Matayi 9
9
Yesu wunyakisa muntu wubela mbolokoto
(Mlk 2.1-12; Luk 5.17-26)
1Yesu wukota mu kati di mulungu, wusabuka dyanga na wuyenda ku mbanza yi kakwe zakidilanga#9.1 Mbanza yi kakwe zakidilanga Mu Malako 2.1, ni mbanza yi Kapenawumi bakwe banzilanga ti mbanza yi Yesu.. 2Bamutwadila bakala dimosi diba na kimbevo ki mbolokoto, diba dilambalala ha yulu kipoyi. Yesu bu kayena kiminu kyawu, wuta ku mbevo ti: «Mwana ani, lwata kibakala! Masumu maku ma lemvokolo.» 3Mwa ndambu yi milongisi mi Misiku myedi nyunguta yawu na yawu ti: «Bakala bedidi, wuna safula#9.3 Safula Bonso Kusamvula Nzambi.» 4Yesu wuzaba mabanza mawu ni kata ti: «Bila nki luna bela na mayindu mambi mu mitima myeno e? 5Nkye dyambu dilutidi nayakiyaki mu ta ti: “Masumu maku malemvokolo” hoti “Telama na yenda e”? 6Mwanki luzaba ti Mwana Muntu wuna lulendo lwe lemvokila masumu ha luse lu butoto.» Wuteela ku muntu wuba na mbolokoto ti: «Telama, bonga kipoyi kyaku na vutuka ku nzo aku!» 7Bakala bedyodyo ditumbu telama, na divutuka ku nzo andi. 8Bantu bamvimba bu bayena bobo, babaka bunkuta, ni bakembila Nzambi wuheeni ku bantu lulendo lungitukulu lubobobo.
Mbokolo yi Matayi
(Mlk 2.13-17; Luk 5.27-32)
9Yesu bu kakatuka huma behoho, na bukedi hyoka, wuyena bakala dimosi, nkumbu andi Matayi, wuzakala ha kibuka ki kisalu ki mitoti mimpaku. Wumuteela ti: «Ndanda!» Ni katumbu telama na wumulanda. 10Yesu bu kaba wuzakala ha meza mu nzo yi Matayi mu dya, mitoti mimpaku mimingi na minsumuki miyiza zakala ha meza, kintwadi na Yesu na milongoki myandi. 11Bafalisi bu bayena bobo, ni bateela milongoki myandi ti: «Bila nki mulongisi eno kena diila ha kimosi na mitoti mimpaku na minsumuki e?» 12Kansi Yesu wubayuwa, ni kabateela ti: «Ka bantu ba muhinya ko ba na nsatu yi mumbuki, kansi ni bambevo. 13Yendeeno lu longoka mbangudulu yi musamu ewu: “Meno Nkenda ntiidi, kansi ka munkayulu wuyoko ko.” Mu dyambu ti nayizidi mu tumisa bantu balunungu ko, kansi minsumuki.»
Kumina nsoki
(Mlk 2.18-22; Luk 5.33-39)
14Milongoki mi Yoane miyenda fuula Yesu ti: «Bila nki yeto na Bafalisi tukwe mininanga nsoki, kansi milongoki myaku mikwe minanga nsoki ko e?» 15Yesu wubavutudila ti: «Luna banza ti bakundi ba kikwedi balendi ba mu kyadi, mu ntangu kikwedi ka nawu kintwadi e? Kansi, mu bilumbu bina kwiza, bu baabonga kikwedi ha kati dyawu, mbo bamina nsoki.
16Kunaani muntu kwe tunganga kitende ki mulele wumoona mu kinkutu kintama, mu dyambu ti kitende kimona kyaakyakuna ndambu yi kinkutu mpe kukyakuka kwahyoka dyaka bunene. 17Mpe bakwe tuulanga malamu mansonso mu mitumbu mintama ko, mu dyambu ti malamu mansonso malenda bula mitumbu, mboki malamu mamwangana ha nsi mpe mitumbu mi hombidi. Kansi, mu mitumbu mimona bakwe tuulanga malamu mansonso, ni bwabobo bya bibyole bikwe lundiminanga.»
