ACT - NUMANA 8
8
1Ankyak Shaulu ne yi ne amkpama, te tanyɛme abɛ ŋun Istifanus.
Shaulu ne sak abɛ zi Arik ya goŋ
Ne bǝn iyah goŋ ne yir min abɛ zǝ Yesɔ ne Urushelima, ne klu aŋar te kɔmɔ ne Yahudiya ben Samariya, anaga abɛ zǝ Yesɔ tsin ankyak. 2Fe aneshir abɛ te sisik Arik aba ne ru Istifanus, ne zhinu ngɔŋ. 3Ama Shaulu ne zǝn sak abɛ zǝ Arik iya ngɔŋ, a yir akɔ kɔb, te gbur amba bǝn alulum, te vu ba shur nǝ jaru.
Filibus ne bla lɛ kɛ Arik ne Samariya
4Abaŋ ndi na se ba var ne zin zǝ tuntun te du ilɛ kɛ Arik kɔte me. 5Filibus ne yir miŋ tuŋ yi Samariya te zin bla lɛ kɛ Arik kɛ men. 6Ndi ntsan aneshir ne wɔ, te yik kiki vuŋ anu ndi Filibus a zin nai, ne susun zhiin ne shur kpa te wɔ ki yi bla maa. 7Abaŋ ndi anerim ne yir ba ne ru te duŋ ba, anerim ne zin ŋur ruru, a bɛ ku kpa gar zhiin ben abɛ kpuk tetɛk ne duŋ ba are. 8Aneshir ne zin nyer ne min ntuno goŋ.
Saminu ne na kǝka
9Neshir nuŋ ndi azhɔu te Saminu waŋ ndi atɔ ne min tuŋ tena nek aneshir abɛ Samariya kǝka. Aŋur asa te di wa ayi kinuŋ, 10Aneshir ashur kpa te nǝgu asusun men angɔŋgɔŋ ben amɔtsɔtsɔb a di, <<Iner waŋa mgbyamgbyaŋ ma kǝŋe iyi kɛ Arik waŋ ndi zhɔu te tetɛɛ ngɔŋ.>> 11Ne zeu tǝ nɛ yik kiki yi zin nama, ndi a nek ba ki vuŋ anu ne tu maa. 12Ndi ne tanyɛme ne lɛ kɛ men ndi Filibus ne bla kɛ ne tu kɛ kɔbɔ Arik ben sak kɛ Yesɔ Kristi ndi ne su ba ne amashir amba ben alulum. 13Tǝ vuŋ Siman ne tu maa ne tanyɛme ne suu ne sak kɛ Arik. Ankyak azǝ te gar kɔte me, ne yik ir keŋ ndi ne na kiki yi vuŋ anu.
14Ndi abɛ zǝ Yesɔ ndi ayi ne Urushelima ne wɔ Samariyawa ne ta lɛ kɛ Arik nyɛmɛ, akɔ shar ane Biturus ben Yɔɔna ben a bɛba. 15Ndi ne kɔ te yir akɔ ben Arik te abɛ ta Izhu yi tsetser, 16ndi Izhu tsetser bane zen nyɛ ben abɛba ba, ne su ba ne amashir ne isak Ngɔŋ Yesɔ. 17Fe ane Biturus ben Yɔɔna akɔ sak ba ŋɔk, akɔ ta izhu yi tsetser.
