JEJU KƏ́ NGŌN̄ SIRAK 41
41
Yo
1Dan ń deē ndi majə dan yá̰a̰ kənge yān gə̄ tə́ ō,
sōl̄ yá̰á̰ kógə̄ḿ aĺ ō, yá̰a̰ malang ń ni rāā ní teē majə ō,
tɔ́gən to ɓáý adə̄ asə kadə̄ rɔ̄n yá̰á̰ kə́ nel̄ tan ō ní,
yo, gír̄ dɔí tə́ i yá̰á̰ kə́ adə̄ deē wurkatə̄.
2Deē ń ndoō rāan ō, tɔ́gən gətóo ō,
tɔgə ngá̰ý ō, sōl̄ gə̄ malang kánə̄n̄ naā dɔn tə́ ō,
əsō wūn̄g ō, tə́gā tan tṵ aĺ ō ní,
yo, ī-reē i kum mbang kə́ majə tə́ tām̄ yān tə́.
3Ngōnə̄ḿ, ī-lōō ɓōĺ yo dan ń yo gḛy reē ní.
Ādə̄ əga kemií dɔ ngé kə́ kété noí tə́ gə̄ tə́ ō, dɔ ngé gə̄ ń a utə̄n̄ gōí tə́ ní ō.
4Yo i sarya kə́ Kɔ́ɔ̄ɓē gān̄g dɔ yá̰a̰ malang kə́ ndi kə kumneé tə́.
Yá̰á̰ ń Nge Ndi dɔ rā̰ tə́ a̰ā̰ kadə̄ i yá̰á̰ kə́ majə tām̄ yā yá̰a̰ malang tə́ ní, deē mbātə́ i tām̄ rí tə́?
Ḭ̄ ásə to ɓádá ɓāl̄ kutə aláa ɓú aláa dūbú,
banī de kə́ yā kɔ̄l̄ seí kanjə̄ kumən najə̄ yá̰a̰ rāāí kə́rēý tə́ a gətóo.
Yá̰á̰ ń a rāā de gə̄ ń taā kem yādə́ gətóo ō, ndū najə̄ yādə́ gətóo ō ní
5Ngán de gə̄ kə́ ngé rāā majaĺ gə̄ a télən̄ i ngáń kə́ majə aĺ gə̄
kə́ a aw̄n̄ i ɓē ngé rāā yá̰a̰ kə gō kem ndigə yā Nə́ɓāá aĺ gə̄ tá dejə.
6Yá̰a̰ ndəbā yā ngán de kə́ ngé rāā majaĺ gə̄ ní, ta a tḭ̄ḭ̄ kɔ̄ɔ́.
Rɔ̄sɔl̄ kə́ ngá̰ý a un gō ngáńdə́ gə̄ ō, ngán kaadə́ gə̄ ō ngándáńg.
7Ngán nge rāā yá̰a̰ gō yā Nə́ɓā tə́ aĺ a kɔ̄lə̄n̄ seneé.
Tām̄ rɔ̄də́ sɔl̄də́ ngá̰ý i najə̄ yān ni tə́.
8Sḭḭ̄ ngé rāā yá̰a̰ kə gō kem ndigə yā Nə́ɓāá aĺ gə̄, yá̰á̰ kə́ to kum kaȳ aĺ a teē dɔsí tə́!
Tām̄ ə́ya̰ī ndū najə̄ yā Nge Ndi dɔ rā̰ tə́ kɔ̄ɔ́.
9Ré ojən̄sí anī i tām̄ yā ndɔ̄ĺ tə́ ō,
ré óyiī anī yá̰a̰ kənge yāsí i ndɔ̄ĺ ō.
10Yá̰a̰ malang kə́ teē dɔ nang tə́ a tél i yā kaw̄ gogə́ dɔ nang tə́.
Adə̄ ngé rāā yá̰a̰ kə gō kem ndigə yā Nə́ɓāá aĺ gə̄ ní, gō ndɔ̄ĺ tə́ anī a nujən̄ sák sák kɔ̄ɔ́.
Rī ɓār̄ kə́ majə
11De gə̄ əhɔn̄ ndoō tām̄ yā dā̰ rɔ̄də́ kə́ oy tə́,
banī rī ngé rāā majaĺ gə̄ ɓār̄ majə aĺ ō, a gətóo kɔ̄ɔ́ ō.
12I beé ní, ə̄ndā kumií gír rīí tə́, tām̄ a to gotií tə́
tɔȳ lɔ́ŕ kə́ ká̰n̄ dɔ naā tə́ nja dūbú.
