Mark 14
14
Bethany gade Jisu de keniak kelu
1Cidau Kahkegwang nah Tsehikaikemak Tangku Ngyi langnane dwa, cingku kedimedung nah laisiukecime Jisu de dainzwa ngkimkakke tuilwe pecu teitset lubui bi riem bamdi. 2Kedanemene penui hange ge dage, “Hengyi kebam dau mego, iciu eh mina kakgade ma kehebwak petti melu kerane,” de eh rang bamdi.
3Aipau tingdau Jisu Bethany#14:3 Bethany: Aide Hebrew let gade pekie, “Tangzüttsi ki.” Bethany namceu cai Lazarus nah pe tipui kena Mary nah Martha penui nam. nam ga pedwa mpa kelabe Simon kiga bam, nah pa taktyeibam ga bam ge, mipui ge pemi kehung keniak-ca, nard kemci le tei kelu alabaster bung ge pwalwe gwang. Pa cipau bung de teipuplwe Jisu peu gage ruigai. 4Dede cika midungge penui rata eh penui hange ge dade rangdi, “Daitei lie keniakca aide teingkap bamno? 5Kedanemene perim kehengui maca aide zwapwa denarii haicum#14:5 Denarii haicum: aide mmi ge ziehi nsam ge. swade kiee eh tei lubui, nah kegahme de peu lubui.” Nah penui pecu kesiudi. 6Dede Jisu rangdi, “Pecu püt dilu. Daitei nnui pecu kelei lano? Pa a ziemne makeyi teigai delie. 7Kegahme au nnui da bam muila, nah keheidaude nnui penui dage makeyi tei gai keneu dau teigai lubui, dede nnui acu au ngngwa bam mui lak.#Hez. 15:11 8Pa teilu kebuibe teigai da. Acu kekung mrai mtei eh pa a pum maca le keniak luda. 9Ih nnui dage rangsiakte liazie, kideu pelane ga samliakeyi pau kegwang leu ga, mipui aide tei kegai de rangla zie, pecu kensung gade.”
10Cidau Judas Iscariot, kereiehkena bau gade hangge, pa cingku kedimedung da miedi, iciu eh pa Jisu de penui ba gage tuigai beulu kerane. 11Cingku kedimedung cide siulu ge, penui suiyi eh pecu rangkang peu zielie sampet gai. Cine pa Jisu de tuigai beulu kera ziuyi keyi peei ladi.
Rampaube de kensungtaktyei
12Ge Tsehi kai kemak Tangku Ngyi raitu benai, penui Kahkegwang Ngyi meurünna de teu ratak ketei dau, pa ledeukelume pe dage rangdi, “Nang anuide peu daiga de mie taktyei telei neuno, iciu eh nang cikade Kahkegwang Ngyi taktyei teilu kerane?” 13Ge pa ledeukelume hangna de langgai eh penai dage rangdi, “Nnai Jerusalem namdi ga mie culo, nah cika mige duibung pwa kelage nnaide dauzie. Pecai suilu. 14Pa kelüt ga lüt cipau ki mpaube dage ranglo, ‘Keledeube rangzeu, “Ih ledeukelumedung de ngngwa Kahkegwang ngyi taktyei de tyei kera sang kibung daiga bam no?”’ 15Pa nnaide kibung nreule kedige mteilu delwe lamlui hemisüt kenzeu saulia zie. Cika ge anui ziemne ma telei lulo.” 16Cine ledeukelube kena pet eh namdi ga miedi. Ge pa penai dage rangkebeu nzwa bam eh penai cide ngaulu, iciu eh penai Kahkegwang taktyei teleilu.
17Pecai, tinghegi miedi ge, pa kereiekena bau de ngngwa gwang. 18Penui taktyeibam ga ngngei eh matyei bam ge Jisu rangdi, “Ih nnui dage rangsiakte liazie, nnui acu ngngwa matyei kebamme hangge acu mi ba gage tui gaizie.”#Lei. 41:9 19Ge penui lung keherei eh penui hangge ge kecu pe dade, “Ih au maha?” de keteudi. 20Ge Jisu penui dage rangdi, “Cide Kereiekena gade hangge zie, acu ngngwa tangku hekwak gage mpung kecube de da. 21Kedanemene Mina Nabe au pe ha kesanglaisiu ga raupwa kela nzwa di laizeu delu. Dede Mina Nabe de tui pwa mi ba gage kekaibe ziemne au ainie! Mina cipaude au pecu mna kemakbe pe ziemne yiki.”
