Nnwẹr s'Osenga 11
11
Nkwuru s'obo kw'acheden-junungva p'Ijip
1Ma wọ, Ọvaar Ubinọkpaabyi obeni Mosẹs bẹ́, “Amma m'mbạra ntte nkwuru rạnẹ ọbọhk itto okhebha Phero ọttạra anạng p'Ijip. De k'oche ngwọ nsia, m'otte bạnga ọbọhk otte abạnga afona. Masẹ m'otte bạnga ọbọhk, m'ukhubh bạnga, abạnga abina w'owong. 2Kpaak anạng p'Israẹl, ajunung ọttạra ipanạng bẹ́, abẹ ata aben anạng p'Ijip anạng bẹ ekpo py'abẹ atim gol ọttạra silva asi.” 3(Ma wọ, Ọvaar Ubinọkpaabyi usi anạng p'Ijip asi ọphyaam anạng bẹ, ọttạra bẹ́, ajukwa p'Phero, ọttạra anạng p'Ijip phyibh n'anạng Mosẹs ikpukpobha sididen).
4Ma wọ, Mosẹs obeni bẹ́, “Ọvaar Ubinokpaabyi obeni bẹ́, ‘K'urunguttem, amma m'nsenga mbaabha ofhon kw'Ijip phyi-phyibh. 5Ocheden-junungnwa kwidede k'Ijip m'ope-ope, tạma k'ocheden-junungnwa kw'Phero kw'ọdạbhẹ ẹvaar, tạrr ukpira k'ocheden-junungnwa kw'ubira-kwanạng kw'n'okhok bẹ ekpo, tạrr oseng k'achedenva p'mmaam. 6Ẹgạma ch'm'ininga k'Ijip m'ẹbạr ẹyọhnga ch'abẹ kk'agạma, ọttạra ch'kwạna abẹ m'agạma. 7Okhenka, ọnạng wạnọ-wạnọ kw'm'okpekhi ẹnọhna k'anạng p'Israẹl kòde, ọbạra ẹpfa jọ, ayokhanạng ọttạra nten mẹ́gbọ.’ Ma wọ, abạnga m'asonga bẹ́, Ọvaar Ubinọkpaabyi kk'usia bẹ́, anạng p'Israẹl abhạm aninga k'anạng p'Ijip. 8Atọhmnạng mba pọ phyibh m'akpa nnạm akwu asạkha echo anạng-m, aben-m bẹ́, ‘Totokhạn, ọma ọttạra anạng phyibh p'atwạnọ abọ, abạnga asọhng!’ Okpe ngwọ sạng, amma m'mfon-ofona e.” Ma wọ, Mosẹs ubin k'idwạdwạkhọ urik Phero.
9Ọvaar Ubinọkpaabyi kk'Mosẹs ugima otek bẹ́, “Phero bạnga itọhng mọ́khọmọ e, ọfha ikkukkonadik saam inyaamẹ k'Ijip.” 10Mosẹs ọttạra Aarọn asi ikkukkonadik nnọ phyi-phyibh ma ititikha s'Phero. Okhenka, Ọvaar Ubinọkpaabyi usi Phero odo ettem ọbạr-ọbạr, nóchera bẹ́, otte anạng p'Israẹl ọbọhk, abẹ abina arik ẹkhạma chẹ.
Currently Selected:
Nnwẹr s'Osenga 11: mfn-x-os
Highlight
Share
Copy
Want to have your highlights saved across all your devices? Sign up or sign in
©️2025 West Africa Christian Mission
