ACT - NUMANA 5
5
Ananiya ben safaratu
1Fe ineshir nuŋ ndi azhɔu te Ananiya, ben iwama Safaratu, ne baŋ ahwaŋ amen alɛb. 2Nǝ zhi iyi iwa ma, ne su nki azɔbɔ ayir te gli nkime anyɛ nyak ne ti kɛ abɛ na ndum Arik.
3Fe Biturus adi Ananiya, <<Uwa Ananiya aye nii te uduŋ shetan ne yir susun mi, te duŋ une timu ne ayi Izhu Tsetser, tena su nki azɔb ayiŋ ndi une lɛb ahwaŋa iyir i? 4Ndi une baŋ ahwaŋa lɛb, ba yi ami kai? une lɛb ahwaŋa, azɔbɔ ba ayi ami kai? Ayi anii ne duŋu gli ir susun kǝŋe. Ai, bau nǝ tii ineshir wa imu yiŋɛ ba, ayi Arik wa.>>
5Ndi ne wɔ ilɛmɛ Ananiya akɔ zhaku te ku, abaŋ ndi ne yime, sisik ngɔŋ ku vuŋ ba. 6Amɛ anzak alu te baŋu, te nye ne nǝ nŋa nklu, te baŋu akɔte ruu
7Nǝ baŋ mwɔ mkpaŋ iwa maa ne yir, bane zhi te ikinuŋ nena ba. 8Fe Biturus a rib bu, <<Blam zub waŋa ayi azɔb ayiŋ ndi izhin ne lɛb ahwaŋa yi?>>
Fe adi, <<Iye amɛ waŋa ayi azɔbɔ.>>
9Fe Biturus adi, <<Izhin ne kpa anu ben ilu mi te zhin bǝ tsar Izhu Tsetser ye Arik? Wɔ akum tsin aye abaŋ ndi are amkpa ane ru ilu mi anyɛ, a tei na baŋu ate ru.>>
10Ne amkpama, azhaku ne ti kɛ Biturus, te ku, ndi amunanzak nga ne yir, ayugu akɔ kur ikum, a baŋu te ru te kɔte ruu ben lu maa. 11Fe sisik ngɔŋ ku vuŋ abɛ zǝ Arik, ben abaŋ ndi wɔ lɛ kɛ kiyiŋ ndi nena.
Nena kiki yi vuŋ anu
12Ne na kiki yi vuŋ anu tetɛk nemin aneshir ne aŋɔk ayi amumun abɛ na ndum Arik, bɔbɔk mǝnɛ nǝ susun zhiin ne biŋ ne akpla akǝ Solɔmɔn. 13Fena ne miŋ aneshire inuŋ bane vuŋ susun te yir min mǝne ba, neme aneshir azǝn gbar ba. 14Abɛ nek atu amen azǝn tǝ du ne ta Arik naŋ yi kukub ɔ, aneshir tetɛk amba bǝn alulum. 15Nǝ vuŋ ndi avu aner abǝ lɔ anyɛ shur ne ankɔŋ, anuŋ ne atakpa ben agurhwa, atei ndi Biturus agayir, izhu maa be zǝ atu anuŋ. 16Aneshir ne zen rɛ ntuntun iyiŋ ndi ne kam Urshelima zǝk azǝn biŋ, te zen Gli abǝ lɔ ben abaŋ ndi shetan ne yir ba te zǝn sak ba iyah, bɔbɔk mǝne nɛrɛ.
Ne sak abɛ na ndum Arik iyah
17Ngɔŋ nena ndum Arik ben abɛ zeu, aner abɛ Sadukiya aba azǝn te zor. 18Ne vu abɛ na ndum kɛ Arik ate shur ne jaru. 19Ankyak ne bu ine shar ayou Arik ne nyɛ te bu kuŋkɔŋ yi jaru m ɔ te duŋ ba ru tedi. 20<<kɔmɔ zhin ne akaba, te kɔte du aneshir ilɛ kǝ vli.>>
21Ndi ne wɔ me, akɔ yir min akaba amblimblɛ te zen tsar aneshir.
Ndi ngɔŋ nena ndum kɛ Arik, ben abaŋ ndi ayi ben abɔu ne zhɔ abɛ te ambuk, ben angɔŋgɔŋ abɛ Isrela, te shar nǝ jaru abɛ kɔte Gli ba te nyɛ. 22Ama abɛ blɛ jaru m ɔ ne kɔmɔ, bane yik ba nemiŋ jaru ba, ne kama nyak te nyɛ bla ba te di, 23<<Tani yik ijaru aklekli ku mgbamgbaŋ, abɛ blɛ azǝn blɛ anɔkɔŋɔ, fena tane bu jaru m ɔ, ba tane yik inuŋ ne miŋǝ ba.>> 24Ndi goŋgɔŋ abɛ akaba ben abǝ na ndum Arik goŋgɔŋ ne wɔ me, kpa men ne sik, bane zhi ka nii te na ba.
