Levime 10
10
Nadab penai Abihu Tsit
1Aaron napei kena Nadab penai Abihu ma kehengui kerubung keulu delwe mi kailu delwe kehenguidung cika ge kailu. Pecai RAMPAUBE dwa gage petau delie de kemak be mi reca beu, RAMPAUBE penuide aja kaibeu kemak be reca. 2Cine RAMPAUBE dwa gage miheu pet penai de rudi nah penai RAMPAUBE dwa gade tsai di. 3Pecai Aaron dade Moses cu, “Aide RAMPAUBE rangbam kecude delie pa ne rang kecu,
‘Ih a kemcide keu lia zielie a taiga gwang kecume de lia zie.
Acu mileune dwa gade twa luzie,’” debam.
Aaron ma de rang tadi. 4Aaron pau Uzziel napei kena Mishael penai Elzaphan de Moses ne qu lwe penai dade, “Aika gwanglu delwe nnai sina kena de kereca bam dwaga kebam anui ramzeuki gade pung pwa mpet di lulo,” debeu. 5Cine penai cingkume nia keu eh gwang mna lwe penai de ramzeuki gade Moses ne rang kebeu nzwa pwa mpetti. 6Pecai Aaron, Eleazar, Ithamar nah pe napeimedung dade Moses rangdi, “Nnui peu gade nnui peutam teu mdui mene bam so nah nnui pai de hiet diso, nnui tsai di melu kerane nah RAMPAUBE hemaa pelane de pe rata dilak lu. Dede n kibaumedung de, Israel kilungme pelane de peu RAMPAUBE mi ne ru tset kedime tsit peu heihap lulo. 7Nnui mi gede ngkwa kebam paiki kimui gade mpet helo iciu lu mecai nnui tsai dizie, kedanemene RAMPAUBE de keheniak ca n nui reuga bamlu” debeu. Cine Moses rang kebeu nzwa teilu.
8RAMPAUBE Aaron dage marang, pa rang eh cu, 9“Nang nah n napeime n taiga bam kecume paiki ga zau nah matsidui kengkieng saklu delwe lüt lak, iciude nnui tsaidi lak. Aide n leuhme ceheudung lungh kebamtane aja ge zie, 10Tinggwang gu nah mtei gu ci maisia, renet zai gade kemcibe nah mci kemakbe ci ntsam lu kerane, 11iciulu de Moses dage hezai kaikebeu de Israelme minadung migede RAMPAUBE aja, mide nnui ledeu beu lu kerane.”
12Ge Moses Aaron nah pe napei kena bangkebam Eleazar penai Ithamar dage rang eh, “RAMPAUBE dage mei reca tei kebeu bang kecu gade keulu delwe tsehi kai mene kereca bam tai gade teilu, kedanemene aide mcitu be kecune. 13Nnui kemci ni gade cide tyei maisia, kedanemene aide au nang nah n napeime qwa RAMPAUBE de reca teibeu kecu gade, aide acu nnui dage aja kai beulo samkai kebeune. 14Pe hekarak kezin kegaide nah pe pipum RAMPAUBE de peudi kecude cide kemci bam Tinggwang luulu kebui gade tyei maisia. Nang nah n napeimedung nah n napuimedung ncu nzang bam kecumedung cipau teih de tyei bi maisia, kedanemene cidungde au nang nah n napeimedung Israelme ne ratak ketei kekangbau reca gade kepeu qwa delu. 15Pe pipum nah pe hekarak kezin kegaide, penui mi le nsie kelu maca recadung de RAMPAUBE dwa gade kezin kera teu gwang maisia. Cidungde RAMPAUBE ne samkai kebeu nzwa delwe ngu nah n napeimedung ncu ngngwa bam kecume kelungta ziemne penui qwa zie debeu.”
16Pecai Moses kemau reca tei kecu hemeu ha de keteu gai ge, cide rudi lie kecu cilu. Cine pa Aaron napei bang kebam kena Eleazar penai lthamar de pe ratadi delwe penai dage; rangdi, 17“Daitei nnai kemau reca de kemci recabam gade tyei meno, kedanemene aide au mcitube reca, nah RAMPAUBE au aide nnai de hemaabe mau keu gidi kerane pwapeu, nah Rampaube dwa gade penui mau gibeu lu kerane meni? 18Pielo, paiki lungga hejai keu nlüt ma, cine nnai paiki gade ratak tei kebeu de teilu kerabe lie, Ih aja kai kebeu nzwa.” 19Pecai Moses dade Aaron cu “Pielo, henai RAMPAUBE dwa de kemau reca nah keru reca teigai de lie, nah henai adage ma aidungde tei gai lie. Magade kemau reca de Ih henai tyeilu delie cai RAMPAUBE dwa gade pa pesui yilu bui deni?” 20Moses ma aidungde siulu ge, pa nnungdi.
Currently Selected:
Levime 10: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
