Makətūbə̄ yā Nehemi 12
12
Rī ngé tun̄ yá̰a̰ gə̄ ō ngán Lebi gə̄ ō
1*Ngé tun̄ yá̰a̰ gə̄ ō *ngán Lebi gə̄ ō ń reēn̄ naā tə́ kə Jorobabel kə́ ngōn̄ Saltiel ō Yesua ō ní rīdə́ n toó: Seraya, Irmeya, Esdras, 2Amaria, Maluk, Hatus, 3Sekania, Rehum, Meremot, 4Ido, Ginetoi, Abia 5Miamin, Maadia, Bilga, 6Semaya, Yoyarib, Yedaya, 7Salu, Amos, Hilkia, Yedaya. Ɓāl̄ yā Yesua tə́ ní nin̄ malang i ngār gə̄ yā *ngé tun̄ yá̰a̰ gə̄ ō, yā ngákó̰ó̰də́ gə̄ ō. 8*Ngán Lebi gə̄ i Yesua ō Binui ō Kadəmiel ō Serebia ō Yehuda ō Matania ō. Matania nin̄ kə ngákó̰o̰n gēé i ngé kənī pā gə̄ kə́ yā ɓōkə́nń Kɔ́ɔ̄ɓē tɔ̄ȳ. 9Nin̄ ran̄ kumdə́ sɔɔ̄ ta naā kə ngákó̰ó̰də́ gə̄ ń i Bakbukia ō Uni ō ní. Bakbukia nin̄ kə Uni ran̄ i ta kəla yādə́ tə́.
10Yesua ojə Yoyakim, Yoyakim ojə Eliasib, Eliasib ojə Yoyada. 11Yoyada ojə Yonatan, Yonatan ojə Yadua.
12Ɓāl̄ ń Yoyakim i ngol *ngé tun̄ yá̰a̰ gə̄ tə́ ní, ngé tun̄ yá̰a̰ gə̄ ń nin̄ i de gə̄ kə́ dɔ gír kojə gə̄ tə́ ní nin̄ n toó: Kə́ tām̄ yā gír kojə yā Seruya tə́ i Meraya, yā Irmeya i Hanania, 13yā Esdras i Mesulam, yā Amaria i Yohanan, 14yā Meliku i Yonatan, yā Sebania i Jəjep, 15yā Harim i Adəna, yā Merayot i Helsai, 16yā Ido i Jakari, yā Gineton i Mesulam, 17yā Abia i Jikəri, yā Miniamin i...#12.17 K. 17: Rī nge tun̄ yá̰á̰ kə́ dɔ gír kojə yā Miniamin tə́ gətóo makətūbūú., yā Moadia i Piltai, 18yā Bilga i Samua, yā Semaya i Yonatan, 19yā Yoyarib i Matenai, yā Yedaya i Uji, 20yā Salai i Kalai, yā Amos i Eber, 21yā Hilkia i Hasabia, yā Yedaya i Netanel.
22Ɓāl̄ yā Eliasib tə́ ō Yoyada tə́ ō Yohanan tə́ ō Yadua tə́ ō ní, *ngán Lebi gə̄ ń i de kə́ dɔ gír kojə gə̄ tə́ ní ndangən̄ rīdə́ kem makətūbūú. Rāān̄ yā *ngé tun̄ yá̰a̰ gə̄ i tītə̄ ń noō ō bátə́ ugəń ɓāl̄ ko̰o̰ ɓē yā Darius mban̄g kə́ Persə tə́.
23*Ngán Lebi gə̄ ń nin̄ i de kə́ dɔ gír kojə gə̄ tə́ ní, ndangən̄ rīdə́ kem makətūbə̄ yá̰á̰ kə́ bo gə̄ kə́ rāān̄ yá̰á̰ tə́ bátə́ ugə̄ń ɓāl̄ yā Yohanan kə́ ngōn̄ Eliasib tə́.
24Hasabia ō Serebia ō Yesua kə́ ngōn̄ Kadəmiel ō ń i ngār gə̄ kə́ dɔ *ngán Lebi gə̄ tə́ ní, ré ta kəla i dɔdə́ tə́ anī nin̄ ran̄ kumdə́ sɔɔ̄ ta naā kə ngán Lebi kə́ rang gēé yā kənīń pā gə̄ kə́ yā ɓōkə́nń Kɔ́ɔ̄ɓē tɔ̄ȳ ō, kə́ yā ndadə̄nneé tām̄ yā kem majə yān tə́ ō, tītə̄ ń Dabid kə́ deē yā Nə́ɓā ədań kadə̄ yā rāā ní.