Yesu wufulukisa mwana wu Yayilo na wunyakisa mukento wusimba kinkutu kyandi
(Mlk 5.21-43; Luk 8.40-56)
18Yesu bu kedi bazonzilanga bobo, mfumu yimosi yi Bayudayo yiyiza mu fukimina, na wumuteela ti: «Mwana ani wu mukento fwidi malu-malu yi kwa, kansi yiza wumutentika moko mbo kazinga!» 19Yesu wutelama, wumulanda na milongoki myandi.
20Mukento wumosi wuba na kimbevo kye kwe totokingi menga, kizingila mvula kumi na zole. Bu kafinama kumanima ma Yesu, wusimba mu sukina kinkutu kyandi. 21Mu dyambu ti wuyindula: «Namana simba kwandi kinkutu kyandi, naanyaka!» 22Buna Yesu wubangumuka, wumuyena na wumuteela ti: «Mwana ani, lwata kibakala! Kiminu kyaku ki kuvukisi.» Hansi na nsi mukento bewowo wunyaka.
23Yesu bu kayenda tula ku nzo yi Mfumu yi Bayudayo, wuyena bantu bedi sikanga matuutu na mukangu wedi dila mu ngolo. 24Wubateela ti: «Duukeeno, mu dyambu ti mwana ndumba bewuwu kafwidyandi ko, kansi tolo kwandi kabwidi.» Ni bamusehila. 25Bu bamana duukisa mpumbu yi bantu, Yesu wukota, na wusimba kooko ku mwana ndumba, na wutelama. 26Kikuumu ki mwangana mu kizunga bekyokyo kimvimba.
Yesu wunyakisa mpofo zole
27Yesu wukatuka hoho na wuyenda. Bu kedi kwe yenzi, mpofo zole zimulanda, zilokana ti: «Mwana Davidi, tufwila nkenda!»
28Bu kayenda tula ku nzo, mpofo za zizole zifinama ha kabela, na Yesu wubafuula ti: «Lukwikidi ti ndendi bwe hidika e?» Bavutula ti: «Ninga, Mfumu!» 29Yesu ni kasimba meso mawu na wuta ti: «Bika mimvimba mi vangama bonso budi kiminu kyeno.» 30Meso mawu ni mazibuka. Kansi, Yesu wubakanikina na wubateela ti: «Tomeno yuwa, kani muntu wumosi ko waazaba musamu bewuwu.» 31Kansi, bu batumbu duuka kwandi, bamwangisa nsangu zi Yesu mu kizunga bekyokyo kimvimba.
Yesu wunyakisa baba
32Mu ntangu yi yenda bantu ya babole bebobo, batwadila Yesu bakala dimosi diba baba, mu dyambu ti wuba na mpeve yimbi. 33Yesu bu kaduukisa mpeve yimbi, baba ditona mu zonza. Mpumbu yi bantu yiyituku, yita ti: «Twaayeni misamu mi bubu ko mu nsi yi Isaeli!» 34Kansi Bafalisi bata ti: «Mu lulendo lu mfumu yi mpeve zimbi kana kumina mpeve zimbi!»
Yesu wufwila bantu kyadi
35Yesu wuzyeta ku mbanza zimvimba na mabwala mamvimba, wedi kwe longingi mu zinzo zi lusambulu zi Bayudayo na wusamuna Musamu Wumbote wu Kimfumu ki Nzambi na wunyakisa bimbevo bimvimba bi bantu na byeta bimvimba. 36Bu kayena mpumbu yi bantu, wubafwila kyadi, mu dyambu ti baba nanokina mpe nahongolo, bonso mameme malembolo ba na mumvungi. 37Wuteela milongoki myandi ti: «Kisalu ki ngyonzokolo kikinene kidi, kansi bisadi bikeke bidi. 38Buna lombeeno ku Mfumu yi kisalu ki ngyonzokolo kafidisa bisadi mu yonzika mimbutu.»
