LUK - NUMANA 8
8
Nkan lɛ yi ne tib
1Fe, Yesɔ ben abɛ zeu tsin ne yir ntun ngɔngɔŋ ben ntun mɔtsɔtsɔb, te zin du lɛ kɛ Arik kɛ men, abɛ na ndum ma amɛ awur ne yaa ne yi bene abɔu. 2Amba nuŋ ndi ne Gli ishetan agli ru bama ben lɔ men a Gli ru bama. Ne min mǝne Meryamu ndi azhɔu te Magadaliya, waŋ ndi ne Gli ishetan me taŋgba ruu ne kpa maa. 3Yuwana iwa kuza, ine shar ayou Hiridus, ben Suzana, ben amba tetɛk indi ne hru ba kiki.
4Ndi aneshir zen bin tetɛk, fe aneshir are tuntun te nyɛ ben Yesɔ, abla nkan lɛ iyiŋɛ: 5<<Neshir nuŋ ne lɔn ne gar tib ki. Ayi ne min kɛ yi bǝbǝ ki maa inuŋ ne hrie ne kɔŋ; ne caŋǝ, amuɔŋleŋlɔ ne vui amli. 6Nuŋ ne hrie ne tu mkpaŋ, ndi ne tɔ te kam ku te mimi ba yi ne amkpa ma ba. 7Inuŋ ne hrie ne ncoŋ, ne tɔ, ankyak ncɔŋɔ ne mli adɔmɔ. 8Inuŋ ne hrie ne mimi didik. Te flu te na shur mgbyaŋ, tena ŋli mgbyaŋ tetɛk naŋ yiŋ ndi ne tib bǝ ma.>>
Ndi ne bla me, alɛ te di, Waŋ ndi ayi ne atɔŋ ayi wɔ, abɛ wɔ.>>
9Abɛ tsǝne amaa a rib bu nkanlɛ maa yiŋe ndi anii. 10Fe Yesɔ adi, <<Izhi ki suyir ne kɔb Arik ne nek zhin neyi, Fe bene nuŋ me lɛ nkan lǝlɛ, te di,
<<<Iyik kam, ba tei yik ba;
Iwɔ, atei wɔ amaa ba tei zhi ba.
11<<Waŋa ayi bla ruu ye nkan ilɛmɛ: Bǝbǝ me ayi lɛ kɛ Arik. 12Iyiŋ ndi ne hrie ne akɔnɔsa ayi abaŋ ndi ne wɔ lɛ kɛ Arik, fe ki tuk nyɛ baŋ lɛ me gli tibɛ ne susun mǝne, te bɛ duŋ tanyɛme ndi ne zuk ba shur ba. 13Iyi atu mkpaŋ ayi abaŋ ndi ate wɔ lɛ, akɔ ta kɛ ne nyɛr susun, abaŋa ba yi ne mkpaŋ tiŋ ba, ata nyɛmɛ mɔ bɛr watsɔb, ama mkpaŋ keŋ ndi iyah te vuŋ ba akɔ zhaku. 14Iyiŋ ndi ne hrie ne ncɔŋ ayi abaŋ ndi ne wɔ lɛ, ne shur ayi ne pwǝr, ben men kɛ goŋ mimi ne duŋ ba ne zhaku. 15Fe bǝbǝ yiŋ ndi ne tibɛ ne mimi didik ayi abaŋ ndi ne wɔ ilɛmɛ te vuŋ kɛ Gli gbamgbaŋ ne susun didik, ne vuŋ akpa Gli te na ki didik.
Sak ki laŋ lu ne amkpa ne sɔŋ ama
16<<Inuŋ ba tei sak lu ne ki laŋ te kui ne abubu kɔ abɛ nyak kɛ ne angus akpa ne kur. Neme, a sak kɛ ne ankpa ne sɔŋɔ maa, te duŋ abaŋa ndi ayir abɛ yik laŋ maa. 17Fe ba ki yiŋ ndi ne suyir ndi ba tei Gli arumɔ ba, ka ki yi kuŋkum yiŋ ndi ba tei bu ayi aŋyak ne bɛm ba. 18Ne mee izhin bɛ shur kpa, tena wɔ. Iwaŋ ndi ayi ne ki ana sagu inuŋɔ, iwaŋ ndi ba yi ne ki ba, ivǝ yiŋ ndi ayime ne yi a tei bene bɔu.>>
Iya maa Yesɔ> ben amun zumen
19Iya maa Yesɔ bǝn amun zumen ne nyɛ te aba abɛ yigu, bane yigu ba aneshir ne te du. 20Ineshir nuŋ a blau te di, <<Iya mi ben amun zumin aklɛkli ne bɛm a ŋubu te bɛ yigu. 21A ta nyɛmɛ tedi, <<Abaŋ ndi a wɔ lɛ kɛ Arik te na zǝ kǝ, aye ba ayi yaa muŋ ben amunzumɔr.>>
Yesɔ ne tsaŋ ŋguŋgu lu
22Iber nuŋ yime Yesɔ ne di, abɛ zeu tsin, <<Nyɛ zhin tabǝ glɔ te kɔmɔ ne goŋ nek yuŋ.>> Fe akɔ lu te yir gumɔ te kɔmɔ. 23Ayi ne min kɛ tsin ankyak, ina baŋu. Ŋguŋgu goŋ ne te ne nek ŋgɔŋ, Ngugumɔ zin fa amashir ndi te kam ku, amɛ ayi ne min kɛ ya.
24Abɛ zǝu tsin akɔte suu ne na, tedi, <<Ngɔŋ, ngɔŋ, ta te dɔ ne mashir!>>
Akɔ si, te tsaŋ ŋguŋgu mɔ ben aŋkun amashire; fe ŋguŋgu mɔ kɔ te zee, te zǝkur. 25Fe adi abɛ zǝu tsǝne. <<Inǝk susun mine iyi ne mee?>>
Ne sisik ne vuŋ anu te di akpa men, <<Ai ŋɔwa? Te atsaŋ ŋguŋgu ben amashir, te awɔ lɛ ma te zǝ kɛ.>>
Yesɔ ne na iner ne yi ne shetan
26Fe Yesɔ ben abɛ zǝu tsin ne yir ntun yi Garisinawa iyiŋ ndi yi ŋɔk aklu ben ntun yi Galili. 27Ndi Yesɔ ne ru ne gumɔ, ineshir nuŋ ndi ayi ne ki tuk aru rɛ ntuno. Ne baŋ mkpaŋ, bane su ki ba ne sɔŋ ne kɔb ba, akur ne abɛ. 28Ndi ne yik Yesɔ, fe aŋur ruru te zhaku ne za maa, alǝk kɔr tedi, <<Yesɔ, uwɔb anii bene abɛm, Izu Arik Ŋgɔŋ? Me benu, duŋ sak me ya ba!>> 29Fe Yesɔ ne tsaŋ ki tuk aru ne kpa kɛ neshire. Amkpaŋ tetɛk ina ŋuru tyak zhɔk ne mimi, ana ku aŋyak, ana kluk aririk zɔb ndi ne kpa aŋɔk amaa shetan na yaru kɔmɔ ne zizik.
30Yesɔ aribu, <<Azho sak mi te ŋɔ?>>
<<Tetɛk,>> Ne diu, iki tuk yiŋ ndi yi ne kpa maa iyi tetɛk. 31Fe iki tuk Iben Yesɔ tedi, duŋ ta hrie ne amkpa ne naŋ dɔ ba. 32Ne ankpa waŋa a yɔk ne gluk abɛ kɔb ne tiŋ gbu. Ki tuk aben Yesɔ tedi abɛ ta nyɛ bama te duŋ ba yir min mǝne, ne ta nyɛ bama. 33Fe ki tuk akɔ ru ne kpa kɛ neshire te duŋ neshire, te yir min ane gluk abɛ kɔbɔ, fe akɔ zǝǝ akɔmɔ ne nkam amashire te dɔ.
34Abɛ yɔk ne gluk abɛ kɔbɔ ayik amɛ, aklu te kɔ te abla lɛ me ne min ntun ben abɛ kɔno sa, 35Fe aneshire akɔ ru te yik kiyiŋ ndi ne na. Ndi ne nyɛ ben Yesɔ akɔte yik neshir waŋ ndi ki tuk ne ruu ne kpa maa, te akɔ sɔŋ ne aza yi Yesɔ> ne suu ki itu ma iyi anenen; fe sisik te ba. 36A baŋ ndi kime ne na ne ayi amen akɔ bla aneshir ndi ne yi ne ki tuk ne rɛ. 37Ankyak aneshir abɛ ntun bɔbɔk abɛ Garisinawa aben Yesɔ te bɛ duŋ ba, te sisik ne vuŋ ba ŋgɔŋ. Fe Yesɔ akɔ yir gu te kɔmɔ. 38Iner waŋ ndi ki tuk ne ru ne kpa maa, abenu tedi abɛ duŋ wa zeu, fe Yesɔ ne duŋɔ kɔmɔ, adi, 39<<kɔmɔ ne kɔb, te bla aneshir iki goŋgɔŋ yiŋ ndi Arik ne nau ane yi.>> Ankyak neshire a kɔ kɔmɔ ne tuntun te zen bla ki ngɔngɔŋ yiŋ di Yesɔ ne naa wa ne yi.
Yesɔ ne lɛk va Yarus ndi ne ku ben iwa ne zi azhizhi
40Fe ndi Yesɔ ne ŋur kam, ntsan aneshir ne tau. Ne men azǝn ŋub nyɛ ma. 41Fe ineshir nuŋ a zhɔu te Yarus ŋgɔŋ ne akaba, ne nyɛ zhaku ne ti kɛ Yesɔ, te benu abɛ gar kɔmaa. 42Ayi ne vǝvǝn wa zhin ankyak, ne ase wur aneya, ne dǝk watsɔb te bɛ ku. Ndi Yesɔ ayi ne min kɛ tsǝn, aneshir tetɛk a mɔu, 43Fe, iwanuŋ waŋ ndi azǝ a zhizhi a se wur ane yaa, waŋ ndi ne ŋun azɔb ama bɔbɔk ne kpa ne ta kǝka, ba ne re ba. 44Ne kama zǝ gɔŋ kɛ Yesɔ te sak ŋɔk ma ne klu ma, ne amkpama izi azhizhi me ku gbur kli. 45Fe Yesɔ adi, <<Ai ŋɔwa a sak me ŋɔk?>> Ndi aneshir aturu, Biturus ben abaŋ ndi ayi bene bau adi, <<Ŋgon, a aneshir ne te du te zin turu tena mɔu.>>
46Ama Yesɔ a di; <<Ne sak me ŋɔk, me wɔ mgbyamgbyaŋ muŋ ne ru ne kpa muŋ.>>
47Ndi iwa ma ne yik ba tei ya su yir ba, fe a tib nyɛ te zin iri kpa, a ja ku ne ti ma, te bla ne ti kɛ aneshir ki yiŋ ndi ne duŋ wa ne sagu ŋɔk, bǝn yir kɛŋ ndi wa ne re ne kpama. 48Fe a diu te di; <<Va muŋ, inǝk susun mi ne duŋu re lu kɔmɔ keke.>>
49Ayi ne min kɛ lɛ fe neshir nuŋ are kɔb kɛ ŋgɔŋ ne akaba, te di; <<Ai Va mi ne ku, duŋ na sak ine tsar ya ba.>>
50Ndi Yesɔ ne wɔ me, adi ŋgɔŋ ne akaba, <<Duŋ te sǝsǝk ba; ubɛ nek susun mi ankyak, Va mi atei re.>>
51Ndi ne yir kɔb kɛ Jarus ba ne ta nyɛmɛ te nuŋ abɛ zu ayir kime ba, anaga yi Biturus ben Yɔɔna, ben Yakubu, ben tetɛɛ maa Vǝvǝn iwa ma ben iya maa kyak. 52Azǝn zhin tɛ tǝ ruru ne atu ayi Vǝvǝnwa ma, akyak Yesɔ adi. <<Kuu zhin anu,>> <<bane ku ba, a kukurna.>> 53Fe amlagu te ne zhi ne kaku. 54Ankyak avuŋ ŋɔk kɛ Vǝvǝn iwa ma, te lɛk kɔr tedi, <<Vǝvǝnwa lu>>
55Ivli maa ŋur kam nyak, ne kpa maa a lu sɔŋ. Fe adi abɛ nugu kili 56Aner amaa akɔ sak ŋɔk nenu, fe Yesɔ akɔ gbaŋ ba atɔŋ te di kǝr abɛ duŋ bla nuŋ ki yiŋ ndi ne nai ba.
Currently Selected:
LUK - NUMANA 8: NAA
Highlight
Share
Copy
Want to have your highlights saved across all your devices? Sign up or sign in
The word for the World International and The word for the World Nigeria
LUK - NUMANA 8
8
Nkan lɛ yi ne tib
1Fe, Yesɔ ben abɛ zeu tsin ne yir ntun ngɔngɔŋ ben ntun mɔtsɔtsɔb, te zin du lɛ kɛ Arik kɛ men, abɛ na ndum ma amɛ awur ne yaa ne yi bene abɔu. 2Amba nuŋ ndi ne Gli ishetan agli ru bama ben lɔ men a Gli ru bama. Ne min mǝne Meryamu ndi azhɔu te Magadaliya, waŋ ndi ne Gli ishetan me taŋgba ruu ne kpa maa. 3Yuwana iwa kuza, ine shar ayou Hiridus, ben Suzana, ben amba tetɛk indi ne hru ba kiki.
4Ndi aneshir zen bin tetɛk, fe aneshir are tuntun te nyɛ ben Yesɔ, abla nkan lɛ iyiŋɛ: 5<<Neshir nuŋ ne lɔn ne gar tib ki. Ayi ne min kɛ yi bǝbǝ ki maa inuŋ ne hrie ne kɔŋ; ne caŋǝ, amuɔŋleŋlɔ ne vui amli. 6Nuŋ ne hrie ne tu mkpaŋ, ndi ne tɔ te kam ku te mimi ba yi ne amkpa ma ba. 7Inuŋ ne hrie ne ncoŋ, ne tɔ, ankyak ncɔŋɔ ne mli adɔmɔ. 8Inuŋ ne hrie ne mimi didik. Te flu te na shur mgbyaŋ, tena ŋli mgbyaŋ tetɛk naŋ yiŋ ndi ne tib bǝ ma.>>
Ndi ne bla me, alɛ te di, Waŋ ndi ayi ne atɔŋ ayi wɔ, abɛ wɔ.>>
9Abɛ tsǝne amaa a rib bu nkanlɛ maa yiŋe ndi anii. 10Fe Yesɔ adi, <<Izhi ki suyir ne kɔb Arik ne nek zhin neyi, Fe bene nuŋ me lɛ nkan lǝlɛ, te di,
<<<Iyik kam, ba tei yik ba;
Iwɔ, atei wɔ amaa ba tei zhi ba.
11<<Waŋa ayi bla ruu ye nkan ilɛmɛ: Bǝbǝ me ayi lɛ kɛ Arik. 12Iyiŋ ndi ne hrie ne akɔnɔsa ayi abaŋ ndi ne wɔ lɛ kɛ Arik, fe ki tuk nyɛ baŋ lɛ me gli tibɛ ne susun mǝne, te bɛ duŋ tanyɛme ndi ne zuk ba shur ba. 13Iyi atu mkpaŋ ayi abaŋ ndi ate wɔ lɛ, akɔ ta kɛ ne nyɛr susun, abaŋa ba yi ne mkpaŋ tiŋ ba, ata nyɛmɛ mɔ bɛr watsɔb, ama mkpaŋ keŋ ndi iyah te vuŋ ba akɔ zhaku. 14Iyiŋ ndi ne hrie ne ncɔŋ ayi abaŋ ndi ne wɔ lɛ, ne shur ayi ne pwǝr, ben men kɛ goŋ mimi ne duŋ ba ne zhaku. 15Fe bǝbǝ yiŋ ndi ne tibɛ ne mimi didik ayi abaŋ ndi ne wɔ ilɛmɛ te vuŋ kɛ Gli gbamgbaŋ ne susun didik, ne vuŋ akpa Gli te na ki didik.
