LUK - NUMANA 7
7
Itanyɛme yi ŋgɔŋ ne tyak kum
1Ndi Yesɔ neka bla ilɛmɛ aklɛ ne wɔ aneshir, ne yir Kafanahum. 2Igen ayou ŋgɔŋ ne tyak kum nuŋ, ndi atukɔ maa anyɛru ŋgɔŋ, ne lɔ ndi atei ku. 3Ngɔŋ ne tyak kum ne wɔ ki na Yesɔ te shar angɔŋgɔŋ aneshir abɛ Yahudawa bene bɔu, te bɛ blau te bɛ gar ate na gene amaa. 4Ndi ne gar ben Yesɔ, ne benu ŋgɔŋ, <<Ner waŋa ne te di abɛ nau te duŋu are, 5te anyɛr ntun mɔr tena mee ta Akabaŋkɔŋ.>> 6Ankyak Yesɔ ne zǝ ba.
Bane yi gbagbaŋ ne kɔbɔ ba ndi ŋgɔŋ ne tyak kum ndi ne shar akpa maa te bɛ diu: <<Ŋgɔŋ, duŋ nek tu mi iyah tedi utei nyɛ ikɔb muŋ ba, te bam ne mla ndi utei nyɛ kɔ muŋ ba. 7Waŋ kiyiŋ di me ne yik bam ne mla ne nyɛ ben bɔu ba. Utǝ lɛ ankyak gen amuŋ atei rɛ. 8Nga me yi ne mgbyamgbyaŋ kɛŋ ndi abɛ yine angus amuŋ, tena yi ne abɛ kpaakpa ne angus amuŋ. Mte ndi nuŋ <kɔmɔ.> Ana kɔmɔ; mte na ndi nuŋ, <Nyɛ,> Ana nyɛ. Mte ndi gen amuŋ <Na kiyiŋ,> ana nai.>>
9Ndi Yesɔ ne wɔ me, ne sak ŋɔk ne ne ne lɛ kɛ ŋgɔŋ ne tyak kum, te kama tɔ aneshir abɛ zeu te di, <<Me blaa zhin, bam ne zen yik itanyɛme ŋgɔŋ amɛ kɔ ne Isrela ba.>> 10Fe abaŋ ndi ne shar bama ne kama kɔmɔ te yik gen ayou ne tyak kum ne ka rɛ.
Yesɔ ne lɛg izu wakɔ
11Bane baŋ mkpaŋ ba, Yesɔ ne gar ntun yiŋ ndi azhɔi te Nayin, abɛ zeu tsǝn amaa ben ntsan aneshir ne zeu. 12Ndi atei yir anɔkɔŋ akɛ yir ntuno, ayik agli kum kɛ izu wakɔ, wa anak ayiu vǝvǝne amaa ankyak. Ntsan aneshir ne ntuno ayi ben iwa ma 13Ndi Ŋgɔŋɔ ne yigu, susun maa ku kɔmɔ bene bɔu te di, <<Duŋ zhin ba.>>
14Fe Yesɔ ayuŋ te kɔte sak ŋɔk ne kumɔ, fe abaŋ ndi ahru kumɔ atakpa agbur akli ne amkpama. Adi, <<Vǝvǝnen zak, Mdi ubǝ lu sɔŋ!>> 15Vǝvǝne akɔ lu asɔŋ te lɛ, fe Yesɔ avuŋ anu nek iyah amaa.
16Bɔbɔk mǝne ne sak ŋɔk nenu te na gbar Arik asak. Adi, <<Ŋgɔŋ ne bla shar ye Arik ne nyɛ bene bɛta. <<Arik ne nyɛ lɔk tama.>> 17Ilɛ kɛ Yesɔ ne shak ntun yi Yahudiya ben ntun yiŋ ndi ne kam Yahudiya azǝk.
