LEBI GƏ̄ 27
27
Kutə nar kə́ yā gāngəń dɔ yá̰a̰
1Kɔ́ɔ̄ɓē mēr̄ Moijə 2kəda ngán Israel gə̄ ndū najə̄ gə̄ ń toō:
Ré deē kə́rēý ənī ndūn yā kadə̄ Kɔ́ɔ̄ɓē deē anī, a asə kadə̄ nar kum gotə. 3Gātə̄ deē n toó:
Ḭḭ dɔ de kə́ ɓāl̄ kutə jōó tə́ bátə́ ugə̄ń dɔ de kə́ ɓāl̄ kutə mehḛ́ tə́ ní, gātə̄ de kə́ dəngam i njáŕ sə́lē arjā̰a̰ kutə mí, kə gō nar kem loo kə́ táĺ tə́, 4ba gātə̄ de kə́ dəyá̰ i njáŕ sə́lē kutə mətá.
5Ḭḭ dɔ ngáń kə́ ɓāl̄ mí gə̄ tə́ bátə́ ugə̄ń dɔ ngáń kə́ ɓāl̄ kutə jōó gə̄ tə́ ní, ngōn̄ kə́ dəngam i njáŕ sə́lē kutə jōó, ba ngōn̄ dəyá̰ i njáŕ sə́lē kutə kógə̄ḿ.
6Ḭḭ dɔ ngōn̄ kə́ nāā kógə̄ḿ tə́ bátə́ dɔ ngōn̄ kə́ ɓāl̄ mí tə́ ní, ngōn̄ kə́ dəngam i njáŕ sə́lē arjā̰a̰á̰ mí, ba ngōn̄ dəyá̰ i njáŕ sə́lē mətá.
7Ḭḭ dɔ de gə̄ kə́ ɓāl̄ kutə mehḛ́ tə́ bátə́ ta kə́ dɔɔ́ ní, de kə́ dəngam i njáŕ sə́lē kutə gidə i mí, ba de kə́ dəyá̰ i njáŕ sə́lē kógə̄ḿ.
8Ré deē ń ənī ndūn yā kadə̄ Kɔ́ɔ̄ɓē deē ní kɔ̄ɔ́ ndoō ngá̰ý adə̄ ni asə kadə̄ kutə nar ń gāngə̄n̄ ní aĺ anī, a aw̄ seneé rɔ̄ nge tun̄ yá̰á̰ tə́ kadə̄ ɔjə gātə̄n kə gō yá̰a̰ kəngen.
9Ré i dā̰ kə́ dan ngé gə̄ ń deē asə ndējə̄ Kɔ́ɔ̄ɓē tə́ ní n deē ənī míndən dɔ tə́ anī, dā̰ ní a tél dā̰ kə́ kɔr̄ kam̄ tām̄ yā Kɔ́ɔ̄ɓē tə́. 10Deē a mbél̄ gírən alé. Ká i kə́ majə aké i kə́ majə aĺ gə̄gē anī, deē a mbél̄ gírən alé. Ré deē rāā bátə́ ba mbél̄ gírən gə̄gē anī, dā̰ ń mbéləń gír madə̄ ní gə̄gē, dā̰ kə́ kété gə̄gē, nin̄ jōó mbak a télən̄ i dā̰ kə́ kɔr̄ kam̄ gə̄ tām̄ yā Nə́ɓā tə́.
11Ré i dā̰ kə́ yḛr, adə̄ i dā̰ kə́ dan gə̄ ń deē asə ndə̄jə̄ Kɔ́ɔ̄ɓē tə́ aĺ ní anī, a aw̄n̄ kə dā̰ ní rɔ̄ nge tun̄ yá̰á̰ tə́. 12Ni a ɔjə gātə̄n i kə gō majən, aláa i kə gō majən aĺ ō, gātə̄ ń noō a rāā gətóo ō. 13Ba ré kɔ́ɔ̄ ndigə̄ gān̄g dɔn anī, a adə̄ kutə gúrsə ń nge tun̄ yá̰a̰ a ɔjə ní ō, a ənī manə̄n dɔ tə́#27.13 ō 15 ō 19 Ənī manə̄n dɔ tə́: Á̰a̰ī Leb 5.16 ō.
