Galasiɛ́ŋ 1
1
Mbígélíd
1-2Yaŋuá Póle, medenyi, ɔlɔŋ na bágásɔ bá giádábɛ́n abánya naánamɛ, yɔɔ́guɔ́ŋɔn Bimbi biá beédébi bá Klístus biá Galási. Búdibá bandɔ bɔ́ bémembúlígíe medenyi, búdibá uguélém guá mɔndɔ nnya medenyi, gɔgaá uguá Yésuse Klístus naá uguá Uhaluá Síe, umaáhuɛ́nyɛ yɔ́ uguá nigué. 3Ánaá Uhaluá Síe wasɔ na Ɔgúná Yésuse Klístus bánúsayɛ bónd bánúhuá bumbénu. 4Klístus mbánan umodóŋínyé nusɔ́da nuég gá díháŋ gásɔ gá bilɔga, uwond uwɔdíhɔg uguá imbɔ́g siá buŋaŋa buá gilɔga giá guísi uguá guɔyɛd guá Uhaluá Síe wasɔ. 5Ánaá díéŋen Uhaluá nigúmi gá nnyɔ́m na nnyɔ́m. Anagányɛ!
Ginɔ́g giá Nsɔ́m gínyɛ pɛ́ŋ gímomi
6Yaáyíka áneé nuédúme umɔɔ́núdɔ́ŋɛ́ɛn uguá magɔg má Klístus gélém ubuá gunsáns, gá hagɔn Ginɔ́g giá Nsɔ́m gídodi. 7Búnyɛ meliŋ áneé Ginɔ́g giá Nsɔ́m gídodi gídibá, búnyɛ pɛ́ŋ bandɔ bómodi bɔ́ bénúbuŋibuŋie, bónd bámba gunúgie Ginɔ́g giá Nsɔ́m giá Yésuse Klístus. 8Gɔgaá, mɔndɔ, ta basuá ugúnya ana gilúna giá gumɔn, dímónúdóginye Ginɔ́g giá Nsɔ́m igídiabá igiɛ́ dímonúdógínyé, ánaá Uhaluá usésídinye yɔ́. 9Yɔɔ́mɔ́nɔ́núɔyɔn buɔ́, gúu yɔ́ndɔnúɔyɔnaá buɔ́ dabdab: Mɔndɔ úmɔ́núɔyɔn Ginɔ́g giá Nsɔ́m igídiabá igiɛ́ númɔɔ́b, ánaá Uhaluá ulɔm yɔ́. 10Gɔgaá, dabdab, ndiáguamba guhám ugelu na bandɔ, pɛ́ŋ na Uhaluá. Ndiáguamba gubá beseé agá eŋís ya bandɔ. Yámamba gubá beseé agá eŋís ya bandɔ, ndiándabá edúmébi wa Klístus.
Uhaluá uméyid Póle hana edúmébi
11Beliméen, yɔɔ́núɔyɔn buɔ́, Ginɔ́g giá Nsɔ́m igiɛ́ nnúdógonyinyeé, gídióguólonin uguá bandɔ. 12Búdibá mɔndɔ úmeéndúmbínyé ugúnya ana úmeémpuínyipuínyé giɛ́, gɔgaá búnyɛ Yésuse Klístus úmáal áneé mmuɛ́nyɛ giɛ́. 13Nuɔ́mɔ́núguɔ́bɔn bɔ́ya hana mmabá mbígɔ́lɔn agaá mmabá mmanyɛ gá binen melélíe má bayúdɛn. Nuálinsan bubugaga ubuɔ́ mmabá yoóbígonye Gimbi giá beédébi bá Uhaluá na buɔ́, yond yamba gugad giɛ́. 14Mmába hana gá búlúgenye Uhaluá uguá bilɔŋ biá bayúdɛn, yaŋuá mmadúmban abámabá bágásɔ, nnɛmb siámɛ. Mmabá yaágan bugaga buámɛ gidigid gá háŋan melélíe má bababa bámɛ gudɔ́mb bɔ́. 15-16Gɔgaá, Uhaluá, uguég guá magɔg, umeŋeyíd agányɛ mmabá mmanyɛ ndibíbíén, gá dúmába yɔ́. Umaámádáab áneé udíye Muɔ́n áneé ulɛns yɔ́ agá eŋís ya abádiabá bayúdɛn, mmosónoóhún ta mɔndɔ isɔ́ma, 17guond súsɔ́n mmasúguɛ́d Yelusalɛ́m agá buáyɛ buá ebémebué gá bá bedúmébi gámɛ. Gɔgaá, iyedúmbie guɛ́d uguá Alabí, egélém iyosiond Damás. 18Duɔŋ dúdádɔ dúmaámádɔ́mb, iyabáduguɛ́d Yelusalɛ́m gá linsanɛn na Séfas, iyond iyedúmbie mɔɔ́sɛ bunyo neéneg. 19Mmasúguán medenyi mómomi, esié Sák, ndiméen wa Ɔgúná. 20Ubuɔ́ nnúɔ́ŋɔnaá ubugányɛ, yɔɔ́guɔya buɔ́ agá eŋís ya Uhaluá, búdibá bibán. 21Iyedúmbie guɛ́d uguá gibéyi giá guísi giá Silí naá giá Silisí. 22Gɔgaá, Bimbi biá beédébi bá Klístus ibínya uguá gibéyi giá guísi giá Yudé bímabá bímanyɛ bídiŋán. 23Bímabá bímɔ́b pɛ́ŋ áneé: «Umaábá udígényigenye nsuá, weésesenye dabdab Ginɔ́g giá Nsɔ́m giá guágɔdɛ́m igiɛ́ úmabá wamba guségíninye.» 24Guond ibíɛ́d gá búlúgenye Uhaluá gámɛ gá busió.
Currently Selected:
Galasiɛ́ŋ 1: EKM
Highlight
Share
Copy
Want to have your highlights saved across all your devices? Sign up or sign in
Galasiɛ́ŋ 1
1
Mbígélíd
1-2Yaŋuá Póle, medenyi, ɔlɔŋ na bágásɔ bá giádábɛ́n abánya naánamɛ, yɔɔ́guɔ́ŋɔn Bimbi biá beédébi bá Klístus biá Galási. Búdibá bandɔ bɔ́ bémembúlígíe medenyi, búdibá uguélém guá mɔndɔ nnya medenyi, gɔgaá uguá Yésuse Klístus naá uguá Uhaluá Síe, umaáhuɛ́nyɛ yɔ́ uguá nigué. 3Ánaá Uhaluá Síe wasɔ na Ɔgúná Yésuse Klístus bánúsayɛ bónd bánúhuá bumbénu. 4Klístus mbánan umodóŋínyé nusɔ́da nuég gá díháŋ gásɔ gá bilɔga, uwond uwɔdíhɔg uguá imbɔ́g siá buŋaŋa buá gilɔga giá guísi uguá guɔyɛd guá Uhaluá Síe wasɔ. 5Ánaá díéŋen Uhaluá nigúmi gá nnyɔ́m na nnyɔ́m. Anagányɛ!
