MIHINGO 9
9
Handugwa kwaSawuli
1Koga Sawuli, waka etjahlisidzila zwe badiyiwa baHe ngekubabulaya, wakayenda kumphirisiti nkulu 2akanokumbila whalo dzeyenda kumasinagogu ekuDamasikasi, kuti akawana kuna bamwe batobeli bayiyeyi Zila, betjilume kene betjikadzi, abuye nabo bakasungwa kuJerusalema.
3Ngono wakati atjimugwendo oswika kuDamasikasi, tjinyolotjo kwakapenya tjedza tjinobva kudzimu pawunli. 4Wakawila pasi akawha whi liti kuwunli, “Sawuli, Sawuli, unondidziyidzilani kene?”
5Iye wakati, “Ndimwi yani He?”
Whi likahandula liti, “Ndimi Yesu, wawunodziyidza; 6koga, milika ungine munzi-nkulu, nowhobudziwa tjawunowhothama.”
7Balume baaka eyenda nabo bakama bakanyalala bakati whuu, bewha whi koga nhu unolebeleka basingawumbone. 8Sawuli wakamuka pasi; akati ahhula meho akasibone tjinhu; ndizo ke bakawukweba ngeluboko bakayenda naye kuDamasikasi. 9Wakaba bhofu kwemahhuba matatu, kakale asingadle asingan'we.
10Kwake kuna umwe ndhiyiwa muDamasikasi zina lile lake liyi Ananiyasi. He wakati kuwunli mutjilakidzo, “Ananiyasi.”
Iye akahandula eti, “Ndipano He.”
11He wakati kuwunli, “Milika uyende kuzila inoyi Tambunuka, unobhuzwa mun'umba yaJudasi nekwenlume unoyi Sawuli wekuThasasi; nekuti linga, unotembezela saku wali, 12kakale wabona nlume unoyi Ananiyasi ebuya ewhowumbiga maboko kuti apofunuke.”
13Koga Ananiyasi wakahandula eti, “He, ndakawha kubva kubanjinji nekwenlume iwhoyu, kuti wakathama bubi gungapani kubayengemali benyu bemuJerusalema; 14napano unamasimba aakapiwa nebaphirisiti bakulu kuti asunge banhu bose banodana zina lenyu.”
15Koga He wakati kuwunli, “Yenda ngobe watjibe tjidla tjangu tjahagwa tjinowhosenga zina langu mbeli kweBataya nabomambo nebana baIsirayeli; 16ngobe ndowhowunlakidza kuti wakafanila dziyila kungapani edziyilila zina langu.”
17Ndizo Ananiyasi wakamilika eyenda akanongina mun'umba iyeyo. Ewumbiga maboko wakati, “Gamu langu Sawuli, He Yesu iye wakazwilakidza kukuli muzila yawakabuya nayo, wandituma kudze ubone kakale, ukohhadziwa neMeya Yakayengemala.” 18Tjinyolotjo kwakawa zwinhu zwinonga makwapa zwibva mumeho awe akatangisa bona kakale. Akamilika akanobvubikiwa, 19akadla zodliwa akawana masimba.
Sawuli Unosumikila muDamasikasi
Wakagala kwemahhuba manjinji ana badiyiwa muDamasikasi. 20Wakabva atangisa leba nekwaYesu mumasinagogu, eti, “Unkololo weNdzimu.”
21Bose bakawuwha bakatjenama beti, “Kati atayiye iwhoyu nhu wakamusa bhonyongo, muJerusalema, nekwebanhu baka bedana zina ileli? Ngono haazohhila iko zwako kuti ayende nabo kumphirisiti nkulu bali bakasungwa?”
22Koga Sawuli wakayendilambeli ekula mumasimba, akahanganya miholo maJuta aka egala muDamasikasi ngelakidza kuti Yesu ndiye Khirisitu.
23Kwakati kwapinda mahhuba manjinji maJuta akalangana kuti awumbulaye; 24koga Sawuli wakakuziba langana kwawo. Aka akalinda mikoba yenzi siku nesikati, kuyetila kuti awumbulaye; 25koga badiyiwa bakawuntjuludza guma lenzi-nkulu bakawudelusa ali mutundu, guli busiku.
Sawuli ali muJerusalema
26Wakati aswika kuJerusalema akayedza kuti azwibhatshanye nebamwe badiyiwa; koga bakawunhla, ngobe besingagalemoyo kuti watjibe ndhiyiwa. 27Koga Bhanabhasi wakawuntola, akawuhhisa kubapositoli, akabalondesedzela kuti wakabona He tjini ali muzila, akalebeleka naye, nekuti wakasumikila tjini kuDamasikasi muzina laYesu. 28Ndizo wakagala nabo, eyenda muJerusalema esumikila muzina laHe akahalabvuka. 29Wakalebeleka kakale ekakabadzana nemaJuta anolebeleka tjiGiriki; koga ibo baka yedza wumbulaya. 30Koga hama dzakati dzakuziba, dzikawunsa kuKhesariya, dzikawuyendesa kuThasasi.