Yesɔ ben Yɔɔna ne su aneshir
18Abɛ zǝ Yɔɔna tsǝn ne gar bene bɔu ne jaru te blau kiyiŋ ndi Yesɔ ne nai bɔbɔk. Yɔɔna azho ayaa ne miŋ mǝne, 19te shar ba ben Yesɔ te kɔte rib bu, <<Uyi waŋ ndi ne di atei nyɛ, kɔ tabǝ shur ayi ben nuŋ ini?>>
20Ndi abaŋ di Yɔɔna ne shar ba ne nyɛ ben Yesɔ, ne di, <<Yɔɔna ne su aneshir na shar ta bɛ nyɛ rib bu, <Uyi waŋ di ne di ate nyɛ, ka ta bɛ shur ayi bǝn nuŋ ni?>>>
21Nǝ mkpaŋa Yesɔ ne duŋ anere bɛ lɔ tetɛk are, bene a baŋ di anerim ne yir akpa men, te na buu abɛ mfik yi. 22Fe Yesɔ a di a baŋ ndi Yɔɔna ne shar ba ma, <<Kam kɔmɔ zhin te kɔte blau kiki yiŋ ndi izhin ne wɔi ben kiki yiŋ ndi izhin ne yigǝ ne yi amin: Abɛ amfik ayik, abɛ yaŋ tsǝn ne lu te tsǝn, abɛ amkpɔk aŋɔk ne rɛ, abɛ yaŋ wɔ lɛ a wɔ, abɛ ku ne lu, ana bla abɛ yaŋ kiyi goŋ mimi lɛ didik. 23Waŋ ndi bane zhaku ne tu muŋ ba ne nǝgu anu adidik.>>
24Ndi abɛ shar Yɔɔna ne kama kɔmɔ, Yesɔ ne bla aneshir lɛ kɛ Yɔɔna: <<Izhin gar tɔ anii ne zizigei? Ŋguŋgu yi fuk agǝga yi? 25Mba me ba, izhin ru gar tɔ anii? Ner waŋ ndi a su kluŋklu didik yi? Ba me ba, a baŋ ndi asu kluŋklu yi te anyaŋ ben abaŋ ndi awɔ men kɛ goŋ mimi akɔ sɔŋ ne akaba ayou itum. 26Tǝ zhin ne ru gar tɔ anii? Ne bla shar yi Arik? Mbla zhin, Yɔɔna a naŋ ne bla shar ye Arik. 27Waŋa a yi waŋ ndi ne cɛr ne tɔ ma te di:
<<<M tei shar gen amuŋ abɛ ku ti min,
Ndi atei na ankɔŋ anyagu.>
28Yesɔ adi Mbla zhin, abaŋ ndi amba ne ŋli ba inuŋ ba naŋ Yɔɔna ba; Amɛ waŋ ndi wa ayi vǝtsɔb ne kɔb Arik anaŋu.>>
29Aneshir bɔbɔk, bene abɛ ta gandu, ndi ne wɔ lǝlɛ yi Yesɔ, ne ta nyɛmɛ te di ankɔŋ ayou Arik aye anenen, Fe asuba ndi Yɔɔna asu aneshire. 30Ne me Ferisawa bene bɛ zhi cɛr yi Musa ngɔŋ ne kyak kiyiŋ di Arik ne naa ba nayi, bai Yɔɔna ne su ba ba.
31<<Fe te ye ni, me tei tsar aneshir ben gɔŋmimi kǝŋe ne anii? Ayi ndi anii? 32Ayi ndi amumun abaŋ ndi a kɔ sɔŋ ne dub te zhɔ kpa men,
<<<Tane vli zhin ayiyaŋ ba zhin ne glu ba,
Tane sɔŋ ku ba izhin ne zhin ba.>
33Yɔɔna ne su aneshir ne nyɛ bane li kili ba, ba nena so ama dɔ kuŋkun inabi ba, fena zhin di, <Ayi ne nerim.> 34Izu neshir ne nyɛ te li te so, fe zhin di, <Tɔ zhin ne li ngɔŋ ben ne so waŋa, ikpa ne bɛ ta gandu bene bɛ na <<zumimin.>>> 35Amɛ mgbemgbebɛ kɛ Arik a tanyɛme ne kiki bɔbɔk ye na amun maa.>>
Wa ne na zu mimin ne kin Yesɔ anye
36Awɔ ne Ferisawa nuŋ ne zhɔ Yesɔ li kili ne kɔ maa, ne gar kɔb kɛ Bafarisi me te sɔŋ li kili bene bɔu. 37Wa nuŋ ne na zumimin ne ntuno ne wɔ Yesɔ a sɔŋ li kili ne kɔbɔ Bafarisi, Fe ne baŋ anyɛ ne ŋu mgbɔ didik te gar kɔbɔ. 38Ne kɔ te kli ne ti kɛ Yesɔ te nugu ne za maa te zhin, iwa ma akin amayi ama ne za yi Yesɔ fe te yis aza Yesɔ ne Fumfuk tu ma te kin aza Yesɔ ne ne ma te na shuru anyɛ ne ŋu mgbɔ didik.