14Ré deē kógə̄ḿ ɔr̄ kam̄ kújə yān tām̄ yā Kɔ́ɔ̄ɓē tə́ anī, nge tun̄ yá̰a̰ a əndā gātə̄ kújə ní i kə gō majən, aláa i kə gō majən aĺ, ba deē a ra i dɔ gātə̄ ń ni a əndā tə́ ní. 15Ba ré kɔ́ɔ̄ ndigə gān̄g dɔ anī, a adə̄ nar gíŕ kújə ní ō, a ənī manə̄n dɔ tə́ ō, tá a taāń kújə yān ní gogə́.
16Ré deē kógə̄ḿ ɔr̄ loo ndɔr̄ yān tām̄ yā Kɔ́ɔ̄ɓē tə́ anī, gātə̄ ndɔr̄ ní a asən̄ naā i kə gātə̄ kōō ń deē a sāā tū tə́ ní. Kōō ɔ́rjə kem homer#27.16 Homer i yá̰a̰ mbɔ̄jə́ yá̰a̰. Yá̰a̰ kem homer kógə̄ḿ kɔȳn i dɔ dán kəlōo ɓú mətá tə́ kə ɓú sɔ́ kə kutə mí. kógə̄ḿ i njáŕ sə́lē arjā̰a̰á̰ kutə mí. 17Ré əla gír i kem ɓāl̄ Jubile tə́ n deē ní ɔrə̄ń kam̄ ndɔr̄ yān yā Kɔ́ɔ̄ɓē tə́ anī, i gātə̄ ń nge tun̄ yá̰a̰ gān̄g ní n i yā ənda dɔ tə́ ní. 18Ré ɓāl̄ Jubile mān̄ kɔ̄ɔ́ tá deē ní ɔr̄ kam̄ ndɔr̄ yān tām̄ yā Kɔ́ɔ̄ɓē tə́ anī, nge tun̄ yá̰a̰ a gān̄g gātə̄ ndɔr̄ ní i kə gō kutə ɓāl̄ gə̄ ń nayn̄ yā kugə̄ń ɓāl̄ Jubile kə́ rang tə́ ní.
19Ba ré kɔ́ɔ̄ ndigə gān̄g dɔ anī, a adə̄ kutə nar ń nge tun̄ yá̰a̰ gān̄g ní ō, a ənī manə̄n dɔ tə́ ō, tá a taāń ndɔr̄ gogə́.
20Ré ni-gān̄g dɔ ndɔr̄ ní aĺ ɓáý ba igəń jī de kə́ rang tə́ anī, loo gān̄g dɔ ndɔr̄ ní a gətóo. 21Ré ɓāl̄ Jubile ugə̄ anī, ndɔr̄ ní tél i yá̰a̰ kənge yā nge tun̄ yá̰a̰, tɔdɔ̄ i ndɔr̄ kə́ bāā dɔ tām̄ yā Kɔ́ɔ̄ɓē tə́.
22Ré deē kógə̄ḿ ɔr̄ kam̄ ndɔr̄ kə́ mang adə̄ i yá̰a̰ ndəbā yān alé, 23tām̄ yā Kɔ́ɔ̄ɓē tə́ anī nge tun̄ yá̰a̰ a gātə̄ i kə gō kutə ɓāl̄ gə̄ ń a nayn̄ kə̄ kété no tə́ yā kugə̄ń ɓāl̄ Jubile tə́ ní. Nge kadə̄ nar ní a adə̄ i ndɔ̄ nəkɔ́ ń noō tə́. I nar kə́ kɔr̄ kam̄ tām̄ yā Kɔ́ɔ̄ɓē tə́. 24Ba ré ɓāl̄ Jubile ugə̄ anī, ndɔr̄ ní tél i ndɔr̄ yā kɔ́ɔ̄n kə́ kété ń mang jīn tə́ ní, tām̄ i yá̰a̰ kənge yān.
25A əndān̄ gātə̄ yá̰a̰ malang i kə gō nar kə́ kem loo kə́ táĺ tə́ ń kɔȳn i ngán kəlōo kutə ní.
Kadə̄ karī kə́ tayā gə̄
26Deē a ɔr̄ kam̄ hágə́ yá̰a̰ kul̄ tām̄ yā Kɔ́ɔ̄ɓē tə́ to̰ alé, tām̄ hágə́ yá̰a̰ kul̄ malang i yā Kɔ́ɔ̄ɓē kɔ̄ɔ́ ɓá. Ká i ngōn̄ man̄g, aké i ngōn̄ batə̄, aké i ngōn̄ bə̄yā̰ gə̄gē anī, i yā Kɔ́ɔ̄ɓē. 27Ré i dā̰ kə́ yḛr ojə ngōn̄ kə́ ta kəga dɔ anī, kɔ́ɔ̄ yá̰a̰ kul̄ ní a gān̄g dɔ ngōn̄ dā̰ ní i kə kutə nar ń nge tun̄ yá̰a̰ a gān̄g ní ō, a ənī manə̄n dɔ tə́ ō, ba ré ni-gān̄g dɔ aĺ anī, nge tun̄ yá̰a̰ a igəń kə́ kété jī de kə́ rang tə́ kə gātə̄ ń gān̄g dɔ tə́ ní.
28Yá̰a̰ malang kə́ bāā dɔ tām̄ yā Kɔ́ɔ̄ɓē tə́, ká i deē, aké i dā̰, aké i ndɔr̄ i yá̰a̰ kənge ní gə̄gē anī, a igənə̄ń aĺ ō, a gāngə̄n̄ dɔ aĺ ō, tɔdɔ̄ yá̰á̰ kə́ bāā dɔ tām̄ yā Kɔ́ɔ̄ɓē tə́, i yá̰á̰ kə́ táĺ ngá̰ý. 29Deē ń bāān̄ dɔn tām̄ yā Kɔ́ɔ̄ɓē tə́ ní, gāngə̄n̄ dɔn alé, a tɔ̄l̄nən̄ i mbée.
30Dɔ yá̰a̰ malang kə́ kɔr̄, adə̄ i yá̰á̰ kə́ kógə̄ḿ kə́ kɔr̄ dan kə́ kutə tə́ ní, ká i dɔ kōō, aké i dɔ kan̄ kāgə̄ anī, i tām̄ yā Kɔ́ɔ̄ɓē tə́, i yá̰á̰ kə́ táĺ kə́ tām̄ yā Kɔ́ɔ̄ɓē tə́. 31Deē ń ndigə gān̄g dɔ yá̰a̰ yān kə́ nge ko̰ kutə kə́ ɔr̄ tām̄ yā Kɔ́ɔ̄ɓē tə́ anī, a adə̄ nar ń nge tun̄ yá̰a̰ a gān̄g dɔ tə́ ní ō, a ənī manə̄n dɔ tə́#27.31 Ənī manə̄n dɔ tə́: Á̰a̰ī Leb 5.16 ō. 32Man̄g, aláa batə̄, aláa bə̄yā̰ ń a mān̄ gír jī nge kul̄ yá̰á̰ tə́ ní, kə́ nge ko̰ kutə i yā Kɔ́ɔ̄ɓē. 33Ká i kə́ majə, aké i kə́ majaĺ gə̄gē anī, deē a gə̄rā alé, tá deē a mbél̄ gír aĺ ō. Ré deē mbél̄ gír kə madāá anī, nin̄ jōó mbak i kə́ kɔr̄ kam̄də́ tām̄ yā Kɔ́ɔ̄ɓē tə́ ō, deē a gān̄g dɔdə́ aĺ ō.
34 Ndū najə̄ gə̄ ń Kɔ́ɔ̄ɓē adə̄ Moijə dɔ mbal̄ Sinai tə́ tām̄ yā ngán Israel gə̄ tə́ ní n noó.
Currently Selected:
LEBI GƏ̄ 27: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
LEBI GƏ̄ 27
27
Kutə nar kə́ yā gāngəń dɔ yá̰a̰
1Kɔ́ɔ̄ɓē mēr̄ Moijə 2kəda ngán Israel gə̄ ndū najə̄ gə̄ ń toō:
Ré deē kə́rēý ənī ndūn yā kadə̄ Kɔ́ɔ̄ɓē deē anī, a asə kadə̄ nar kum gotə. 3Gātə̄ deē n toó:
Ḭḭ dɔ de kə́ ɓāl̄ kutə jōó tə́ bátə́ ugə̄ń dɔ de kə́ ɓāl̄ kutə mehḛ́ tə́ ní, gātə̄ de kə́ dəngam i njáŕ sə́lē arjā̰a̰ kutə mí, kə gō nar kem loo kə́ táĺ tə́, 4ba gātə̄ de kə́ dəyá̰ i njáŕ sə́lē kutə mətá.
5Ḭḭ dɔ ngáń kə́ ɓāl̄ mí gə̄ tə́ bátə́ ugə̄ń dɔ ngáń kə́ ɓāl̄ kutə jōó gə̄ tə́ ní, ngōn̄ kə́ dəngam i njáŕ sə́lē kutə jōó, ba ngōn̄ dəyá̰ i njáŕ sə́lē kutə kógə̄ḿ.
6Ḭḭ dɔ ngōn̄ kə́ nāā kógə̄ḿ tə́ bátə́ dɔ ngōn̄ kə́ ɓāl̄ mí tə́ ní, ngōn̄ kə́ dəngam i njáŕ sə́lē arjā̰a̰á̰ mí, ba ngōn̄ dəyá̰ i njáŕ sə́lē mətá.
7Ḭḭ dɔ de gə̄ kə́ ɓāl̄ kutə mehḛ́ tə́ bátə́ ta kə́ dɔɔ́ ní, de kə́ dəngam i njáŕ sə́lē kutə gidə i mí, ba de kə́ dəyá̰ i njáŕ sə́lē kógə̄ḿ.
8Ré deē ń ənī ndūn yā kadə̄ Kɔ́ɔ̄ɓē deē ní kɔ̄ɔ́ ndoō ngá̰ý adə̄ ni asə kadə̄ kutə nar ń gāngə̄n̄ ní aĺ anī, a aw̄ seneé rɔ̄ nge tun̄ yá̰á̰ tə́ kadə̄ ɔjə gātə̄n kə gō yá̰a̰ kəngen.
9Ré i dā̰ kə́ dan ngé gə̄ ń deē asə ndējə̄ Kɔ́ɔ̄ɓē tə́ ní n deē ənī míndən dɔ tə́ anī, dā̰ ní a tél dā̰ kə́ kɔr̄ kam̄ tām̄ yā Kɔ́ɔ̄ɓē tə́. 10Deē a mbél̄ gírən alé. Ká i kə́ majə aké i kə́ majə aĺ gə̄gē anī, deē a mbél̄ gírən alé. Ré deē rāā bátə́ ba mbél̄ gírən gə̄gē anī, dā̰ ń mbéləń gír madə̄ ní gə̄gē, dā̰ kə́ kété gə̄gē, nin̄ jōó mbak a télən̄ i dā̰ kə́ kɔr̄ kam̄ gə̄ tām̄ yā Nə́ɓā tə́.
11Ré i dā̰ kə́ yḛr, adə̄ i dā̰ kə́ dan gə̄ ń deē asə ndə̄jə̄ Kɔ́ɔ̄ɓē tə́ aĺ ní anī, a aw̄n̄ kə dā̰ ní rɔ̄ nge tun̄ yá̰á̰ tə́. 12Ni a ɔjə gātə̄n i kə gō majən, aláa i kə gō majən aĺ ō, gātə̄ ń noō a rāā gətóo ō. 13Ba ré kɔ́ɔ̄ ndigə̄ gān̄g dɔn anī, a adə̄ kutə gúrsə ń nge tun̄ yá̰a̰ a ɔjə ní ō, a ənī manə̄n dɔ tə́#27.13 ō 15 ō 19 Ənī manə̄n dɔ tə́: Á̰a̰ī Leb 5.16 ō.
