Esther (Hebrew) 6
6
Mutwa akumgayila Modikayi ndundamili
1Pamihi posi, mutwa apatili ng'onju ha, topi alayishili vamuyegheli chitabu cha ngumbungumbu ya findu yifigolikili kila lijuva muwutwa waki. 2Pavasomili vapawona pala yipayandikiwili kwilata njifwa ya mutwa, yigoliwili na Bigitana na Teleshi, vavili gati ya vala vandumindumi yivafuniwa va mutwa, yivavelili vadimi va fyumbagati fya mutwa. 3Mutwa kadasha, “Modikayi agoliwili chindu liki kwa ndambu yagolili ya kumkombola mutwa?”
Vandumindumi vaki vamuyangula, “Kwahela chindu chivamgolilili.”
4Mutwa kadasha, “Kuna mkomi yoyonda mumdamwa?” Chipindi achi Hamani ayingilili mumdamwa wa panji munyumba ya mutwa, ayisili kumluva mutwa, Modikayi awulayiwi mulibiki lya kuvatumbikila lila lyamtandilili kala. 5Topi, vandumindumi vaki vamuyangula, “Hamani kawoloka kumdamwa.”
Mutwa kalayisha, “Mumlibushili munyumba.”
6Hamani payingilili munyumba, mutwa kamudasha, “Tumgoleli liki mundu yula mutwa yadayila kutundamiliwa?”
Hamani ayiholili mundima yaki, “Ayu ghani wingi yatamiwa na mutwa pitu nenga?” 7Topi Hamani kamuyangula mutwa, “Kwa mundu yula mutwa akudayila kumgayila ndundamilu, 8yikudayiliwa vandumindumi va mutwa vayegheli fwali nofu ngeli yafwala mutwa na fwalasi wa mweni mutwa kafwalishwa likokoma lya wutwa kumutwi waki. 9Pambeli lihabiti na fwalasi vamupi yumu gati ya vala yiwuwombana nawu yuwi mutwa, na vamufwalishi mundu ayu fwali sha chiwutwa, na vampakishi mufwalasi waku na vamshengiteshi deya sha mbwani, kunu palandusha, ‘Afi ndi dagolewi mundu yula Mutwa akudayila kumugayila ndundamilu!’”
10Mutwa amuwombilili Hamani, “Yendi kalopu katoli lihabiti na fwalasi goli ngimu wudetili kwa Myawudi Modikayi, yayikala pamlyangu wa mutwa. Chikotoo kuyangila chindu chochosi kwa fila fiwudetili.”
11Topi, Hamani katola lihabiti kamfwalisha Modikayi, kamshengitesha mudeha sha mbwani kunu kava kumbindi ya fwalasi wa mutwa, pamlandusha, “Achi ndi dagolewi mundu yula mutwa akudayila kumgayila ndundamilu!”
12Pambeli Modikayi kawuya pamlyangu mkomi wa nyumba ya mutwa. Lakini Hamani katuva kuyenda kayaki kunu kamema lung'ong'u na kugubika wushu nongwa kawona chindipa. 13Aku kavahimulila Seleshi, mwehi mundu na vaghanja mundu vonda fila fimbwitukilili. Seleshi na vaghanja vaki yivaveli na luhunja vamuwombela, “Payiva ayu Modikayi kumlemwa ndi mundu wa kabila lya Vayawudi, dakuweshi yuwi nakaka dawuwi umweni.”
Hamani akuwulaghiwa
14Pavaveyi vakali vakuywangila afi, vandumindumi valulumi va mutwa vatulukila kalopu vamtola Hamani vamuyegha mulihungu lyatandili Esta.
Currently Selected:
Esther (Hebrew) 6: OTNdambBL
Highlight
Share
Copy
Want to have your highlights saved across all your devices? Sign up or sign in
The Old Testament in Ndamba @The Word for The World International and Ndamba Language translation. All rights reserved.