Sak ki laŋ lu ne amkpa ne sɔŋ ama
16<<Inuŋ ba tei sak lu ne ki laŋ te kui ne abubu kɔ abɛ nyak kɛ ne angus akpa ne kur. Neme, a sak kɛ ne ankpa ne sɔŋɔ maa, te duŋ abaŋa ndi ayir abɛ yik laŋ maa. 17Fe ba ki yiŋ ndi ne suyir ndi ba tei Gli arumɔ ba, ka ki yi kuŋkum yiŋ ndi ba tei bu ayi aŋyak ne bɛm ba. 18Ne mee izhin bɛ shur kpa, tena wɔ. Iwaŋ ndi ayi ne ki ana sagu inuŋɔ, iwaŋ ndi ba yi ne ki ba, ivǝ yiŋ ndi ayime ne yi a tei bene bɔu.>>
Iya maa Yesɔ> ben amun zumen
19Iya maa Yesɔ bǝn amun zumen ne nyɛ te aba abɛ yigu, bane yigu ba aneshir ne te du. 20Ineshir nuŋ a blau te di, <<Iya mi ben amun zumin aklɛkli ne bɛm a ŋubu te bɛ yigu. 21A ta nyɛmɛ tedi, <<Abaŋ ndi a wɔ lɛ kɛ Arik te na zǝ kǝ, aye ba ayi yaa muŋ ben amunzumɔr.>>
Yesɔ ne tsaŋ ŋguŋgu lu
22Iber nuŋ yime Yesɔ ne di, abɛ zeu tsin, <<Nyɛ zhin tabǝ glɔ te kɔmɔ ne goŋ nek yuŋ.>> Fe akɔ lu te yir gumɔ te kɔmɔ. 23Ayi ne min kɛ tsin ankyak, ina baŋu. Ŋguŋgu goŋ ne te ne nek ŋgɔŋ, Ngugumɔ zin fa amashir ndi te kam ku, amɛ ayi ne min kɛ ya.
24Abɛ zǝu tsin akɔte suu ne na, tedi, <<Ngɔŋ, ngɔŋ, ta te dɔ ne mashir!>>
Akɔ si, te tsaŋ ŋguŋgu mɔ ben aŋkun amashire; fe ŋguŋgu mɔ kɔ te zee, te zǝkur. 25Fe adi abɛ zǝu tsǝne. <<Inǝk susun mine iyi ne mee?>>
Ne sisik ne vuŋ anu te di akpa men, <<Ai ŋɔwa? Te atsaŋ ŋguŋgu ben amashir, te awɔ lɛ ma te zǝ kɛ.>>
Yesɔ ne na iner ne yi ne shetan
26Fe Yesɔ ben abɛ zǝu tsin ne yir ntun yi Garisinawa iyiŋ ndi yi ŋɔk aklu ben ntun yi Galili. 27Ndi Yesɔ ne ru ne gumɔ, ineshir nuŋ ndi ayi ne ki tuk aru rɛ ntuno. Ne baŋ mkpaŋ, bane su ki ba ne sɔŋ ne kɔb ba, akur ne abɛ. 28Ndi ne yik Yesɔ, fe aŋur ruru te zhaku ne za maa, alǝk kɔr tedi, <<Yesɔ, uwɔb anii bene abɛm, Izu Arik Ŋgɔŋ? Me benu, duŋ sak me ya ba!>> 29Fe Yesɔ ne tsaŋ ki tuk aru ne kpa kɛ neshire. Amkpaŋ tetɛk ina ŋuru tyak zhɔk ne mimi, ana ku aŋyak, ana kluk aririk zɔb ndi ne kpa aŋɔk amaa shetan na yaru kɔmɔ ne zizik.
30Yesɔ aribu, <<Azho sak mi te ŋɔ?>>
<<Tetɛk,>> Ne diu, iki tuk yiŋ ndi yi ne kpa maa iyi tetɛk. 31Fe iki tuk Iben Yesɔ tedi, duŋ ta hrie ne amkpa ne naŋ dɔ ba. 32Ne ankpa waŋa a yɔk ne gluk abɛ kɔb ne tiŋ gbu. Ki tuk aben Yesɔ tedi abɛ ta nyɛ bama te duŋ ba yir min mǝne, ne ta nyɛ bama. 33Fe ki tuk akɔ ru ne kpa kɛ neshire te duŋ neshire, te yir min ane gluk abɛ kɔbɔ, fe akɔ zǝǝ akɔmɔ ne nkam amashire te dɔ.
