TƏ́DA 26
26
Tə́da kutə ngán Israel gə̄ kə́ nge ko̰ jōó
19 Gō yá̰á̰ kə́ tōr̄ ń noō tə́ anī, 1Kɔ́ɔ̄ɓē əda Moijə nin̄ kə Eleajar nge tun̄ yá̰á̰ ń i ngōn̄ Aaro̰ ní na:
2Ī-tə́daī kutə ngán Israel gə̄ kə gō gír kojə yādə́ gēé. Ī-tə́daī kutə de kə́ dəngam gə̄ ń udən̄ áskaraá á ɓāl̄də́ ḭḭ dɔ kutə jōó tə́ kum kə̄ dɔɔ́ ní. 3Tā anī Moijə nin̄ kə Eleajar nge tun̄ yá̰a̰ ɔrə̄n̄ najə̄ kə ngán Israel gēé ndágə loo gə̄ kə́ Moab tə́, dɔ gɔ́sə ba Jurdḛ tə́, loo ń ra sɔɔ̄n̄ ta naā kə ɓē kə́ Jeriko ní tə́. Nin̄ ədan̄də́ na:
4J-a jə-tə́da kutə de kə́ dəngam gə̄ ń ɓāl̄də́ ḭḭ dɔ kutə jōó tə́ kum kə̄ dɔɔ́ ní tītə̄ ń Kɔ́ɔ̄ɓē ədań Moijə ní.
Ngán Israel gə̄ ń teēn̄ kɔ̄ɔ́ kem ɓē kə́ Ejiptə tə́ ní, nin̄ n toó:
5Ruben i hágə Israel. Ngán Ruben gə̄ n toō: Hanok gə̄, i de gə̄ kə́ gír kaa yā Hanok ngōn̄ Ruben tə́. Palu gə̄, i de gə̄ kə́ gír kaa yā Palu ngōn̄ Ruben tə́,
6Hesəron gə̄ i de gə̄ kə́ gír kaa yā Hesəron ngōn̄ Ruben tə́. Karmi gə̄ i de gə̄ kə́ gír kaa yā Karmi ngōn̄ Ruben tə́. 7Gír kaa gə̄ yā Ruben n noó. Kutə de kə́ dəngam gə̄ malang i deē 43 730.
8Palu ojə Eliab. 9Eliab ojə Nemuel ō, Datan ō, Abiram ō. Datan nin̄ kə Abiram i ngé kɔsə kum gotə ngán Israel gə̄ ń ḭḭn̄ kə Moijə ō, Aaro̰ ō, kə najá ní. Nin̄ i dan de gə̄ yā Kore ń mbātə́n̄ ndū najə̄ yā Kɔ́ɔ̄ɓē tə́ ní. 10Dɔ nang teē tan urdə́ naā tə́ kə Kore, ndɔ̄ ń deē yā Kore gə̄ oynə̄ń malang tə́ ō, hor o̰o̰ń de gə̄ ɓú jōó kə kutə mí tə́ ō ní. Nge ń noō i kadə̄ dɔ gotə de gə̄ reēń ō, gír̄nəń yá̰a̰ ō. 11Banī ndɔ̄ ń noō tə́ ngán Kore gə̄ oyn̄ alé.
12Ngán Simeo̰ gə̄ kə gír kaadə́ gēé n toó: Nemuel gə̄ i de gə̄ ké gír kaa yā Nemuel tə́. Yamin gə̄ i de gə̄ kə́ gír kaa yā Yamin tə́. Yakin gə̄ i de gə̄ kə́ gír kaa yā Yakin tə́. 13Jera gə̄ i de gə̄ kə́ gír kaa yā Jera tə́. Saul gə̄ i de gə̄ kə́ gír kaa yā Saul tə́. 14Gír kaa gə̄ yā Simeo̰ n noó. Kutə de kə́ dəngam gə̄ malang i deē 22 200.
