Ichedendik 9
9
Ibinọkpaabyi ochekẹ ọnang Noa
1Nya o, Ibinọkpaabyi osi Noa ọttara iva pẹ ittabọhng, oben bẹ bẹ́, “Tte ojibh ọnang bọnga. Tte iva pabọnga masaabh, mabir anyaamẹ m'iyagbin. 2Tọma ma china ororo, nten maphyir s'ining m'iyagbin, ọmaana ọnọhn maphyir, ọmaana ekpo maphyir py'ening ny'ogbin, ọttara nten maphyir s'ining z'ọraanga, ekpo mbyo maphyir, m'eyena ojora kwiden k'abọnga k'ifor. Kk'bọnga ẹfa nnanga ch'mm'atima abaabha bẹ. 3Ọttọhk kpenamkpen f'oning akpen, obir oninga m'iyagbin, m'ode ọchattọhk ọnang bọnga. K'ose kw'uwa nchi eden nnang bọnga eborakpo, minna kw'nnang bọnga ekpo maphyir bẹ́, machi.
4“Okenaka, ọttọhk f'bọnga nna màchi, ode eten ch'etim eyen izẹ, okurọ bẹ́, izẹ jọ ide akpen. 5Ó̱de ọnọng ọfhọ ọnọng, kaam m'nnor izẹ sẹ z'mbọhk s'ọnọng kw'ọfhẹ-ẹ. Zaabẹ́ eten dọ ẹfhọ oyokinọng, obir ode bẹ́, oyokinọng wọ ọfhọ oyok-oyok, kaam m'nnor izẹ sẹ mbọbh ọnọng kw'ọfhẹ-ẹ.
6Ọnọng kpenamkpen kw'ọfhọ oyokinọng,
oyokinọng m'obir ọfhọ kẹ ọdọk,
okurọ bẹ́, Ibinọkpaabyi osi
oyokinọng okerẹ kẹ.
7“Ṉ́nòde bọnga, màsi ọmaan k'ọsaabh, mànyaamẹ k'ibyi kpenamkpen m'iyagbin.”
8Nya o, Ibinọkpaabyi oben Noa ọmaana ajinọngva pẹ p'aning amaan-ẹ bẹ́, 9“Nchekẹ nnang bọnga, ọttara iva p'iva pabọnga. 10Mbir nchekẹ nnang ọttọhk kpenamkpen f'oning akpen f'iwa oning ọmaana bọnga ny'ọkpaar: ọnọhn, ọmaana etirakpo, ọmaana mgbaten maphyir, ọttara ekpo mbyo maphyir py'matọnọ ayin k'iyaan ny'ọkpaar nwo, kw'ode ọttọhk kpenamkpen f'orukọ akpen m'iyagbin. 11Nchekẹ nnang bọnga bẹ́, kwuna ọdọk ẹnwanwa mìntima ndimẹ akpen; ẹnwanwa mèbir eninga ch'im'ekibhẹ iyagbin.”
12Ibinọkpaabyi obir oben bẹ́, “Ma wọ ode ẹkọhka ch'echekẹ chaam ọmaana bọnga, ọmaana ọttọhk kpenamkpen f'orukọ akpen f'oning ọmaan-ọ, kw'ode echekẹ chaam ọmaana iva p'iva pọ maphyir p'mm'ammaana z'ogbe ororo. 13Kaam kk'esidibhada chaam nsoka z'ebonọ ch'ọrọngkpakpa, dẹ dọ im'ede ẹkọhka ch'echekẹ chaam ọmaana iyagbin. 14Ogbe kpenamkpen kw'nsi ẹrọng epyi, esidibhada ebir eyin ny'ebonọ ch'ọrọngkpakpa, 15kaam m'njima echekẹ ch'nsi mmaana bọnga, ọmaana ekpo k'akira k'akira maphyir py'eruk akpen. Kwuna asi ọdọk mànwa maa, makibhẹ ekpo maphyir py'eruk akpen. 16Ogbe kpenamkpen kw'esidibhada eyinẹ ny'ebonọ, kaam m'nze chẹ, njima echekẹ chaam ch'ttattampe ch'nsi mmaana ekpo k'akira k'akira maphyir py'eruk akpen m'iyagbin.”
17Minna kw'Ibinọkpaabyi oben Noa bẹ́, “Esidibhada nda dọ ede ẹkọhka ch'echekẹ chaam ọmaana ayokinọng maphyir p'aning akpen m'iyagbin.”
Osisi kw'iva p'Noa
18Iva p'Noa p'uwa mayinẹ ny'ọkpaar nwo, made Shẹm, ọmaana Ham, ọttara Japhẹt. Ham wọ wa obhonọ Kenaan. 19Wa Noa obhonọ iva mba attaan. Iva mba bọ masi ayokinọng p'anyaamẹ m'iyagbin nja kibungọ.
20Wa Noa ode owonitọhmnọng. Kẹ wọ wa ode ochedennọng kw'otubhọ owonọ kw'achiduk p'grep. 21K'ogbe kw'Noa ogwo atuk p'afon nya, atuk asẹ-ẹ, oyima erinikwum z'ikkira sẹ. 22Ham kw'ode otte kw'Kenaan, okwu oze otte ch'oyim erinikwum nya. Ofona od-otek ivọkka pẹ anọng afa. 23Nya o, Shẹm ọmaana Japhẹt matọka ibara anana k'mbubaang, matima nnam-nnam azenga akwu abubha erinikwum ch'otte, mabhakẹ ititika akkerẹ ẹbhaakẹ danẹ, mfha maning erinikwum ch'otte aze.
24K'ogbe kw'Noa ọphyabh, ch'atuk kk'ẹ attaana, ozonga ọttọhk f'nnwa kwẹ kw'ikarẹ ọsẹ-ẹ, 25oben bẹ́,
“Tte opyibh ọnang Kenaan,
kẹ m'ode obira kw'abira kw'ivọkka pẹ.”
26Obir oben bẹ́,
“Tte ẹtọhnga ide ch'Ọvaar Ibinọkpaabyi, kw'ode Ibinọkpaabyi kw'Shẹm okpobh.
Tte Kenaan ode obira kw'Shẹm.
27Tte Ibinọkpaabyi osi ẹkọma ch'Japhẹt ẹmaama ẹkpa,
tte Japhẹt ọmaana Shẹm matọn aruk k'ibyi majanẹ.
Tte Kenaan obir ode obira kw'Japhẹt.”
28Ch'ẹnwanwa ndo ikk'ẹsa, wa Noa orukọ k'icho arọbh ichi kkamfa okwuma ijobh. 29Kibung-kibungọ, wa Noa orukọ k'icho nnọhna mfa, okwuma arọbh achenọmfa okwuma ijobh, pira nope.
Currently Selected:
Ichedendik 9: mfn-x-ad
Highlight
Copy
Compare
Share
Want to have your highlights saved across all your devices? Sign up or sign in
©️2025 West Africa Christian Mission
Videos for Ichedendik 9
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Ep 34. Genesis 10: How Noah’s Sons Shaped the World & God's Redemption Story
The Bible Show
Episode 19: Feeding of Four thousand with the Syrophonecian woman
The Bible Show