मर्कुस 1
1
बप्तिस्मा यांन्या यहुन्नाले यम तयार जाएवा,
मत्ती ३:१-१२; लूका ३:१-१८; यहुन्ना १:१९-२८
1परमेस्वरलं ज़ा येशु ख्रीस्टल चान्याथाईल, सुरुवाट। 2यशैया अगमबक्ताल किटापल ऐटाइन्या सरसिन्या लेऊ, “थएचिते, ङा ङामि स्वर्गदुतजन जेहाजेहा परिङ्ङा, नाले जेयम तयार जाएवा।”#मलाकी ३:१ 3“हरहर ताइन्या पोल तोलोअ कलिऊन्याल ग़ा, ‘परमप्रभुल यम तयार जाएचिते, ओलं यमयाङ सोझा जाएचिते।’”#यशैया ४०:३
4ओटन रुयाङजन प्रचार ढाऔयन यहुन्नाले ऐआढोवाङ, पाप छेमाल नाल्ट पस्चातापल बप्तिस्मा होन्चिते। 5सोगल यहूदिया प्रदेस सनर यरुशलेम सहरला सोगल रुयाङ यहुन्ना ल्योङ रांवाङ। नकाङै राढान्या पापल नाल्ट पस्चाताप रांढोव ओटन यहुन्ना ल्योङन यर्दन भईल#1:5 यर्दन भईल पछिम एशियाल म्रित सागरल बगिज्यान्या २५१ किलोमिटर (१५६ मायिल) ल्होन्या भई हो। बप्तिस्मा राहोनौ।
6यहुन्नाले ऊटल भूत्लाल रअसिन्या क्वा क्वाएसिस्यु लेऊ, ओटन आकम्बरल छालाल पिटी पोअवा। नाले सोलो कोस्योअ सनर बनमह ज्योवा।#२राजा १:८; मत्ती ३:४ 7यहुन्नाले ऐलेस्यु रुयाङ ल्योङ प्रचार आढोव, “जो ङाछिन्ट तोलोअ रु रांन्या लेया, ओ ङातन सक्तिशाली लेया। ङा गोम लेस्यु ओलं जुताल तना पलाअन्या लायकला मालेङदी। 8ङा ता जेजन रीले बप्तिस्मा यांच्या, तर ओलेता जेजन पबित्र आत्माले बप्तिस्मा यांचिवा।”
येशुल बप्तिस्मा सनर आअल्चिन्या
मत्ती ३:१३; ४:१-११; लूका ३:२१-२२; ४:१-१३
9तचिइ दिन छिन्ट येशु गालील प्रदेसला नासरतङन रांऔ। ओटन यहुन्ना ल्योङन यर्दन भईल बप्तिस्मा आहोनौ। 10जब येशु रीलन बाहेर पलिहौ, तब ओचोएटै स्वर्ग आफएसिन्या सनर पबित्र आत्माजन कचिकुरल अनवारमन आयर्त आलाइरांन्या आरङौ। 11नमतन ऐलेन्या ग़ा थहौ, “नङ ङा निज्युन्या ज़ा हो, नङसं ङा भ्याई हेसाङस्यु लेङा।”#उत्पत्ति २२:२; भजनसङ्ग्रह २:७; यशैया ४२:१; मत्ती ३:१७; मर्कुस ९:७; लूका ३:२२
12तब पबित्र आत्माले येशुजन ओचोएटै हरहर ताइन्या पोल आलाङौ। 13ओङ येशु चालिस दिन समन लिज्याऔ, सैतानले येशुजन परिक्छ्या ढाज्याऔ, ओटन ओलं बनला जनावरयाङसं लिज्याऔ, ओटन स्वर्गदुतयाङै आसेवा रांढोव।
येशुले चार गोटा जलाहारीयाङजन आखुल्वाङ
मत्ती ४:१२-२२; लूका ४:१४-१५; ५:१-११
