Matayi 13
13
Kingana ki kisadi ki mfuba
(Mlk 4.1-9; Luk 8.4-8)
1Kilumbu bekyokyo kwandi, Yesu wutotoka mu nzo, na wuyenda zakala ha kumu di mubu. 2Mpumbu yi bantu yiyiza kutakana ha kabela. Wukota mu mulungu na wuzakala, mpe mpumbu yi bantu yiba yitelama ha kumu. 3Wubalonga misamu mimingi mu bingana, na wubateela ti: «Kisadi kimfuba kiyenda mu kwe mwanga nswanga. 4Bu kedi kwe mwangi nswanga, ndambu yi nswanga yibwa ha sambu di nzila: banuni bayena yo na badya yo. 5Ndambu yihiika yibwa ha butoto bu ba na matadi na butoto buba bubwingi ko. Yi tumbu mena, mu dyambu ti butoto buba busunda ko. 6Kansi mwini bu wuteka, wuyoka na wuyumisa yo, mu dyambu ti yiba na myanzi ko. 7Na ndambu yihiika yibwa ha kati di bititi binsende. Bititi binsende bikula na bifyetikisa yo. 8Kansi zihiika zibwa ha butoto bumbote, zibuta mbutu mu bikanka: bikanka bihiika bibuta nkama, bihiika makumasambanu, na bihiika dyaka makumatatu.» 9Na Yesu wuta dyaka ti: «Wonso wuu na makutu mu yuwa, bika kayuwa!»
Mu dyambu di nki, Yesu kazonzila mu bingana
(Mlk 4.10-12; Luk 8.9-10)
10Milongoki mifinama ha bela Yesu na bamufuula ti: «Bila nki kwe bazonzilanga mu bingana e?» 11Wubavutudila ti: «Yeno baluhaana luve mu zaba mansweki ma kimfumu ki mazulu, kansi yawu ba bahaana lo ko. 12Kedika, baahaana ku yondowo tekidi na kima, mpe waaba na byo bibingi, kansi yondowo lembolo ba na kima, baamubonga mwa ndambu yo yitekidi nandi. 13Ni hahoho nakwe bazonzilanga mu bingana: mu dyambu ti bana tala, kansi bana yena ko, mboki bana yuwa, kansi bana yuwa ko mpe bana bakula ko. 14Mwanki misamu mi ta mumbikudi Yesaya myenda detila:
Luna toma yuwa, kansi luna bakula ko,
Luna toma tala, kansi luna yena ko.
15Mu dyambu ti mitima mi bantu bebaba myeka ngolo.
Bakengi makutu mawu,
na bazimini meso mawu,
mwanki balembolo yena mu meso mawu,
balembolo yuwa mu makutu mawu,
na balembolo bakula mu mitima myawu,
mwanki balembolo vutuka ku meno mpe na banyakisa.
16Kansi kyese ku yeno mu dyambu ti, meso meno mena yena, mpe makutu meno mena yuwa! 17Kedika nina luteela, mimbikudi mimingi na bantu baludedomo batya mu yena mi luna yena, kansi bayena ko, na batya mu yuwa mi luna yuwa, kansi bayuwa myo ko.
Mbangudulu yi kingana ki muntu wuyenda mwanga nswanga
(Mlk 4.13-20; Luk 8.11-15)
18Yuweno mbangudulu yi kingana ki muntu wuyenda mwanga nswanga. 19Bantu bakwe yuwanga mambu ma Kimfumu ki mazulu na bakwe lembolo bakulanga mo, bafwanakani na nswanga yibwa ha ndambu yi nzila. Nkadyampemba bu kaakwiza wubakatudi mo mu mitima myawu. 20Bahiika bafwanakani bonso nswanga yibwa ha butoto bu matadi, ni yobobo bakwe yuwanga mambu mpe bakwe tumbu tambulanga mo mu kyese, 21kansi malendi mena myanzi mu yawu bende ko, bakwe kwikilanga mu mwa ntangu yifyoti. Mboki, misamu mi mpasi hoti mfyetokoso ti zi batudidi mu dyambu di mambu ma Nzambi, bakwe bwisanga kiminu kyawu. 22Bahiika dyaka bafwanakani bonso nswanga yibwa ha kati di nsende: bakwe yuwanga Mambu ma Nzambi, kansi nsatu yi bimvimba bi ha nza na mpukumunu yi bimvwama, bikwe sanga ti Mambu ma Nzambi maba mafyetakana mu luzingu lwawu, na makwe butanga mimbutu ko. 23Bahiika dyaka bafwanakani bonso nswanga yibwa ha butoto bumbote: ni yobobo bakwe yuwanga Mambu ma Nzambi mpe bakwe bakulanga mo, bakwe butanga mimbutu: wumosi nkama, wuhiika makumasambanu, na wuhiika dyaka makumatatu.»
