Loma 5
5
Kumunulwa kwedu
1Nokudalo, sezwo tikalulamiswa nokudimbwa, tina nolunyalalo naMwali muna iye Tezi wedu Jesu Kristo. 2Nomuna iye takawana mangwinilo omuchipiwo mwatigele akale tinoshanta nolubimbo lwedu lwokukobelana lukujo lwaMwali. 3Azwitoba izwo chete koga, tinoshanta mukuyabula kwedu, tili noluzibo kuti kuyabula kunobuza kushingilila, 4kushingilila kunokusimisa, kusima kunobuza kubimba, 5nokubimba akutotilashisa, nokuti ludo lwaMwali lulodilwa mumyoyo yedu zwiva muMpepo uNchena watilopiwa.
6Patakaba tili balodemuka, Kristo wakafila basijaluziba Mwali panshaji wakakwelela. 7Azwitoba zwilelu kuti umwe efile unhu ulolulama - asi angaba ipo umwe angada kufila unhu umbuya. 8Asi Mwali unotondejela ludo lulwe kwatili pakuti Kristo wakatifila tichibachinyi. 9Sezwo tiwhi takalulama pezhulu pelopa lilye, tichoochijwa naiye kuva mubukali bwaMwali. 10Kana patakaba tili babengi naye, takachingunukila kunaMwali pezhulu polufu lwoMwananhulumyana uwe, sezwo tachingunukila kuna iye, tinochijwa nobupenyu bubwe. 11Azwitoba yezwi chete, koga tinoshanta munaMwali pezhulu paTezi wedu Jesu Kristo, munaiye mwatakatambula luchingunuko.
Adamu naKristo
12Sezwo luchinyo lwakezha munyika pezhulu ponhu umwempela, nolufu pezhulu poluchinyo, nokudalo lufu lwakazhila kubanhu bose nokuti bose banhu bakachinya 13luchinyo lwakabelimo munyika, mulawo usanu watalwa, koga luchinyo alutobalilwa pasina mulawo. 14Asi lufu lwakatonga kuva kunaAdamu kunoswika kunaMozesi, nabo bakaba nezwibi zwisalukwendelana nenzila yokuchinya kwaAdamu, iye wakabeli nechimo choyo waluzha. 15Asi chipo cheshe achitanga sokuchinya. Kana banji bakafa pezhulu poluchinyo lwonhu umwempela, isimiso kuti chipiwo chaMwali nechipo cheshe jonhu yondya umwempela Jesu Kristo chinozhalilana kubanji. 16Asi chipo cheshe achitanga soluchinyo lwakezha nonhu umwempela. Nokuti untongo wakatobela luchinyo lumwempela lwakabuza kulashwa, asi chipo cheshe chinotobeleja luchinyo lunji chinobuza kululamiswa. 17Kana kuli kuti lufu lwakatonga nokuda kwoyo unhu umwempela wakachinya, isimiso kuti bachatambula bunji bwechiChipiwo nechipo cheshe chokululama, banootonga mubupenyu pezhulu ponhu umwempela, Jesu Kristo.
18Sezwo kuchinya kwonhu umwempela kwakabuza kulashwa kwabanhu bose, nokudalo chito chonhu umwempela chibuya, chinosupula banhu bose chibapa bupenyu. 19Sezwo nokusowhilila kwonhu umwempela, banji bakatiwa bachinyi, zwakadalo bo kuti nokuwhilila kwonhu umwempela banji banooba bakalulama.
20Mulawo wakabuya, kuti luchinyo luwande, asi panowanda luchinyo ishe jinowanda kasa, 21kutila kuti luchinyo palunotonga mulufu, ishe jingatonga pezhulu pokululama, jitisenga kubupenyu businopela, nomunaJesu Kristo Tezi wedu.
Currently Selected:
Loma 5: LTP
Highlight
Copy
Compare
Share
Want to have your highlights saved across all your devices? Sign up or sign in
The word for The World International