Currently Selected:
Matayi 9: dde Ddo
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 9
9
Yesu wunyakisa muntu wubela mbolokoto
(Mlk 2.1-12; Luk 5.17-26)
1Yesu wukota mu kati di mulungu, wusabuka dyanga na wuyenda ku mbanza yi kakwe zakidilanga#9.1 Mbanza yi kakwe zakidilanga Mu Malako 2.1, ni mbanza yi Kapenawumi bakwe banzilanga ti mbanza yi Yesu.. 2Bamutwadila bakala dimosi diba na kimbevo ki mbolokoto, diba dilambalala ha yulu kipoyi. Yesu bu kayena kiminu kyawu, wuta ku mbevo ti: «Mwana ani, lwata kibakala! Masumu maku ma lemvokolo.» 3Mwa ndambu yi milongisi mi Misiku myedi nyunguta yawu na yawu ti: «Bakala bedidi, wuna safula#9.3 Safula Bonso Kusamvula Nzambi.» 4Yesu wuzaba mabanza mawu ni kata ti: «Bila nki luna bela na mayindu mambi mu mitima myeno e? 5Nkye dyambu dilutidi nayakiyaki mu ta ti: “Masumu maku malemvokolo” hoti “Telama na yenda e”? 6Mwanki luzaba ti Mwana Muntu wuna lulendo lwe lemvokila masumu ha luse lu butoto.» Wuteela ku muntu wuba na mbolokoto ti: «Telama, bonga kipoyi kyaku na vutuka ku nzo aku!» 7Bakala bedyodyo ditumbu telama, na divutuka ku nzo andi. 8Bantu bamvimba bu bayena bobo, babaka bunkuta, ni bakembila Nzambi wuheeni ku bantu lulendo lungitukulu lubobobo.
Mbokolo yi Matayi
(Mlk 2.13-17; Luk 5.27-32)
9Yesu bu kakatuka huma behoho, na bukedi hyoka, wuyena bakala dimosi, nkumbu andi Matayi, wuzakala ha kibuka ki kisalu ki mitoti mimpaku. Wumuteela ti: «Ndanda!» Ni katumbu telama na wumulanda. 10Yesu bu kaba wuzakala ha meza mu nzo yi Matayi mu dya, mitoti mimpaku mimingi na minsumuki miyiza zakala ha meza, kintwadi na Yesu na milongoki myandi. 11Bafalisi bu bayena bobo, ni bateela milongoki myandi ti: «Bila nki mulongisi eno kena diila ha kimosi na mitoti mimpaku na minsumuki e?» 12Kansi Yesu wubayuwa, ni kabateela ti: «Ka bantu ba muhinya ko ba na nsatu yi mumbuki, kansi ni bambevo. 13Yendeeno lu longoka mbangudulu yi musamu ewu: “Meno Nkenda ntiidi, kansi ka munkayulu wuyoko ko.” Mu dyambu ti nayizidi mu tumisa bantu balunungu ko, kansi minsumuki.»
Kumina nsoki
(Mlk 2.18-22; Luk 5.33-39)
14Milongoki mi Yoane miyenda fuula Yesu ti: «Bila nki yeto na Bafalisi tukwe mininanga nsoki, kansi milongoki myaku mikwe minanga nsoki ko e?» 15Yesu wubavutudila ti: «Luna banza ti bakundi ba kikwedi balendi ba mu kyadi, mu ntangu kikwedi ka nawu kintwadi e? Kansi, mu bilumbu bina kwiza, bu baabonga kikwedi ha kati dyawu, mbo bamina nsoki.
16Kunaani muntu kwe tunganga kitende ki mulele wumoona mu kinkutu kintama, mu dyambu ti kitende kimona kyaakyakuna ndambu yi kinkutu mpe kukyakuka kwahyoka dyaka bunene. 17Mpe bakwe tuulanga malamu mansonso mu mitumbu mintama ko, mu dyambu ti malamu mansonso malenda bula mitumbu, mboki malamu mamwangana ha nsi mpe mitumbu mi hombidi. Kansi, mu mitumbu mimona bakwe tuulanga malamu mansonso, ni bwabobo bya bibyole bikwe lundiminanga.»