Kingana ki kititi kimbi
24Yesu wubateela kingana kihiika: «Kimfumu ki mazulu kifwanakani bonso muntu kunini nswanga yimbote mu mfuba andi. 25Kansi mu mpimpa, bantu bamvimba bu balambalala, mbeni andi wuyiza na wukuna kititi kimbi ha kati dibele na wuyenda kwandi. 26Nswanga bu yimena na bu yi duukisa mbutu, kititi kimbi kimena mpe. 27Bisadi byandi biyiza muteela ti: “Mfumu, kadi wukunini nswanga yimbote mu mfuba aku ko e? Kwedi kufumini bwabu kititi bekiki kimbi e?” 28Wuvutula ti: “Mbeni siidi bobo.” Buna bisadi bimufuula ti: “Tiidi twenda tuvuza kititi bekyokyo kimbi e?” 29Wuvutula ti: “Kaani! Mu dyambu ti bu luvuzidi kititi bekyokyo kimbi, lulenda vuza mpe bele. 30Bikeeno bimenina ha kimosi natee bu tuna yonzika. Mu ntangu yaaba ngyonzokolo, naateela ku biyonziki ti: Katuleeno ntete kititi kimbi na kangeeno kyo mu mwita#13.30 Mwita Kiko ki bititi kidi mwanki luyoka kyo, mboki yonzikeno mbutu zibele mu kati di kilundulu.”»
Kingana ki nswanga yi mutaade
(Mlk 4.30-32; Luk 13.18-19)
31Yesu wubateela dyaka kingana kihiika ti: «Kimfumu ki mazulu kifwanakani bonso nswanga yi mwa muti wu nkumbu mutaade, yi bongidi muntu mpe kunini yo mu mfuba andi. 32Mpeleko nswanga beyoyo yivudidi bukeke mu nswanga zimvimba, kansi bu yimenini, yavula bunene mu mwa miti mimvimba mi mfuba. Bu yeka mwa muti, banuni bakwiza tunga mazanza mawu mu bintala byandi.»
Kingana ki kima kikwe vimbisanga kiputi ki mampa
(Mlk 4.33-34; Luk 13.20-21)
33Yesu wubateela dyaka kingana kihiika: «Kimfumu ki mazulu kifwanakani bonso kima kikwe vimbisanga kiputi ki mampa ki bongidi mukento na vukidi kyo na bitezo bibingi bi faline natee kimvimba bu kivimbidi.»
Bwedi Yesu kedi sadilanga bingana
(Mlk 4.33-34)
34Yesu wusadila bingana mu zonza ku mpumbu zi bantu misamu bemyomyo mimvimba, na ka bazonzila kondo ku bingana ko. 35Mwanki misamu mi ta mumbikudi myenda detila:
Nina bazonzila mu bingana,
«Nina samuna misamu miswama tuka mbadukulu yi nza.»