14Ré deē kógə̄ḿ ɔr̄ kam̄ kújə yān tām̄ yā Kɔ́ɔ̄ɓē tə́ anī, nge tun̄ yá̰a̰ a əndā gātə̄ kújə ní i kə gō majən, aláa i kə gō majən aĺ, ba deē a ra i dɔ gātə̄ ń ni a əndā tə́ ní. 15Ba ré kɔ́ɔ̄ ndigə gān̄g dɔ anī, a adə̄ nar gíŕ kújə ní ō, a ənī manə̄n dɔ tə́ ō, tá a taāń kújə yān ní gogə́.
16Ré deē kógə̄ḿ ɔr̄ loo ndɔr̄ yān tām̄ yā Kɔ́ɔ̄ɓē tə́ anī, gātə̄ ndɔr̄ ní a asən̄ naā i kə gātə̄ kōō ń deē a sāā tū tə́ ní. Kōō ɔ́rjə kem homer#27.16 Homer i yá̰a̰ mbɔ̄jə́ yá̰a̰. Yá̰a̰ kem homer kógə̄ḿ kɔȳn i dɔ dán kəlōo ɓú mətá tə́ kə ɓú sɔ́ kə kutə mí. kógə̄ḿ i njáŕ sə́lē arjā̰a̰á̰ kutə mí. 17Ré əla gír i kem ɓāl̄ Jubile tə́ n deē ní ɔrə̄ń kam̄ ndɔr̄ yān yā Kɔ́ɔ̄ɓē tə́ anī, i gātə̄ ń nge tun̄ yá̰a̰ gān̄g ní n i yā ənda dɔ tə́ ní. 18Ré ɓāl̄ Jubile mān̄ kɔ̄ɔ́ tá deē ní ɔr̄ kam̄ ndɔr̄ yān tām̄ yā Kɔ́ɔ̄ɓē tə́ anī, nge tun̄ yá̰a̰ a gān̄g gātə̄ ndɔr̄ ní i kə gō kutə ɓāl̄ gə̄ ń nayn̄ yā kugə̄ń ɓāl̄ Jubile kə́ rang tə́ ní.
19Ba ré kɔ́ɔ̄ ndigə gān̄g dɔ anī, a adə̄ kutə nar ń nge tun̄ yá̰a̰ gān̄g ní ō, a ənī manə̄n dɔ tə́ ō, tá a taāń ndɔr̄ gogə́.
20Ré ni-gān̄g dɔ ndɔr̄ ní aĺ ɓáý ba igəń jī de kə́ rang tə́ anī, loo gān̄g dɔ ndɔr̄ ní a gətóo. 21Ré ɓāl̄ Jubile ugə̄ anī, ndɔr̄ ní tél i yá̰a̰ kənge yā nge tun̄ yá̰a̰, tɔdɔ̄ i ndɔr̄ kə́ bāā dɔ tām̄ yā Kɔ́ɔ̄ɓē tə́.
22Ré deē kógə̄ḿ ɔr̄ kam̄ ndɔr̄ kə́ mang adə̄ i yá̰a̰ ndəbā yān alé, 23tām̄ yā Kɔ́ɔ̄ɓē tə́ anī nge tun̄ yá̰a̰ a gātə̄ i kə gō kutə ɓāl̄ gə̄ ń a nayn̄ kə̄ kété no tə́ yā kugə̄ń ɓāl̄ Jubile tə́ ní. Nge kadə̄ nar ní a adə̄ i ndɔ̄ nəkɔ́ ń noō tə́. I nar kə́ kɔr̄ kam̄ tām̄ yā Kɔ́ɔ̄ɓē tə́. 24Ba ré ɓāl̄ Jubile ugə̄ anī, ndɔr̄ ní tél i ndɔr̄ yā kɔ́ɔ̄n kə́ kété ń mang jīn tə́ ní, tām̄ i yá̰a̰ kənge yān.