Yesu wufulukisa mwana wu Yayilo na wunyakisa mukento wusimba kinkutu kyandi
(Mlk 5.21-43; Luk 8.40-56)
18Yesu bu kedi bazonzilanga bobo, mfumu yimosi yi Bayudayo yiyiza mu fukimina, na wumuteela ti: «Mwana ani wu mukento fwidi malu-malu yi kwa, kansi yiza wumutentika moko mbo kazinga!» 19Yesu wutelama, wumulanda na milongoki myandi.
20Mukento wumosi wuba na kimbevo kye kwe totokingi menga, kizingila mvula kumi na zole. Bu kafinama kumanima ma Yesu, wusimba mu sukina kinkutu kyandi. 21Mu dyambu ti wuyindula: «Namana simba kwandi kinkutu kyandi, naanyaka!» 22Buna Yesu wubangumuka, wumuyena na wumuteela ti: «Mwana ani, lwata kibakala! Kiminu kyaku ki kuvukisi.» Hansi na nsi mukento bewowo wunyaka.
23Yesu bu kayenda tula ku nzo yi Mfumu yi Bayudayo, wuyena bantu bedi sikanga matuutu na mukangu wedi dila mu ngolo. 24Wubateela ti: «Duukeeno, mu dyambu ti mwana ndumba bewuwu kafwidyandi ko, kansi tolo kwandi kabwidi.» Ni bamusehila. 25Bu bamana duukisa mpumbu yi bantu, Yesu wukota, na wusimba kooko ku mwana ndumba, na wutelama. 26Kikuumu ki mwangana mu kizunga bekyokyo kimvimba.
Yesu wunyakisa mpofo zole
27Yesu wukatuka hoho na wuyenda. Bu kedi kwe yenzi, mpofo zole zimulanda, zilokana ti: «Mwana Davidi, tufwila nkenda!»
28Bu kayenda tula ku nzo, mpofo za zizole zifinama ha kabela, na Yesu wubafuula ti: «Lukwikidi ti ndendi bwe hidika e?» Bavutula ti: «Ninga, Mfumu!» 29Yesu ni kasimba meso mawu na wuta ti: «Bika mimvimba mi vangama bonso budi kiminu kyeno.» 30Meso mawu ni mazibuka. Kansi, Yesu wubakanikina na wubateela ti: «Tomeno yuwa, kani muntu wumosi ko waazaba musamu bewuwu.» 31Kansi, bu batumbu duuka kwandi, bamwangisa nsangu zi Yesu mu kizunga bekyokyo kimvimba.
Yesu wunyakisa baba
32Mu ntangu yi yenda bantu ya babole bebobo, batwadila Yesu bakala dimosi diba baba, mu dyambu ti wuba na mpeve yimbi. 33Yesu bu kaduukisa mpeve yimbi, baba ditona mu zonza. Mpumbu yi bantu yiyituku, yita ti: «Twaayeni misamu mi bubu ko mu nsi yi Isaeli!» 34Kansi Bafalisi bata ti: «Mu lulendo lu mfumu yi mpeve zimbi kana kumina mpeve zimbi!»
Yesu wufwila bantu kyadi
35Yesu wuzyeta ku mbanza zimvimba na mabwala mamvimba, wedi kwe longingi mu zinzo zi lusambulu zi Bayudayo na wusamuna Musamu Wumbote wu Kimfumu ki Nzambi na wunyakisa bimbevo bimvimba bi bantu na byeta bimvimba. 36Bu kayena mpumbu yi bantu, wubafwila kyadi, mu dyambu ti baba nanokina mpe nahongolo, bonso mameme malembolo ba na mumvungi. 37Wuteela milongoki myandi ti: «Kisalu ki ngyonzokolo kikinene kidi, kansi bisadi bikeke bidi. 38Buna lombeeno ku Mfumu yi kisalu ki ngyonzokolo kafidisa bisadi mu yonzika mimbutu.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.