39Ndi Bafarisi ndi ne zhɔu ne yik kiyiŋ ndi wa waŋ ne nayi a di tu maa, <<abɛ di ner waŋ a yi na bla shar yi Arik abɛ zhi waŋ ndi acɔgu ŋɔk tena zhi ayi wa tawa ndi ayi nena zub mimin.>>
40Yesɔ ne ta nyeu ma, <<Isiman, me yi ne ki yi blau.>> Siman
Adi. <<Blam ne tsar,>>
41Yesɔ adi<<Aner yaa nuŋ ne ta ner nuŋ hria. Zhin ne ta azɔb ankplik atuŋ ne yaa maa ne ta azɔb sɔk tuŋ. 42Ayaa yaa mǝne ba yi ne ki ya nɛrɛ ba. Fe inere ne duŋ ba hria maa. Ne me ita wa atei nye ru ngɔŋɔi?>>
43Siman adi, <<Ayi waŋ di ne duŋ hria tetɛk.>>
<<Yesɔ adiu,>> Une bla nenen.
44Fe akama tɔ wa ne zumimin te di Siman, <<Uyik wa waŋa? Ne yir kɔmi. Bau ne nǝm amashir ta ŋla aza muŋ ba. Wa waŋa ne kin aza muŋ ne amayi amaa te yise ne fumfuk tu maa. 45Wa bau ne tek me, te kum ne asa ami ba, ama wa waŋa, kpaŋ ndi mǝne yir bane duŋ maa aza muŋ ne ne amaa ba. 46Bau ne shur me anyɛ ne tu muŋ ba, wa waŋa ne shur me anyɛ ne ŋu mgbɔ didik ne za muŋ. 47Fe, me blau, ne zu gu zhɔk ne zumimin ngɔŋ maa, ne nyɛr ngɔŋ. Fe waŋ ndi ate zu gu watsɔb a nyɛr watsɔb.>>
48Fe Yesɔ adi iwa ma, <<ne zu gu zhɔk ne zub mimin ma.>>
49Acɛn anuŋ ndi ayi ne ankpama adi akpa men, <<Ner waŋa ayi ŋɔɔ wa te zuk aner abɛ na zumimin shur?>>
50Yesɔ adi iwa ma, <<Itanyɛme yi susun mi ne tau zhɔk; kɔmɔ ne sik susun.>>
Currently Selected:
LUK - NUMANA 7: NAA
Highlight
Share
Copy
Want to have your highlights saved across all your devices? Sign up or sign in
The word for the World International and The word for the World Nigeria
LUK - NUMANA 7
7
Itanyɛme yi ŋgɔŋ ne tyak kum
1Ndi Yesɔ neka bla ilɛmɛ aklɛ ne wɔ aneshir, ne yir Kafanahum. 2Igen ayou ŋgɔŋ ne tyak kum nuŋ, ndi atukɔ maa anyɛru ŋgɔŋ, ne lɔ ndi atei ku. 3Ngɔŋ ne tyak kum ne wɔ ki na Yesɔ te shar angɔŋgɔŋ aneshir abɛ Yahudawa bene bɔu, te bɛ blau te bɛ gar ate na gene amaa. 4Ndi ne gar ben Yesɔ, ne benu ŋgɔŋ, <<Ner waŋa ne te di abɛ nau te duŋu are, 5te anyɛr ntun mɔr tena mee ta Akabaŋkɔŋ.>> 6Ankyak Yesɔ ne zǝ ba.
Bane yi gbagbaŋ ne kɔbɔ ba ndi ŋgɔŋ ne tyak kum ndi ne shar akpa maa te bɛ diu: <<Ŋgɔŋ, duŋ nek tu mi iyah tedi utei nyɛ ikɔb muŋ ba, te bam ne mla ndi utei nyɛ kɔ muŋ ba. 7Waŋ kiyiŋ di me ne yik bam ne mla ne nyɛ ben bɔu ba. Utǝ lɛ ankyak gen amuŋ atei rɛ. 8Nga me yi ne mgbyamgbyaŋ kɛŋ ndi abɛ yine angus amuŋ, tena yi ne abɛ kpaakpa ne angus amuŋ. Mte ndi nuŋ <kɔmɔ.> Ana kɔmɔ; mte na ndi nuŋ, <Nyɛ,> Ana nyɛ. Mte ndi gen amuŋ <Na kiyiŋ,> ana nai.>>
9Ndi Yesɔ ne wɔ me, ne sak ŋɔk ne ne ne lɛ kɛ ŋgɔŋ ne tyak kum, te kama tɔ aneshir abɛ zeu te di, <<Me blaa zhin, bam ne zen yik itanyɛme ŋgɔŋ amɛ kɔ ne Isrela ba.>> 10Fe abaŋ ndi ne shar bama ne kama kɔmɔ te yik gen ayou ne tyak kum ne ka rɛ.