Yesu wubangula kingana ki kititi kimbi
36Mboki Yesu wusala sisa mpumbu zi bantu na wuyenda ku nzo. Milongoki myandi mifinama na mi muteela ti: «Tubangudila kingana ki kititi kimbi ki mu mfuba.» 37Yesu wubateela ti: «Yondowo wukwe kunanga nswanga yimbote, ni Mwana Muntu, 38mfuba, ni nza, nswanga yimbote yena lonka baala ba ki Kimfumu ki Nzambi, na nswanga yimbi yena lonka baala ba Munga Mbi, 39mbeni yikwe kunanga nswanga yimbi, ni nkadyampemba, ngyonzokolo, ni nsukunu yi nza, bisadi byayonzika, ni zimbazi. 40Bonso bu bakwe katudilanga kititi kimbi mu tuba kyo ku tiya, bwabobo mpe bwaabeela nsukunu yi nza: 41Mwana Muntu waatambika zimbazi zandi, zaakatula mu Kimfumu kyandi bamvimba bakwe bwisanga ba nawu mu masumu na yobobo bakwe hidikanga mimbi, 42mpe wuna balosa mu kati di kifuudu ki tiya tungolo, kwakoko babingi baadila na baakwetisa meno. 43Kansi bantu baludedomo baalezima bonso ntangu mu Kimfumu ki Tata awu. Wonso wuna makutu mu yuwa, bika kayuwa!
Kimvwama ki sweko
44Kimfumu ki mazulu kifwanakani na kimvwama ki baswekidi mu mfuba. Muntu bu kabakudi kyo na bwesi toma kye sweka. Mu kyese bekyokyo wenzi teka bima bimvimba bii nandi, mboki sumbidi mfuba beyoyo.
45Kimfumu ki mazulu kifwanakani dyaka bonso munkiti wumosi wuna kwe sosi palata zimbote. 46Bu kabeki palata yi nkatika ntalu yiyingi, wenzi teka bima bimvimba bi nandi, mboki sumbidi yo.
Kingana ki mpwasa
47Kimfumu ki mazulu kifwanakani dyaka bonso mpwasa yi balosidi mu mubu na yibeki mbizi zimpila mu mpila. 48Bu yifulukidi, bilobi babendidi yo natee ha kumu di mamba, mboki bazakadi mu soola zimbizi: zimbote batudidi zo mu mikuta mpe balosidi zimbi. 49Bwabobo mpe bwaaba mu nsukunu yi nza: zimbazi zaakwiza hambisa bantu bambi na bantu ba lunungu, 50mu loosa bantu bambi mu kati di kifuudu ki tiya tungolo, kwakoko baadidila na baakwetisila meno.
Bimvwama binkulu na bimoona
51Yesu wubafuula ti: Misamu myo mimvimba myalubakudi e?» Bavutula ti: «Ninga.» 52Wubateela ti: «Ni hahoho, ti mulongisi wu Misiku weka mulongoki wu Kimfumu ki mazulu, fwanakani na mfumu yi nzo yikwe bonganga mu kati di kimvwama kyandi bima bimoona na bima bintama.»
Bantu ba Nazaleti bakwikila Yesu ko
(Mlk 6.1-6; Luk 4.16-30)
53Yesu bu kamana bateela bingana bebyobyo, wuyenda kwandi. 54Wuyenda ku mbanza yi kakudila. Wulonga mu kati di nzo yi lusambulu yi Bayudayo, bamvimba bedi mu yuwa, bayituku na bata ti: «Kwedi kabakidi ndwenga zi mutindu bewuwu e? Bwedi kalendi hidikila bimangu bibubu e? 55Wuwu kaa mwana wu kisadi ki mabaya ko e? Ngudi andi ka ni Maliya ko e? Zaki, Yosefi, Simoni na Yuda, ka zimpangi zandi ko e? 56Bibusi byandi, bakwe zakalanga neto ko e? Kwedi kabakidi lulendo lu mpila beyoyo e?» 57Kansi mimvimba bemyomyo mi bakakidila mu kwikila mu Yesu. Yesu wubateela ti: «Mumbikudi bakwe muzitisanga mu nsi andi na mu nzo andi ko.» 58Yesu kasa bimangu bibingi koko ko mu dyambu ti baba na lukwikulu ko.