18Ankyak, Saminu akɔ yik asak ba ŋɔk Izhu yi tsetser hrie ba, te anab azɔb nǝk ba 19te di, <<Ngama muŋ yi neme zhin mgbyamgbyaŋ kǝŋe, tem te sak kɔte ŋɔwa ŋɔk, bena ta Izhu tsetser.>>
20Ama Biturus ne diu: <<Izhin bɛ naŋ dɔ iwa ben azɔb me, uyik te di alɛb izhi yi nek Arik yiŋɛ ne zɔb! 21Ndɔmi ba yi ne ki yiŋɛ ba, susun mi ba yi anenen ben Arik ba. 22Ne me bǝ su aŋɔk nerɛ te duŋ ki mimin yi na mi, te ben Arik te abɛ baŋ ki mimin yiŋ ndi une nyagǝ ne susun mi. 23Te myik susun mi ne cɔkla, ina kpa zumimin.>>
24Fe Saminu a tanyɛme tedi, <<Izhin bǝ ben me Arik, te kǝr iki zhiin ne ki yiŋ ndi izhin ne blai bǝ duŋ vuŋ me ba.>>
25Ndi ane Biturus ben Yɔɔna ne zhi a yi lɛ Arik, ne bla kɛ te kama kɔmɔ ne Urshelima, te zen bla lɛ kɛ men ne ntuntun yi Samariya tetɛk.
Filibus awɔnǝ Habasha
26Fena ne shar ayou Arik ne di Filibus, <<Lu te kam zǝ ŋɔk li mi, te zǝ ankɔŋ ndi are Urshelima te kɔmɔ ne Gaza.>> Ayi ankɔŋ ane ablubluk. 27Fe alu te kɔmɔ. A yik awɔnǝ Habasha, ayi tetɛɛ, ngɔŋ ne shir ne ntun yi Samariya. Habasha, ayi wa ayi ne nyak azɔbɔ, ne nyɛ ben Arik ne Urshelima, 28Atsǝne kɔmɔ ne kɔb ne ŋa maa, te zen bla lɛ kɛ Arik ne cɛr yi Ishaya. 29Fe Izhu tsetser idi Filibus, <<Tib nyak ben ŋa waŋa.>>
30Fe Filibus aklu kɔmɔ bene bɔu, awɔu azǝn bla mplɛ cɛr kɛ Ishaya. Aribu, <<U zhi ki yiŋ ndi uzǝn bla mai?>>
31Fe adi, <<Ne me? Se nuŋ ne blam>> fe a ben Filibus abɛ ayuŋ sɔŋ ben abɔu.
32Waŋa a yi amkpa waŋ ndi a zen bla ma:
<<Ne gburu ndi wanta te kɔmɔ ne amkpa ne yak,
Ir keŋ ndi vǝn nklu iku anu,
Ne ŋɔk kɛ ner ne yagu ne ku anu maa bene bɔu.
33Nǝ zitu zhɔk maa ne kyak lɛ ma.
Nŋɔwa a tei bla lɛ maa ne gɔŋmimi?
Ne ka baŋ vli maa ne gɔŋmimi.>>
34Fe ngɔŋ waŋ ndi ne yaru ne lɛ arib Filibus, te di, <<Me rib bu, ine bla shar ayou Arik waŋa, alɛ lɛ kɛ ŋɔwai? Itu maa kɔ ikɛ nuŋ ini?>> 35Fe Filibus abu anu te baŋa rɛ ne mplɛ cɛr kǝŋe te bla lɛ kɛ men kɛ Yesɔ.
36Ayi ne min kɛ tsin, ayik nkam amashir, ankyak ngɔŋɔ adi, <<Tɔ amashir awaŋ. Aye nii duŋ bau tei sum ne sak kɛ Arik kai?>> 37Filibus a di, <<Utǝ tanyɛme ne susun mi zhiin atei suu>> Ngɔŋ a tanyɛme tedi, <<Mne tanyɛme te di Yesɔ Kristi ayi Izu Arik>> 38Fe adi abɛ duŋ nŋa ma agbur akli, fe yaya mǝne a kɔ yir min amashir, fe Filibus akɔ su ngɔŋɔ ne sak Arik. 39Ndi ne ru ne min amashire Izhu yi Arik ifuk Filibus baŋ tsibɛ, ngɔŋɔ bane na yigu ba, fe a tsin te bene nyɛr. 40Ndi Filibus ne yir Azotus, fe ne zǝ ntuntun te zin bla ba lɛ kɛ men, te yir Kaseriya.
Currently Selected:
ACT - NUMANA 8: NAA
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria