Tetkempet 22
22
Mania kegum
1Mige ketumseu mede meurün regalu nah teitset mede zwa dicai, ciucai hetumseu ket ziemne hetumseu mengei, nah meurün ket ziemne meurün mdai pa peu maisia. 2Keregame ge raklüt kebam ngau lucai, nah pecu dapkegai gade pa tsai dicai, cipau ha gade pecu teitset kedi ziemne migede de mmau daulak. 3Dede pa raklüt kemak dwa naimiak taucuh dicai, teitset kedibe da dapketset mau de lazie.
Keregabe rega keludung pwa cailigwangdai maisia. Pe da magede gah cai, pa rega kedidung ziemne pecu zwadi maisia. 4Pa regakelu kaune ketumseu ge mede, gada ge, mede meurün ge aidungde ringbam eh ngau lucai, ci kena kieege pa su daibeu maisia. 5Mige pe kaunedung de luh ga mede kube luh matyei la nah pekaune de lungmpet gaibeu, nah kedame luh mie tyeilu, pekatei pe luh yitu gade nah pekatei pe kubelu yitu gade pa peucaili dai maisia. 6Magade mi heupet nah hetupuidung ga heu zang eh mei hekwa pwa kebam, mede sap kebam mei, mede luh ru dicai, caune mi twa gaibi pa cidung ruidai maisia.
7Magade mige pe kidabe dage rangkang mede mania kebainzeu kerane nlumgai, nah cidungde pe ki gade rega teu dicai, keregabe de ngau lucai, cipau keregabe de cikenzwa kena kieege rui daibeu maisia. 8Dede keregabe de ngaulu mecai, ciucai ki mpaube de Tinggwang#22:8 Tinggwang: tutiakbe dwaga tiak kerane pe kidabe gu nia pa rega mi mebi ngngwa gwang maisia. 9Hema ha kehebwak kebam pelane ziemne, ketum ge, gada ge, Meurün ge, pai heni, mede gahkedi nia kedage ha mige rang eh, “Aide agu,” pegu lie rang kebam maadung tutiak dwa gwang maisia. Caube tutiak gade mau dibi cikenzwa kena kieege pe kidabe de ruidai kerabe. 10Mige pe kidabe de gada ge, ketum ge, meurün ge, mede makaune keheibe de kainzeu kera peucai, nah cide tsai dicai mede rejam di, mede mide ngau kemak gade gah dicai, 11penai hangnana RAMPAUBE dage sampet teigai kerabe, mige pe kidabe mabam deu mi mebi kecu. Pe mpaube aide luulu maisia, nah kedabe de pecu peudai mede yi. 12Dede pe dade rega pwa bamcai, kedabe cide ziemne pe mpaube de ruidai beu maisia. 13Makaune gede tei teurak dicai, kedabe depeu makaune cide teugwang lialu. Pa hekaune teimsia kedi ziemne magede rui dailak. 14Mige pe kidabe dade makaune keheibe de hepok kelude pe mpaube bam kemak gade rejam mede tsai dicai, kedabe de cide ruidai bi maisia. 15Dede pe mpaube ngngwa lacai, kedabe pei de cide ziemne rui dailak; makaune cide nnget teula cai, cide nnget teukela zie peu beuzie.
Hemaa ga kelungh zai
16Mipei ge kemcipui naurang tei kemak gede cwa lu, nah pa pecu ngngwa zeu dicai, pa hemeupui mabam mi teibeu eh aide ziemne pecu ngngwa pe nau bi maisia. 17Mipuibe pei peu pecu pe nau mei dicai, pa pe pei de kemci hemeupui mabam mi de ruibeu maisia. 18Reka ta keteipui dungde nang peu lungh bam kerabe ma. 19Keheibe de makaune de ngngwa kemmha ta teicai pecu teitsetdi kerabe. 20Keheibede RAMPAUBE gwale hera keda dage ratak tei kegaime de teingkap di kerabe. 21Nang sangme de mneu mede penuide teikeherei so, nnui de Egypt deuga sangme ge tei eh gwang kecune. 22Nnui hemipui gede mede hename pe pei kegahme de mneu so. 23Magade nang penuide teikeherei gai eh, nah penui acu qu gaicai, Ih penui qu kegai kwade siubi luzie. 24Ih a rata keulia zie, nah Ih kiengtie dele nnuide teitset dizie; nnui naudung hemipui ge tei dizie, nah nnui namedung pe pei kegahme ge tei dizie. 25Nnui kakga a mina kegahme gede rangkang releu beucai, nnui pe dade rangkang li keteime nzwa diso mede pekai tei diso. 26Nang n kidabe gu painia sampet eh keucai, tingnaimiak nlüt kedidwa pecu peucaili daidi maisia, 27kedanemene pecu ha kera cide rünne gwale ma; cide au pe pum ziemne pe painia ge. Pa daipai keda bah eh ziplu buino? Pa acu qu kegai dau, Ih pekwa siu luzie, Ih au mide ngaunggia kelane. 28Nnui acu, Tinggwang#22:28 Tinggwang: n tutiakbe de, rangmsia so, mede n mina kedibe de reset so. 29Nnui luhlüt mede nnui zau teimpet kelu gade nnui peu keradung kebai diso. Nang n neraibe mipeinadung de pwa acu peulu maisia. 30Nnui cinzwa eh nnui tumseu nah nnui meurün de peu maisia. Lang henane penui pepui da bam maisia, dede lang hesetne benai nnui acu penuide pwa peulu maisia. 31Nnui au a ziemne keuntsam kelu minadung zie. Cine nnui luh ga makaune ne teurak kedibe teih gede tyei so. Meliene, cide nang heteudung de pwapeu dilu.
Currently Selected:
Tetkempet 22: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
