PĀ GƏ̄ 48
48
Ɓē yā mban̄g kə́ bo
1I pā yā ngán Kore gə̄.
2Kɔ́ɔ̄ɓē i de kə́ bo, ɓōkə́nən̄ tɔ̄ȳ asə ta tə́
kem ɓē yā Nə́ɓā yājí tə́, dɔ mbal̄ yān kə́ táĺ tə́.
3Mbal̄ ní majə ō, ngāl̄ kə̄ dɔɔ́ ɓururu ō,
rāā adə̄ rɔ̄ dɔ nang malang nelə̄n ō.
Ɓē bo kə́ dɔ ɓē gə̄ kə́ dɔ nang tə́ laā malang,
i mbal̄ Siyo̰.
I ɓē yā mban̄g kə́ bo.
4De gə̄ ń ndin̄ kem kújə́ kə́ bo gə̄ kə́ Siyo̰ tə́ ní gerə̄n̄
kadə̄ Nə́ɓā i loo kə́ ngan̄g kə́ kem ɓēé.
5Mban̄g gə̄ ɔsən̄ dɔdə́ naā tə́,
reēn̄ malang yā rɔ̄ɔ̄ ɓē kə́ Siyo̰.
6Dan ń nin̄ a̰a̰n̄ yá̰á̰ ń Kɔ́ɔ̄ɓē rāā ní anī sitə̄n̄ sata ō, ɔr kumdə́ ngá̰ý ō.
ɓōĺ kə́ ngá̰ý rāādə́ adə̄ a̰ȳn̄ naā kɔ̄ɔ́.
7Nin̄-ndewn̄ yakə yakə kə̄ loo nəkɔ́ ń noō tə́,
a̰a̰n̄ loo kɔtə kum kə̄ kété alé,
tītə̄ dəyá̰ kə́ a rāā kem beé.
8To i tītə̄ néĺ kə́ dūn̄ ɓē tə́,
dan ń a tɔ̄ɔ̄ too bo gə̄ kə́ Tarsis ní.
9Yá̰á̰ ń ənīn̄jí gotə adə̄ j-oō ní,
j-a̰ā̰ kem ɓē yā Kɔ́ɔ̄ɓē kə́ bo kə́ tɔ́gən i ngá̰ý tə́,
kem ɓē yā Nə́ɓā yājí tə́.
Nə́ɓā əhɔ ɓē ní dɔɔ́ ngándáńg.
10Nə́ɓā dan ń jḭḭ i kem kújə yāí tə́ ní,
jə-tél jə-gír̄ dɔ kem majə yāí ń ī-rāā sejí tə́ ní.
11Nə́ɓā, rīí ɓār̄ taā dɔ nang malang ō,
de gə̄ tɔ̄ȳnī kə gō loo gə̄ malang ō.
Yá̰á̰ kə́ gōtə́ rosə kem jī ko̰í.
12Mbal̄ bo kə́ Siyo̰ rāā rɔ̄nel̄.
Ɓē gə̄ kə́ Juda ḭḭn̄ bal walya
tām̄ yā sarya gāngīí gə̄ tə́!
13Ī-njə̄rāī kə gō naá tururu dɔ ndogə̄ mbal̄
kə́ gidə ɓē kə́ Siyo̰ tə́ tə́.
Ī-tə́daī kutə kújə ngɔ̄m̄ ɓē kə́ dɔ tə́ gə̄.
14Á̰a̰ī ndogə̄ mbal̄ kə́ gidə tə́ gə̄ majə.
Ī-tə́daī kutə loo kə́ ngan̄g ngan̄g kə́ tū tə́ gə̄ majə ī-gerī,
kadə̄ ə́daīneé ngé kə́ ndɔ̄ń tə́ gə̄ gotə.
15Tɔdɔ̄ i Nə́ɓā ń noō n i Nə́ɓā yājí ngándáńg ō,
kə́ njɔ́ḿ gə̄ tə́ ō ní.
I ni n i nge kɔjəjí róbə́ bátə́ ndɔ̄ yojí tə́ ní.
Currently Selected:
PĀ GƏ̄ 48: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.