13Ndi majə i yá̰á̰ kə́ a to i kem ndɔ̄ gə̄ kóndóńg wań ngóy,
banī rī ɓār̄ kə́ majə a to i ngándáńg.
Yá̰á̰ ń kadə̄ rɔ̄ deē sɔlə̄n najə̄n tə́ ní i rí?
14Ngánə́ḿ gə̄, yá̰á̰ ń ndóōn̄sí ní ī-ngɔ̄mī ādə̄ to jəke.
Kum kedə̄ kə́ to lo ɓɔ̄ɔ̄ tə́ ō, yá̰á̰ kə́ gātən i ngá̰ý kə́ kum deē a̰ā̰ aĺ ō ní,
nin̄ jōó mbak ní, deē a ənge i rí tū tə́?
15De kə́ nge ɓɔ̄ɔ̄ dɔ mbóo yān i sóótə́,
tɔȳ de kə́ nge ɓɔ̄ɔ̄ dɔ kum kedə̄ yān.
16Adə̄ m-ā m-ɔ́jə́sí yá̰á̰ ń majə kadə̄ rɔ̄sí sɔl̄sí najə̄n tə́ ní.
Tām̄ majə ngɔ̄m̄ rɔ̄sɔl̄ gə̄ malang alé.
Tá ɓáý tṵ ní, de gə̄ malang a gāngə̄n̄ sarya dɔ yá̰a̰ gə̄ tə́ malang tītə̄ naā alé.
17Ādī rɔ̄sí sɔl̄sí ta kum bɔbə̄sí tə́ ō, kṵ́ṵ́sí tə́ ō, najə̄ yá̰a̰ rāāsí kə́ gōtə́ aĺ tə́.
Ādī rɔ̄sí sɔl̄sí ta kum ngār tə́ ō, de kə́ tɔ́gən to tə́ ō, najə̄ sor̄ yāsí tə́.
18Ādī rɔ̄sí sɔl̄sí ta kum ngé sarya gə̄ tə́ ō,
ngé kán̄ naā gə̄ tə́ ō, ngán Israel gə̄ tə́ ō, najə̄ yá̰á̰ rāāsí kə́ gōtə́ aĺ tə́.
Ādī rɔ̄sí sɔl̄sí ta kum madə̄ njə̄rāsí tə́, aláa madə̄ tasí tə́, najə̄ yá̰á̰ kə́ gōtə́ aĺ kə́ ī-rāāī sedə́ tə́.
19Ādə̄ rɔ̄í sɔlī ta kum madə̄ ɓēí gə̄ tə́, najə̄ ɓogə yāí tə́.
Ādə̄ rɔ̄í sɔlī tām̄ najə̄ kə́ rɔ̄kum yā Nə́ɓā tə́ ō, madə̄ naā yān tə́ ō.
Ādə̄ rɔ̄í sɔlī najə̄ kəndā kə́ ə̄ndā kílí dɔ tábəl tə́ lo kəsa yá̰á̰ tə́ ō,
najə̄ kidə kə́ ídə taí tá ādə̄ deē yá̰a̰, aláa ī-taā yá̰a̰ jī deē tə́ ō,
20najə̄ ra kə́ ī-ra taí mbóo no ngé rāāí lápə́ya gə̄ tə́ ō,
najə̄ ra kə́ kumií ra gotoó dɔ dəyá̰ ájə́ba tə́ ō,
21najə̄ kusə kə́ usiī dɔ ngōn̄ nge ɓē madí tə́ aĺ ō,
najə̄ núsə́ yá̰a̰ yā madí kə́ ī-taā kɔ̄ɔ́ tə́, aláa najə̄ yá̰á̰ kə́ adə̄nən̄ kə́ ī-taā kɔ̄ɔ́ tə́,
aláa najə̄ ka̰a̰ kə́ á̰a̰ nə̄yá̰ deē tə́.
22Ī-lōō rāā madə̄ naā kə́ mān̄ dɔ majən kə nge kəla kə́ dəyá̰ yā madí ō,
ī-lōō kaw̄ ngɔr kadə tə̄rá yān tə́ ō.
Ādə̄ rɔ̄í sɔlī najə̄ tájə̄ kə́ ī-tájə̄ madí gə̄ tə́,
aláa najə̄ kadə̄ kə́ ādə̄də́ yá̰a̰ oy anī ī-kɔ̄l̄ sedə́ dɔ tə́ tə́. #41.22 Kem makətūbə̄ kə́ ngá̰ý gə̄ tə́ ní, kəlān kə́ nge kṵ kutə jōó gidə i mətá gətóo tū tə́.
Currently Selected:
JEJU KƏ́ NGŌN̄ SIRAK 41: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 41
41
Yo
1Dan ń deē ndi majə dan yá̰a̰ kənge yān gə̄ tə́ ō,
sōl̄ yá̰á̰ kógə̄ḿ aĺ ō, yá̰a̰ malang ń ni rāā ní teē majə ō,
tɔ́gən to ɓáý adə̄ asə kadə̄ rɔ̄n yá̰á̰ kə́ nel̄ tan ō ní,
yo, gír̄ dɔí tə́ i yá̰á̰ kə́ adə̄ deē wurkatə̄.
2Deē ń ndoō rāan ō, tɔ́gən gətóo ō,
tɔgə ngá̰ý ō, sōl̄ gə̄ malang kánə̄n̄ naā dɔn tə́ ō,
əsō wūn̄g ō, tə́gā tan tṵ aĺ ō ní,
yo, ī-reē i kum mbang kə́ majə tə́ tām̄ yān tə́.
3Ngōnə̄ḿ, ī-lōō ɓōĺ yo dan ń yo gḛy reē ní.
Ādə̄ əga kemií dɔ ngé kə́ kété noí tə́ gə̄ tə́ ō, dɔ ngé gə̄ ń a utə̄n̄ gōí tə́ ní ō.
4Yo i sarya kə́ Kɔ́ɔ̄ɓē gān̄g dɔ yá̰a̰ malang kə́ ndi kə kumneé tə́.
Yá̰á̰ ń Nge Ndi dɔ rā̰ tə́ a̰ā̰ kadə̄ i yá̰á̰ kə́ majə tām̄ yā yá̰a̰ malang tə́ ní, deē mbātə́ i tām̄ rí tə́?
Ḭ̄ ásə to ɓádá ɓāl̄ kutə aláa ɓú aláa dūbú,
banī de kə́ yā kɔ̄l̄ seí kanjə̄ kumən najə̄ yá̰a̰ rāāí kə́rēý tə́ a gətóo.
Yá̰á̰ ń a rāā de gə̄ ń taā kem yādə́ gətóo ō, ndū najə̄ yādə́ gətóo ō ní
5Ngán de gə̄ kə́ ngé rāā majaĺ gə̄ a télən̄ i ngáń kə́ majə aĺ gə̄
kə́ a aw̄n̄ i ɓē ngé rāā yá̰a̰ kə gō kem ndigə yā Nə́ɓāá aĺ gə̄ tá dejə.
6Yá̰a̰ ndəbā yā ngán de kə́ ngé rāā majaĺ gə̄ ní, ta a tḭ̄ḭ̄ kɔ̄ɔ́.
Rɔ̄sɔl̄ kə́ ngá̰ý a un gō ngáńdə́ gə̄ ō, ngán kaadə́ gə̄ ō ngándáńg.
7Ngán nge rāā yá̰a̰ gō yā Nə́ɓā tə́ aĺ a kɔ̄lə̄n̄ seneé.
Tām̄ rɔ̄də́ sɔl̄də́ ngá̰ý i najə̄ yān ni tə́.
8Sḭḭ̄ ngé rāā yá̰a̰ kə gō kem ndigə yā Nə́ɓāá aĺ gə̄, yá̰á̰ kə́ to kum kaȳ aĺ a teē dɔsí tə́!
Tām̄ ə́ya̰ī ndū najə̄ yā Nge Ndi dɔ rā̰ tə́ kɔ̄ɔ́.
9Ré ojən̄sí anī i tām̄ yā ndɔ̄ĺ tə́ ō,
ré óyiī anī yá̰a̰ kənge yāsí i ndɔ̄ĺ ō.
10Yá̰a̰ malang kə́ teē dɔ nang tə́ a tél i yā kaw̄ gogə́ dɔ nang tə́.
Adə̄ ngé rāā yá̰a̰ kə gō kem ndigə yā Nə́ɓāá aĺ gə̄ ní, gō ndɔ̄ĺ tə́ anī a nujən̄ sák sák kɔ̄ɔ́.
Rī ɓār̄ kə́ majə
11De gə̄ əhɔn̄ ndoō tām̄ yā dā̰ rɔ̄də́ kə́ oy tə́,
banī rī ngé rāā majaĺ gə̄ ɓār̄ majə aĺ ō, a gətóo kɔ̄ɔ́ ō.
12I beé ní, ə̄ndā kumií gír rīí tə́, tām̄ a to gotií tə́
tɔȳ lɔ́ŕ kə́ ká̰n̄ dɔ naā tə́ nja dūbú.