Currently Selected:
Matayi 13: dde Ddo
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 13
13
Kingana ki kisadi ki mfuba
(Mlk 4.1-9; Luk 8.4-8)
1Kilumbu bekyokyo kwandi, Yesu wutotoka mu nzo, na wuyenda zakala ha kumu di mubu. 2Mpumbu yi bantu yiyiza kutakana ha kabela. Wukota mu mulungu na wuzakala, mpe mpumbu yi bantu yiba yitelama ha kumu. 3Wubalonga misamu mimingi mu bingana, na wubateela ti: «Kisadi kimfuba kiyenda mu kwe mwanga nswanga. 4Bu kedi kwe mwangi nswanga, ndambu yi nswanga yibwa ha sambu di nzila: banuni bayena yo na badya yo. 5Ndambu yihiika yibwa ha butoto bu ba na matadi na butoto buba bubwingi ko. Yi tumbu mena, mu dyambu ti butoto buba busunda ko. 6Kansi mwini bu wuteka, wuyoka na wuyumisa yo, mu dyambu ti yiba na myanzi ko. 7Na ndambu yihiika yibwa ha kati di bititi binsende. Bititi binsende bikula na bifyetikisa yo. 8Kansi zihiika zibwa ha butoto bumbote, zibuta mbutu mu bikanka: bikanka bihiika bibuta nkama, bihiika makumasambanu, na bihiika dyaka makumatatu.» 9Na Yesu wuta dyaka ti: «Wonso wuu na makutu mu yuwa, bika kayuwa!»
Mu dyambu di nki, Yesu kazonzila mu bingana
(Mlk 4.10-12; Luk 8.9-10)
10Milongoki mifinama ha bela Yesu na bamufuula ti: «Bila nki kwe bazonzilanga mu bingana e?» 11Wubavutudila ti: «Yeno baluhaana luve mu zaba mansweki ma kimfumu ki mazulu, kansi yawu ba bahaana lo ko. 12Kedika, baahaana ku yondowo tekidi na kima, mpe waaba na byo bibingi, kansi yondowo lembolo ba na kima, baamubonga mwa ndambu yo yitekidi nandi. 13Ni hahoho nakwe bazonzilanga mu bingana: mu dyambu ti bana tala, kansi bana yena ko, mboki bana yuwa, kansi bana yuwa ko mpe bana bakula ko. 14Mwanki misamu mi ta mumbikudi Yesaya myenda detila:
Luna toma yuwa, kansi luna bakula ko,
Luna toma tala, kansi luna yena ko.
15Mu dyambu ti mitima mi bantu bebaba myeka ngolo.
Bakengi makutu mawu,
na bazimini meso mawu,
mwanki balembolo yena mu meso mawu,
balembolo yuwa mu makutu mawu,
na balembolo bakula mu mitima myawu,
mwanki balembolo vutuka ku meno mpe na banyakisa.
16Kansi kyese ku yeno mu dyambu ti, meso meno mena yena, mpe makutu meno mena yuwa! 17Kedika nina luteela, mimbikudi mimingi na bantu baludedomo batya mu yena mi luna yena, kansi bayena ko, na batya mu yuwa mi luna yuwa, kansi bayuwa myo ko.
