मर्कुस 2
2
येशुले तोलोअ लुलाजन आसबेलन्या
मत्ती ९:१-८; लूका ५:१७-२६
1तचिइ दिन छिन्ट येशु फरि कफर्नहुम वलस्यु रांऔ, ओटन रुयाङ ऐटाइन्या राथटौ कि नका झिमलै लिज्याया। 2ओटन आवाए भ्याई रुयाङ दुउसिवाङ कि, नका रुयाङ ना झिमल चुङन्या पो बै माताइदा, ऐताइस्यु ना रुयाङ झलापल वङ समन लेवाङ, ओटन येशुले नकाङजन परमेस्वरलं बचन आसथएवाङ। 3ओटन चार गोटाले रावुरन्या तोलोअ लुला रोगिजन येशुल लेऊक राहोनौ। 4तर जब ना रुयाङल हुलले गर्दा येशुल नेराक हिनौ रांमाढुदुऊ, नैताइस्यु नकाङै नाझिमल छाना येशुल सोझा फलाअतन खुलिस्यु, ओलन्जै लुला रोगिजन आचारपाई सकाएज वान्ल रांल्हाटौ। 5येशुले नकाङल बिस्वास रङस्यु नका लुला रोगिजन ऐआढोव, “ऐ, ज़ा नपाप छेमा ताइदा।” 6तर नङं ख्वाएयाए शास्त्रीयाङ चुङज्यावाङ, ओटन नकाङ रायिङल ऐटाइन्या यिङज्यावाङ, 7“ईका रु दानाङ ऐलेस्यु छ्योङ? ईका ता ईस्वरलं बिरोद ढाज्याऔदी, सिरिप तोलोअ परमेस्वरले बाहेक अपुर काङ्का रुले पाप छेमा ढाऔ आढुदुऊ?”#यशैया ४३:२५
8ओटन नकाङ रारांल ऐलेस्यु बिचार ढाज्यावाङ, ऐलेन्या येशुल आत्माले ओचोएटै आसनौ ओटन नकाङजन ऐआढोवाङ, “दानाङ जे जेयिङलन ऐटाइन्या बिचार ढाज्याच्यो? 9लुला रोगिजन ‘नपाप छेमा ताइदा’ ऐढोङ सन्, ‘सोन्ते, नमी चारपाई छेन्स्यु बान्ते’ ऐढोङ, काङ्का सजिलो लेऊ? 10ङा जेजन प्रमान यांच्या, तर रुल ज़ाजन पिरथ्बील पाप छेमा ढान्या अढिकार लेया, लेस्यु जे सन्चिते।” तब येशुले ना लुला रोगिजन ऐआढोव, 11“ङा नङजन ऐढाना, सोन्ते नमी चारपाई छेन्ते, ओटन नझिम देए हिनन्ते।” 12ना सोव, ओटन ओचोएटै चारपाई छेन्स्यु सोगलै सामन्दी हिनौ। आवाए समन कि, सोगलै अचम्म ताइस्यु, ऐलेऊ तअसिवाङ, कि “गे ऐटाइन्या ता खकै मारङैदी” ऐलेस्यु नकाङै परमेस्वरलं महिमा रांढोव।
येशुले लेबीजन आखुलन्या
मत्ती ९:९-१३; लूका ५:२७-३२
13येशु फरि तपाला गालीलला समुन्दर वङल हिनौ। ओटन रुयाङल तोलोअ घिन्या हुल आल्योङ रांवाङ, ओटन येशुले नकाङजन छार सिक्छ्या यांऔ तअसिऊ। 14नालछिन्ट आहिनज्याऔक येशुले अल्फयसलं ज़ा लेबीजन तिरो उठाइन्या अड्डाल आचुङज्यान्या आरङौ, ओटन नकाजन ऐआढोव, “ङाछिन्ट लागिन्ते।” नका च्याङस्यु येशुल छिन्ट बाऔ।