15Ngán Gad gə̄ kə gír kaadə́ gēé n toó: Sepon gə̄ i de gə̄ kə́ gír kaa yā Sepon tə́. Hagi gə̄ i de gə̄ ké gír kaa yā Hagi tə́ Suni gə̄ i de gə̄ ké gír kaa yā Suni tə́. 16Osəni gə̄ i de gə̄ kə́ gír kaa yā Osəni tə́. Eri gə̄ i de gə̄ kə́ gír kaa yā Eri tə́. 17Arod gə̄ i de gə̄ kə́ gír kaa yā Arod tə́. Areli gə̄ i de gə̄ kə́ gír kaa yā Areli tə́. 18Gír kaa yā ngán Gad gə̄ n noó. De kə́ dəngam gə̄ malang i deē 40 500.
19Ngán Juda gə̄ i Er nin̄ kə Onan. Er nin̄ kə Onan oyn̄ kɔ̄ɔ́ dɔ nang kə́ Kanaan tə́. 20Ngán Juda gə̄ kə gír kaadə́ gēé n toó: Sela gə̄ i de gə̄ kə́ gír kaa yā Sela tə́. Peres gə̄ i de gə̄ kə́ gír kaa yā Peres tə́. Jera gə̄ i de gə̄ kə́ gír kaa yā Jera tə́. 21Ngán Peres gə̄ n toó: Hesəron gə̄ i de gə̄ kə́ gír kaa yā Hesəron tə́. Hamul gə̄ i de gə̄ kə́ gír kaa yā Hamul tə́. 22Gír kaa gə̄ yā Juda n noó. De kə́ dəngam gə̄ malang i deē 76 500.
23Ngán Isakar gə̄ kə gír kaadə́ gēé n toó: Tola gə̄ i de gə̄ kə́ gír kaa yā Tola tə́. Puba gə̄ i de gə̄ kə́ gír kaa yā Puba tə́. 24Yasub gə̄ i de gə̄ kə́ gír kaa yā Yasub tə́. Simron gə̄ i de gə̄ kə́ gír kaa yā Simron tə́ 25Gír kaa gə̄ yā Isakar n noó. De kə́ dəngam gə̄ malang i deē 64 300.
26Ngán Jabulo̰ gə̄ kə gír kaadə́ gēé n toó: Sered gə̄ i de gə̄ kə́ gír kaa yā Sered tə́. Elon gə̄ i de gə̄ kə́ gír kaa yā Elon tə́. Yalel gə̄ i de gə̄ kə́ gír kaa yā Yalel tə́. 27Gír kaa gə̄ yā Jabulo̰ n noó. De kə́ dəngam gə̄ malang i deē 60 500.
28Ngán Jəjep gə̄ kə gír kaadə́ gēé n toó: Manase nin̄ kə Epəraim. 29Ngán Manase gə̄ n toó: Makir gə̄ i de gə̄ kə́ gír kaa yā Makir tə́. Makir ojə Galaad. Galaad gə̄ i de gə̄ kə́ gír kaa yā Galaad tə́. 30Ngán Galaad gə̄ n toó: Yejer gə̄ i de gə̄ kə́ gír kaa yā Yejer tə́. Helek gə̄ i de gə̄ kə́ gír kaa yā Helek tə́. 31Asriel gə̄ i de gə̄ kə́ gír kaa yā Asriel tə́. Sekem gə̄ i de gə̄ kə́ gír kaa yā Sekem tə́. 32Semida gə̄ i de gə̄ kə́ gír kaa yā Semida tə́. Heper gə̄ i de gə̄ kə́ gír kaa yā Heper tə́. 33Selopad ngōn̄ Heper ojə ngōn̄ kə́ dəngam alé, ba ojə i ngáń kə́ dəyá̰ gə̄ ngóy. Ngán Selopad kə́ dəyá̰ gə̄ ní rīdə́ na i Mala ō, Noa ō, Hogəla ō, Milka ō, Tirsa ō. 34Gír kaa gə̄ yā Manase n noó. De kə́ dəngam gə̄ malang i de 52 700.
35Ngán Epəraim gə̄ kə gír kaadə́ gēé n toó: Sutela gə̄ i de gə̄ kə́ gír kaa yā Sutela tə́. Beker gə̄ i de gə̄ kə́ gír kaa yā Beker tə́. Tahan gə̄ i de gə̄ kə́ gír kaa yā Tahan tə́. 36Ngán Sutela gə̄ n toó: Eran gə̄ i de gə̄ ké gír kaa yā Eran tə́. 37Gír kaa gə̄ yā Epəraim n noó. De kə́ dəngam gə̄ malang i deē 32 500. Kutə ngán Jəjep gə̄ malang ń tə́dan̄də́ kə gō gír kaadə́ gēé ní n noó.
38Ngán Benjamḛ gə̄ kə gír kaadə́ gēé n toó: Bela gə̄ i de gə̄ kə́ gír kaa yā Bela tə́. Asəbel gə̄ i de gə̄ kə́ gír kaa yā Asəbel tə́. Ahiram gə̄ i de gə̄ kə́ gír kaa yā Ahiram tə́. 39Sepupam gə̄ i de gə̄ kə́ gír kaa yā Sepupam tə́. Hupam gə̄ i de gə̄ kə́ gír kaa yā Hupam tə́. 40Ngán Bela gə̄ n toó: Ard ō, Naaman ō. Ard gə̄ i de gə̄ kə́ gír kaa yā Ard tə́ ō, Naaman gə̄ i de kə́ gír kaa yā Naaman tə́ ō. 41Kutə ngán Benjamḛ gə̄ malang ń tə́dan̄də́ kə gō gír kaadə́ gēé ní n noó. De kə́ dəngam gə̄ malang i deē 45 600.
42Ngán Dan gə̄ kə gír kaadə́ gēé n toó: Suham gə̄ i de gə̄ kə́ gír kaa yā Suham tə́. Kutə ngán Dan gə̄ malang ń tə́dan̄də́ kə gō gír kaadə́ gēé ní n noó. 43De kə́ dəngam gə̄ malang kə́ gír kaa yā Suham tə́ i deē 64 400.
44Ngán Aser gə̄ kə gír kaadə́ gēé n toó: Iməna gə̄ i de gə̄ kə́ gír kaa yā Yiməna tə́. Isəbi gə̄ i de gə̄ kə́ gír kaa yā Isəbi tə́. Beria gə̄ i de gə̄ kə́ gír kaa yā Beria tə́. 45De gə̄ ń ngán Beria gə̄ ojən̄də́ ní n toó: Heber gə̄ i de gə̄ kə́ gír kaa yā Heber tə́. Malkiel gə̄ i de gə̄ kə́ gír kaa yā Malkiel tə́. 46Rī ngōn̄ Aser kə́ dəyá̰ na i Sera. 47Gír kaa gə̄ yā Aser gə̄ n noó. De kə́ dəngam gə̄ malang i deē 53 400.
48Ngán Nepətali gə̄ kə gō gír kaadə́ gēé n toó: Yasiel gə̄ i de gə̄ kə́ gír kaa yā Yasiel tə́. Guni gə̄ i de gə̄ kə́ gír kaa yā Guni tə́. 49Yeser gə̄ i de gə̄ kə́ gír kaa yā Yeser tə́. Silem gə̄ i de gə̄ kə́ gír kaa yā Silem tə́. 50Kutə ngán Nepətali gə̄ malang n tə́dan̄də́ kə gō gír kaadə́ gēé ní n noó. De kə́ dəngam gə̄ malang i deē 45 500.
51Ngán Israel gə̄ kə́ dəngam gə̄ malang i deē 601 730.