Ginɔ́g giá Nsɔ́m gínyɛ pɛ́ŋ gímomi
6Yaáyíka áneé nuédúme umɔɔ́núdɔ́ŋɛ́ɛn uguá magɔg má Klístus gélém ubuá gunsáns, gá hagɔn Ginɔ́g giá Nsɔ́m gídodi. 7Búnyɛ meliŋ áneé Ginɔ́g giá Nsɔ́m gídodi gídibá, búnyɛ pɛ́ŋ bandɔ bómodi bɔ́ bénúbuŋibuŋie, bónd bámba gunúgie Ginɔ́g giá Nsɔ́m giá Yésuse Klístus. 8Gɔgaá, mɔndɔ, ta basuá ugúnya ana gilúna giá gumɔn, dímónúdóginye Ginɔ́g giá Nsɔ́m igídiabá igiɛ́ dímonúdógínyé, ánaá Uhaluá usésídinye yɔ́. 9Yɔɔ́mɔ́nɔ́núɔyɔn buɔ́, gúu yɔ́ndɔnúɔyɔnaá buɔ́ dabdab: Mɔndɔ úmɔ́núɔyɔn Ginɔ́g giá Nsɔ́m igídiabá igiɛ́ númɔɔ́b, ánaá Uhaluá ulɔm yɔ́. 10Gɔgaá, dabdab, ndiáguamba guhám ugelu na bandɔ, pɛ́ŋ na Uhaluá. Ndiáguamba gubá beseé agá eŋís ya bandɔ. Yámamba gubá beseé agá eŋís ya bandɔ, ndiándabá edúmébi wa Klístus.
Uhaluá uméyid Póle hana edúmébi
11Beliméen, yɔɔ́núɔyɔn buɔ́, Ginɔ́g giá Nsɔ́m igiɛ́ nnúdógonyinyeé, gídióguólonin uguá bandɔ. 12Búdibá mɔndɔ úmeéndúmbínyé ugúnya ana úmeémpuínyipuínyé giɛ́, gɔgaá búnyɛ Yésuse Klístus úmáal áneé mmuɛ́nyɛ giɛ́. 13Nuɔ́mɔ́núguɔ́bɔn bɔ́ya hana mmabá mbígɔ́lɔn agaá mmabá mmanyɛ gá binen melélíe má bayúdɛn. Nuálinsan bubugaga ubuɔ́ mmabá yoóbígonye Gimbi giá beédébi bá Uhaluá na buɔ́, yond yamba gugad giɛ́. 14Mmába hana gá búlúgenye Uhaluá uguá bilɔŋ biá bayúdɛn, yaŋuá mmadúmban abámabá bágásɔ, nnɛmb siámɛ. Mmabá yaágan bugaga buámɛ gidigid gá háŋan melélíe má bababa bámɛ gudɔ́mb bɔ́. 15-16Gɔgaá, Uhaluá, uguég guá magɔg, umeŋeyíd agányɛ mmabá mmanyɛ ndibíbíén, gá dúmába yɔ́. Umaámádáab áneé udíye Muɔ́n áneé ulɛns yɔ́ agá eŋís ya abádiabá bayúdɛn, mmosónoóhún ta mɔndɔ isɔ́ma, 17guond súsɔ́n mmasúguɛ́d Yelusalɛ́m agá buáyɛ buá ebémebué gá bá bedúmébi gámɛ. Gɔgaá, iyedúmbie guɛ́d uguá Alabí, egélém iyosiond Damás. 18Duɔŋ dúdádɔ dúmaámádɔ́mb, iyabáduguɛ́d Yelusalɛ́m gá linsanɛn na Séfas, iyond iyedúmbie mɔɔ́sɛ bunyo neéneg. 19Mmasúguán medenyi mómomi, esié Sák, ndiméen wa Ɔgúná. 20Ubuɔ́ nnúɔ́ŋɔnaá ubugányɛ, yɔɔ́guɔya buɔ́ agá eŋís ya Uhaluá, búdibá bibán. 21Iyedúmbie guɛ́d uguá gibéyi giá guísi giá Silí naá giá Silisí. 22Gɔgaá, Bimbi biá beédébi bá Klístus ibínya uguá gibéyi giá guísi giá Yudé bímabá bímanyɛ bídiŋán. 23Bímabá bímɔ́b pɛ́ŋ áneé: «Umaábá udígényigenye nsuá, weésesenye dabdab Ginɔ́g giá Nsɔ́m giá guágɔdɛ́m igiɛ́ úmabá wamba guségíninye.» 24Guond ibíɛ́d gá búlúgenye Uhaluá gámɛ gá busió.
Currently Selected:
:
Highlight
Share
Copy
Want to have your highlights saved across all your devices? Sign up or sign in