Kendeu 44
44
Joseph gu rangkanggeu piak
1Joseph pe ki ga hetaketeibe dage ajah kaigai, eh ranggai, “Minadung püt taktyei le tei pui beulu, penui punglu kebui kie ge, nah penui pelane gu rangkang pe püt kengkie rip gage kaibeu lu. 2A piak, rangkanggeu piak, be pwa henatube püt kengkie gage kai beulu, nah mei kelui pe rangkang dede si eh.” Hetaketeibe Joseph kerang nzwa teilu. 3Tingcang nuge tingba luge, minadung de, penui nah penui gadadung de si eh langgaidi. 4Cidau penui namdibe gade tet mpet, dede dei ham kemak ga, Joseph pegu hetaketeibe dage rangdi, “Cuhlu, minadung cai pwa mie cu, nah nang penui da gwangcang lu de, penui dage rang eh, ‘Daitei nnui makeyibe pwa kesiabe hiak lano? 5Aide ai a mpaube rangkanggeu piak pwa sak, nah pa reka ta ziemne keu kela de me ni? Nnui aide tei kedi kemau kehungge tei dida.’” 6Hetaketeibe penui de gwacanglu ge sam aidung de penui dage rang gai. 7Penui pedade rangdi, “Daitei a mpaupei aikenzwa samdung rang di no? N kilamedung dade ci kenzwa ta ketei au peu henei dilulo. 8Ainie, anui rangkang anui püt peu gade ngau kelu, anui Canaan deu gade ncu teu mie dai beuda. Ciciu cai dainzwa anui n mpaube ki gade rangkang mede kecak regalu lai no? 9N kilamedung mi keheibe dade cide ngaulu cai, pecu peu tsai dilu, nah anui de a mpaube hebaangme tei dizie.” 10Hetaketeibe rangdi, “Cu peu n samdung rehi gade lulo. Pa cau dade hepiak be ngaulu dibi cipau de a kila teizie, nah nnui kedamedung tet lubui.” 11Cidau penui hangge ge zette penui pütdung hangdeu gage keu mie kelwa gaibeu, nah penui hangge ge penui püt rip let ciau gaibeu. 12Hetaketeibe pie. Pa hecingtu gade gwang henatube kecang, delwe Benjamin püt gade hepiak be ngau lu. 13Cidau penui penui suisia eh painidung hietdi. Keheibe de penui gada püt tei lwe namdibe ga caili gwanglu.
14Judah nah pe sinamedung Joseph kiga gwanglu. Pa cika cude bam, nah penui pe dwaga hangdeu ga keumielu. 15Joseph penui dage rangdi, “Aide dai no nnui tei kegai? Nnui ci meni mina Ih kenzwame reca tei kela.” 16Judah rangdi, “Anui daipai rang lulai a mpaube dage? Daige anui rang lu lai? Mede Anui dainzwa anuide tei nzeu lulai? Tinggwang ne n kilamedung kemau ngaulu da. Ainie, anui au a kedibe kilamedung dida, anui de nah hepiakbe pe ba ga la eh ngau kelube de si eh.” 17Joseph rangdi, “Ih ciciu tei kera au peu henei dilulo. Mina be dade hepiak ngau kelube rünne cipau peide a kila zie, dede kedamedung ziemne au, nnui pei da kwak nah yi eh gwanglu.”
18Ciu eh Judah Joseph da gwang nnalu delwe rangdi, “A kedibo, kehereide peu n kilabe de a mpaube kün gage sam ge ranglo, nah n kilabe de nrata di solo, kedanemene nang au hegwang Pharaoh nzwa kap delu. 19A mpaube pe kilame dage keteu eh, ranggai, ‘Nnui pei mede nnui sina bam mi bam ma?’ 20Anui a mpaube de rang beuda, ‘Anui pei bam, kecingme ge, nah pecing cai ne hena mna kelu nage bam lie. Dede henanabe swakecingbe tsaidi da, nah pa rünne pe pui na ring bam lie, nah pepei pecu ku sütla.’ 21Ciu eh nang n kilamedung dage rangdi, ‘Pecu ataiga ngngwa gwanglo Ih pecu ngau gai kerane.’ 22Cipau cai, anui a mpaupei dage rangdi, ‘Henanabe pe pei dade gidi gailak. Kedanemene pa pepei da gidi maisia cai pepei tsaidi zielu.’ 23Ge nang n kilamedung dage rangdi, ‘Nnui caihereibe henatube nnui de ngngwa gwang kemaktane, nnui a zu ngau dai gailak.’ 24Pecai cinzwa eh anui n kilabe anui pei da gwang ge, anui a mpaube samdung pedage rang gai. 25Anui pei rangdi, ‘Mie daicu, anuide taktyei kesa lui kerane.’ 26Ge anui rangdi, ‘Anui mie dai lakta. Anui caihereibe henatube anui de ngngwa mie cai anui mie zie, kedanemene anui caihereibe henatube de anui da ngngwa gwanglu kemaktane anui cipau pei de zu ngau gai lakta.’ 27N kilabe anui pei anui dage rangdi, ‘Nnui cibam a nau Rachel mipeina hangna acu mna kebeu. 28Penai hangge be adade tetdi da nah Ih cetdi, “Pecu teurak takcai di au zie da, nah pa tet kedicai Ih pecu ngau me delu.” 29Nnui cu aipau dede adade ngngwa lwe, nah pecu keherei gwang cai, nnui acing caine alungrei tei eh tsai zie da.’ 30Cu, ciziemne, Ih n kilabe a pei da kegwang dau, nah anuide henanabe de ngngwa mene lacai, kedanemene peteilung au mipeina be teilung ga kang ncüt pwa bamlu, 31cinzwa eh pa mipeinabe anui de ngngwa la kemak ngaulu cai, pa tsai zieda. N kilamedung n kilabe anui pei cing kedi cai ne pelungrei tei pecu teitset zieda. 32Kedanemene mipeinabe ziemne a pei de Ih a teilung peu di eh ranggai, ‘Ih magade pecu nda ngngwa gwang dai beulu mai, ciciu cai Ih a pei dade a teilung pelane kemau punglu zielie beu dida.’ 33Ciziemne, kehereide n kilabe de peu bamlu henanabe mding gade n kila tei luzie kedibo, nah peu henanabe de pe sinamedung de ngngwa gwang lulo. 34Kedanemene magade henanabe de acu ngngwala mecai dainzwa Ih au a pei da gwanglu laino? Ih ngngi a pei da makesia aide gwang eh ngau kera.”
Currently Selected:
Kendeu 44: NorthernZeme
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Kendeu 44
44
Joseph gu rangkanggeu piak
1Joseph pe ki ga hetaketeibe dage ajah kaigai, eh ranggai, “Minadung püt taktyei le tei pui beulu, penui punglu kebui kie ge, nah penui pelane gu rangkang pe püt kengkie rip gage kaibeu lu. 2A piak, rangkanggeu piak, be pwa henatube püt kengkie gage kai beulu, nah mei kelui pe rangkang dede si eh.” Hetaketeibe Joseph kerang nzwa teilu. 3Tingcang nuge tingba luge, minadung de, penui nah penui gadadung de si eh langgaidi. 4Cidau penui namdibe gade tet mpet, dede dei ham kemak ga, Joseph pegu hetaketeibe dage rangdi, “Cuhlu, minadung cai pwa mie cu, nah nang penui da gwangcang lu de, penui dage rang eh, ‘Daitei nnui makeyibe pwa kesiabe hiak lano? 5Aide ai a mpaube rangkanggeu piak pwa sak, nah pa reka ta ziemne keu kela de me ni? Nnui aide tei kedi kemau kehungge tei dida.’” 6Hetaketeibe penui de gwacanglu ge sam aidung de penui dage rang gai. 7Penui pedade rangdi, “Daitei a mpaupei aikenzwa samdung rang di no? N kilamedung dade ci kenzwa ta ketei au peu henei dilulo. 8Ainie, anui rangkang anui püt peu gade ngau kelu, anui Canaan deu gade ncu teu mie dai beuda. Ciciu cai dainzwa anui n mpaube ki gade rangkang mede kecak regalu lai no? 9N kilamedung mi keheibe dade cide ngaulu cai, pecu peu tsai dilu, nah anui de a mpaube hebaangme tei dizie.” 10Hetaketeibe rangdi, “Cu peu n samdung rehi gade lulo. Pa cau dade hepiak be ngaulu dibi cipau de a kila teizie, nah nnui kedamedung tet lubui.” 11Cidau penui hangge ge zette penui pütdung hangdeu gage keu mie kelwa gaibeu, nah penui hangge ge penui püt rip let ciau gaibeu. 12Hetaketeibe pie. Pa hecingtu gade gwang henatube kecang, delwe Benjamin püt gade hepiak be ngau lu. 13Cidau penui penui suisia eh painidung hietdi. Keheibe de penui gada püt tei lwe namdibe ga caili gwanglu.