25A əndān̄ gātə̄ yá̰a̰ malang i kə gō nar kə́ kem loo kə́ táĺ tə́ ń kɔȳn i ngán kəlōo kutə ní.
Kadə̄ karī kə́ tayā gə̄
26Deē a ɔr̄ kam̄ hágə́ yá̰a̰ kul̄ tām̄ yā Kɔ́ɔ̄ɓē tə́ to̰ alé, tām̄ hágə́ yá̰a̰ kul̄ malang i yā Kɔ́ɔ̄ɓē kɔ̄ɔ́ ɓá. Ká i ngōn̄ man̄g, aké i ngōn̄ batə̄, aké i ngōn̄ bə̄yā̰ gə̄gē anī, i yā Kɔ́ɔ̄ɓē. 27Ré i dā̰ kə́ yḛr ojə ngōn̄ kə́ ta kəga dɔ anī, kɔ́ɔ̄ yá̰a̰ kul̄ ní a gān̄g dɔ ngōn̄ dā̰ ní i kə kutə nar ń nge tun̄ yá̰a̰ a gān̄g ní ō, a ənī manə̄n dɔ tə́ ō, ba ré ni-gān̄g dɔ aĺ anī, nge tun̄ yá̰a̰ a igəń kə́ kété jī de kə́ rang tə́ kə gātə̄ ń gān̄g dɔ tə́ ní.
28Yá̰a̰ malang kə́ bāā dɔ tām̄ yā Kɔ́ɔ̄ɓē tə́, ká i deē, aké i dā̰, aké i ndɔr̄ i yá̰a̰ kənge ní gə̄gē anī, a igənə̄ń aĺ ō, a gāngə̄n̄ dɔ aĺ ō, tɔdɔ̄ yá̰á̰ kə́ bāā dɔ tām̄ yā Kɔ́ɔ̄ɓē tə́, i yá̰á̰ kə́ táĺ ngá̰ý. 29Deē ń bāān̄ dɔn tām̄ yā Kɔ́ɔ̄ɓē tə́ ní, gāngə̄n̄ dɔn alé, a tɔ̄l̄nən̄ i mbée.
30Dɔ yá̰a̰ malang kə́ kɔr̄, adə̄ i yá̰á̰ kə́ kógə̄ḿ kə́ kɔr̄ dan kə́ kutə tə́ ní, ká i dɔ kōō, aké i dɔ kan̄ kāgə̄ anī, i tām̄ yā Kɔ́ɔ̄ɓē tə́, i yá̰á̰ kə́ táĺ kə́ tām̄ yā Kɔ́ɔ̄ɓē tə́. 31Deē ń ndigə gān̄g dɔ yá̰a̰ yān kə́ nge ko̰ kutə kə́ ɔr̄ tām̄ yā Kɔ́ɔ̄ɓē tə́ anī, a adə̄ nar ń nge tun̄ yá̰a̰ a gān̄g dɔ tə́ ní ō, a ənī manə̄n dɔ tə́#27.31 Ənī manə̄n dɔ tə́: Á̰a̰ī Leb 5.16 ō. 32Man̄g, aláa batə̄, aláa bə̄yā̰ ń a mān̄ gír jī nge kul̄ yá̰á̰ tə́ ní, kə́ nge ko̰ kutə i yā Kɔ́ɔ̄ɓē. 33Ká i kə́ majə, aké i kə́ majaĺ gə̄gē anī, deē a gə̄rā alé, tá deē a mbél̄ gír aĺ ō. Ré deē mbél̄ gír kə madāá anī, nin̄ jōó mbak i kə́ kɔr̄ kam̄də́ tām̄ yā Kɔ́ɔ̄ɓē tə́ ō, deē a gān̄g dɔdə́ aĺ ō.
34 Ndū najə̄ gə̄ ń Kɔ́ɔ̄ɓē adə̄ Moijə dɔ mbal̄ Sinai tə́ tām̄ yā ngán Israel gə̄ tə́ ní n noó.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.