13Ndi majə i yá̰á̰ kə́ a to i kem ndɔ̄ gə̄ kóndóńg wań ngóy,
banī rī ɓār̄ kə́ majə a to i ngándáńg.
Yá̰á̰ ń kadə̄ rɔ̄ deē sɔlə̄n najə̄n tə́ ní i rí?
14Ngánə́ḿ gə̄, yá̰á̰ ń ndóōn̄sí ní ī-ngɔ̄mī ādə̄ to jəke.
Kum kedə̄ kə́ to lo ɓɔ̄ɔ̄ tə́ ō, yá̰á̰ kə́ gātən i ngá̰ý kə́ kum deē a̰ā̰ aĺ ō ní,
nin̄ jōó mbak ní, deē a ənge i rí tū tə́?
15De kə́ nge ɓɔ̄ɔ̄ dɔ mbóo yān i sóótə́,
tɔȳ de kə́ nge ɓɔ̄ɔ̄ dɔ kum kedə̄ yān.
16Adə̄ m-ā m-ɔ́jə́sí yá̰á̰ ń majə kadə̄ rɔ̄sí sɔl̄sí najə̄n tə́ ní.
Tām̄ majə ngɔ̄m̄ rɔ̄sɔl̄ gə̄ malang alé.
Tá ɓáý tṵ ní, de gə̄ malang a gāngə̄n̄ sarya dɔ yá̰a̰ gə̄ tə́ malang tītə̄ naā alé.
17Ādī rɔ̄sí sɔl̄sí ta kum bɔbə̄sí tə́ ō, kṵ́ṵ́sí tə́ ō, najə̄ yá̰a̰ rāāsí kə́ gōtə́ aĺ tə́.
Ādī rɔ̄sí sɔl̄sí ta kum ngār tə́ ō, de kə́ tɔ́gən to tə́ ō, najə̄ sor̄ yāsí tə́.
18Ādī rɔ̄sí sɔl̄sí ta kum ngé sarya gə̄ tə́ ō,
ngé kán̄ naā gə̄ tə́ ō, ngán Israel gə̄ tə́ ō, najə̄ yá̰á̰ rāāsí kə́ gōtə́ aĺ tə́.
Ādī rɔ̄sí sɔl̄sí ta kum madə̄ njə̄rāsí tə́, aláa madə̄ tasí tə́, najə̄ yá̰á̰ kə́ gōtə́ aĺ kə́ ī-rāāī sedə́ tə́.
19Ādə̄ rɔ̄í sɔlī ta kum madə̄ ɓēí gə̄ tə́, najə̄ ɓogə yāí tə́.
Ādə̄ rɔ̄í sɔlī tām̄ najə̄ kə́ rɔ̄kum yā Nə́ɓā tə́ ō, madə̄ naā yān tə́ ō.
Ādə̄ rɔ̄í sɔlī najə̄ kəndā kə́ ə̄ndā kílí dɔ tábəl tə́ lo kəsa yá̰á̰ tə́ ō,
najə̄ kidə kə́ ídə taí tá ādə̄ deē yá̰a̰, aláa ī-taā yá̰a̰ jī deē tə́ ō,
20najə̄ ra kə́ ī-ra taí mbóo no ngé rāāí lápə́ya gə̄ tə́ ō,
najə̄ ra kə́ kumií ra gotoó dɔ dəyá̰ ájə́ba tə́ ō,
21najə̄ kusə kə́ usiī dɔ ngōn̄ nge ɓē madí tə́ aĺ ō,
najə̄ núsə́ yá̰a̰ yā madí kə́ ī-taā kɔ̄ɔ́ tə́, aláa najə̄ yá̰á̰ kə́ adə̄nən̄ kə́ ī-taā kɔ̄ɔ́ tə́,
aláa najə̄ ka̰a̰ kə́ á̰a̰ nə̄yá̰ deē tə́.
22Ī-lōō rāā madə̄ naā kə́ mān̄ dɔ majən kə nge kəla kə́ dəyá̰ yā madí ō,
ī-lōō kaw̄ ngɔr kadə tə̄rá yān tə́ ō.
Ādə̄ rɔ̄í sɔlī najə̄ tájə̄ kə́ ī-tájə̄ madí gə̄ tə́,
aláa najə̄ kadə̄ kə́ ādə̄də́ yá̰a̰ oy anī ī-kɔ̄l̄ sedə́ dɔ tə́ tə́. #41.22 Kem makətūbə̄ kə́ ngá̰ý gə̄ tə́ ní, kəlān kə́ nge kṵ kutə jōó gidə i mətá gətóo tū tə́.
Bibəl ta Sar̄ © L'Alliance Biblique du Tchad, 2006, 2010.