14यहुन्ना कोलोअसिया पाइनाई येशुले गालील प्रदेसलं रा:स्यु, परमेस्वरलं चान्याथाई प्रचार आढोव। 15ओले ऐलेऊ कि “समाय पुरा ताइस्यु लेया, परमेस्वरलं राज्य नेराक तापरादा#1:15 परमेस्वरलं राज्यला चान्याथाई प्रचार ढान्या सनर ओलं राज्यल थनन्या नाल्ट छेलन्या समाय रा:स्यु लेया। , पस्चाताप ढोचिते ओटन चान्याथाईल बिस्वास ढोचिते।”#मत्ती ३:२
16येशु गालील प्रदेसला समुन्दरल#1:16 गालीलला ईका समुन्दर इस्राएललं उत्तर-पुर्बङन यर्दन हाल चिराल लेया। आवङवङ ताइस्यु आहिनज्याऔक, ओले सिमोन सनर आभाई अन्द्रियासजन समुन्दरल जाल नेंहोरज्यान्या आरङौने, दानाङभन्या नकाने जलाहारी लेऊने। 17येशुले नकानेजन ऐआढोवने “ङाछिन्ट राचिन्ते, ङा झेनजन परमेस्वरलं राज्यल रुयाङजन कढाई होनन्या ना ह्युउचिना।” 18नानेले ओचोएटै नें जालजन राइस्यु, येशुल छिन्ट लागिऊने। 19ओटन तचिइ हुदिन्देए रांहिनौक, येशुले जब्दियाल आज़ाने याकूब सनर यहुन्नाजन डोङ्गाल चुङस्यु जाल नेंपएज्यान्या आरङौने। 20येशुले ओचोएटै आखुलौने ओटन नकानेले नेंबौ जब्दियाजन ध्यारी ढान्याङसं डोङ्गाल बनाएस्यु ओलं छिन्ट लागिऊने।
दुस्टआत्माले भरिसिन्या रु,
लूका ४:३२-३७
21येशु सनर आ सिइयाङ कफर्नहुम सहरल रांवाङ, ओटन शबाथ दिनल तयोअका छिम्क यहूदीयाङ आराधना झिमल#1:21 सिनागोग=यहूदीयाङ दुउसिन्या झिम हिनस्यु ओचोएटै ओले सिक्छ्या यांऔ तअसिऊ। 22जो जोले ओलं सिक्छ्या राथटौ नकाङ अचम्म ताइवाङ, दानाङभन्या ओले नकाङजन शास्त्रीयाङमन माङडी तर अढिकार डोटौ जोरसं आह्युउवाङ।#मत्ती ७:२८-२९
23नकाए बेला नका यहूदीयाङ आराधना झिमल तोलोअ रु लेऊ, जोल्योङ दुस्टआत्मा लेऊ, ओटन ओ भ्याई जोर जोरसै चिचच्याइज्याऔ। 24“औ नासरतला येशु, गे ङन नै नचाहिनु? नैति नङ गेजन नस्ट नजाएरानु? ङा नङजन ऐशईना, नङ परमेस्वरलं पबित्र रु ज्या।”#भजनसङ्ग्रह १६:१०; यशैया ४१:१४-१६; २०; प्रेरित ३:१४
25येशुले नाजन ऐलेस्यु आसज्याकौ, “छपक्कै दिङन्ते, ओटन नका ल्योङन बाहेर देए पलिहन्ते।” 26नका रुजन लछार पछार जाएस्यु ना दुस्टआत्मा चोएसै कलिऊस्यु नका रु ल्योङन पलिईस्यु हिनौ।
27ओटन सोगल अचम्म रामानिऊ कि नकाङ ऐलेस्यु रारां छ्योङौ तअसिवाङ, “इकाता छार सिक्छ्या दी रैस। इकाले ता घिन्या अढिकार सकाए दुस्टआत्माङजन आग्या दी योंवर, ओटन नकाङै इकाल आग्या मानिरा रैस।” 28तब ओचोएटै येशुल मिन गालीलला हुङआङा सोगलै पोल फैलिऊ।
येशुले तबर रुयाङजन आसबेल्वाङ
मत्ती ८:१४-१७; लूका ४:३८-४१