25Ngé ngɔ̄m̄ ta róbə gə̄ ń i Matania ō Bakbukia ō Obadia ō Mesulam ō Talmon ō Akub ō ní, kəla rāādə́ i ngɔ̄m̄ l o ta róbə́ *kújə yā Kɔ́ɔ̄ɓē tə́. 26Nin̄ rāān̄ kəla yādə́ i ɓāl̄ yā Yoyakim kə́ ngōn̄ Yesua kə́ ngōn̄ Yosadak tə́ ō, Nehemi nge ko̰o̰ ɓē tə́ ō, Esdras *nge tun̄ yá̰á̰ kə́ nge ndóō de gə̄ ndū najə̄ tə́ ō.
Nehemi i dɔ kəla rāā nāā ndogə̄ mbal̄ tə́
27Dan ń əndān̄ ndogə̄ mbal̄ kə́ Jerusalem oy anī, əlan̄ gō *ngán Lebi gə̄ tə́ loo malang ń ndin̄ tū tə́ ní tə́ kadə̄ reē ɔrə̄n̄ kamə̄n tayā tām̄ yā Nə́ɓā tə́ ō, rāān̄ nān kə rɔ̄nelēé ō, kə tɔ̄ȳ gə̄ ō, pā gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde kə́ kəlān i ngá̰ý kə́ kugə gə̄ ō, kə́ kəlān i ngá̰ý aĺ kə́ kugə gə̄ ō. 28De gə̄ ń nin̄ i kem ɓūtə̄ yā gōsə̄ pā gə̄ tə́ ní kánə̄n̄ naā. Nin̄ ḭḭn̄ i kə kem ngán ɓē gə̄ ń ndin̄ kə gō gidə ɓē kə́ Jerusalem ní tə́ ō, ngán ɓē gə̄ kə́ Netopa tə́ ō, 29Bet Gilgal ō, gō nang kə́ Geba tə́ ō Asmabet tə́ ō. 30*Ngé tun̄ yá̰a̰ gə̄ ō ngán *Lebi gə̄ ō tə́gon̄ yḛr kə́ rɔ̄də́ nin̄ kɔ́ gə̄ tə́ ō, kə́ rɔ̄ ngán *Israel gə̄ tə́ ō, kə́ tū ndogə̄ mbal̄ tə́ ō.
31M-ādə̄ ngār gə̄ kə́ *Juda alə̄n̄ dɔ ndogə̄ mbal̄ tə́ ō, m-ə̄ndā ɓūtə̄ yā gōsə̄ pā gə̄ kə́ nin̄ i ngá̰ý gə̄ gír loo jōó ō. Ɓūtə̄ kə́ kógə̄ḿ aw̄ dām̄ kə́ ko̰ó̰ tə́ dɔ ndogə̄ mbal̄ tə́, kum kə̄ ta róbə dɔ bū loo tə́. 32De gə̄ ń njə̄rān̄ gōdə́ tə́ ní i Hosaya ō, núsə ngār gə̄ kə́ Juda ō, 33Ajaria ō Esdras ō Mesulam ō 34Yehuda ō Benjamḛ ō Semaya ō Irmeya ō. 35*Ngé tun̄ yá̰a̰ gə̄ utə̄n̄ gōdə́ kə bərúnjə gēé. Jakari kə́ ngōn̄ Yonatan kə́ ngōn̄ Semaya kə́ ngōn̄ Matania kə́ ngōn̄ Mikaya kə́ ngōn̄ Jakur kə́ ngōn̄ Asap, 36nin̄ kə ngákó̰o̰n gə̄ ń i Semaya ō Ajarel ō, Milalai ō Gilalai ō Maai ō Netanel ō Yehuda ō Hanani ō ní, utə̄n̄ gōdə́ kə yá̰á̰ kə́ ɓār̄ gōsə̄ gə̄ ń Dabid kə́ deē yā Nə́ɓā mēr̄ rāā ní ō. Esdras nge ndóō de gə̄ ndū najə̄ i kété nodə́ tə́. 37Dan ń ugə̄n̄ ta róbə kəɓa man̄ tə́ anī, róbə́ kə́ əta tan kə̄ dɔɔ́ ta kaw̄ kə̄ kem ɓē yā Dabid tə́ i nodə́ tə́. Nin̄-unən̄ róbə́ ní dɔ ndogə̄ mbal̄ tə́ adə̄ kújə mbang yā Dabid i kə̄ nang tə́. Nin̄-aw̄n̄ bátə́ ugə̄n̄ ta róbə man̄ tə́ dām̄ kə́ gír ɓēé tə́.
