Galasiɛ́ŋ 2
2
Póle na medenyi omólmondeé
1Egélém gá duɔŋ dúad na dúníhi, iyanduguɛ́d Yelusalɛ́m ɔlɔŋ na Balnábas, iyond iyɔgɔ́l súsɔ́n Títe gá guɛ́d neéneg. 2Mmɛɛ́d Yelusalɛ́m uguélém guá nuénígie nuá Uhaluá. Uguá gigɔ́sɛ igiɛ́ mmabiá na bogógi bá Bimbi biá beédébi bá Klístus, mmɔyɔ́n bɔ́ Ginɔ́g giá Nsɔ́m igiɛ́ mmesésényínyé abádiabá bayúdɛn, gá gueleé buóli ubuɔ́ mmabá mmáal, naá ubuɔ́ mmabá yala búdiɛ́d uguá mimbi. 3Gɔgaá, Títe uyɔɔ́ mmabá ɔlɔŋ neéneg, maná baglɛ́k, bámasá ta gugɔ́d yɔ́ áneé ubíans, 4ta haná bandɔ abámalá hana bányɛ básɔ, bámamba áneé báns yɔ́. Bandɔ abagányɛ bémebíŋín uguásɔ guá gimbi gá dífáfa uguásɔ guá buhélélé ubúdíólonineé agá Klístus, gá dióndie uguá buɔ́lɛ buá gigodi. 5Dimasánihinɛn bɔ́ ta maná giásɛ, gá gueleé dinúgáganɛn hómohómue wa Ginɔ́g giá Nsɔ́m. 6Gɔgaá, gá busió buá bogógi bá Gimbi giá beédébi bá Klístus, ubuɔ́ bámabá búmeséŋeŋenye nuɔ́l, gá giagiá: Uhaluá udiásúmba gisan giá bandɔ uguɔ́b guá bilɔŋ. Bogógi abagányɛ bámasáŋɔ́d gɔg áneé yal buand ubugɔ́sɛ búmodi. 7Henyé áneé, Uhaluá umandɔ́m áneé ndógonyinye bayúdɛn Ginɔ́g giá Nsɔ́m haná úmadɔ́m Séfas#2.7 Ɔhɛ́n húmodi huá piéle. áneé wonódógonyinye abádiabá bayúdɛn giɛ́. 8Gá giagiá, Uhaluá úmeéndélímínyé gá bá medenyi má abádiabá bayúdɛn, haná úmedélímínyé Séfas medenyi má bayúdɛn. 9Na Sák Séfas na Sáŋa abámabá hana mbímba siá Gimbi giá beédébi bá Klístus, abálɛns áneé Uhaluá úmaámpuá giándagáand giá buóli igigányɛ, idíɔgɔ́lɔ́n ɔmbɔ́g nɔɔ́nɔb, naánamɛ na Balnabás gá díye áneé dimáhám ugelu. Agányɛ, idiɛ́d gá buóli uguá abádiabá bayúdɛn, bámuanyɛ abɛ́d ɔmbɔ́g huá bayúdɛn. 10Abádíbaŋidɛn pɛ́ŋ áneé dibídúmenye basúgásuga bɔ́b bá Gimbi giá beédébi bá Klístus, iyedúmbie iyɔgɔ́l gisigɛl nɔ́.
Nségíe na Póle na Séfas agá tísɔna wa Antiós
11Gɔgaá, Séfas umeémésieg Antiós, iyagálídɛn yɔ́ egég gá eŋís naá ya bandɔ gidigid, gá giagiá umabiá gigua. 12Búmabá áneé: gá gueleé bandɔ ɔbɔɔ́ Sák úmabá udúman bésieg Antiós, Séfas umabá unyánan naá udiábá wa bayúdɛn, bandɔ abagányɛ bémeémésieg, Séfas uwabídándɔ́n nɔɔ́nɔb gá díne bayúdɛn. 13Bɔ́gɔ́b bayúdɛn bómodi ebébíŋín uguá bugibín buáguɔ́ buá Séfas, Balnábas súsɔ́n uwebíŋín uguá gilɔg giáguɔ́ giá bunuɔ́ndɔnd. 14Mmaámaán áneé umasábá wanda gindényé uguá hómohómue wa Ginɔ́g giá Nsɔ́m, iyɔyidɛn Séfas agá eŋís ya mɔndɔ gidigid áneé: «Aŋuá anyaá maná bayúdɛn ɔ́mɔ́sɔ́dɔn hana abádiabá bayúdɛn, kandugual hana gigodi giá bayúdɛn gíɔ́yɔnɔ́, naánanyá ányá wa dídígen abádiabá bayúdɛn gá sɔ́dɔn hana bayúdɛn?» 15Basuá didibá bandɔ obólónineé uguá bidɔŋ biá abádialínsán bigodi biá Uhaluá, dinyɛ bayúdɛn uguá mbíényi. 16Ta nɔ́, diámúnyan áneé Uhaluá udiáguánan mɔndɔ gindényé uguég guá binen gigodi giá Mɔ́sɛsa, búanábá uguég guá guágɔdɛ́m uguá Yésuse Klístus. Buand buáguɔ́, basuá súsɔ́n diádáab Yésuse Klístus gá guéleé dibá gindényé agá eŋís ya Uhaluá uguá guágɔdɛ́m uguég, gudɔ́mb áneé búbá uguá binen gigodi. Gá giagiá, Uhaluá udianábíyɛg ta mɔndɔ gindényé egég gá eŋís gá giagiá umebinídín gigodi giá Mɔ́sɛsa. Gɔgaá, uguá guágɔdɛ́m uguá Yésuse. 17Gɔgaá, mmába uguá guamba gubá gindényé agá eŋís ya Uhaluá uguá Klístus, bán áneé dinyɛ bɔlɔga basuá súsɔ́n. Bányɛ bá guɔyɛd áneé Klístus úwalanɔ́ áneé dibídúgɛn gilɔga? Ɛ́ɛɛ́, bibán! 18Búnyɛ áneé, mmónd gá hág ubuɔ́ nságad, tábɔ́ áneé yaŋuá mbíóndonyeé mɔndɔ udiébínén gigodi. 19Gá giagiá, yaŋuá, gá ubúbíyíganaá gigodi nnyɛ eguén, nigué inigányɛ níábíyígan gigodi gímuanyɛ muɛ́d. Mmegué gá sɔ́dɔn gá busió buá Uhaluá, ɔlɔŋ na Klístus nnyɛ eguénu uguá nuag. 20Yɔɔ́sɔ́dɔn, gɔgaá búdibánda yaŋuá, búnyɛ Klístus úsɔ́dɔnaá uguámɛ. Gá giagiá nusɔ́da nuámɛ nuá bɔndɔ, nuá dabdab, yɔɔ́sɔ́dɔn nuɔ́ uguá guágɔdɛ́m uguá Muɔ́n wa Uhaluá umɔŋɔyɛ́d owond uwodóŋinye nusɔ́da nuég gámɛ gá busió. 21Mmɔ́biɔ́b guomb magɔg ma Uhaluá, gá giagiá mmába mɔndɔ woóguondon gindényé uguélém guá gigodi, tábɔ́ áneé Klístus umegué gá gilé.
Currently Selected:
Galasiɛ́ŋ 2: EKM
Highlight
Share
Copy
Want to have your highlights saved across all your devices? Sign up or sign in
Galasiɛ́ŋ 2
2
Póle na medenyi omólmondeé
1Egélém gá duɔŋ dúad na dúníhi, iyanduguɛ́d Yelusalɛ́m ɔlɔŋ na Balnábas, iyond iyɔgɔ́l súsɔ́n Títe gá guɛ́d neéneg. 2Mmɛɛ́d Yelusalɛ́m uguélém guá nuénígie nuá Uhaluá. Uguá gigɔ́sɛ igiɛ́ mmabiá na bogógi bá Bimbi biá beédébi bá Klístus, mmɔyɔ́n bɔ́ Ginɔ́g giá Nsɔ́m igiɛ́ mmesésényínyé abádiabá bayúdɛn, gá gueleé buóli ubuɔ́ mmabá mmáal, naá ubuɔ́ mmabá yala búdiɛ́d uguá mimbi. 3Gɔgaá, Títe uyɔɔ́ mmabá ɔlɔŋ neéneg, maná baglɛ́k, bámasá ta gugɔ́d yɔ́ áneé ubíans, 4ta haná bandɔ abámalá hana bányɛ básɔ, bámamba áneé báns yɔ́. Bandɔ abagányɛ bémebíŋín uguásɔ guá gimbi gá dífáfa uguásɔ guá buhélélé ubúdíólonineé agá Klístus, gá dióndie uguá buɔ́lɛ buá gigodi. 5Dimasánihinɛn bɔ́ ta maná giásɛ, gá gueleé dinúgáganɛn hómohómue wa Ginɔ́g giá Nsɔ́m. 6Gɔgaá, gá busió buá bogógi bá Gimbi giá beédébi bá Klístus, ubuɔ́ bámabá búmeséŋeŋenye nuɔ́l, gá giagiá: Uhaluá udiásúmba gisan giá bandɔ uguɔ́b guá bilɔŋ. Bogógi abagányɛ bámasáŋɔ́d gɔg áneé yal buand ubugɔ́sɛ búmodi. 7Henyé áneé, Uhaluá umandɔ́m áneé ndógonyinye bayúdɛn Ginɔ́g giá Nsɔ́m haná úmadɔ́m Séfas#2.7 Ɔhɛ́n húmodi huá piéle. áneé wonódógonyinye abádiabá bayúdɛn giɛ́. 8Gá giagiá, Uhaluá úmeéndélímínyé gá bá medenyi má abádiabá bayúdɛn, haná úmedélímínyé Séfas medenyi má bayúdɛn. 9Na Sák Séfas na Sáŋa abámabá hana mbímba siá Gimbi giá beédébi bá Klístus, abálɛns áneé Uhaluá úmaámpuá giándagáand giá buóli igigányɛ, idíɔgɔ́lɔ́n ɔmbɔ́g nɔɔ́nɔb, naánamɛ na Balnabás gá díye áneé dimáhám ugelu. Agányɛ, idiɛ́d gá buóli uguá abádiabá bayúdɛn, bámuanyɛ abɛ́d ɔmbɔ́g huá bayúdɛn. 10Abádíbaŋidɛn pɛ́ŋ áneé dibídúmenye basúgásuga bɔ́b bá Gimbi giá beédébi bá Klístus, iyedúmbie iyɔgɔ́l gisigɛl nɔ́.
