस्तक होय, जिहींमेहें ईसु ख्रिस्ताअ जिवनोअ बाप्तिम कोत देखाड़्योहो. यां शारु पुस्तकोहों हाजी बातमी एहें कोत्ले. ईसुउ मोयातीइ फासाड़ी मत्तय, मार्क, लुक आन योहान यांआं आथे एं पुस्तके लेखाअयेहे. लूके निस्ती ईसुउ जिवनोअ काईं एतीज नाहां लेख्यी, पोन तिये प्रेशितोंअ कोअल्या कामोंअ पुस्तक बी लेख्योहो. लुकोअ लेखल्यी हाजी बातमी काअली जागे आन कोयों लेखाअयी? ओं नेमको कोडोज नाहां जांअतो. पोन वारुज जाणकार एहेलोह मानताहा के, ओं पुस्तक ख्रिस्ताअ जल्माआं 70 वोर्ह्योंअ फाटी लेखाअयोहो.
या पुस्तकोअ लेखार्यू सोताहा लुक होय, जो एक डाक्टर बी ओतू. तियाआ बाशा लेखीइलोअ पद्धती वाअहीं एहेलुहू मुंदू जाहे, के तो एक हाजलू सिखाअलू माटी ओतू. लुकाआ इश्शा ओती के ईसुउ जिवनोहो हाजी हुतेहे कोत देखाड़ाअहूं जोवे, आन जेहलीही घटना ओवीही तियीं घटनाहा जेहेलीन तेहेलीज कोत देखाड़ाअहूं जोवे, 1:1-3. तो यहुदी ने ओतू कलस्से 4:10-14. आन तिये एहेलिही पद्धती वाअहीं लेख्यो, के बिगर यहुदी माअहें बी समजीत सेके. या वाअहीं ओं साफ देखाअहे के तिये यहुदी माअहोंअ रुड़ीही कोत देखाड़्यी 1:8.
लुके लेखल्यी हाजी बातमी ओं पुस्तक बेनू आथवसने देखाड़ेहे, के एकते तो इस्राएलोअ वासाड़नारु आन दुसरो तो पुरी दुन्याआं माअहुंहूं वासाड़नारु होय. लुक लेखल्यू पुरावू आपेहे के, ईसु देवोअ आत्मा वाईं हादाअयुहू के, गरीबोअ काजे हाजी बातमी लेतावे 4:18 आन यी हाजी बातमीमेहें आखा माअहोंअ काजे आखी जातीइ गरजोअ महत्व देखाड़्योहो.
लुके लेखल्यी हाजी बातमीमेहें मत्तय आन मार्क यां पुस्तकोंअ हारकोज देखुहूं जोड़ेहे, काहाके ओवली घटना तियां एक हारकीज कोत देखाड़्यीही. यां तीनू पुस्तकोमेहें बाप्तिस्मा कोअनारा योहानोअ जल्माआं गोठ लुक वादार विश्वासो वाअहीं लेखेहे. तियाआ आरी-आरी लुक माफ कोइलोअ बाप्तिम आन 3:3; 11:4; 17:3-4; 23:34; 24:47 प्रार्थना पोअ वादार उजालो टाकेहे. 3:21; 5:16; 6:12; 17:1-12; 22:32.
रुपरेशा
1. लुक पुस्तकोअ ओलखात आन लेखीइलोअ उद्देश कोत आपेहे 1:1-4
2. ईसुउ जल्म आन सेवाअ कामोअ कोअते तियारीइ फोड़ कोइलो 1:5—2:52
3. बाप्तिस्मा कोअनारा योहानोअ सेवा 3:1-20
4. लुक ईसु कोअल्ये कामें आन खास कोइत समत्कार आन हिकवोण कोत आपेहे. 3:21—4:13
5. गालीलोम ईसुउ सेवा4:14—9:50
6. गालील रोत येरुसालेम जाआं प्रवास 9:51—19:27
7. येरुसालेमोम आखरीइ आठीवड़ू 19:28—23:56
8. ईसुउ मोत, डाटीइलो आन फाशोअ जिवित उठीइलोअ बाप्तिम कोत आपेहे. 24:1-53
Currently Selected:
लुक ओलखात: NST25
Highlight
Share
Copy
Want to have your highlights saved across all your devices? Sign up or sign in
The Noiri-Bhil Bible ©The Word For The World International and Noiri-Bhil Translation Samiti, Dhadgaon, Maharashtra, India, 2025.