25Akyak inuŋ anyɛ diba tedi, <<Tɔ zhin aneshir abaŋ ndi zhin ne shur ba ne jaru yuŋ a klikli ne min akabaŋkɔŋ, te zin tsar aneshir.>> 26Fe angɔŋgɔŋ abɛ blɛ akabaŋkɔŋ ŋɔ akɔ te Gli abɛ na ndum kɛ Arik te ŋyɛ, amaa bane mgbyamgbyaŋ ba, ne te sisik te aneshir atei lu tyak ba ne mkpaŋ ba.
27Ndi ne gli ba te ŋyɛ, ne ŋyak ba nǝ ti kɛ abɛ te ambuk, fe ne na ndum Arik ngɔŋ arib ba. 28Te di, <<Tani tsaŋ zhin tedi izhin bɛ duŋ na tsar ne sak kǝŋe ba, amaa zhin ne zi Urshelima bɔbɔk te tsar lɛ me te na wɔb te zhin bǝ yar ta ne tii kɛ iner waŋa.>>
29Ama anǝ Biturus bǝn nki abǝ na ndum maa ne tanyɛmɛ te di: <<Nǝ rɛ tǝ ta bǝ zǝ lɛ kǝ Arik naŋ kɛ neshir! 30Arik ayu atsǝntsǝm amɔr ne lɛk Yesɔ, waŋ ndi zhin ne kpaŋu ne kpuk tu kuŋkun. 31Ayi wa Arik ne ŋya gu ne ŋɔk li maa, ngɔŋ ben ne ta shur, te bɛ bu Isrela ankɔŋ ne su ŋɔk ne rɛ, te bɛ zuk ba shur ne lalɛ men. 32Taba ta ne yik kiki yiŋɛ ne ayi mɔr, izhu yi Arik yi tsetser ndi Arik ne nek abɛ na zi lɛ ma.>>
33Ndi ne wɔme angɔŋgɔŋ anuŋ abɛ te ambuk, ne te mfu ngɔŋ, te wɔb te aba bɛ ŋlɔk ba. 34Ama awɔnǝ Ferisawa nuŋ, azhɔu te Gamaliya, ne zhi cɛr yi Musa, waŋ ndi aneshir a gbaru, a lu kli ne min abɛ te ambuk, tedi abɛ Gli aneshir baŋa agli ru abɛm baliŋ. 35Ankyak adi angɔŋgɔŋ abɛ te ambuk go tedi, <<Izhineba amunzumɔr abɛ Isrela, kiyiŋ ndi izhin wɔb te zhin bɛ na aneshir abaŋa. 36Ase yi gayir ineshir nuŋ ne ru, ne zhɔu te Judas, ne baŋ tu maa ndi yi kinuŋ, aneshir azhin nas ne zeu, ne ŋunu, abɛ zu maa ne se ba var, ne na cɔkla. 37Ne goŋ ma, ne mkpaŋ kɛ bla aneshir, ne zhɔ nuŋ te Yahuza awɔme Galili ne ru, te shɔk anuŋ te di abɛ sub ntu, ne zeu, iwa maayi ne ŋunu. Abɛ zeu ma ne se ba avar. 38Neme, azizaŋ, me bla zhin, izhin bɛ te shen ben aner abaŋa, te duŋ ba, a teyi ndi ki na men yiŋɛ ben ndum mǝne iyi kɛ aneshir itei zir. 39Ama atei ndi yi kɛ Arik, ba zhin te ya zir kɛ ba, atei duŋ ayik zhin yi abɛ te zor ben Arik ba.>>
40Ankyak akɔ zǝ lɛ kɛ Gamaliya, te kɔ zhɔ abɛ na ndum kɛ Arik, te tsaŋ ba, te di, abɛ duŋ na lɛ te zhɔ isak kɛ Yesɔ, fe te zhɔk ba.
41Ankyak, ndi ne lu ne akpa ne te ambuk go, a nyer te yik aba ne mla abɛ sak ba ya ne tu ye sak kɛ Yesɔ. 42kɔte bɛr tayi, ne min akabaŋkɔŋ te vuŋ kɔb, ba ne duŋ tsar lɛ kɛ men ba, tedi Yesɔ wa ayi Almasihu ba.
Currently Selected:
ACT - NUMANA 5: NAA
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria