Tetkempet 34
34
Tangtsu kwak keheci
1RAMPAUBE Moses dage rangdi, “Tangtsu kwak kena keraibe kwakna de nzwa panglu. Aipau kwak kena gage Ih kerai kwak kena de ga rauteu kela samdung de raubeu zie, nang tangtsu kwak teipang kedi de. 2Tingcang dide mteilu delwe Sinai Deutu ga hanglu, nah lamlwa twang cikade acu redau lulo. 3Migede de ncu ngngwa hang lak. Migede de peu lamlwatu ga la eh ngau so. Meurün haudung mede ketum haudung lamlwatu dwa gade ma peei tyei lak.” 4Cine Moses tangtsu kwak kena kerai de nzwa eh panglu, nah pa tingcang nuge cuhlu delwe Sinai Deutu ga hang, RAMPAUBE pe dage sam kai kebeu nzwa. Moses tangtsu kwak pe ba gage pwalu. 5RAMPAUBE hemwa gade nghung nah lamlwa cika Moses de ngngwa saplu, nah pa pe zi rang, “RAMPAUBE.” 6RAMPAUBE pe dwa ga kahgwang nah qugai, “RAMPAUBE, RAMPAUBE, Tinggwang au keku nah ngaugia le pui, pe rata zette lama, nah samkakkelu kesamsang nah masang le puibam, 7samkakkelu kesamsang ceheu pecang ziemne kaipwa bam lula, petau kemakme, gileu kela, nah kemaudung mau gibeu. Dede tei mau kelame de au pa gibeu gailak. Pa penui peime mau ziemne penui name nah penui tsame da ceheu kecum nah mdai be gade saja teugwang beuzie.” 8Moses zette pe peu hangdeu ga keumie delwe reca di. 9Pecai pa rang, “Magade cu n miakngau gade acu ngau nsui yi lucai, a Rampaubo, kehereide anui kakga mielo, mina aipaudung de au pe lung tak kecu ziemne. Anui tei mau kela nah anui mau gibeu lo, nah anuide n mabam tei eh luu lulo.”
10RAMPAUBE rangdi, “Kingneilu, Ih kesamkak kelu ge tei zie. N mina pelane dwa gade, Ih miswakegah ta ge teizie kideureu pelane mede heleuh ge dade teigai kemakke. Mina pelane kakgade nnui a batadung ngauzie, kedanemene cide au Ih ma hing süt kecu ge nnui dage teigai zie. 11Ih henai n dage daipai sam kaibi nzailu. Ih Amoritme, Canaanme, Hittitme, Perizzitme, Hivitme, nah Jebusitme de nnui dwade gwa mpet dizie. 12Mriaklu nnui gwang kela deu cika lung kebamme heleuhdung de ngngwa kesamkak ge de tei so, mecai penui gwang nnui kakga hetak ge dizie. 13Meliene, nnui penui recabamdung teipang di maisia, penui tsusumdung tei hecaidi, nah penui gu herabepui Asherah miedung bi nkau dilu. 14Nnui herabe keda gede de reca lak, kedanemene Ih RAMPAUBE, pe zi au riaksiet, riaksiet Tinggwang ge kecune. 15Cine mriaklu hangdeu dega minadung lungh kebamme de ngngwa kesamkak ge de tei so, kedanemene penui katei penui rabedung dage heli li gai, nah penui rabedung dage penui ratak teigai. Iciu eh penui kangge nnuide qu zie nah penui reca taktyei kesa nnui tyei zie, 16nah ciu eh nnui nnui napeimedung ziemne penui napuimedung kangge de liede lulu zie, nah pe napuidung penui katei penui rabe dage heli li zie, nah nnui napeimedung penui katei penui rabedung dage heli li kera penui tei zie. 17Nkatei ziemne hegeu rabedung tei so.
18Nnui Cehikaikemak Tangku Ngyi mneilu. Ih nnui dage sam kai kebeu nzwa, Aviv bekei lang henane peting riet lwe cehi kaikemak tangku nnui tyeilu, kedanemene Aviv bekei nnui Egypt gade mpet kecune. 19Neraibe pelane de agu, nnui kauruine peseu leune nciu raitube kecangde, hetumseu nah meurün de. 20Gada nciu raitube nnui meurünna ge le lui dailu, dede nnui magade cide lui dailu mai, iciu cai nnui pe ngwang tei tütdi. Nnui nnui napeidung neraibe pelane de lui dailu. Migede peba mta eh adwa sap gailak. 21Nnui lang herokne matei lubui, dede lang henane benai nnui mtak zie. Keputing nah luhlüt tingdau kecang de, nnui mtaklu maisia. 22Nnui wheat luhlüt raitu kelu mei de le Mtakkakdung Ngyi mneilu, nah nnui mmi kamtu gade Hekwa kelu Ngyi mneilu. 23Mmi ge gade pia cum nnui mina pelane RAMPAUBE Tinggwang dwa sap zie, Israel Tinggwang. 24Kedanemene Ih nnui dwa de heleuhdung de gwa mpet dizie nah nnui raidung tei mdi luzie. Nnui hang RAMPAUBE nnui Tinggwang dwaga mmi ge gade pia cum sap zie cidau migede nnui deu de luu pwa pegu teineu lak. 25Nnui tsehi si eh hejai ratak pwa acu reca so, mede Kahkegwang Ngyi ga reca tei kedi heteih gede tingcang kecang kainzeu so. 26Nnui luh gade yitube matsi bui raitube RAMPAUBE kiga nnui teugwang lu. Nnui hemeuna de pe pui tungdui gage lang so.” 27RAMPAUBE Moses dage rangdi, “Sam aidungde raulu, sam aidungde nzui eh Ih ncu nah Israel de ngngwa samkak tei luda.” 28Moses au RAMPAUBE de ngngwa tingbadung nah tingmuidung zie riakdai ge bam; pa taktyei gede tyei ma mede dui gede sak ma. Pa tangtsu kwak de gage samkakkelu samdung raulu, Sam Kerei de.
Moses zu kebaa
29Moses Sinai Deutu gade samkakkelu hezai tangtsu kwak kena pe ba gage pwa lwe nghung kela dau, Tinggwang de ngngwa mpau kebam dau pe zu geu baa pet kedi pa ci luma. 30Aaron nah Israelmedung Moses de ngaulu ge, pe zu geu baa di, nah penui peda nna gwang hingdi. 31Dede Moses penuide qu gai, nah Aaron nah hemaabe muiteumedung leune peda gwanglu. Pecai Moses penuide ngngwa mpau. 32Cipau cai, Israelme pelane Moses da gwanglu, nah RAMPAUBE Sinai Deutu gade pecu kepeu hezai pelane penui dage ranglia beu. 33Moses penui dage sam rangcang di ge, pa pai le pe zu sungdi. 34Moses RAMPAUBE dwaga gwang pecu ngngwa mpau kecudau, pa pe zu kegum pai de keu dila, pa hegwale mpet kemakta. Pa mpet keludau, pecu daipai samdung ranglo kebeudung Israelme dage pau beula. 35Israelme Moses zu baa kebam ngaulu ge, pa pai le pwa pe zu gum daidi pa RAMPAUBE da mie mpau dai kemaktane.
Currently Selected:
Tetkempet 34: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