38Ɓūtə̄ gōsə̄ pā gə̄ kə́ nge ko̰ jōó aw̄ dām̄ kə́ geleé tə́. Mə̄kɔ́ m-ūtə̄ gōdə́ dɔ ndogə̄ mbal̄ tə́. Núsə de gə̄ i seḿ. Jə-mān̄ ngɔr kadə kújə́ kə́ ra kə ngālāá ɓururu ń hor púr gə̄ i kemeé tə́ ní. Gō tə́ anī jə-teē loo ń ndogə̄ mbal̄ i tū tə́ ní tə́. 39Jə-mān̄ dɔ róbə yā *Epəraim tə́ ō yā Yesana tə́ ō yā kānjə̄ gə̄ tə́ ō. Jə-mān̄ kújə́ kə́ ngāl̄ ɓururu yā Hananel ō yā ngé kə́ ɓú gə̄ ō, ta róbə yā batə̄ gə̄ ō, ba j-aw̄ jə-dəba ta róbə yā ngé ngɔ̄m̄ loo gə̄ tə́. 40Gōsə̄ pā kə́ gír jōó gə̄ ní dəban̄ kem *kújə yā Nə́ɓā tə́. Mā m̄-dəba ō, ngé rāā sarya gə̄ ń njə̄rān̄ seḿ ní dəban̄ ō. 41*Ngé tun̄ yá̰a̰ gə̄ ń i Eliakim ō Maseya ō Miniamin ō Mikaya ō Eliohenai ō Jakari ō Hanania ō ní kɔ̄rə́n̄ bərúnjə. 42Rī de kə́ sedə́ gə̄ n toó: Maseya, Semaya, Eleajar, Uji, Yohanan, Malkia, Elam, Elam Ejer. Gōsə̄ pā gə̄ ənīn̄ pā adə̄ de gə̄ oōn̄. Ngoldə́ i Yijəraya.
43Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.
Yá̰a̰ kə́ tām̄ yā ngé tun̄ yá̰a̰ gə̄ tə́ ō, yā ngán Lebi gə̄ tə́ ō
44Kújə gə̄ ń a ɓōkə́n̄ yá̰á̰ kə́ ndējə̄ gə̄ ō, a kánə̄n̄ yá̰á̰ kə́ ta kəga dɔ gə̄ ō, *dɔ yá̰á̰ kə́ kɔr̄ kógə̄ḿ dan kə́ kutə tə́ gə̄ ō, kemeé ní, tə́ndān̄ de gə̄ ndɔ̄ ngeé ń noō tə́ kadə̄ ngɔ̄mə̄n̄ ō, kadə̄ táān̄ yá̰a̰ gə̄ ń *ndū najə̄ adə̄ *ngé tun̄ yá̰a̰ gə̄ ō ngán *Lebi gə̄ ō ní kem ndɔr̄ gə̄ kə́ kə gō gidə ɓē gēé tə́ yā reēń kemeé ō. Kəla ń ngé tun̄ yá̰a̰ gə̄ ō ngán Lebi gə̄ ō rāān̄ ní, nel̄ de gə̄ malang kə́ *Juda tə́. 45Nin̄ əndān̄ kumdə́ gír kəla yā Nə́ɓā yādə́ tə́ rāān̄ ō, rāān̄ kəla tə́go majaĺ kə́ tákə̄ de gə̄ ō. Ba gōsə̄ pā gə̄ ō, ngé ngɔ̄m̄ ta róbə gə̄ ō ní, rāān̄ i yá̰á̰ ń Dabid nin̄ kə ngōnən Salomo̰ó̰ ədan̄ kadə̄ yā rāā ní. 46Tɔdɔ̄ kété ɓāl̄ yā Dabid tə́ ō Asap tə́ ō ní, ngār yā gōsə̄ pā gə̄ ō, pā tɔ̄ȳ gə̄ ō, pā ndadə̄ Nə́ɓā kə tām̄ yā kem majə yān tə́ ō ton̄. 47Ɓāl̄ yā Jorobabel tə́ ō Nehemi tə́ ō ní, ngán *Israel gə̄ malang adə̄n̄ gōsə̄ pā gə̄ ō, ngé ngɔ̄m̄ ta róbə gə̄ ō, yá̰á̰ kə́ tām̄ yādə́ tə́ kə dɔ ndɔ̄ gə̄. Yá̰a̰ ndējə̄ kə́ *táĺ gə̄ ń i yā kadə̄ *ngán Lebi gə̄ ní, nin̄ adə̄n̄də́ ō, ngán Lebi gə̄ adə̄n̄ ngán *Aaro̰ gə̄ yādə́ kə́ sɔɔ̄ dɔdə́ ō.
Currently Selected:
Makətūbə̄ yā Nehemi 12: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad