Matayi 8
8
Yesu wunyakisa muntu wuba na bwazi
(Mlk 1.40-45; Luk 5.12-16)
1Yesu bu kakulumuka mulandu, mpumbu yiyinene yi bantu yi mulanda. 2Mboki, muntu wumosi wuba na bwazi wufinama, wufukama ha ntadisi andi, na wuta ti: «Mfumu, tala ti tiidi, wulendi mvedisa.» 3Yesu wulambula kooko, wumusimba na wuta ti: «Ntiidi, bika wuvedila.» Hansi na nsi, kimbevo kibwazi kitumbu mu manisa. 4Mboki Yesu wumuteela ti: «Toma yuwa: kutandi wo ku muntu ko! Kansi, yenda wuyenika ku Nganga-nzambi na muhaana munkayulu wu mvutululu yi matondo, bonso busonika wo Mose. Bwabobo bantu bamvimba baazabila ti nyeki.»
Yesu wunyakisa mundongo wu mfumu yi zimbulumbulu nkama
(Luk 7.1-10; Yoa 4.43-54)
5Yesu bu kedi kota mu mbanza Kapenawumi, mfumu yimosi yi zimbulumbulu nkama wufinama na wumubombidila, 6mu muteela ti: «Mfumu mundongo ani wulambalala kadi ku nzo, kimbevo kimbolokoto ki nandi, na wuna kwama bubwingi.» 7Yesu wumuteela ti: «Nina kwiza mu munyakisa.» 8Kansi wuvutula ti: «Mfumu niidi wulunga ko ti wukota mu nzo ani, kansi ta kwandi mpova yimosi, kisadi kyani kyaanyaka. 9Mu dyambu ti meno bende nii ku nsye lutumu lu zimfumu zani zi luyalu, mpe nii na zimbulu-mbulu ku nsye lutumu lwani. Ni namana ta ku wumosi: “Yenda!” Waakwenda, ni namana ta ku wuhiika: “Yiza!” Waakwiza, mpe namana ta ku mundongo ani: “sala kisalu eki”, kyaakasala.» 10Yesu bu kayuwa misamu bemyomyo, wuyituku na wubangumuka ku bantu bedi kwe mulandingi na wubateela ti: «Kedika mu kati di bantu ba-Isaeli nayeni kiminu ki mutindu bewuwu ko. 11Nkatika nina luteela, bantu babingi baafuma ku esete na ku wesete na baazakala kintwadi ha meza mu Kimfumu ki mazulu na Abalahami, Isaaki na Yakobi. 12Kansi yobobo bavwidi Kimfumu, baatubu ku mbazi mu kati di tombe, kwakoko kwaaba bidilu na nkwetosolo yi meno.»
13Mboki Yesu wuta ku mfumu yi zimbulumbulu nkama ti: «Vutuka ku nzo aku, bika bu vangama bonso bu kiminu kyaku.» Mu kilokola bekyokyo kwandi mundongo wunyaka.
Yesu wunyakisa zimbevo
(Mlk 1.29-34; Luk 4.38-41)
14Yesu wuyenda ku nzo yi Petelo. Wuyenda bwana buko bu Petelo wulambalala mu dyambu di yuku-yuku. 15Yesu wumusimba mu kooko na yuku-yuku diduuka, mboki wutelama na wubakubikila meza.
16Ntangu bu yidyama, batwadila Yesu bantu babingi baba na zimpeve zimbi. Wukuma mpeve zimbi mu mpova, na wunyakisa zimbevo zimvimba, 17mwanki misamu mi ta mumbikudi Yesaya myenda detila:
«Bongidi byeta byeto,
na lweti bimbevo byeto.»
Batiidi mu landa Yesu
(Luk 9.57-62)
18Yesu bu kayena kamba di bantu di muzungidila, wuhaana luve mu sabuka ku simu dikaka di dyanga. 19Mulongisi wumosi wu Misiku wuyiza muteela ti: «Mulongisi, nakwe kulandi konso-konso ku waakwendisa.» 20Yesu wumuteela ti: «Mibaku mi na miduka, nuni zi yulu zi na mazanza, kansi Mwana Muntu ka na kibuka kye humina ko.»
21Wumosi mu milongoki myandi wumuteela ti: «Mfumu, mpeka luve nateka kwenda ziika tata ani.» 22Kansi Yesu wumuteela ti: «Bika bafwa bazika ba nawu bafwa, kansi ngeye ndanda.»