Yesɔ ne lɛg izu wakɔ
11Bane baŋ mkpaŋ ba, Yesɔ ne gar ntun yiŋ ndi azhɔi te Nayin, abɛ zeu tsǝn amaa ben ntsan aneshir ne zeu. 12Ndi atei yir anɔkɔŋ akɛ yir ntuno, ayik agli kum kɛ izu wakɔ, wa anak ayiu vǝvǝne amaa ankyak. Ntsan aneshir ne ntuno ayi ben iwa ma 13Ndi Ŋgɔŋɔ ne yigu, susun maa ku kɔmɔ bene bɔu te di, <<Duŋ zhin ba.>>
14Fe Yesɔ ayuŋ te kɔte sak ŋɔk ne kumɔ, fe abaŋ ndi ahru kumɔ atakpa agbur akli ne amkpama. Adi, <<Vǝvǝnen zak, Mdi ubǝ lu sɔŋ!>> 15Vǝvǝne akɔ lu asɔŋ te lɛ, fe Yesɔ avuŋ anu nek iyah amaa.
16Bɔbɔk mǝne ne sak ŋɔk nenu te na gbar Arik asak. Adi, <<Ŋgɔŋ ne bla shar ye Arik ne nyɛ bene bɛta. <<Arik ne nyɛ lɔk tama.>> 17Ilɛ kɛ Yesɔ ne shak ntun yi Yahudiya ben ntun yiŋ ndi ne kam Yahudiya azǝk.
Yesɔ ben Yɔɔna ne su aneshir
18Abɛ zǝ Yɔɔna tsǝn ne gar bene bɔu ne jaru te blau kiyiŋ ndi Yesɔ ne nai bɔbɔk. Yɔɔna azho ayaa ne miŋ mǝne, 19te shar ba ben Yesɔ te kɔte rib bu, <<Uyi waŋ ndi ne di atei nyɛ, kɔ tabǝ shur ayi ben nuŋ ini?>>
20Ndi abaŋ di Yɔɔna ne shar ba ne nyɛ ben Yesɔ, ne di, <<Yɔɔna ne su aneshir na shar ta bɛ nyɛ rib bu, <Uyi waŋ di ne di ate nyɛ, ka ta bɛ shur ayi bǝn nuŋ ni?>>>
21Nǝ mkpaŋa Yesɔ ne duŋ anere bɛ lɔ tetɛk are, bene a baŋ di anerim ne yir akpa men, te na buu abɛ mfik yi. 22Fe Yesɔ a di a baŋ ndi Yɔɔna ne shar ba ma, <<Kam kɔmɔ zhin te kɔte blau kiki yiŋ ndi izhin ne wɔi ben kiki yiŋ ndi izhin ne yigǝ ne yi amin: Abɛ amfik ayik, abɛ yaŋ tsǝn ne lu te tsǝn, abɛ amkpɔk aŋɔk ne rɛ, abɛ yaŋ wɔ lɛ a wɔ, abɛ ku ne lu, ana bla abɛ yaŋ kiyi goŋ mimi lɛ didik. 23Waŋ ndi bane zhaku ne tu muŋ ba ne nǝgu anu adidik.>>
24Ndi abɛ shar Yɔɔna ne kama kɔmɔ, Yesɔ ne bla aneshir lɛ kɛ Yɔɔna: <<Izhin gar tɔ anii ne zizigei? Ŋguŋgu yi fuk agǝga yi? 25Mba me ba, izhin ru gar tɔ anii? Ner waŋ ndi a su kluŋklu didik yi? Ba me ba, a baŋ ndi asu kluŋklu yi te anyaŋ ben abaŋ ndi awɔ men kɛ goŋ mimi akɔ sɔŋ ne akaba ayou itum. 26Tǝ zhin ne ru gar tɔ anii? Ne bla shar yi Arik? Mbla zhin, Yɔɔna a naŋ ne bla shar ye Arik. 27Waŋa a yi waŋ ndi ne cɛr ne tɔ ma te di:
<<<M tei shar gen amuŋ abɛ ku ti min,
Ndi atei na ankɔŋ anyagu.>
28Yesɔ adi Mbla zhin, abaŋ ndi amba ne ŋli ba inuŋ ba naŋ Yɔɔna ba; Amɛ waŋ ndi wa ayi vǝtsɔb ne kɔb Arik anaŋu.>>
29Aneshir bɔbɔk, bene abɛ ta gandu, ndi ne wɔ lǝlɛ yi Yesɔ, ne ta nyɛmɛ te di ankɔŋ ayou Arik aye anenen, Fe asuba ndi Yɔɔna asu aneshire. 30Ne me Ferisawa bene bɛ zhi cɛr yi Musa ngɔŋ ne kyak kiyiŋ di Arik ne naa ba nayi, bai Yɔɔna ne su ba ba.