29येशु सनर आ सिइयाङ ओचोएटै आराधना झिमलन पलिईस्यु याकूब सनर यहुन्नासकाए सिमोन सनर अन्द्रियासलं झिमल रांवाङ। 30सिमोनल माइज्यू आनाएबोरले थलिस्यु रुउज्याऔ, ओटन नाल बारेल ओचोएटै येशुजन रापानस्यौ। 31ओटन येशु नकाल नेराक रा:स्यु जब नकाल आकुई कोलोअस्यु नकाजन आसचोटौ, तब ना नाएबोरतन बेलौ, ओटन नकाले येशुल सेवा ढाऔ तअसिऊ।
32ओईका बेला जब नम्युउ बुदिउ, रुयाङै सोगलै नाएबोरन्याङ ओटन ओयाङ जो जोल दुस्टआत्मा लागिन्याङजन येशु ल्योङ राहोन्वाङ। 33ओटन सोगल बजारला रुयाङ, झिमल मासुनस्यु झलाप वङ समन लेवाङ। 34नकाङै दुस्टआत्माङन भ्याई दुख डोएज्यावाङ, ओटन तबर किसिमला नाएबोरन्याङजन येशुले आसबेल्वाङ, नैताइस्यु दुस्टआत्माङजन छ्योङौ आमायोवाङ, दानाङभन्या ओलजन नकाङै शईस्युलेवाङ।
गालीलल येशुल प्रचार
लूका ४:४२-४४
35छकाल्या “नम आमारनौ हादेए सोस्यु येशु आबाठएक पोल हिनौ, ओटन ओङ प्रार्थना ढाऔ तअसिऊ। 36तर सिमोन सनर आन्हाएयाङ येशुजन रोअन्या लेस्यु बाहेर पलिइवाङ। 37ओटन जब येशुजन रांडोटौ, तब नकाङै ऐराढोव, सोगलैले नङजन रोअज्यारा।”
38तब येशुले नकाङजन ऐआढोवाङ, “रांचिते गे नेराजिऊला नङ्गरल हिन्या, ओटन नङं बै ङा प्रचार ढोङा, दानाङभन्या ङा इकाल नाल्टै ङारांङु हो।” 39ओटन गालीलला सोगल आराधना झिमल हिनस्यु प्रचार आढोव ओटन दुस्टआत्माङजन पलिईस्यु येशु नलन हिनौ।#मत्ती ४:२३; ९:३५
येशुले तोलोअ कुरीजन आसबेलन्या
मत्ती ८:१-४; लूका ५:१२-१६
40ओटन तोलोअ कुरी येशु ल्योङ रांऔ, ओटन ओलं सामन्दी घुन्डा टिकिस्यु बिन्ति आढोव “नङ इच्छ्या ढोनकन ङाजन सबेलौ ढुदुना।”
41येशुले दया मानिस्यु कुई आपारिउ ओटन नकाजन छुस्यु ऐआढोव, “ङा ऐढाना नङ बेलन्ते।” 42नवाए बेलाईज नाल कोर बेलौ, ओटन ना बेल्दा। 43तब येशुले नाजन कडा आग्या यांस्यु ओचोएटै आपरिङौ, 44ओटन नाजन ऐआढोव, “खिम्ते, नङ काङ्काईजन तापानस्यौर, तर नङजै हिनस्यु पुजाउरो ल्योङ थनसिन्ते, ओटन नङ नबेलन्या रुयाङल प्रमानल नाल्ट मोशाले आपानन्या अनुसार भिटी चराइते, जो रुयाङल नाल्ट साची ग्याताइत्या।”#लेवी १४:१-३२ 45तर नकाले बाहेर रा:स्यु खुलमखुल्ला प्रचार ढाऔ तअसिऊ, ओटन येशु फरि खुलमखुल्ला बजारल थनसिस्यु हिनौ माढुदुडा, तर आबाठए पोल लिज्याऔ। ओटन रुयाङ चारवरङन आल्योङ दुउसिवाङ।
Currently Selected:
मर्कुस 1: NTSKm25
Highlight
Share
Copy
Want to have your highlights saved across all your devices? Sign up or sign in