15येशु लेबील#2:15 लेबी=मत्ती झिमल ज्यान्या ज्योङा लेस्यु चुङौ, ओटन भ्याई तिरो उठाइन्या भ्याईयाङ सनर पापीयाङ बै येशु सनर आ सिइयाङ सकाए ज्योङा लेस्यु चुङवाङ, तर नकाङ भ्याई लेवाङ, ओटन येशुल छिनछिन रा:स्यु लेवाङ। 16शास्त्रीयाङ सनर फरिसीयाङै येशुजन पापीयाङ सनर तिरो उठाइन्याङ सकाए आज्याज्यान्या रांरङौ, ओटन नकाङै सिइयाङजन ऐराढोव, “दानाङ कर उठाइन्याङ सनर पापीयाङ सकाए चुङस्यु ज्योज्याऔज्या?” 17ईका थएस्यु येशुले नकाङजन ऐआढोवाङ, “नाएमाबोरन्याङजन गुनील आबस्यक माल्दी, तर रोगियाङजन याएज लेया। ङा सोझाङजन माङडी तर पापीयाङजन ङाखुलराङु।”
बर्तल बारे रांगिनन्या
मत्ती ९:१४-१७; लूका ५:३३-३९
18यहुन्नाल सिइयाङ सनर फरिसीयाङ बर्त चुङरा अथाबा रुयाङै रा:स्यु येशुजन रांगिनौ, “यहुन्नाल सिइयाङ सनर फरिसीयाङ बर्त चुङरा, तर न सिइयाङ दानाङ बर्त माचुङर?”
19येशुले नकाङजन ऐआढोवाङ, “नैति जब ब्याहा ताह दुलाहा नकाङसं कोठाल आलिज्याऔ समन दुलाहाल जन्तियाङ बर्त चुङवाङ का? ज्वाए बेला समन दुलाहा रा:सं बोलोङ लिज्या, तब समन नकाङ बर्त माचुङरडी। 20तर ना बेला रांया, जब दुलाहाजन नकाङ्ङन बाठए ताह, तब नका बेला नकाङ बर्त चुङरा।”
21काङ्काङै पुरानो क्वाल छार टाला माझोअरदी, मानकन्ता पएसिन्या क्वा झन चिहा, अथाबा छार पुरानोतन भ्याई चिहा, ओटन माचान्या रंना। 22ओटन छार अङ्गुरल रसजन पुरानो छालाल मशकलं माझोअरदी, मानकन्ता अङ्गुरल रसले मशकजन पाअवा, ओटन अङ्गुर रस सनर मशक नेंलोअजै नस्ट ताइन्या, तर छार अङ्गुर रस छार मशकलैज झोअसिया।
शबाथ-दिनल बारे रांगिनन्या
मत्ती १२:१-१४; लूका ६:१-११
23येशु शबाथ छिम्क अन लेन्या खेएलन आसिइयाङसं हिनज्यावाङ, ओटन रांबाज्याऔ बाज्याऔकै सिइयाङै अनल बाला चिटौ तअसिवाङ।#१२:१-८; लूका ६:१-५ 24ईका रङस्यु फरिसीयाङै येशुजन ऐराढोव, “ब्याएते न सिइयाङ शबाथ-छिम्क ईका ब्यबस्थालं बिरोदत ऐटाइन्या काम दानाङ धोर? कि जो ठिक माले।”
25येशुले नकाङजन आढोवाङ “जब दाऊद सनर ओलसं लिज्यान्याङ ज्यान्या मालस्यु करेवाङ, ओटन। तब दाऊदले नै आढोव? नैति जे खकैज जेमापरीचिऊ?#१शमूयल २१:१-६ 26मुख्या पुजाउरो अबियाथारल पालाल दाऊद परमेस्वरलं आराधना झिमल हिनौ, ओटन परमेस्वरजन चराइसिन्या भरेई आकयौ, ओटन दाऊदले सोगल आन्हाएयाङजन बै आयोवाङ, जो पुजाउरोयाङ बाहेक ब्यबस्थाला नियाम अनुसार अपुऱ्याङ कैन्या माताइदी”#लेवी २४:९ 27ओटन नकाङजन ऐआढोवाङ, “शबाथ-छिम्क भलाईल नाल्ट ताहौ, रु नानसिन्या दिनल नाल्ट माङडी। 28नैताइस्यु रुल ज़ा शबाथ दिनल बै प्रभु ज्या।”
Currently Selected:
मर्कुस 2: NTSKm25
Highlight
Share
Copy
Want to have your highlights saved across all your devices? Sign up or sign in