Mbangudulu yi kingana ki muntu wuyenda mwanga nswanga
(Mlk 4.13-20; Luk 8.11-15)
18Yuweno mbangudulu yi kingana ki muntu wuyenda mwanga nswanga. 19Bantu bakwe yuwanga mambu ma Kimfumu ki mazulu na bakwe lembolo bakulanga mo, bafwanakani na nswanga yibwa ha ndambu yi nzila. Nkadyampemba bu kaakwiza wubakatudi mo mu mitima myawu. 20Bahiika bafwanakani bonso nswanga yibwa ha butoto bu matadi, ni yobobo bakwe yuwanga mambu mpe bakwe tumbu tambulanga mo mu kyese, 21kansi malendi mena myanzi mu yawu bende ko, bakwe kwikilanga mu mwa ntangu yifyoti. Mboki, misamu mi mpasi hoti mfyetokoso ti zi batudidi mu dyambu di mambu ma Nzambi, bakwe bwisanga kiminu kyawu. 22Bahiika dyaka bafwanakani bonso nswanga yibwa ha kati di nsende: bakwe yuwanga Mambu ma Nzambi, kansi nsatu yi bimvimba bi ha nza na mpukumunu yi bimvwama, bikwe sanga ti Mambu ma Nzambi maba mafyetakana mu luzingu lwawu, na makwe butanga mimbutu ko. 23Bahiika dyaka bafwanakani bonso nswanga yibwa ha butoto bumbote: ni yobobo bakwe yuwanga Mambu ma Nzambi mpe bakwe bakulanga mo, bakwe butanga mimbutu: wumosi nkama, wuhiika makumasambanu, na wuhiika dyaka makumatatu.»
Kingana ki kititi kimbi
24Yesu wubateela kingana kihiika: «Kimfumu ki mazulu kifwanakani bonso muntu kunini nswanga yimbote mu mfuba andi. 25Kansi mu mpimpa, bantu bamvimba bu balambalala, mbeni andi wuyiza na wukuna kititi kimbi ha kati dibele na wuyenda kwandi. 26Nswanga bu yimena na bu yi duukisa mbutu, kititi kimbi kimena mpe. 27Bisadi byandi biyiza muteela ti: “Mfumu, kadi wukunini nswanga yimbote mu mfuba aku ko e? Kwedi kufumini bwabu kititi bekiki kimbi e?” 28Wuvutula ti: “Mbeni siidi bobo.” Buna bisadi bimufuula ti: “Tiidi twenda tuvuza kititi bekyokyo kimbi e?” 29Wuvutula ti: “Kaani! Mu dyambu ti bu luvuzidi kititi bekyokyo kimbi, lulenda vuza mpe bele. 30Bikeeno bimenina ha kimosi natee bu tuna yonzika. Mu ntangu yaaba ngyonzokolo, naateela ku biyonziki ti: Katuleeno ntete kititi kimbi na kangeeno kyo mu mwita#13.30 Mwita Kiko ki bititi kidi mwanki luyoka kyo, mboki yonzikeno mbutu zibele mu kati di kilundulu.”»
Kingana ki nswanga yi mutaade
(Mlk 4.30-32; Luk 13.18-19)
31Yesu wubateela dyaka kingana kihiika ti: «Kimfumu ki mazulu kifwanakani bonso nswanga yi mwa muti wu nkumbu mutaade, yi bongidi muntu mpe kunini yo mu mfuba andi. 32Mpeleko nswanga beyoyo yivudidi bukeke mu nswanga zimvimba, kansi bu yimenini, yavula bunene mu mwa miti mimvimba mi mfuba. Bu yeka mwa muti, banuni bakwiza tunga mazanza mawu mu bintala byandi.»
Kingana ki kima kikwe vimbisanga kiputi ki mampa
(Mlk 4.33-34; Luk 13.20-21)
33Yesu wubateela dyaka kingana kihiika: «Kimfumu ki mazulu kifwanakani bonso kima kikwe vimbisanga kiputi ki mampa ki bongidi mukento na vukidi kyo na bitezo bibingi bi faline natee kimvimba bu kivimbidi.»
Bwedi Yesu kedi sadilanga bingana
(Mlk 4.33-34)
34Yesu wusadila bingana mu zonza ku mpumbu zi bantu misamu bemyomyo mimvimba, na ka bazonzila kondo ku bingana ko. 35Mwanki misamu mi ta mumbikudi myenda detila:
Nina bazonzila mu bingana,
«Nina samuna misamu miswama tuka mbadukulu yi nza.»