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
मर्कुस 1
1
बप्तिस्मा यांन्या यहुन्नाले यम तयार जाएवा,
मत्ती ३:१-१२; लूका ३:१-१८; यहुन्ना १:१९-२८
1परमेस्वरलं ज़ा येशु ख्रीस्टल चान्याथाईल, सुरुवाट। 2यशैया अगमबक्ताल किटापल ऐटाइन्या सरसिन्या लेऊ, “थएचिते, ङा ङामि स्वर्गदुतजन जेहाजेहा परिङ्ङा, नाले जेयम तयार जाएवा।”#मलाकी ३:१ 3“हरहर ताइन्या पोल तोलोअ कलिऊन्याल ग़ा, ‘परमप्रभुल यम तयार जाएचिते, ओलं यमयाङ सोझा जाएचिते।’”#यशैया ४०:३
4ओटन रुयाङजन प्रचार ढाऔयन यहुन्नाले ऐआढोवाङ, पाप छेमाल नाल्ट पस्चातापल बप्तिस्मा होन्चिते। 5सोगल यहूदिया प्रदेस सनर यरुशलेम सहरला सोगल रुयाङ यहुन्ना ल्योङ रांवाङ। नकाङै राढान्या पापल नाल्ट पस्चाताप रांढोव ओटन यहुन्ना ल्योङन यर्दन भईल#1:5 यर्दन भईल पछिम एशियाल म्रित सागरल बगिज्यान्या २५१ किलोमिटर (१५६ मायिल) ल्होन्या भई हो। बप्तिस्मा राहोनौ।
6यहुन्नाले ऊटल भूत्लाल रअसिन्या क्वा क्वाएसिस्यु लेऊ, ओटन आकम्बरल छालाल पिटी पोअवा। नाले सोलो कोस्योअ सनर बनमह ज्योवा।#२राजा १:८; मत्ती ३:४ 7यहुन्नाले ऐलेस्यु रुयाङ ल्योङ प्रचार आढोव, “जो ङाछिन्ट तोलोअ रु रांन्या लेया, ओ ङातन सक्तिशाली लेया। ङा गोम लेस्यु ओलं जुताल तना पलाअन्या लायकला मालेङदी। 8ङा ता जेजन रीले बप्तिस्मा यांच्या, तर ओलेता जेजन पबित्र आत्माले बप्तिस्मा यांचिवा।”
येशुल बप्तिस्मा सनर आअल्चिन्या
मत्ती ३:१३; ४:१-११; लूका ३:२१-२२; ४:१-१३
9तचिइ दिन छिन्ट येशु गालील प्रदेसला नासरतङन रांऔ। ओटन यहुन्ना ल्योङन यर्दन भईल बप्तिस्मा आहोनौ। 10जब येशु रीलन बाहेर पलिहौ, तब ओचोएटै स्वर्ग आफएसिन्या सनर पबित्र आत्माजन कचिकुरल अनवारमन आयर्त आलाइरांन्या आरङौ। 11नमतन ऐलेन्या ग़ा थहौ, “नङ ङा निज्युन्या ज़ा हो, नङसं ङा भ्याई हेसाङस्यु लेङा।”#उत्पत्ति २२:२; भजनसङ्ग्रह २:७; यशैया ४२:१; मत्ती ३:१७; मर्कुस ९:७; लूका ३:२२
12तब पबित्र आत्माले येशुजन ओचोएटै हरहर ताइन्या पोल आलाङौ। 13ओङ येशु चालिस दिन समन लिज्याऔ, सैतानले येशुजन परिक्छ्या ढाज्याऔ, ओटन ओलं बनला जनावरयाङसं लिज्याऔ, ओटन स्वर्गदुतयाङै आसेवा रांढोव।
येशुले चार गोटा जलाहारीयाङजन आखुल्वाङ
मत्ती ४:१२-२२; लूका ४:१४-१५; ५:१-११
14यहुन्ना कोलोअसिया पाइनाई येशुले गालील प्रदेसलं रा:स्यु, परमेस्वरलं चान्याथाई प्रचार आढोव। 15ओले ऐलेऊ कि “समाय पुरा ताइस्यु लेया, परमेस्वरलं राज्य नेराक तापरादा#1:15 परमेस्वरलं राज्यला चान्याथाई प्रचार ढान्या सनर ओलं राज्यल थनन्या नाल्ट छेलन्या समाय रा:स्यु लेया। , पस्चाताप ढोचिते ओटन चान्याथाईल बिस्वास ढोचिते।”#मत्ती ३:२
16येशु गालील प्रदेसला समुन्दरल#1:16 गालीलला ईका समुन्दर इस्राएललं उत्तर-पुर्बङन यर्दन हाल चिराल लेया। आवङवङ ताइस्यु आहिनज्याऔक, ओले सिमोन सनर आभाई अन्द्रियासजन समुन्दरल जाल नेंहोरज्यान्या आरङौने, दानाङभन्या नकाने जलाहारी लेऊने। 17येशुले नकानेजन ऐआढोवने “ङाछिन्ट राचिन्ते, ङा झेनजन परमेस्वरलं राज्यल रुयाङजन कढाई होनन्या ना ह्युउचिना।” 18नानेले ओचोएटै नें जालजन राइस्यु, येशुल छिन्ट लागिऊने। 19ओटन तचिइ हुदिन्देए रांहिनौक, येशुले जब्दियाल आज़ाने याकूब सनर यहुन्नाजन डोङ्गाल चुङस्यु जाल नेंपएज्यान्या आरङौने। 20येशुले ओचोएटै आखुलौने ओटन नकानेले नेंबौ जब्दियाजन ध्यारी ढान्याङसं डोङ्गाल बनाएस्यु ओलं छिन्ट लागिऊने।
दुस्टआत्माले भरिसिन्या रु,
लूका ४:३२-३७
21येशु सनर आ सिइयाङ कफर्नहुम सहरल रांवाङ, ओटन शबाथ दिनल तयोअका छिम्क यहूदीयाङ आराधना झिमल#1:21 सिनागोग=यहूदीयाङ दुउसिन्या झिम हिनस्यु ओचोएटै ओले सिक्छ्या यांऔ तअसिऊ। 22जो जोले ओलं सिक्छ्या राथटौ नकाङ अचम्म ताइवाङ, दानाङभन्या ओले नकाङजन शास्त्रीयाङमन माङडी तर अढिकार डोटौ जोरसं आह्युउवाङ।#मत्ती ७:२८-२९
23नकाए बेला नका यहूदीयाङ आराधना झिमल तोलोअ रु लेऊ, जोल्योङ दुस्टआत्मा लेऊ, ओटन ओ भ्याई जोर जोरसै चिचच्याइज्याऔ। 24“औ नासरतला येशु, गे ङन नै नचाहिनु? नैति नङ गेजन नस्ट नजाएरानु? ङा नङजन ऐशईना, नङ परमेस्वरलं पबित्र रु ज्या।”#भजनसङ्ग्रह १६:१०; यशैया ४१:१४-१६; २०; प्रेरित ३:१४
25येशुले नाजन ऐलेस्यु आसज्याकौ, “छपक्कै दिङन्ते, ओटन नका ल्योङन बाहेर देए पलिहन्ते।” 26नका रुजन लछार पछार जाएस्यु ना दुस्टआत्मा चोएसै कलिऊस्यु नका रु ल्योङन पलिईस्यु हिनौ।
27ओटन सोगल अचम्म रामानिऊ कि नकाङ ऐलेस्यु रारां छ्योङौ तअसिवाङ, “इकाता छार सिक्छ्या दी रैस। इकाले ता घिन्या अढिकार सकाए दुस्टआत्माङजन आग्या दी योंवर, ओटन नकाङै इकाल आग्या मानिरा रैस।” 28तब ओचोएटै येशुल मिन गालीलला हुङआङा सोगलै पोल फैलिऊ।
येशुले तबर रुयाङजन आसबेल्वाङ
मत्ती ८:१४-१७; लूका ४:३८-४१
29येशु सनर आ सिइयाङ ओचोएटै आराधना झिमलन पलिईस्यु याकूब सनर यहुन्नासकाए सिमोन सनर अन्द्रियासलं झिमल रांवाङ। 30सिमोनल माइज्यू आनाएबोरले थलिस्यु रुउज्याऔ, ओटन नाल बारेल ओचोएटै येशुजन रापानस्यौ। 31ओटन येशु नकाल नेराक रा:स्यु जब नकाल आकुई कोलोअस्यु नकाजन आसचोटौ, तब ना नाएबोरतन बेलौ, ओटन नकाले येशुल सेवा ढाऔ तअसिऊ।
32ओईका बेला जब नम्युउ बुदिउ, रुयाङै सोगलै नाएबोरन्याङ ओटन ओयाङ जो जोल दुस्टआत्मा लागिन्याङजन येशु ल्योङ राहोन्वाङ। 33ओटन सोगल बजारला रुयाङ, झिमल मासुनस्यु झलाप वङ समन लेवाङ। 34नकाङै दुस्टआत्माङन भ्याई दुख डोएज्यावाङ, ओटन तबर किसिमला नाएबोरन्याङजन येशुले आसबेल्वाङ, नैताइस्यु दुस्टआत्माङजन छ्योङौ आमायोवाङ, दानाङभन्या ओलजन नकाङै शईस्युलेवाङ।
गालीलल येशुल प्रचार
लूका ४:४२-४४
35छकाल्या “नम आमारनौ हादेए सोस्यु येशु आबाठएक पोल हिनौ, ओटन ओङ प्रार्थना ढाऔ तअसिऊ। 36तर सिमोन सनर आन्हाएयाङ येशुजन रोअन्या लेस्यु बाहेर पलिइवाङ। 37ओटन जब येशुजन रांडोटौ, तब नकाङै ऐराढोव, सोगलैले नङजन रोअज्यारा।”
38तब येशुले नकाङजन ऐआढोवाङ, “रांचिते गे नेराजिऊला नङ्गरल हिन्या, ओटन नङं बै ङा प्रचार ढोङा, दानाङभन्या ङा इकाल नाल्टै ङारांङु हो।” 39ओटन गालीलला सोगल आराधना झिमल हिनस्यु प्रचार आढोव ओटन दुस्टआत्माङजन पलिईस्यु येशु नलन हिनौ।#मत्ती ४:२३; ९:३५
येशुले तोलोअ कुरीजन आसबेलन्या
मत्ती ८:१-४; लूका ५:१२-१६
40ओटन तोलोअ कुरी येशु ल्योङ रांऔ, ओटन ओलं सामन्दी घुन्डा टिकिस्यु बिन्ति आढोव “नङ इच्छ्या ढोनकन ङाजन सबेलौ ढुदुना।”
41येशुले दया मानिस्यु कुई आपारिउ ओटन नकाजन छुस्यु ऐआढोव, “ङा ऐढाना नङ बेलन्ते।” 42नवाए बेलाईज नाल कोर बेलौ, ओटन ना बेल्दा। 43तब येशुले नाजन कडा आग्या यांस्यु ओचोएटै आपरिङौ, 44ओटन नाजन ऐआढोव, “खिम्ते, नङ काङ्काईजन तापानस्यौर, तर नङजै हिनस्यु पुजाउरो ल्योङ थनसिन्ते, ओटन नङ नबेलन्या रुयाङल प्रमानल नाल्ट मोशाले आपानन्या अनुसार भिटी चराइते, जो रुयाङल नाल्ट साची ग्याताइत्या।”#लेवी १४:१-३२ 45तर नकाले बाहेर रा:स्यु खुलमखुल्ला प्रचार ढाऔ तअसिऊ, ओटन येशु फरि खुलमखुल्ला बजारल थनसिस्यु हिनौ माढुदुडा, तर आबाठए पोल लिज्याऔ। ओटन रुयाङ चारवरङन आल्योङ दुउसिवाङ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025