Exod 4
4
lliy dima yella yuca y muwsa lemereṯ n nnubuwṯ
1amma muwsa yuwa: «matta zeγ kan wilsedqenc naγ wiqqilen alseγden aḏ uwan: < rahiy lliy diyma yella wifdyeḍherc. > »
2ysesteny lliy diyma yella: «d matta tdin lliy g ufusiḵ.» yuwayas: «d tereṭṭa.»
3yuwayas: «luḥiṯ af tammurt.» yaxy iluḥiṯ, teḏwel d telefsa tmereḏ. yexleƹ siyes muwsa. 4yuwa lliy diyma yella y muwsa: «zzel fusiḵ aṭfiyṯ seg ddilis.» yezzel muwsa fusis yeṭṭefiṯ teḏwel d tereṭṭa g fusis. 5yuwa lliy diyma yella: «agg ayuh bac aḏemnen lliy ggiγax d nnabiy. rahiy neči d lliy diyma yella lliy sennent ibabnuwem, rebbiy n ibrahiym aḏ isḥaq aḏ yeƹquwb.»
6yerniy yuwa lliy diyma yella: «seḏef fusiḵ g lxebuniḵ.» yseḏef fusis g lxebunis. yuwayas rebbiy: «seffeγ.» yseffeγ fusis. yaxy yufa fusis yeḏwel yejdem d millel am ṯṯelj.
7yuwayas rebbiy: «ri al lxebuniḵ.» yaxy yeriy al lxebunis tijekkelt iḍen, lemmi ysefγiy yufa fusis yqeƹed am lbqiyeṯ n lbednis.
8aḏ yuwa lliy diyma yella: «iḏa wifsedqenc naγ wirrinc lbalisen y lmuƹjizaṯ tmezwert n teretta tasedqen wisneṯ n ffus lliy yejdem. 9kan wisedqenc ayuh n senneṯ aḏ wislinic dwiḵ, čar fercu seg aman n lwaḏ tenγelet af tammurt lliy teqqur. aḏulen aman lliy tečureten seg lwaḏ d iḏemmen nnaj tammurt.»
muwsa yenzeγ imanis aḏ rebbiy yenkiy yiḏes haruwn
10yuwa muwsa y lliy diyma yella: «seγed ay rebbiy, neči s luwel widdugixc yeqƹeḏ aḏ qqimeγ am idin ḥetta beƹd mag tuflayeḏ y lƹebdiḵ. neči dwiyw ƹaṭel aḏ ilsiw yeḏqel.» 11yaxy yuwayas lliy diyma yella: «d mam lliy yseḥfeḍ dwiy y bnaḏem. aḏ d mam itedjay d bekkuc naγ d laƹmey naγ izer. yaxy muc d neči? 12amma ṭuruh barra. taseḥfdeγ imiḵ dwiy we afsiḵneγ matta amleḏ.» 13lekinti muwsa yerras: «ay rebbiy fjahiγ bac anekyeḏ mam texseḏ xlafiw.» 14iγeccec ggeṯ lliy diyma yella af muwsa. yuwa
«muc haruwn d uwaḵ? neči sseneγ lliy netta yetquddu dwiy. qa tadyas afileqa. lweqt lliy tafyzer tayfreḥ ulis. 15afenƹewneγ af dwiy we afenseḥefdeγ matta aggem. stuflayeḏ we stemleḏ man aymel. 16rahiy ayufley netta y midden g umkaniḵ, ayuflay s ismiḵ. aḏ cekkin am rebbiy lliy itucas lweḥy. 17tewyeḏ g fusiḵ ayuh n tereṭṭa bac aggeḏ siyes lmuƹjizaṯ.» yerla muwsa bac ayeg mag yuwayas rebbiy.
ireḥ muwsa al middenis mammeḵ lliy dima yella yuwidas
18yeḏwel muwsa al yeṯruwn nsibis, yuwayas: «djiḏ areḥeγ al middeniw g miṣr aḥekker kan wicci dderen.» yerras yeṯruwn: «barra af lamen.» 19-23yuwa lliy diyma yella tjekkelt iḍen y muwsa g midyan.
«barra aḏwel al miṣr. rahiy mmuṯen lliy wsiyn xsen afenγen, smanis aḏuleḏ al miṣr smited bac asiḵneḏ zzaṯ ferƹuwn ayuh lƹjayeb lliy uciγaḵ lquweṯ af iggasenneṯ. lekinti djuleγ taseqsḥeγ yxfis aḏ wiyetseyebc middeniw, mles rahiy israyiliyen d terwew imezwern. seyyeb terwew, adj alezzalen. senneγ witteqileḏ atensiybeḏ, afelxaḍert n ayuh tanγeγ terweḵ imezweren.» yaxy yewya muwsa lehlis aḏ ṭarwas yserkiben af iγyal yeffeγ sisen al miṣr aḏ iqam tereṭṭa n lmuƹjizaṯ n rebbiy zada.
ṣefuwra ddeher memmis aḏ tsemneƹ argazis
24yaxy g abriyḏ tman mkan n uriyeḥ yeƹreḍas lliy diyma yella. yexs atyenγ afelxaḍert widehherc memmis. 25yaxy tqam ṣefuwra aḍγaγ n ṣṣem teqdeƹ siyes telecluct n memmis, teṭṭef siyes iderren n muwsa temmal: «cek nembelḥeq d lƹruws n iḏemmen y neči.» 26tuwa: «d lƹruws n iḏemmen.» afelxaḍert uwan amyuh s ddeher. yaxy yerla fellas lliy diyma yella.
muwsa yessaḵen g lmuƹjizaṯ y iwessaren bac ayseyyeb midden
27yuwa lliy diyma yella y haruwn: «ureḥ al ṣṣeḥereṯ bac aḏefḏ muwsa.» yaxy ireḥ ileqay tman jbel n rebbiy ybeḥbayi. 28yuwa muwsa y haruwn af dwiy n lliy diyma yella lkul lliy yuwayestiḏ aḏ matta yuwayas agg. 29wembeƹd usend muwsa yid haruwn al miṣr laymen iwessaren n aṯ israyil lkul. 30yaxy yuwayasen haruwn af matta yuwa lliy diyma yella y muwsa lkul. aḏ yeggi muwsa zzaṯesen lmuƹjizaṯ. 31yaxy umennen siyes midden, mniyn slen lliy lliy diyma yella yesmuqlesen aḏ yezra ḏḏulsen, ṭebsen tezellen y rebbiy.
Currently Selected:
Exod 4: IGJ
Highlight
Share
Copy
Want to have your highlights saved across all your devices? Sign up or sign in
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).
