Esther (Hebrew) 7
7
1Topi mutwa na Hamani vayendili kulya lihungu kwa muhumbu Esta. 2Mulijuva lya pili, pavaveyi vakulanda difwayi, mutwa amdashili kandi malikiya Esta, “muhumbu Esta chiwudayila liki? Ung'ombeli, nenga dangugayili, chiwudayila. Dangugayili hata nusu ya wutwa wangu.”
3Pambeli muhumbu Esta kamuyangula, “Leki nenga noviliwa na yuwi mutwa, na leki kulenga kugolela lushawu, nenga ngudayila nani na vandu vangu vanani. 4Kwanongwa nenga pamu na vandu vangu tunadishiwa ili tuwulayiwi nakamu. Leki tunganadishiwili hela kuva vavanda valulumi na vadadala, nganyamalili jii, lakini sida yeni samba tuwulayiwa ndi nongwa tukufwasha mutwa!”
5Mutwa Ahasuelu kamudasha muhumbu Esta, “Ghani ayu? Kava koti mundu ayu yagela kugola chindu nga achi?”
6Esta kayangula, “Chimdwama wetu mkomi yatugobola ndi ayu mwafu Hamani.”
Topi Hamani akamuliwili na lyogha munu pawulongolu ya mutwa na muhumbu. 7Mutwa atandamukili kwa maya, kayileka difwayi yaki, kayenda muchiwunga cha nyumba ya wutwa. Lakini Hamani, amanyili kala mutwa kalamula kala kucha damuhighi, asighalili kumbeli ili amdedeki muhumbu Esta, amulowoli munjifwa. 8Pambeli mutwa pawuyili kufuma kuchiwunga cha nyumba ya wutwa na kwisa mumdamwa wa lihungu, Hamani avelili kayidanga pabehi na chigoda pala Esta pasaghamileghi.
Mutwa kadeta kwa lishu likomi, “Wuli, ukudayila kumkamula muhumbu munyumba ya wutwa na kunu nenga panola?” Tepu mutwa padetili afi, vagubikili wushu wa Hamani. 9Topi Haliboni, yumu gati ya vandumindumi va mutwa kadeta, “Libiki lya kutumbikila vandu lyaveli na utali wa mita milongu mivili na mbili liva pakaya ya Hamani!” Wawugolili kwanongwa ya kumuwulayila Modikayi.
“Mutwa kadeta mumtumbiki pambindi yaki.”
10Topi Hamani vamtumbika mahali pala pamtandileyi Modikayi. Topi maya va mutwa vasika.
Currently Selected:
Esther (Hebrew) 7: OTNdambBL
Highlight
Share
Copy
Want to have your highlights saved across all your devices? Sign up or sign in
The Old Testament in Ndamba @The Word for The World International and Ndamba Language translation. All rights reserved.