22Penui matyei bam ge, Jisu tangku keupwa cide samlam gai, nah cide teipoplu. Pa cide penui dage peugai eh rangdi, “Aide keulu. Aide a pum delie.” 23Pecai pa hepiakpe de pwalu, Tinggwang de hetwa peugai eh penuide cide peugai, nah penui pelane cikade saklu. 24Pa penui dage rangdi, “Aide samkakkelu a jai delie, mi kekiee ziemne lwa kegaibe de delie. 25Ih nnui dage rangsiakte liazie, Ih kubetsi zau aide madaude sak dai si lakta, Ih Tinggwang hegwangram gade kubetsi zau keheci sakdai kemaktane.”
26Cidau penui lei ge teigai eh, penui Olive Deutu ga miedi.
Jisu Peter pecu mlaidi kera mraikerang
27Ge Jisu penui dage rangdi, “Nnui pelane kau dizie, kedanemene Kesanglaisiu ga ainzwa rauteu la,
‘Ih meurünkekwabe de dap zie
nah meuründung zangra kap dizie.’
28Dede Ih ketsai gade cuhdai kelucai, Ih nnui dwa rai eh Galilee lebie mie dizie.” 29Dede Peter pe dage rangdi, “Mileune kau kapti liede Ih au cinzwa dilak.” 30Cidau Jisu pe dage rangdi, “Ih nnui dage rangsiakte liazie, henai, heziu, Nruirie pe kenapia kwa kemakdwa, nang acu pia cum mlai zie.” 31Dede Peter suihau mezing eh rangdi, “Ih ncu ngngwa tsai maisia di liede, Ih madaude ncu mlai dilak.” Nah penui pelane de cinzwa rangdi.
Gethsemane
32Ge penui Gethsemane lie kecu gurie gega gwanglu, nah Jisu pa ledeukelumedung dage rangdi, “Ih kekie tei kedi dau, aika bam lu.” 33Ge pa Peter nah James nah John de ngngwa pecu si eh manage mdei pet eh pelung keherei nah lungrei le puihdi. 34Pa penui dage rangdi, “A lung keherei pwa tsaidi lai zeuda. Aika kwa eh bamlu.”#Lei. 42:5 35Cidau manage mdei pet eh, Jisu hangdeu ga nkumpung mie delwe magade tei lubui cai aipau bamdakkak de pe dade kah beulo kiedi. 36Pa rangdi, “Apei Tinggwang, maleune teilu kebui nda bam. Nang a dade keherei piak aide keudi beulo. Dede a suibe so, dede n suibe tei lulo.” 37Pecai pa nli mpet ge penui zip bam eh ngaulu, ge pa Peter dage rangdi, “Simon, nang zipti deni? Nang bamdakkak ket te kwabam gailak di deni? 38Nnui mdakkepie ga lütdi melu kerane mriak eh bamlu, nah kie lulo. Rabe au neuzeu kesang, dede pumteihbe au nnei.” 39Pa mie dai eh kekie teigai, sam cidungde teu rang eh. 40Pa caili mpet daige, pa penuide zipbam eh ngaulu, penui miak mrak bam gailak kedine. Nah penui pe dage dai rang ziebi ci tadi. 41Pecai Jisu pe kecumbe de penui da gwang eh penui dage rangdi, “Nnui cude zip eh mtak bam reu ni? Yida! Pe bamdakkak be gwang dida. Ainie! Mina Nabe de kemaume ba gage tuigai beulai bam dida. 42Cuhlu; Anui tet cugo. Pielo, acu tuigai zielie kelabe nna dida.”
Jisu de tuikelu
43Nah pa marang kebam dau, zette eh Judas, kereiekena bau de hangge, cingku kedimedung, nah laisiukecime, nah hangkiamedung, ne lang kegai kingtiedung nah tsingpakdung pwa kela maadi ge de ngngwa delwe gwang. 44Cu pecu tui kegaibe penui dage marehi ge peugai, “Ih kemam kegaibe de, cipaude pa delie. Pecu tuilu delwe kekwa si eh ngngwa tetlu.” 45Cine Judas gwang luge, pa zette Jisu da gwang eh, “Keledeubo,” de ranggai eh pa pecu kemam. 46Ge penui pecu heraklu delwe pecu tuilu. 47Dede sap kebamme kakte mige pe kingtie züt lwe pwa cingku kedibe kilabe de bi gai eh pekwen dang tütti. 48Cidau Jisu penui dage rangdi, “Keregame ge nzwa, kingtiedung nah tsingpakdung pwa eh nnui acu tui zielie gwang lani? 49Kerecaki ga tingba ramsangne Ih nnuide ledeu eh ngngwa bamla, nah nnui acu tui ma. Dede kesanglaisiu samdung depeu canglu kerane aide teigai delie.” 50Cidau penui pelane pecu püt eh pak ciaudi.#Lei. 88:18
51Cidau rehangme ge Jisu cai suila, pa langcim pai ge rünne bahla. Penui pecu tuilu, 52dede pa langcim pai de pützeudi eh paula eh pakdi.
53Ge penui Jisu de cingku kedibe dage ngngwa gwang, nah cika cingku kedime, hangkiamedung, nah laisiukecime pelane ngngwa ngkwa bam. 54Cidau Peter kemdei gade pecai sui jüja cingku kedibe kigu ga lütlu. Pa kekwame kakga bamlwe mi ngga eh pekatei pecu teilum bam. 55Cidau cingku kedimedung nah Jewme baudi pelane Jisu de teitset lu kerane pemau peei bamdi. Dede penui magede ngaulu tadi. 56Kedanemene mina kekiee ge pecu mmau eh kenret zierang teu gwang, dede penui zierang kesuizwa lu ta kedine. 57Midungge cuh sap eh pecu mmau eh kenret zierang aide ranggai, 58“Anui pa kerang siu da, ‘Hebale tei kelu kerecaki aide Ih tei msia dizie, nah Ih langcumne gage heba teu mene kedage teidai luzie.’” 59Iciude zierang aide gade penui kesuizwa lu tadi. 60Pecai, cingku kedibe penui kakga cuh saplwe Jisu de keteugai, “Nang sam magede keli lakni? Ncu mmau kebam sam aidungde daikenzwadung ge no?” 61Dede pa zing de bamdi nah sam kette keli tadi. Ge cingku kedibe pecu keteu dai eh rangdi, “Nang Samlam kepung Nabe, Khrista deni?” 62Jisu keligai, “Ih da;
nah nnui Mina Nabe de ngau zie
pa kengkieng ba zetle ntum kecudau
nah tinggim hemwadung gade kegwangdau.”
63Cidau cingku kedibe pe paidung hiet eh rangdi, “Anui cu zierang daitei peeisi laino?#Mat. 26:65 64Tinggwang de kerenia sam nnui siuda. Nnui kecet daino?” Ge penui pelane pa tsaibui delie mmaudi.#Lev. 24:16 65Ge kangge pecu mcai msui lwa, nah pezu dum lwe pecu dap delwe pe dade, “Cairasam ranggai lo!” dedi. Kerecaki kekwame de pecu teulwe pecu kepeu.
Peter Jisu de mlaikedi
66Cidau Peter kigu ngkanglebie kebamdau, cingku kedibe kila relei hangge peda gwang. 67Pa Peter pekatei pecu teilum kebam ngau, nah pa pecu pieling gai eh ranggai, “Nangde Nazarene Jisu de ngngwa kelabe da.” 68Dede pa cide mlai eh cu, “Ih nang rang kebam ha de ci ma mede cetlu ma,” dedi. Iciu gai eh pa kigu ga tetpet di.#Kesa kehegwa laisiudung, “Cidau nruirie kwadi,” dede kehegwa laisiudung yitube ga cipau samria de bam la ma. 69Dede kila releipui de pecu cika kebam ngau eh cika sap kebammedung dage rangdai, “Aipau pei de penui hangge da!” 70Dede pa cide mlai daidi. Cipau cai matie mene cika sap eh kebammedung Peter dage rang dai, “Nang de penui kakga hangge kesanglie, nangde Galileeme ge delu.” 71Dede pa reset nah sampet eh ranggai, “Nnui rang kebam mina aide caubi Ih ci melei.” 72Ge nruirie zette pia pekenabe kwadi. Cidau Peter Jisu pe dage pedwa rang kebeu de nsunglu: “Nruirie piana kwa kemak dwa, nang acu piacum mlai zie.” Nah pa pe suisia eh hapdi.
Currently Selected:
Mark 14: NorthernZeme
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Mark 14
14
Bethany gade Jisu de keniak kelu
1Cidau Kahkegwang nah Tsehikaikemak Tangku Ngyi langnane dwa, cingku kedimedung nah laisiukecime Jisu de dainzwa ngkimkakke tuilwe pecu teitset lubui bi riem bamdi. 2Kedanemene penui hange ge dage, “Hengyi kebam dau mego, iciu eh mina kakgade ma kehebwak petti melu kerane,” de eh rang bamdi.
3Aipau tingdau Jisu Bethany#14:3 Bethany: Aide Hebrew let gade pekie, “Tangzüttsi ki.” Bethany namceu cai Lazarus nah pe tipui kena Mary nah Martha penui nam. nam ga pedwa mpa kelabe Simon kiga bam, nah pa taktyeibam ga bam ge, mipui ge pemi kehung keniak-ca, nard kemci le tei kelu alabaster bung ge pwalwe gwang. Pa cipau bung de teipuplwe Jisu peu gage ruigai. 4Dede cika midungge penui rata eh penui hange ge dade rangdi, “Daitei lie keniakca aide teingkap bamno? 5Kedanemene perim kehengui maca aide zwapwa denarii haicum#14:5 Denarii haicum: aide mmi ge ziehi nsam ge. swade kiee eh tei lubui, nah kegahme de peu lubui.” Nah penui pecu kesiudi. 6Dede Jisu rangdi, “Pecu püt dilu. Daitei nnui pecu kelei lano? Pa a ziemne makeyi teigai delie. 7Kegahme au nnui da bam muila, nah keheidaude nnui penui dage makeyi tei gai keneu dau teigai lubui, dede nnui acu au ngngwa bam mui lak.#Hez. 15:11 8Pa teilu kebuibe teigai da. Acu kekung mrai mtei eh pa a pum maca le keniak luda. 9Ih nnui dage rangsiakte liazie, kideu pelane ga samliakeyi pau kegwang leu ga, mipui aide tei kegai de rangla zie, pecu kensung gade.”
10Cidau Judas Iscariot, kereiehkena bau gade hangge, pa cingku kedimedung da miedi, iciu eh pa Jisu de penui ba gage tuigai beulu kerane. 11Cingku kedimedung cide siulu ge, penui suiyi eh pecu rangkang peu zielie sampet gai. Cine pa Jisu de tuigai beulu kera ziuyi keyi peei ladi.
Rampaube de kensungtaktyei
12Ge Tsehi kai kemak Tangku Ngyi raitu benai, penui Kahkegwang Ngyi meurünna de teu ratak ketei dau, pa ledeukelume pe dage rangdi, “Nang anuide peu daiga de mie taktyei telei neuno, iciu eh nang cikade Kahkegwang Ngyi taktyei teilu kerane?” 13Ge pa ledeukelume hangna de langgai eh penai dage rangdi, “Nnai Jerusalem namdi ga mie culo, nah cika mige duibung pwa kelage nnaide dauzie. Pecai suilu. 14Pa kelüt ga lüt cipau ki mpaube dage ranglo, ‘Keledeube rangzeu, “Ih ledeukelumedung de ngngwa Kahkegwang ngyi taktyei de tyei kera sang kibung daiga bam no?”’ 15Pa nnaide kibung nreule kedige mteilu delwe lamlui hemisüt kenzeu saulia zie. Cika ge anui ziemne ma telei lulo.” 16Cine ledeukelube kena pet eh namdi ga miedi. Ge pa penai dage rangkebeu nzwa bam eh penai cide ngaulu, iciu eh penai Kahkegwang taktyei teleilu.
17Pecai, tinghegi miedi ge, pa kereiekena bau de ngngwa gwang. 18Penui taktyeibam ga ngngei eh matyei bam ge Jisu rangdi, “Ih nnui dage rangsiakte liazie, nnui acu ngngwa matyei kebamme hangge acu mi ba gage tui gaizie.”#Lei. 41:9 19Ge penui lung keherei eh penui hangge ge kecu pe dade, “Ih au maha?” de keteudi. 20Ge Jisu penui dage rangdi, “Cide Kereiekena gade hangge zie, acu ngngwa tangku hekwak gage mpung kecube de da. 21Kedanemene Mina Nabe au pe ha kesanglaisiu ga raupwa kela nzwa di laizeu delu. Dede Mina Nabe de tui pwa mi ba gage kekaibe ziemne au ainie! Mina cipaude au pecu mna kemakbe pe ziemne yiki.”
22Penui matyei bam ge, Jisu tangku keupwa cide samlam gai, nah cide teipoplu. Pa cide penui dage peugai eh rangdi, “Aide keulu. Aide a pum delie.” 23Pecai pa hepiakpe de pwalu, Tinggwang de hetwa peugai eh penuide cide peugai, nah penui pelane cikade saklu. 24Pa penui dage rangdi, “Aide samkakkelu a jai delie, mi kekiee ziemne lwa kegaibe de delie. 25Ih nnui dage rangsiakte liazie, Ih kubetsi zau aide madaude sak dai si lakta, Ih Tinggwang hegwangram gade kubetsi zau keheci sakdai kemaktane.”
26Cidau penui lei ge teigai eh, penui Olive Deutu ga miedi.
Jisu Peter pecu mlaidi kera mraikerang
27Ge Jisu penui dage rangdi, “Nnui pelane kau dizie, kedanemene Kesanglaisiu ga ainzwa rauteu la,
‘Ih meurünkekwabe de dap zie
nah meuründung zangra kap dizie.’
28Dede Ih ketsai gade cuhdai kelucai, Ih nnui dwa rai eh Galilee lebie mie dizie.” 29Dede Peter pe dage rangdi, “Mileune kau kapti liede Ih au cinzwa dilak.” 30Cidau Jisu pe dage rangdi, “Ih nnui dage rangsiakte liazie, henai, heziu, Nruirie pe kenapia kwa kemakdwa, nang acu pia cum mlai zie.” 31Dede Peter suihau mezing eh rangdi, “Ih ncu ngngwa tsai maisia di liede, Ih madaude ncu mlai dilak.” Nah penui pelane de cinzwa rangdi.
Gethsemane
32Ge penui Gethsemane lie kecu gurie gega gwanglu, nah Jisu pa ledeukelumedung dage rangdi, “Ih kekie tei kedi dau, aika bam lu.” 33Ge pa Peter nah James nah John de ngngwa pecu si eh manage mdei pet eh pelung keherei nah lungrei le puihdi. 34Pa penui dage rangdi, “A lung keherei pwa tsaidi lai zeuda. Aika kwa eh bamlu.”#Lei. 42:5 35Cidau manage mdei pet eh, Jisu hangdeu ga nkumpung mie delwe magade tei lubui cai aipau bamdakkak de pe dade kah beulo kiedi. 36Pa rangdi, “Apei Tinggwang, maleune teilu kebui nda bam. Nang a dade keherei piak aide keudi beulo. Dede a suibe so, dede n suibe tei lulo.” 37Pecai pa nli mpet ge penui zip bam eh ngaulu, ge pa Peter dage rangdi, “Simon, nang zipti deni? Nang bamdakkak ket te kwabam gailak di deni? 38Nnui mdakkepie ga lütdi melu kerane mriak eh bamlu, nah kie lulo. Rabe au neuzeu kesang, dede pumteihbe au nnei.” 39Pa mie dai eh kekie teigai, sam cidungde teu rang eh. 40Pa caili mpet daige, pa penuide zipbam eh ngaulu, penui miak mrak bam gailak kedine. Nah penui pe dage dai rang ziebi ci tadi. 41Pecai Jisu pe kecumbe de penui da gwang eh penui dage rangdi, “Nnui cude zip eh mtak bam reu ni? Yida! Pe bamdakkak be gwang dida. Ainie! Mina Nabe de kemaume ba gage tuigai beulai bam dida. 42Cuhlu; Anui tet cugo. Pielo, acu tuigai zielie kelabe nna dida.”