Yesu wudingimisa kitembo
(Mlk 4.35-41; Luk 8.22-25)
23Yesu wukota mu kati di mulungu, milongoki myandi mpe mimulanda. 24Bayitukulu kwawu, kitembo kingolo kikukula ha dyanga, na bipo bimamba byedi tona mu fuka mulungu. Kansi Yesu wuba kwandi kutolo. 25Milongoki mifinama ha kabeela. Bamusungika, ni bata ti: «Mfumu, tuvuukisa, nganunu twaafwa!» 26Wubateela ti: «Nki luna yenina bunkuta e? Yeno bantu ba kiminu kifyoti ludi!» Wutelama, wubamina kitembo na mamba ma dyanga, mpe bitumbu huza napii. 27Bamvimba bayituku bubwingi na bata ti: «Nani kadi Muntu bewuwu, wuna tuma kitembo na mamba ma dyanga, mpe bina mutumimina!»
Yesu wunyakisa bantu bole baba na mpeve zimbi
(Mlk 5.1-20; Luk 8.26-39)
28Yesu bu katula ku simu di kaka di dyanga di kizunga ki bisi-Ngadala, bantu bole baba na mpeve zimbi baduuka ku kati di ndyamu na bayiza mubwana. Baba na kinganzina kihyoka kitezo na kuba muntu ko wedi sosanga mu hyokila mu nzila beyoyo. 29Buna batona mu bulana ti: «Mwana Nzambi, nkye dyambu ngeye na yeto e? Wizidi kuku mu tukwamisa tekila kilokola kitula e?»
30Mwa kitatu nawu, kuba na mukangu wu zingulu wedi kwe sosi bindya. 31Na mpeve zimbi zi bombidila Yesu na zita ti: «Tala ti tiidi mu tukuma, tutambika mu kati di kamba di zingulu bezizi.» 32Yesu wubateela ti «Yendeeno». Baduuka, na bayenda kota mu kati di zingulu. Buna, mukangu wumvimba wu zingulu wulundumuka tuuka ku yulu mulandu natee ziyenda bwa mu dyanga, mboki zimana fwa mu mamba. 33Minkengi mi zingulu bu miwoka, miyenda mwangisa nsangu ku mbanza mu misamu mimvimba mihyoka, na mitudila bantu bebobo baba na mpeve zimbi. 34Ni hahoho, bantu bamvimba bambanza baduuka mu kwe bwana Yesu. Bu bamuyena na bamubombidila ka katuka mu kizunga kyawu.
Currently Selected:
Matayi 8: dde Ddo
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 8
8
Yesu wunyakisa muntu wuba na bwazi
(Mlk 1.40-45; Luk 5.12-16)
1Yesu bu kakulumuka mulandu, mpumbu yiyinene yi bantu yi mulanda. 2Mboki, muntu wumosi wuba na bwazi wufinama, wufukama ha ntadisi andi, na wuta ti: «Mfumu, tala ti tiidi, wulendi mvedisa.» 3Yesu wulambula kooko, wumusimba na wuta ti: «Ntiidi, bika wuvedila.» Hansi na nsi, kimbevo kibwazi kitumbu mu manisa. 4Mboki Yesu wumuteela ti: «Toma yuwa: kutandi wo ku muntu ko! Kansi, yenda wuyenika ku Nganga-nzambi na muhaana munkayulu wu mvutululu yi matondo, bonso busonika wo Mose. Bwabobo bantu bamvimba baazabila ti nyeki.»
Yesu wunyakisa mundongo wu mfumu yi zimbulumbulu nkama
(Luk 7.1-10; Yoa 4.43-54)
5Yesu bu kedi kota mu mbanza Kapenawumi, mfumu yimosi yi zimbulumbulu nkama wufinama na wumubombidila, 6mu muteela ti: «Mfumu mundongo ani wulambalala kadi ku nzo, kimbevo kimbolokoto ki nandi, na wuna kwama bubwingi.» 7Yesu wumuteela ti: «Nina kwiza mu munyakisa.» 8Kansi wuvutula ti: «Mfumu niidi wulunga ko ti wukota mu nzo ani, kansi ta kwandi mpova yimosi, kisadi kyani kyaanyaka. 9Mu dyambu ti meno bende nii ku nsye lutumu lu zimfumu zani zi luyalu, mpe nii na zimbulu-mbulu ku nsye lutumu lwani. Ni namana ta ku wumosi: “Yenda!” Waakwenda, ni namana ta ku wuhiika: “Yiza!” Waakwiza, mpe namana ta ku mundongo ani: “sala kisalu eki”, kyaakasala.» 10Yesu bu kayuwa misamu bemyomyo, wuyituku na wubangumuka ku bantu bedi kwe mulandingi na wubateela ti: «Kedika mu kati di bantu ba-Isaeli nayeni kiminu ki mutindu bewuwu ko. 11Nkatika nina luteela, bantu babingi baafuma ku esete na ku wesete na baazakala kintwadi ha meza mu Kimfumu ki mazulu na Abalahami, Isaaki na Yakobi. 12Kansi yobobo bavwidi Kimfumu, baatubu ku mbazi mu kati di tombe, kwakoko kwaaba bidilu na nkwetosolo yi meno.»
13Mboki Yesu wuta ku mfumu yi zimbulumbulu nkama ti: «Vutuka ku nzo aku, bika bu vangama bonso bu kiminu kyaku.» Mu kilokola bekyokyo kwandi mundongo wunyaka.
Yesu wunyakisa zimbevo
(Mlk 1.29-34; Luk 4.38-41)
14Yesu wuyenda ku nzo yi Petelo. Wuyenda bwana buko bu Petelo wulambalala mu dyambu di yuku-yuku. 15Yesu wumusimba mu kooko na yuku-yuku diduuka, mboki wutelama na wubakubikila meza.
16Ntangu bu yidyama, batwadila Yesu bantu babingi baba na zimpeve zimbi. Wukuma mpeve zimbi mu mpova, na wunyakisa zimbevo zimvimba, 17mwanki misamu mi ta mumbikudi Yesaya myenda detila:
«Bongidi byeta byeto,
na lweti bimbevo byeto.»
Batiidi mu landa Yesu
(Luk 9.57-62)
18Yesu bu kayena kamba di bantu di muzungidila, wuhaana luve mu sabuka ku simu dikaka di dyanga. 19Mulongisi wumosi wu Misiku wuyiza muteela ti: «Mulongisi, nakwe kulandi konso-konso ku waakwendisa.» 20Yesu wumuteela ti: «Mibaku mi na miduka, nuni zi yulu zi na mazanza, kansi Mwana Muntu ka na kibuka kye humina ko.»
21Wumosi mu milongoki myandi wumuteela ti: «Mfumu, mpeka luve nateka kwenda ziika tata ani.» 22Kansi Yesu wumuteela ti: «Bika bafwa bazika ba nawu bafwa, kansi ngeye ndanda.»
Yesu wudingimisa kitembo
(Mlk 4.35-41; Luk 8.22-25)
23Yesu wukota mu kati di mulungu, milongoki myandi mpe mimulanda. 24Bayitukulu kwawu, kitembo kingolo kikukula ha dyanga, na bipo bimamba byedi tona mu fuka mulungu. Kansi Yesu wuba kwandi kutolo. 25Milongoki mifinama ha kabeela. Bamusungika, ni bata ti: «Mfumu, tuvuukisa, nganunu twaafwa!» 26Wubateela ti: «Nki luna yenina bunkuta e? Yeno bantu ba kiminu kifyoti ludi!» Wutelama, wubamina kitembo na mamba ma dyanga, mpe bitumbu huza napii. 27Bamvimba bayituku bubwingi na bata ti: «Nani kadi Muntu bewuwu, wuna tuma kitembo na mamba ma dyanga, mpe bina mutumimina!»
Yesu wunyakisa bantu bole baba na mpeve zimbi
(Mlk 5.1-20; Luk 8.26-39)
28Yesu bu katula ku simu di kaka di dyanga di kizunga ki bisi-Ngadala, bantu bole baba na mpeve zimbi baduuka ku kati di ndyamu na bayiza mubwana. Baba na kinganzina kihyoka kitezo na kuba muntu ko wedi sosanga mu hyokila mu nzila beyoyo. 29Buna batona mu bulana ti: «Mwana Nzambi, nkye dyambu ngeye na yeto e? Wizidi kuku mu tukwamisa tekila kilokola kitula e?»
30Mwa kitatu nawu, kuba na mukangu wu zingulu wedi kwe sosi bindya. 31Na mpeve zimbi zi bombidila Yesu na zita ti: «Tala ti tiidi mu tukuma, tutambika mu kati di kamba di zingulu bezizi.» 32Yesu wubateela ti «Yendeeno». Baduuka, na bayenda kota mu kati di zingulu. Buna, mukangu wumvimba wu zingulu wulundumuka tuuka ku yulu mulandu natee ziyenda bwa mu dyanga, mboki zimana fwa mu mamba. 33Minkengi mi zingulu bu miwoka, miyenda mwangisa nsangu ku mbanza mu misamu mimvimba mihyoka, na mitudila bantu bebobo baba na mpeve zimbi. 34Ni hahoho, bantu bamvimba bambanza baduuka mu kwe bwana Yesu. Bu bamuyena na bamubombidila ka katuka mu kizunga kyawu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.