Nségíe na Póle na Séfas agá tísɔna wa Antiós
11Gɔgaá, Séfas umeémésieg Antiós, iyagálídɛn yɔ́ egég gá eŋís naá ya bandɔ gidigid, gá giagiá umabiá gigua. 12Búmabá áneé: gá gueleé bandɔ ɔbɔɔ́ Sák úmabá udúman bésieg Antiós, Séfas umabá unyánan naá udiábá wa bayúdɛn, bandɔ abagányɛ bémeémésieg, Séfas uwabídándɔ́n nɔɔ́nɔb gá díne bayúdɛn. 13Bɔ́gɔ́b bayúdɛn bómodi ebébíŋín uguá bugibín buáguɔ́ buá Séfas, Balnábas súsɔ́n uwebíŋín uguá gilɔg giáguɔ́ giá bunuɔ́ndɔnd. 14Mmaámaán áneé umasábá wanda gindényé uguá hómohómue wa Ginɔ́g giá Nsɔ́m, iyɔyidɛn Séfas agá eŋís ya mɔndɔ gidigid áneé: «Aŋuá anyaá maná bayúdɛn ɔ́mɔ́sɔ́dɔn hana abádiabá bayúdɛn, kandugual hana gigodi giá bayúdɛn gíɔ́yɔnɔ́, naánanyá ányá wa dídígen abádiabá bayúdɛn gá sɔ́dɔn hana bayúdɛn?» 15Basuá didibá bandɔ obólónineé uguá bidɔŋ biá abádialínsán bigodi biá Uhaluá, dinyɛ bayúdɛn uguá mbíényi. 16Ta nɔ́, diámúnyan áneé Uhaluá udiáguánan mɔndɔ gindényé uguég guá binen gigodi giá Mɔ́sɛsa, búanábá uguég guá guágɔdɛ́m uguá Yésuse Klístus. Buand buáguɔ́, basuá súsɔ́n diádáab Yésuse Klístus gá guéleé dibá gindényé agá eŋís ya Uhaluá uguá guágɔdɛ́m uguég, gudɔ́mb áneé búbá uguá binen gigodi. Gá giagiá, Uhaluá udianábíyɛg ta mɔndɔ gindényé egég gá eŋís gá giagiá umebinídín gigodi giá Mɔ́sɛsa. Gɔgaá, uguá guágɔdɛ́m uguá Yésuse. 17Gɔgaá, mmába uguá guamba gubá gindényé agá eŋís ya Uhaluá uguá Klístus, bán áneé dinyɛ bɔlɔga basuá súsɔ́n. Bányɛ bá guɔyɛd áneé Klístus úwalanɔ́ áneé dibídúgɛn gilɔga? Ɛ́ɛɛ́, bibán! 18Búnyɛ áneé, mmónd gá hág ubuɔ́ nságad, tábɔ́ áneé yaŋuá mbíóndonyeé mɔndɔ udiébínén gigodi. 19Gá giagiá, yaŋuá, gá ubúbíyíganaá gigodi nnyɛ eguén, nigué inigányɛ níábíyígan gigodi gímuanyɛ muɛ́d. Mmegué gá sɔ́dɔn gá busió buá Uhaluá, ɔlɔŋ na Klístus nnyɛ eguénu uguá nuag. 20Yɔɔ́sɔ́dɔn, gɔgaá búdibánda yaŋuá, búnyɛ Klístus úsɔ́dɔnaá uguámɛ. Gá giagiá nusɔ́da nuámɛ nuá bɔndɔ, nuá dabdab, yɔɔ́sɔ́dɔn nuɔ́ uguá guágɔdɛ́m uguá Muɔ́n wa Uhaluá umɔŋɔyɛ́d owond uwodóŋinye nusɔ́da nuég gámɛ gá busió. 21Mmɔ́biɔ́b guomb magɔg ma Uhaluá, gá giagiá mmába mɔndɔ woóguondon gindényé uguélém guá gigodi, tábɔ́ áneé Klístus umegué gá gilé.
Currently Selected:
:
Highlight
Share
Copy
Want to have your highlights saved across all your devices? Sign up or sign in