Jisu de tuikelu
43Nah pa marang kebam dau, zette eh Judas, kereiekena bau de hangge, cingku kedimedung, nah laisiukecime, nah hangkiamedung, ne lang kegai kingtiedung nah tsingpakdung pwa kela maadi ge de ngngwa delwe gwang. 44Cu pecu tui kegaibe penui dage marehi ge peugai, “Ih kemam kegaibe de, cipaude pa delie. Pecu tuilu delwe kekwa si eh ngngwa tetlu.” 45Cine Judas gwang luge, pa zette Jisu da gwang eh, “Keledeubo,” de ranggai eh pa pecu kemam. 46Ge penui pecu heraklu delwe pecu tuilu. 47Dede sap kebamme kakte mige pe kingtie züt lwe pwa cingku kedibe kilabe de bi gai eh pekwen dang tütti. 48Cidau Jisu penui dage rangdi, “Keregame ge nzwa, kingtiedung nah tsingpakdung pwa eh nnui acu tui zielie gwang lani? 49Kerecaki ga tingba ramsangne Ih nnuide ledeu eh ngngwa bamla, nah nnui acu tui ma. Dede kesanglaisiu samdung depeu canglu kerane aide teigai delie.” 50Cidau penui pelane pecu püt eh pak ciaudi.#Lei. 88:18
51Cidau rehangme ge Jisu cai suila, pa langcim pai ge rünne bahla. Penui pecu tuilu, 52dede pa langcim pai de pützeudi eh paula eh pakdi.
53Ge penui Jisu de cingku kedibe dage ngngwa gwang, nah cika cingku kedime, hangkiamedung, nah laisiukecime pelane ngngwa ngkwa bam. 54Cidau Peter kemdei gade pecai sui jüja cingku kedibe kigu ga lütlu. Pa kekwame kakga bamlwe mi ngga eh pekatei pecu teilum bam. 55Cidau cingku kedimedung nah Jewme baudi pelane Jisu de teitset lu kerane pemau peei bamdi. Dede penui magede ngaulu tadi. 56Kedanemene mina kekiee ge pecu mmau eh kenret zierang teu gwang, dede penui zierang kesuizwa lu ta kedine. 57Midungge cuh sap eh pecu mmau eh kenret zierang aide ranggai, 58“Anui pa kerang siu da, ‘Hebale tei kelu kerecaki aide Ih tei msia dizie, nah Ih langcumne gage heba teu mene kedage teidai luzie.’” 59Iciude zierang aide gade penui kesuizwa lu tadi. 60Pecai, cingku kedibe penui kakga cuh saplwe Jisu de keteugai, “Nang sam magede keli lakni? Ncu mmau kebam sam aidungde daikenzwadung ge no?” 61Dede pa zing de bamdi nah sam kette keli tadi. Ge cingku kedibe pecu keteu dai eh rangdi, “Nang Samlam kepung Nabe, Khrista deni?” 62Jisu keligai, “Ih da;
nah nnui Mina Nabe de ngau zie
pa kengkieng ba zetle ntum kecudau
nah tinggim hemwadung gade kegwangdau.”
63Cidau cingku kedibe pe paidung hiet eh rangdi, “Anui cu zierang daitei peeisi laino?#Mat. 26:65 64Tinggwang de kerenia sam nnui siuda. Nnui kecet daino?” Ge penui pelane pa tsaibui delie mmaudi.#Lev. 24:16 65Ge kangge pecu mcai msui lwa, nah pezu dum lwe pecu dap delwe pe dade, “Cairasam ranggai lo!” dedi. Kerecaki kekwame de pecu teulwe pecu kepeu.
Peter Jisu de mlaikedi
66Cidau Peter kigu ngkanglebie kebamdau, cingku kedibe kila relei hangge peda gwang. 67Pa Peter pekatei pecu teilum kebam ngau, nah pa pecu pieling gai eh ranggai, “Nangde Nazarene Jisu de ngngwa kelabe da.” 68Dede pa cide mlai eh cu, “Ih nang rang kebam ha de ci ma mede cetlu ma,” dedi. Iciu gai eh pa kigu ga tetpet di.#Kesa kehegwa laisiudung, “Cidau nruirie kwadi,” dede kehegwa laisiudung yitube ga cipau samria de bam la ma. 69Dede kila releipui de pecu cika kebam ngau eh cika sap kebammedung dage rangdai, “Aipau pei de penui hangge da!” 70Dede pa cide mlai daidi. Cipau cai matie mene cika sap eh kebammedung Peter dage rang dai, “Nang de penui kakga hangge kesanglie, nangde Galileeme ge delu.” 71Dede pa reset nah sampet eh ranggai, “Nnui rang kebam mina aide caubi Ih ci melei.” 72Ge nruirie zette pia pekenabe kwadi. Cidau Peter Jisu pe dage pedwa rang kebeu de nsunglu: “Nruirie piana kwa kemak dwa, nang acu piacum mlai zie.” Nah pa pe suisia eh hapdi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.