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
मर्कुस 2
2
येशुले तोलोअ लुलाजन आसबेलन्या
मत्ती ९:१-८; लूका ५:१७-२६
1तचिइ दिन छिन्ट येशु फरि कफर्नहुम वलस्यु रांऔ, ओटन रुयाङ ऐटाइन्या राथटौ कि नका झिमलै लिज्याया। 2ओटन आवाए भ्याई रुयाङ दुउसिवाङ कि, नका रुयाङ ना झिमल चुङन्या पो बै माताइदा, ऐताइस्यु ना रुयाङ झलापल वङ समन लेवाङ, ओटन येशुले नकाङजन परमेस्वरलं बचन आसथएवाङ। 3ओटन चार गोटाले रावुरन्या तोलोअ लुला रोगिजन येशुल लेऊक राहोनौ। 4तर जब ना रुयाङल हुलले गर्दा येशुल नेराक हिनौ रांमाढुदुऊ, नैताइस्यु नकाङै नाझिमल छाना येशुल सोझा फलाअतन खुलिस्यु, ओलन्जै लुला रोगिजन आचारपाई सकाएज वान्ल रांल्हाटौ। 5येशुले नकाङल बिस्वास रङस्यु नका लुला रोगिजन ऐआढोव, “ऐ, ज़ा नपाप छेमा ताइदा।” 6तर नङं ख्वाएयाए शास्त्रीयाङ चुङज्यावाङ, ओटन नकाङ रायिङल ऐटाइन्या यिङज्यावाङ, 7“ईका रु दानाङ ऐलेस्यु छ्योङ? ईका ता ईस्वरलं बिरोद ढाज्याऔदी, सिरिप तोलोअ परमेस्वरले बाहेक अपुर काङ्का रुले पाप छेमा ढाऔ आढुदुऊ?”#यशैया ४३:२५
8ओटन नकाङ रारांल ऐलेस्यु बिचार ढाज्यावाङ, ऐलेन्या येशुल आत्माले ओचोएटै आसनौ ओटन नकाङजन ऐआढोवाङ, “दानाङ जे जेयिङलन ऐटाइन्या बिचार ढाज्याच्यो? 9लुला रोगिजन ‘नपाप छेमा ताइदा’ ऐढोङ सन्, ‘सोन्ते, नमी चारपाई छेन्स्यु बान्ते’ ऐढोङ, काङ्का सजिलो लेऊ? 10ङा जेजन प्रमान यांच्या, तर रुल ज़ाजन पिरथ्बील पाप छेमा ढान्या अढिकार लेया, लेस्यु जे सन्चिते।” तब येशुले ना लुला रोगिजन ऐआढोव, 11“ङा नङजन ऐढाना, सोन्ते नमी चारपाई छेन्ते, ओटन नझिम देए हिनन्ते।” 12ना सोव, ओटन ओचोएटै चारपाई छेन्स्यु सोगलै सामन्दी हिनौ। आवाए समन कि, सोगलै अचम्म ताइस्यु, ऐलेऊ तअसिवाङ, कि “गे ऐटाइन्या ता खकै मारङैदी” ऐलेस्यु नकाङै परमेस्वरलं महिमा रांढोव।
येशुले लेबीजन आखुलन्या
मत्ती ९:९-१३; लूका ५:२७-३२
13येशु फरि तपाला गालीलला समुन्दर वङल हिनौ। ओटन रुयाङल तोलोअ घिन्या हुल आल्योङ रांवाङ, ओटन येशुले नकाङजन छार सिक्छ्या यांऔ तअसिऊ। 14नालछिन्ट आहिनज्याऔक येशुले अल्फयसलं ज़ा लेबीजन तिरो उठाइन्या अड्डाल आचुङज्यान्या आरङौ, ओटन नकाजन ऐआढोव, “ङाछिन्ट लागिन्ते।” नका च्याङस्यु येशुल छिन्ट बाऔ।
