Yohana ULONGOZI
ULONGOZI
Mbuli Idamane iyandikigwe na Yohana ni imwe ya vitabu vinne mdilagano dya haluse vikusimulila ivo akalile akukala Yesu Kilisito. Kila kimwe ya vitabu ivo kikutangwa “Injili.” Mbuli iyo ikumaanisha “Mbuli Idamane.” Vitabu vino vyandikigwa na Matayo, Maliko, Luka na Yohana ivo ifosile kudanganika kwa Yesu. Mbuli Idamane yandikigwe na Yohana ikudahika yandikigwa na Yohana mwaka wa tisini kulawa kwelekwa Yesu Kilisito. Mbali chitabu hakikulonga kuwa Yohana nio akiandikile, vila iyandikigwe ikulingana na balua za Yohana 1 na Yohana 2 na Yohana 3. Wandishi wamwenga wa umwaka wakumsimulila Yohana kuwa kakala akukala mdibululu dya Efeso mui chipindi icho, ivo ikudahikana kandika chitabu chino akawa mdibululu dya Efeso.
Yohana akulonga bila ya kufisa kuwa kandika chitabu chino ili kuwataza want'hu wadahe kumtogola Yesu Kilisito, Mwana wa Mulungu amgima. Yohana 20:31. Kwa kutogola ivo, chikupata ugima kwa ivo akaandika Chitabu chino kiandikwa kwa ajili ya Wayahudi na wala sio Wayahudi. Mbuli Idamane ya Yohana hailingane na Mbuli Zidamane zila nt'hatu zimwenga. Yohana kaika mtint'hiso wake mu ula uzonza autendile Yesu, na handikile mbuli nyingi za milinganyo ailavile Yesu. Mbuli nk'hulu gesa vila ya Yesu kubatizigwa na kugezigwa kwake kuchiwala haziandikigwe mchitabu chino.
Yeli umo
Yohana akuiandusa Mbuli Idamane mui sula ya 1:1-18,
Kamala akwandika kuusu miuzonza imwenga aitendile Yesu, mui sula ya 1:19-12:50,
Kamala akusimulila mbuli nyingi zilawile muna ugima wa Yesu, mbuli zigalile kudanganika kwake na kubwela muugima, mui sula ya 13:1-20 na 31.
Yohana akukomelezela injili yake mui sula ya 21 kwa kusimulila Yesu ivo awalawile want'hu baada ya kubwela muugima na kamala akusimulila kimtendile Yohana aandike chitabu chino.
Currently Selected:
Yohana ULONGOZI: DBV
Highlight
Share
Copy
Want to have your highlights saved across all your devices? Sign up or sign in
The New Testament in Dowe @The Word for The World International and Dowe Language translation. All rights reserved.