Yesu wubangula kingana ki kititi kimbi
36Mboki Yesu wusala sisa mpumbu zi bantu na wuyenda ku nzo. Milongoki myandi mifinama na mi muteela ti: «Tubangudila kingana ki kititi kimbi ki mu mfuba.» 37Yesu wubateela ti: «Yondowo wukwe kunanga nswanga yimbote, ni Mwana Muntu, 38mfuba, ni nza, nswanga yimbote yena lonka baala ba ki Kimfumu ki Nzambi, na nswanga yimbi yena lonka baala ba Munga Mbi, 39mbeni yikwe kunanga nswanga yimbi, ni nkadyampemba, ngyonzokolo, ni nsukunu yi nza, bisadi byayonzika, ni zimbazi. 40Bonso bu bakwe katudilanga kititi kimbi mu tuba kyo ku tiya, bwabobo mpe bwaabeela nsukunu yi nza: 41Mwana Muntu waatambika zimbazi zandi, zaakatula mu Kimfumu kyandi bamvimba bakwe bwisanga ba nawu mu masumu na yobobo bakwe hidikanga mimbi, 42mpe wuna balosa mu kati di kifuudu ki tiya tungolo, kwakoko babingi baadila na baakwetisa meno. 43Kansi bantu baludedomo baalezima bonso ntangu mu Kimfumu ki Tata awu. Wonso wuna makutu mu yuwa, bika kayuwa!
Kimvwama ki sweko
44Kimfumu ki mazulu kifwanakani na kimvwama ki baswekidi mu mfuba. Muntu bu kabakudi kyo na bwesi toma kye sweka. Mu kyese bekyokyo wenzi teka bima bimvimba bii nandi, mboki sumbidi mfuba beyoyo.
45Kimfumu ki mazulu kifwanakani dyaka bonso munkiti wumosi wuna kwe sosi palata zimbote. 46Bu kabeki palata yi nkatika ntalu yiyingi, wenzi teka bima bimvimba bi nandi, mboki sumbidi yo.
Kingana ki mpwasa
47Kimfumu ki mazulu kifwanakani dyaka bonso mpwasa yi balosidi mu mubu na yibeki mbizi zimpila mu mpila. 48Bu yifulukidi, bilobi babendidi yo natee ha kumu di mamba, mboki bazakadi mu soola zimbizi: zimbote batudidi zo mu mikuta mpe balosidi zimbi. 49Bwabobo mpe bwaaba mu nsukunu yi nza: zimbazi zaakwiza hambisa bantu bambi na bantu ba lunungu, 50mu loosa bantu bambi mu kati di kifuudu ki tiya tungolo, kwakoko baadidila na baakwetisila meno.
Bimvwama binkulu na bimoona
51Yesu wubafuula ti: Misamu myo mimvimba myalubakudi e?» Bavutula ti: «Ninga.» 52Wubateela ti: «Ni hahoho, ti mulongisi wu Misiku weka mulongoki wu Kimfumu ki mazulu, fwanakani na mfumu yi nzo yikwe bonganga mu kati di kimvwama kyandi bima bimoona na bima bintama.»
Bantu ba Nazaleti bakwikila Yesu ko
(Mlk 6.1-6; Luk 4.16-30)
53Yesu bu kamana bateela bingana bebyobyo, wuyenda kwandi. 54Wuyenda ku mbanza yi kakudila. Wulonga mu kati di nzo yi lusambulu yi Bayudayo, bamvimba bedi mu yuwa, bayituku na bata ti: «Kwedi kabakidi ndwenga zi mutindu bewuwu e? Bwedi kalendi hidikila bimangu bibubu e? 55Wuwu kaa mwana wu kisadi ki mabaya ko e? Ngudi andi ka ni Maliya ko e? Zaki, Yosefi, Simoni na Yuda, ka zimpangi zandi ko e? 56Bibusi byandi, bakwe zakalanga neto ko e? Kwedi kabakidi lulendo lu mpila beyoyo e?» 57Kansi mimvimba bemyomyo mi bakakidila mu kwikila mu Yesu. Yesu wubateela ti: «Mumbikudi bakwe muzitisanga mu nsi andi na mu nzo andi ko.» 58Yesu kasa bimangu bibingi koko ko mu dyambu ti baba na lukwikulu ko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.