15येशु लेबील#2:15 लेबी=मत्ती झिमल ज्यान्या ज्योङा लेस्यु चुङौ, ओटन भ्याई तिरो उठाइन्या भ्याईयाङ सनर पापीयाङ बै येशु सनर आ सिइयाङ सकाए ज्योङा लेस्यु चुङवाङ, तर नकाङ भ्याई लेवाङ, ओटन येशुल छिनछिन रा:स्यु लेवाङ। 16शास्त्रीयाङ सनर फरिसीयाङै येशुजन पापीयाङ सनर तिरो उठाइन्याङ सकाए आज्याज्यान्या रांरङौ, ओटन नकाङै सिइयाङजन ऐराढोव, “दानाङ कर उठाइन्याङ सनर पापीयाङ सकाए चुङस्यु ज्योज्याऔज्या?” 17ईका थएस्यु येशुले नकाङजन ऐआढोवाङ, “नाएमाबोरन्याङजन गुनील आबस्यक माल्दी, तर रोगियाङजन याएज लेया। ङा सोझाङजन माङडी तर पापीयाङजन ङाखुलराङु।”
बर्तल बारे रांगिनन्या
मत्ती ९:१४-१७; लूका ५:३३-३९
18यहुन्नाल सिइयाङ सनर फरिसीयाङ बर्त चुङरा अथाबा रुयाङै रा:स्यु येशुजन रांगिनौ, “यहुन्नाल सिइयाङ सनर फरिसीयाङ बर्त चुङरा, तर न सिइयाङ दानाङ बर्त माचुङर?”
19येशुले नकाङजन ऐआढोवाङ, “नैति जब ब्याहा ताह दुलाहा नकाङसं कोठाल आलिज्याऔ समन दुलाहाल जन्तियाङ बर्त चुङवाङ का? ज्वाए बेला समन दुलाहा रा:सं बोलोङ लिज्या, तब समन नकाङ बर्त माचुङरडी। 20तर ना बेला रांया, जब दुलाहाजन नकाङ्ङन बाठए ताह, तब नका बेला नकाङ बर्त चुङरा।”
21काङ्काङै पुरानो क्वाल छार टाला माझोअरदी, मानकन्ता पएसिन्या क्वा झन चिहा, अथाबा छार पुरानोतन भ्याई चिहा, ओटन माचान्या रंना। 22ओटन छार अङ्गुरल रसजन पुरानो छालाल मशकलं माझोअरदी, मानकन्ता अङ्गुरल रसले मशकजन पाअवा, ओटन अङ्गुर रस सनर मशक नेंलोअजै नस्ट ताइन्या, तर छार अङ्गुर रस छार मशकलैज झोअसिया।
शबाथ-दिनल बारे रांगिनन्या
मत्ती १२:१-१४; लूका ६:१-११
23येशु शबाथ छिम्क अन लेन्या खेएलन आसिइयाङसं हिनज्यावाङ, ओटन रांबाज्याऔ बाज्याऔकै सिइयाङै अनल बाला चिटौ तअसिवाङ।#१२:१-८; लूका ६:१-५ 24ईका रङस्यु फरिसीयाङै येशुजन ऐराढोव, “ब्याएते न सिइयाङ शबाथ-छिम्क ईका ब्यबस्थालं बिरोदत ऐटाइन्या काम दानाङ धोर? कि जो ठिक माले।”
25येशुले नकाङजन आढोवाङ “जब दाऊद सनर ओलसं लिज्यान्याङ ज्यान्या मालस्यु करेवाङ, ओटन। तब दाऊदले नै आढोव? नैति जे खकैज जेमापरीचिऊ?#१शमूयल २१:१-६ 26मुख्या पुजाउरो अबियाथारल पालाल दाऊद परमेस्वरलं आराधना झिमल हिनौ, ओटन परमेस्वरजन चराइसिन्या भरेई आकयौ, ओटन दाऊदले सोगल आन्हाएयाङजन बै आयोवाङ, जो पुजाउरोयाङ बाहेक ब्यबस्थाला नियाम अनुसार अपुऱ्याङ कैन्या माताइदी”#लेवी २४:९ 27ओटन नकाङजन ऐआढोवाङ, “शबाथ-छिम्क भलाईल नाल्ट ताहौ, रु नानसिन्या दिनल नाल्ट माङडी। 28नैताइस्यु रुल ज़ा शबाथ दिनल बै प्रभु ज्या।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025