31<<Fe te ye ni, me tei tsar aneshir ben gɔŋmimi kǝŋe ne anii? Ayi ndi anii? 32Ayi ndi amumun abaŋ ndi a kɔ sɔŋ ne dub te zhɔ kpa men,
<<<Tane vli zhin ayiyaŋ ba zhin ne glu ba,
Tane sɔŋ ku ba izhin ne zhin ba.>
33Yɔɔna ne su aneshir ne nyɛ bane li kili ba, ba nena so ama dɔ kuŋkun inabi ba, fena zhin di, <Ayi ne nerim.> 34Izu neshir ne nyɛ te li te so, fe zhin di, <Tɔ zhin ne li ngɔŋ ben ne so waŋa, ikpa ne bɛ ta gandu bene bɛ na <<zumimin.>>> 35Amɛ mgbemgbebɛ kɛ Arik a tanyɛme ne kiki bɔbɔk ye na amun maa.>>
Wa ne na zu mimin ne kin Yesɔ anye
36Awɔ ne Ferisawa nuŋ ne zhɔ Yesɔ li kili ne kɔ maa, ne gar kɔb kɛ Bafarisi me te sɔŋ li kili bene bɔu. 37Wa nuŋ ne na zumimin ne ntuno ne wɔ Yesɔ a sɔŋ li kili ne kɔbɔ Bafarisi, Fe ne baŋ anyɛ ne ŋu mgbɔ didik te gar kɔbɔ. 38Ne kɔ te kli ne ti kɛ Yesɔ te nugu ne za maa te zhin, iwa ma akin amayi ama ne za yi Yesɔ fe te yis aza Yesɔ ne Fumfuk tu ma te kin aza Yesɔ ne ne ma te na shuru anyɛ ne ŋu mgbɔ didik.
39Ndi Bafarisi ndi ne zhɔu ne yik kiyiŋ ndi wa waŋ ne nayi a di tu maa, <<abɛ di ner waŋ a yi na bla shar yi Arik abɛ zhi waŋ ndi acɔgu ŋɔk tena zhi ayi wa tawa ndi ayi nena zub mimin.>>
40Yesɔ ne ta nyeu ma, <<Isiman, me yi ne ki yi blau.>> Siman
Adi. <<Blam ne tsar,>>
41Yesɔ adi<<Aner yaa nuŋ ne ta ner nuŋ hria. Zhin ne ta azɔb ankplik atuŋ ne yaa maa ne ta azɔb sɔk tuŋ. 42Ayaa yaa mǝne ba yi ne ki ya nɛrɛ ba. Fe inere ne duŋ ba hria maa. Ne me ita wa atei nye ru ngɔŋɔi?>>
43Siman adi, <<Ayi waŋ di ne duŋ hria tetɛk.>>
<<Yesɔ adiu,>> Une bla nenen.
44Fe akama tɔ wa ne zumimin te di Siman, <<Uyik wa waŋa? Ne yir kɔmi. Bau ne nǝm amashir ta ŋla aza muŋ ba. Wa waŋa ne kin aza muŋ ne amayi amaa te yise ne fumfuk tu maa. 45Wa bau ne tek me, te kum ne asa ami ba, ama wa waŋa, kpaŋ ndi mǝne yir bane duŋ maa aza muŋ ne ne amaa ba. 46Bau ne shur me anyɛ ne tu muŋ ba, wa waŋa ne shur me anyɛ ne ŋu mgbɔ didik ne za muŋ. 47Fe, me blau, ne zu gu zhɔk ne zumimin ngɔŋ maa, ne nyɛr ngɔŋ. Fe waŋ ndi ate zu gu watsɔb a nyɛr watsɔb.>>
48Fe Yesɔ adi iwa ma, <<ne zu gu zhɔk ne zub mimin ma.>>
49Acɛn anuŋ ndi ayi ne ankpama adi akpa men, <<Ner waŋa ayi ŋɔɔ wa te zuk aner abɛ na zumimin shur?>>
50Yesɔ adi iwa ma, <<Itanyɛme yi susun mi ne tau zhɔk; kɔmɔ ne sik susun.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
The word for the World International and The word for the World Nigeria