31Ndizo gubungano letshipi muJudiya, nemuGalile, nemuSamariya yose lakabe nekunyalala likabakika; kakale ngeyenda mukuhla He nenyaladziwa neMeya yakaYengemala, lakakula.
Phethiro ali kuLayida nekuJopha
32Sangwenu kwakati Phethiro eyenda yeno nayeno pakati kwabo bose, wakaswika kose nekubayengemali baka begala kuLayida. 33Ikweno wakanowana nlume unoyi Eniyasi, waka alilele pasi asingamuke mungubo kwemakole ali hhanakadzi akalobgwa negulukadzi. 34Phethiro wakati kuwunli, “Eniyasi, Yesu Khirisitu unokupodza; milika uwalule ngubo dzidzo.” Tjinyolotjo akamilika. 35Bose bagali bekuLayida neSharoni bakawumbona, bakahandukila kuna He.
36KuJopha kwaka kuna umwe ndhiyiwa wetjikadzi waka eyi Thabitha, kunobva kuti Dokhasi, wake ana mihingo yakanaka yebhatsha bahayi. 37Mumahhuba iyawo wakagwala akafa; bakati bawungudza bakawunlalisa mun'umba yapehhugwi. 38Saku Layida yaka ili pedlo neJopha, badiyiwa bakati bewha kuti Phethiro uyikweno, bakawuntumila balume babili benowunkumbilisisa beti, “Tokumbila ubuye nekulibilidza.” 39Ndizo Phethiro wakamilika akayenda nabo. Akati aswika bakawuyendisa kun'umba yapehhugwi. Njhilikadzi dzose dzakama ntome kukwe dzilila, dziwunlakidza nhako nezwimwe zwiyambalo zwaka zwipfumiwa naDokhasi atjinabo. 40Koga Phethiro wakabadusila kuhhe bose, akapfigama akatembezela; akati ehandukila kutjidumbu akati, “Thabitha, muka.” Akahhula meho awe, akati ebona Phethiro akamuka akagala. 41Akaba ewumbhata neluboko akawumilidza. Akadana bayengemali nenjhilikadzi akabaswisa iye ali mpenyu. 42Kukazibgwa muJopha yose, banjinji bakagalamoyo muna He. 43Akagala muJopha kwemahhuba manjinji anaSimoni, nsuki wemakukuta.
Currently Selected:
MIHINGO 9: KTP
Highlight
Share
Copy
Want to have your highlights saved across all your devices? Sign up or sign in
The Word For The World International
MIHINGO 9
9
Handugwa kwaSawuli
1Koga Sawuli, waka etjahlisidzila zwe badiyiwa baHe ngekubabulaya, wakayenda kumphirisiti nkulu 2akanokumbila whalo dzeyenda kumasinagogu ekuDamasikasi, kuti akawana kuna bamwe batobeli bayiyeyi Zila, betjilume kene betjikadzi, abuye nabo bakasungwa kuJerusalema.
3Ngono wakati atjimugwendo oswika kuDamasikasi, tjinyolotjo kwakapenya tjedza tjinobva kudzimu pawunli. 4Wakawila pasi akawha whi liti kuwunli, “Sawuli, Sawuli, unondidziyidzilani kene?”
5Iye wakati, “Ndimwi yani He?”
Whi likahandula liti, “Ndimi Yesu, wawunodziyidza; 6koga, milika ungine munzi-nkulu, nowhobudziwa tjawunowhothama.”
7Balume baaka eyenda nabo bakama bakanyalala bakati whuu, bewha whi koga nhu unolebeleka basingawumbone. 8Sawuli wakamuka pasi; akati ahhula meho akasibone tjinhu; ndizo ke bakawukweba ngeluboko bakayenda naye kuDamasikasi. 9Wakaba bhofu kwemahhuba matatu, kakale asingadle asingan'we.
10Kwake kuna umwe ndhiyiwa muDamasikasi zina lile lake liyi Ananiyasi. He wakati kuwunli mutjilakidzo, “Ananiyasi.”
Iye akahandula eti, “Ndipano He.”
11He wakati kuwunli, “Milika uyende kuzila inoyi Tambunuka, unobhuzwa mun'umba yaJudasi nekwenlume unoyi Sawuli wekuThasasi; nekuti linga, unotembezela saku wali, 12kakale wabona nlume unoyi Ananiyasi ebuya ewhowumbiga maboko kuti apofunuke.”
13Koga Ananiyasi wakahandula eti, “He, ndakawha kubva kubanjinji nekwenlume iwhoyu, kuti wakathama bubi gungapani kubayengemali benyu bemuJerusalema; 14napano unamasimba aakapiwa nebaphirisiti bakulu kuti asunge banhu bose banodana zina lenyu.”
15Koga He wakati kuwunli, “Yenda ngobe watjibe tjidla tjangu tjahagwa tjinowhosenga zina langu mbeli kweBataya nabomambo nebana baIsirayeli; 16ngobe ndowhowunlakidza kuti wakafanila dziyila kungapani edziyilila zina langu.”