34Abɛ yɔk ne gluk abɛ kɔbɔ ayik amɛ, aklu te kɔ te abla lɛ me ne min ntun ben abɛ kɔno sa, 35Fe aneshire akɔ ru te yik kiyiŋ ndi ne na. Ndi ne nyɛ ben Yesɔ akɔte yik neshir waŋ ndi ki tuk ne ruu ne kpa maa, te akɔ sɔŋ ne aza yi Yesɔ> ne suu ki itu ma iyi anenen; fe sisik te ba. 36A baŋ ndi kime ne na ne ayi amen akɔ bla aneshir ndi ne yi ne ki tuk ne rɛ. 37Ankyak aneshir abɛ ntun bɔbɔk abɛ Garisinawa aben Yesɔ te bɛ duŋ ba, te sisik ne vuŋ ba ŋgɔŋ. Fe Yesɔ akɔ yir gu te kɔmɔ. 38Iner waŋ ndi ki tuk ne ru ne kpa maa, abenu tedi abɛ duŋ wa zeu, fe Yesɔ ne duŋɔ kɔmɔ, adi, 39<<kɔmɔ ne kɔb, te bla aneshir iki goŋgɔŋ yiŋ ndi Arik ne nau ane yi.>> Ankyak neshire a kɔ kɔmɔ ne tuntun te zen bla ki ngɔngɔŋ yiŋ di Yesɔ ne naa wa ne yi.
Yesɔ ne lɛk va Yarus ndi ne ku ben iwa ne zi azhizhi
40Fe ndi Yesɔ ne ŋur kam, ntsan aneshir ne tau. Ne men azǝn ŋub nyɛ ma. 41Fe ineshir nuŋ a zhɔu te Yarus ŋgɔŋ ne akaba, ne nyɛ zhaku ne ti kɛ Yesɔ, te benu abɛ gar kɔmaa. 42Ayi ne vǝvǝn wa zhin ankyak, ne ase wur aneya, ne dǝk watsɔb te bɛ ku. Ndi Yesɔ ayi ne min kɛ tsǝn, aneshir tetɛk a mɔu, 43Fe, iwanuŋ waŋ ndi azǝ a zhizhi a se wur ane yaa, waŋ ndi ne ŋun azɔb ama bɔbɔk ne kpa ne ta kǝka, ba ne re ba. 44Ne kama zǝ gɔŋ kɛ Yesɔ te sak ŋɔk ma ne klu ma, ne amkpama izi azhizhi me ku gbur kli. 45Fe Yesɔ adi, <<Ai ŋɔwa a sak me ŋɔk?>> Ndi aneshir aturu, Biturus ben abaŋ ndi ayi bene bau adi, <<Ŋgon, a aneshir ne te du te zin turu tena mɔu.>>
46Ama Yesɔ a di; <<Ne sak me ŋɔk, me wɔ mgbyamgbyaŋ muŋ ne ru ne kpa muŋ.>>
47Ndi iwa ma ne yik ba tei ya su yir ba, fe a tib nyɛ te zin iri kpa, a ja ku ne ti ma, te bla ne ti kɛ aneshir ki yiŋ ndi ne duŋ wa ne sagu ŋɔk, bǝn yir kɛŋ ndi wa ne re ne kpama. 48Fe a diu te di; <<Va muŋ, inǝk susun mi ne duŋu re lu kɔmɔ keke.>>
49Ayi ne min kɛ lɛ fe neshir nuŋ are kɔb kɛ ŋgɔŋ ne akaba, te di; <<Ai Va mi ne ku, duŋ na sak ine tsar ya ba.>>
50Ndi Yesɔ ne wɔ me, adi ŋgɔŋ ne akaba, <<Duŋ te sǝsǝk ba; ubɛ nek susun mi ankyak, Va mi atei re.>>
51Ndi ne yir kɔb kɛ Jarus ba ne ta nyɛmɛ te nuŋ abɛ zu ayir kime ba, anaga yi Biturus ben Yɔɔna, ben Yakubu, ben tetɛɛ maa Vǝvǝn iwa ma ben iya maa kyak. 52Azǝn zhin tɛ tǝ ruru ne atu ayi Vǝvǝnwa ma, akyak Yesɔ adi. <<Kuu zhin anu,>> <<bane ku ba, a kukurna.>> 53Fe amlagu te ne zhi ne kaku. 54Ankyak avuŋ ŋɔk kɛ Vǝvǝn iwa ma, te lɛk kɔr tedi, <<Vǝvǝnwa lu>>
55Ivli maa ŋur kam nyak, ne kpa maa a lu sɔŋ. Fe adi abɛ nugu kili 56Aner amaa akɔ sak ŋɔk nenu, fe Yesɔ akɔ gbaŋ ba atɔŋ te di kǝr abɛ duŋ bla nuŋ ki yiŋ ndi ne nai ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The word for the World International and The word for the World Nigeria