14Judah nah pe sinamedung Joseph kiga gwanglu. Pa cika cude bam, nah penui pe dwaga hangdeu ga keumielu. 15Joseph penui dage rangdi, “Aide dai no nnui tei kegai? Nnui ci meni mina Ih kenzwame reca tei kela.” 16Judah rangdi, “Anui daipai rang lulai a mpaube dage? Daige anui rang lu lai? Mede Anui dainzwa anuide tei nzeu lulai? Tinggwang ne n kilamedung kemau ngaulu da. Ainie, anui au a kedibe kilamedung dida, anui de nah hepiakbe pe ba ga la eh ngau kelube de si eh.” 17Joseph rangdi, “Ih ciciu tei kera au peu henei dilulo. Mina be dade hepiak ngau kelube rünne cipau peide a kila zie, dede kedamedung ziemne au, nnui pei da kwak nah yi eh gwanglu.”
18Ciu eh Judah Joseph da gwang nnalu delwe rangdi, “A kedibo, kehereide peu n kilabe de a mpaube kün gage sam ge ranglo, nah n kilabe de nrata di solo, kedanemene nang au hegwang Pharaoh nzwa kap delu. 19A mpaube pe kilame dage keteu eh, ranggai, ‘Nnui pei mede nnui sina bam mi bam ma?’ 20Anui a mpaube de rang beuda, ‘Anui pei bam, kecingme ge, nah pecing cai ne hena mna kelu nage bam lie. Dede henanabe swakecingbe tsaidi da, nah pa rünne pe pui na ring bam lie, nah pepei pecu ku sütla.’ 21Ciu eh nang n kilamedung dage rangdi, ‘Pecu ataiga ngngwa gwanglo Ih pecu ngau gai kerane.’ 22Cipau cai, anui a mpaupei dage rangdi, ‘Henanabe pe pei dade gidi gailak. Kedanemene pa pepei da gidi maisia cai pepei tsaidi zielu.’ 23Ge nang n kilamedung dage rangdi, ‘Nnui caihereibe henatube nnui de ngngwa gwang kemaktane, nnui a zu ngau dai gailak.’ 24Pecai cinzwa eh anui n kilabe anui pei da gwang ge, anui a mpaube samdung pedage rang gai. 25Anui pei rangdi, ‘Mie daicu, anuide taktyei kesa lui kerane.’ 26Ge anui rangdi, ‘Anui mie dai lakta. Anui caihereibe henatube anui de ngngwa mie cai anui mie zie, kedanemene anui caihereibe henatube de anui da ngngwa gwanglu kemaktane anui cipau pei de zu ngau gai lakta.’ 27N kilabe anui pei anui dage rangdi, ‘Nnui cibam a nau Rachel mipeina hangna acu mna kebeu. 28Penai hangge be adade tetdi da nah Ih cetdi, “Pecu teurak takcai di au zie da, nah pa tet kedicai Ih pecu ngau me delu.” 29Nnui cu aipau dede adade ngngwa lwe, nah pecu keherei gwang cai, nnui acing caine alungrei tei eh tsai zie da.’ 30Cu, ciziemne, Ih n kilabe a pei da kegwang dau, nah anuide henanabe de ngngwa mene lacai, kedanemene peteilung au mipeina be teilung ga kang ncüt pwa bamlu, 31cinzwa eh pa mipeinabe anui de ngngwa la kemak ngaulu cai, pa tsai zieda. N kilamedung n kilabe anui pei cing kedi cai ne pelungrei tei pecu teitset zieda. 32Kedanemene mipeinabe ziemne a pei de Ih a teilung peu di eh ranggai, ‘Ih magade pecu nda ngngwa gwang dai beulu mai, ciciu cai Ih a pei dade a teilung pelane kemau punglu zielie beu dida.’ 33Ciziemne, kehereide n kilabe de peu bamlu henanabe mding gade n kila tei luzie kedibo, nah peu henanabe de pe sinamedung de ngngwa gwang lulo. 34Kedanemene magade henanabe de acu ngngwala mecai dainzwa Ih au a pei da gwanglu laino? Ih ngngi a pei da makesia aide gwang eh ngau kera.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.