Kɔ́ɔ̄ɓē ɔjə loo gán̄g dɔ nang kə́ Kanaan tām̄ yā ngán Israel gə̄ tə́
52Kɔ́ɔ̄ɓē əda Moijə na:
53I gír kaa gə̄ ń noó n ā ī-gán̄g dɔ nang kə́ Kanaan naā tə́ yā kadə̄də́ ní. Ā ādə̄də́ i kə gó kutədə́ gēé. 54Gír kaa ń de kə́ tū tə́ gə̄ i ngá̰ý ní, ā ī-gān̄g dɔ nang yādə́ kadə̄ asə tām̄ ō, gír kaa ń de kə́ tū tə́ gə̄ i sḛ́ý beē ní, ā ī-gān̄g dɔ nang yādə́ i kə looneé ō. 55Ā ī-túgī i wə̄lā n ā ī-gángīiń dɔ nang kə dɔ gír ɓē gēé ō, kə gō de gə̄ kə́ tū tə́ ō ní. 56Dɔ nang kə́ yā kadə̄ gír ɓē kə́ bo aké kə́ dūú ənge ní, i wə̄lā n a ɔjə dɔ ní.
Tə́dan̄ kutə ngán Lebi gə̄ nja kə́ nge ko̰ jōó
57 Ngán Lebi gə̄ ń tə́dan̄də́ kə gō gír kaadə́ gēé ní n toó: Gerson gə̄ i de gə̄ kə́ gír kaa yā Gerson tə́. Kehat gə̄ i de gə̄ kə́ gír kaa yā Kehat tə́. Merari gə̄ i de gə̄ kə́ gír kaa yā Merari tə́. 58Gír kaa gə̄ yā Lebi n toó: Libəni gə̄, Hebron gə̄, Mali gə̄, Musi gə̄, Kore gə̄. Kehat ojə Amram. 59Rī nə̄yá̰ Amram na i Yokebed. Yokebed i ngōn̄ Lebi kə́ dəyá̰. Kó̰o̰n ojən i dɔ nang kə́ Ejiptə tə́. Ngán gə̄ ń Yokebed ojə adə̄ Amram ní n toó: Aaro̰ ō, Moijə ō, ngōkó̰ó̰də́ kə́ dəyá̰ ń rīn na i Miriam ní ō. 60Aaro̰ ojə Nadab ō, Abihu ō, Eleajar ō, Itamar ō. 61Nadab nin̄ kə Abihu ooyn̄ tām̄ hor kə́ karī ń aw̄nəń ta kum Kɔ́ɔ̄ɓē tə́ ní. 62Ngán Lebi kə́ dəngam gə̄ malang i deē 23 000 kum naā tə́ kə ngáń kə́ dəngam gə̄ kə́ ɓāl̄də́ ḭḭ dɔ nāā kógə̄ḿ tə́ kum kə̄ dɔɔ́. Tə́dan̄də́ naā tə́ kə gotə ngán Israel gēé alé, tām̄ dɔ nang kə́ Kanaan ń a gángə̄n̄ naā tə́ yā nə̄ɓō ngán Israel gə̄ ní, nin̄ a əngen̄ alé.
Ta tɔ̄l̄ ta najə̄ kə́ dɔ tə́da de gə̄ tə́
63Ngán Israel gə̄ ń Moijə nin̄ kə Eleajar nge tun̄ yá̰a̰ tə́dan̄də́ ndagə loo gə̄ kə́ Moab tə́, dɔ gɔ́sə bā Jurdḛ ń ra sɔɔ̄n̄ tá naā kə ɓē kə́ Jeriko ní n noó. 64Ngé gə̄ ń Moijə nin̄ kə Aaro̰ nge tun̄ yá̰a̰ tə́dan̄də́ kem dəla loo kə́ Sinai tə́ ní, gətóon̄ dandə́ tə́. 65Tɔdɔ̄ Kɔ́ɔ̄ɓē ədadə́ na a oyn̄ kem dəla loo tə́. Nin̄ oyn̄ rɔ̄kum tām̄ deē kógə̄ḿ kə́ dandə́ tə́ kə́ teē gətóo, ba i Kaleb ngōn̄ Yepune ō, Jojue ngōn̄ Nun ō, ngóy n teēn̄ ní.
Currently Selected:
TƏ́DA 26: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