17Ndizo Ananiyasi wakamilika eyenda akanongina mun'umba iyeyo. Ewumbiga maboko wakati, “Gamu langu Sawuli, He Yesu iye wakazwilakidza kukuli muzila yawakabuya nayo, wandituma kudze ubone kakale, ukohhadziwa neMeya Yakayengemala.” 18Tjinyolotjo kwakawa zwinhu zwinonga makwapa zwibva mumeho awe akatangisa bona kakale. Akamilika akanobvubikiwa, 19akadla zodliwa akawana masimba.
Sawuli Unosumikila muDamasikasi
Wakagala kwemahhuba manjinji ana badiyiwa muDamasikasi. 20Wakabva atangisa leba nekwaYesu mumasinagogu, eti, “Unkololo weNdzimu.”
21Bose bakawuwha bakatjenama beti, “Kati atayiye iwhoyu nhu wakamusa bhonyongo, muJerusalema, nekwebanhu baka bedana zina ileli? Ngono haazohhila iko zwako kuti ayende nabo kumphirisiti nkulu bali bakasungwa?”
22Koga Sawuli wakayendilambeli ekula mumasimba, akahanganya miholo maJuta aka egala muDamasikasi ngelakidza kuti Yesu ndiye Khirisitu.
23Kwakati kwapinda mahhuba manjinji maJuta akalangana kuti awumbulaye; 24koga Sawuli wakakuziba langana kwawo. Aka akalinda mikoba yenzi siku nesikati, kuyetila kuti awumbulaye; 25koga badiyiwa bakawuntjuludza guma lenzi-nkulu bakawudelusa ali mutundu, guli busiku.
Sawuli ali muJerusalema
26Wakati aswika kuJerusalema akayedza kuti azwibhatshanye nebamwe badiyiwa; koga bakawunhla, ngobe besingagalemoyo kuti watjibe ndhiyiwa. 27Koga Bhanabhasi wakawuntola, akawuhhisa kubapositoli, akabalondesedzela kuti wakabona He tjini ali muzila, akalebeleka naye, nekuti wakasumikila tjini kuDamasikasi muzina laYesu. 28Ndizo wakagala nabo, eyenda muJerusalema esumikila muzina laHe akahalabvuka. 29Wakalebeleka kakale ekakabadzana nemaJuta anolebeleka tjiGiriki; koga ibo baka yedza wumbulaya. 30Koga hama dzakati dzakuziba, dzikawunsa kuKhesariya, dzikawuyendesa kuThasasi.
31Ndizo gubungano letshipi muJudiya, nemuGalile, nemuSamariya yose lakabe nekunyalala likabakika; kakale ngeyenda mukuhla He nenyaladziwa neMeya yakaYengemala, lakakula.
Phethiro ali kuLayida nekuJopha
32Sangwenu kwakati Phethiro eyenda yeno nayeno pakati kwabo bose, wakaswika kose nekubayengemali baka begala kuLayida. 33Ikweno wakanowana nlume unoyi Eniyasi, waka alilele pasi asingamuke mungubo kwemakole ali hhanakadzi akalobgwa negulukadzi. 34Phethiro wakati kuwunli, “Eniyasi, Yesu Khirisitu unokupodza; milika uwalule ngubo dzidzo.” Tjinyolotjo akamilika. 35Bose bagali bekuLayida neSharoni bakawumbona, bakahandukila kuna He.
36KuJopha kwaka kuna umwe ndhiyiwa wetjikadzi waka eyi Thabitha, kunobva kuti Dokhasi, wake ana mihingo yakanaka yebhatsha bahayi. 37Mumahhuba iyawo wakagwala akafa; bakati bawungudza bakawunlalisa mun'umba yapehhugwi. 38Saku Layida yaka ili pedlo neJopha, badiyiwa bakati bewha kuti Phethiro uyikweno, bakawuntumila balume babili benowunkumbilisisa beti, “Tokumbila ubuye nekulibilidza.” 39Ndizo Phethiro wakamilika akayenda nabo. Akati aswika bakawuyendisa kun'umba yapehhugwi. Njhilikadzi dzose dzakama ntome kukwe dzilila, dziwunlakidza nhako nezwimwe zwiyambalo zwaka zwipfumiwa naDokhasi atjinabo. 40Koga Phethiro wakabadusila kuhhe bose, akapfigama akatembezela; akati ehandukila kutjidumbu akati, “Thabitha, muka.” Akahhula meho awe, akati ebona Phethiro akamuka akagala. 41Akaba ewumbhata neluboko akawumilidza. Akadana bayengemali nenjhilikadzi akabaswisa iye ali mpenyu. 42Kukazibgwa muJopha yose, banjinji bakagalamoyo muna He. 43Akagala muJopha kwemahhuba manjinji anaSimoni, nsuki wemakukuta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word For The World International