Walumi 11
11
Ubazi wa Mulungu kwa Waizilaeli
1Elo huuza, vino, Mulungu kawalema want'hu wake? Bule! Niye mwenyewe ni Muizilaeli, mwelekwa wa Ibulahimu, kulawa mdikabila da Benjamini. 2Mulungu hawalemile want'hu wake awasagulile tangu mwanduso. Vino, hamkukumbuka vila mandiko yakulonga, vila Eliya alalame halongozi ha Mulungu kwa mbuli ya Waizilaeli? 3Hala alongile, “Mndewa, wawakoma walotezi wako na wahatula hant'hu hako hakulavila nt'hambiko, nisigala nie nidumwe nao wakulonda kunikoma.” 4Mbali Mulungu akamlongela, “Niisigazila want'hu wangu elufu saba ao hawana mfugamalila Baali wamtangile Mulungu.” 5Vilavila nivo vili hata haluse, weyaho want'hu chidogo wasaguligwa kwa ujomwa wa Mulungu. 6Mulungu kawasagula want'hu kulawana na ujomwa wake, nasio kwa mbuli wazitendile want'hu. Kwavila ge Mulungu ingi asagule kwa kulola chila want'hu wakuchitenda, ingi ujomwa wake haulondile kuwa ujomwa kaidi. 7Vino, want'hu wa Izilaeli hawapatile chila wakalile wakuchilonda? Bule, mbali wasaguligwe wakala wachipata na wamwenga wasigale watendigwa wasekumanya nt'hume ya Mulungu. 8Gesa Maandiko ya Mulungu ivoyakulonga, “Mulungu kawatenda wanthu ao gesa want'hu wagonile, hadi vino haluse akutenda ivo hawakudaha kuona kwa meso yawe wala kuhulika kwa magutwi yawe.”
9Nae Mwene Daudi akalonga,
“Ndia za shelehe zawe za kudya ziwe mitego ya kuwagwila, na chint'hu cha kuwatenda wagwe na kulamuligwa.
10Meso yawe yagelwe ziza.
Ili yapotwe kuona, na migongo yawe iveduke kwa mahenyeko ya siku zose.”
11Ivo huuza, vino, Wayahudi ivo waikwalile na kulagala seke wainuke kaidi? Bule! Mbali kwa kumulema muhonyi, uhonyi wita kwa want'hu wa isi zimwenga, ili Wayahudi waone miongo. 12Mbali zambi ya Wayahudi iwatenda want'hu wa isi zimwenga wawe na balaka nk'hulu mui isi, na kuhasanya kwawe kwa kimuhe kugala balaka nk'hulu kwa want'hu sio Wayahudi. Iyo, ikulagisa kuwa ikawa Wayahudi wengi wakamtogola Yesu, want'hu wa isi zimwenga nawapae balaka nk'hulu nk'hani.
Uhonyi wa want'hu sio Wayahudi
13Haluse hulonga na mweye sio Wayahudi. Kwavila nie ni nitumigwa kwa want'hu weli si Wayahudi, huigodela sank'hano yangu, 14nidahe kuwatenda Wayahudi wayangu waonele miyongo, ili wamwenga hagati ya ao Wayahudi wadahe kuhonyigwa. 15Ikawa kwa kulemwa kwawe kutenda want'hu sio Wayahudi watogoligwe na Mulungu. Vino, naiweze Mulungu akawatogola Wayahudi halongozi hake? Naiwe gesa Want'hu wabwelezigwe muugima!
16Ikawa chibenzu cha mwanduso cha mgate chilavigwa halongozi ha Mulungu, mgate wose ukuwa wa Mulungu. Ikawa maizi ya mti yakalavigwa kwa Mulungu, mti wose ukuwa wa Mulungu. 17Na matambi yamwenga ya mzeituni wa mumgunda yakant'hwa na hant'hu hala hakant'higwe dikahota tambi da mzeituni mbago. Mweye want'hu mwili sio Wayahudi nio mkulingana na tambi idyo da mzeituni mbago, na haluse mkupata ndia ili na ugima kufosela mzaituni uhandigwe. 18Ivo, muleke kuyazela matambi yala yakant'higwe! Hata ikawa kuna mbuli ya kuigodela, msekuzimiza kuwa sio mweye mkuyatozeleza maizi, mbali maizi nio yakuwatozeleza mweye.
19Mbali mkudaha kulonga, “Matambi yakant'higwa ili nihandigwe nie.” 20Ena, yakant'higwa kwavila hayatogole, mbali mweye mtimalala kwa kutogola kwako. Elo muiteganye muleke kuigoda. 21Ikawa Mulungu hawaonele ubazi Wayahudi wala wakalile gesa matambi ya mwanduso ya mzeituni, vino, mkumanya nawaonele ubazi mweye? 22Elo lola, Mulungu ivo eli na ubazi na ivo eli mkali. Yeye ni mkali kwa wala wagwile na akuwa kadamana kumwako weye, ukawa ukugendelela kumtogola mbali mkaleka kugendelela kumtogola, naweye vilavila naukant'hwe. 23Nao Wayahudi vilavila, wakatogola, Mulungu nawaikwe hant'hu hala wakant'higwe, kwavila Mulungu akudaha kutenda ivo. 24Mweye want'hu wa isi zimwenga mkulingana na mzeituni wambago, mbali mlavigwa uko, mkahandikizwa mumzeituni uhandigwe hant'hu hakalile sio henu. Mbali Wayahudi wakala gesa mzeituni uhandigwe mumgunda, ivo naidahike kwa ao kuhandikizwa kaidi mumti wawe.
Mulungu akuwaonela ubazi Waizilaeli
25Ndugu zangu, hulonda mmanye ukweli uno ufisike, msekuiona kuwa muna umanyi nk'hani. Kutokutogola kwa Wayahudi kukala kwa chipindi chidodo, hadi hala want'hu sio Wayahudi wakulonda kumtogola Mulungu. 26Aho nio want'hu wose Waizilaeli nawahonyige, gesa Maandiko ya Mulungu ivoyakulonga,
“Muhonyi naeze kulawa bululu da Sayuni, naausegeze uhasanyi wose wa weleko wa Yakobo.
27Dino ndo lagano dyangu hulonda kuditenda kumwawe chipindi nikeza kuzisegeza zambi zawe.”
28Kwavila wakuilema Mbuli Idamane, Wayahudi wawa wanongwa wa Mulungu, mbali kwa mbuli ya kusaguligwa kwawe, ao ni wambuya wa Mulungu kwaajili ya wasaho zawe. 29Kwavila Mulungu akawasagula want'hu na kuwenkha chitumetume hakubiduka. 30Aho hamwanduso mweye want'hu wa isi zimwenga mkala hamkutenda yala akuyalonda Mulungu, mbali vino haluse mpata ubazi wa Mulungu kulawana na kulema kwa Wayahudi. 31Vilavila, na ao Wayahudi haluse wambiduka Mulungu ili kwa kuonelwa mweye ubazi na ao waonelwe ubazi wa Mulungu. 32Kwavila Mulungu kawaleka want'hu wose walekile kumuhulika ili awaonele ubazi want'hu wose.
Mulungu atunyigwe
33Ena, Mulungu ana vint'hu vingi vijomwane na ni mkulu nk'hani! Umanyi wake na kumanya kwake kubule nk'homelezo! Habule mnt'hu akudaha kusimulila yala Mulungu akuyalamula. Habule mnthu akudaha kupelemba vila Mulungu akudaha kutenda mbuli zake. 34Gesa Maandiko ya Mulungu ivoyakulonga,
“Niani akuchimanya chila akuchiwaza Mulungu?
Niani akudaha kumlongoza Mulungu muulamuzi wake?”
35“Egu, niani amwink'hile Mulungu chint'hu chochote chimtendile ambwelezele na Mulungu?”
36Kwavila vint'hu vose vikulawa kumwake, vose vimudahi wake na kwaajili yake. Ukulu na uwe kumwake siku zose! Tawile.
Currently Selected:
Walumi 11: DBV
Highlight
Share
Copy
Want to have your highlights saved across all your devices? Sign up or sign in
The New Testament in Dowe @The Word for The World International and Dowe Language translation. All rights reserved.
Walumi 11
11
Ubazi wa Mulungu kwa Waizilaeli
1Elo huuza, vino, Mulungu kawalema want'hu wake? Bule! Niye mwenyewe ni Muizilaeli, mwelekwa wa Ibulahimu, kulawa mdikabila da Benjamini. 2Mulungu hawalemile want'hu wake awasagulile tangu mwanduso. Vino, hamkukumbuka vila mandiko yakulonga, vila Eliya alalame halongozi ha Mulungu kwa mbuli ya Waizilaeli? 3Hala alongile, “Mndewa, wawakoma walotezi wako na wahatula hant'hu hako hakulavila nt'hambiko, nisigala nie nidumwe nao wakulonda kunikoma.” 4Mbali Mulungu akamlongela, “Niisigazila want'hu wangu elufu saba ao hawana mfugamalila Baali wamtangile Mulungu.” 5Vilavila nivo vili hata haluse, weyaho want'hu chidogo wasaguligwa kwa ujomwa wa Mulungu. 6Mulungu kawasagula want'hu kulawana na ujomwa wake, nasio kwa mbuli wazitendile want'hu. Kwavila ge Mulungu ingi asagule kwa kulola chila want'hu wakuchitenda, ingi ujomwa wake haulondile kuwa ujomwa kaidi. 7Vino, want'hu wa Izilaeli hawapatile chila wakalile wakuchilonda? Bule, mbali wasaguligwe wakala wachipata na wamwenga wasigale watendigwa wasekumanya nt'hume ya Mulungu. 8Gesa Maandiko ya Mulungu ivoyakulonga, “Mulungu kawatenda wanthu ao gesa want'hu wagonile, hadi vino haluse akutenda ivo hawakudaha kuona kwa meso yawe wala kuhulika kwa magutwi yawe.”
9Nae Mwene Daudi akalonga,
“Ndia za shelehe zawe za kudya ziwe mitego ya kuwagwila, na chint'hu cha kuwatenda wagwe na kulamuligwa.
10Meso yawe yagelwe ziza.
Ili yapotwe kuona, na migongo yawe iveduke kwa mahenyeko ya siku zose.”
11Ivo huuza, vino, Wayahudi ivo waikwalile na kulagala seke wainuke kaidi? Bule! Mbali kwa kumulema muhonyi, uhonyi wita kwa want'hu wa isi zimwenga, ili Wayahudi waone miongo. 12Mbali zambi ya Wayahudi iwatenda want'hu wa isi zimwenga wawe na balaka nk'hulu mui isi, na kuhasanya kwawe kwa kimuhe kugala balaka nk'hulu kwa want'hu sio Wayahudi. Iyo, ikulagisa kuwa ikawa Wayahudi wengi wakamtogola Yesu, want'hu wa isi zimwenga nawapae balaka nk'hulu nk'hani.
Uhonyi wa want'hu sio Wayahudi
13Haluse hulonga na mweye sio Wayahudi. Kwavila nie ni nitumigwa kwa want'hu weli si Wayahudi, huigodela sank'hano yangu, 14nidahe kuwatenda Wayahudi wayangu waonele miyongo, ili wamwenga hagati ya ao Wayahudi wadahe kuhonyigwa. 15Ikawa kwa kulemwa kwawe kutenda want'hu sio Wayahudi watogoligwe na Mulungu. Vino, naiweze Mulungu akawatogola Wayahudi halongozi hake? Naiwe gesa Want'hu wabwelezigwe muugima!
16Ikawa chibenzu cha mwanduso cha mgate chilavigwa halongozi ha Mulungu, mgate wose ukuwa wa Mulungu. Ikawa maizi ya mti yakalavigwa kwa Mulungu, mti wose ukuwa wa Mulungu. 17Na matambi yamwenga ya mzeituni wa mumgunda yakant'hwa na hant'hu hala hakant'higwe dikahota tambi da mzeituni mbago. Mweye want'hu mwili sio Wayahudi nio mkulingana na tambi idyo da mzeituni mbago, na haluse mkupata ndia ili na ugima kufosela mzaituni uhandigwe. 18Ivo, muleke kuyazela matambi yala yakant'higwe! Hata ikawa kuna mbuli ya kuigodela, msekuzimiza kuwa sio mweye mkuyatozeleza maizi, mbali maizi nio yakuwatozeleza mweye.
19Mbali mkudaha kulonga, “Matambi yakant'higwa ili nihandigwe nie.” 20Ena, yakant'higwa kwavila hayatogole, mbali mweye mtimalala kwa kutogola kwako. Elo muiteganye muleke kuigoda. 21Ikawa Mulungu hawaonele ubazi Wayahudi wala wakalile gesa matambi ya mwanduso ya mzeituni, vino, mkumanya nawaonele ubazi mweye? 22Elo lola, Mulungu ivo eli na ubazi na ivo eli mkali. Yeye ni mkali kwa wala wagwile na akuwa kadamana kumwako weye, ukawa ukugendelela kumtogola mbali mkaleka kugendelela kumtogola, naweye vilavila naukant'hwe. 23Nao Wayahudi vilavila, wakatogola, Mulungu nawaikwe hant'hu hala wakant'higwe, kwavila Mulungu akudaha kutenda ivo. 24Mweye want'hu wa isi zimwenga mkulingana na mzeituni wambago, mbali mlavigwa uko, mkahandikizwa mumzeituni uhandigwe hant'hu hakalile sio henu. Mbali Wayahudi wakala gesa mzeituni uhandigwe mumgunda, ivo naidahike kwa ao kuhandikizwa kaidi mumti wawe.
Mulungu akuwaonela ubazi Waizilaeli
25Ndugu zangu, hulonda mmanye ukweli uno ufisike, msekuiona kuwa muna umanyi nk'hani. Kutokutogola kwa Wayahudi kukala kwa chipindi chidodo, hadi hala want'hu sio Wayahudi wakulonda kumtogola Mulungu. 26Aho nio want'hu wose Waizilaeli nawahonyige, gesa Maandiko ya Mulungu ivoyakulonga,
“Muhonyi naeze kulawa bululu da Sayuni, naausegeze uhasanyi wose wa weleko wa Yakobo.
27Dino ndo lagano dyangu hulonda kuditenda kumwawe chipindi nikeza kuzisegeza zambi zawe.”
28Kwavila wakuilema Mbuli Idamane, Wayahudi wawa wanongwa wa Mulungu, mbali kwa mbuli ya kusaguligwa kwawe, ao ni wambuya wa Mulungu kwaajili ya wasaho zawe. 29Kwavila Mulungu akawasagula want'hu na kuwenkha chitumetume hakubiduka. 30Aho hamwanduso mweye want'hu wa isi zimwenga mkala hamkutenda yala akuyalonda Mulungu, mbali vino haluse mpata ubazi wa Mulungu kulawana na kulema kwa Wayahudi. 31Vilavila, na ao Wayahudi haluse wambiduka Mulungu ili kwa kuonelwa mweye ubazi na ao waonelwe ubazi wa Mulungu. 32Kwavila Mulungu kawaleka want'hu wose walekile kumuhulika ili awaonele ubazi want'hu wose.
Mulungu atunyigwe
33Ena, Mulungu ana vint'hu vingi vijomwane na ni mkulu nk'hani! Umanyi wake na kumanya kwake kubule nk'homelezo! Habule mnt'hu akudaha kusimulila yala Mulungu akuyalamula. Habule mnthu akudaha kupelemba vila Mulungu akudaha kutenda mbuli zake. 34Gesa Maandiko ya Mulungu ivoyakulonga,
“Niani akuchimanya chila akuchiwaza Mulungu?
Niani akudaha kumlongoza Mulungu muulamuzi wake?”
35“Egu, niani amwink'hile Mulungu chint'hu chochote chimtendile ambwelezele na Mulungu?”
36Kwavila vint'hu vose vikulawa kumwake, vose vimudahi wake na kwaajili yake. Ukulu na uwe kumwake siku zose! Tawile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Dowe @The Word for The World International and Dowe Language translation. All rights reserved.