JOJUE 9
9
Madə̄ naā kə́ kə de kə́ Gabaon gə̄
1Dan ń mban̄g gə̄ ń ndin̄ gidə bā Jurdḛ tə́ gō nang kə́ mbal̄ bo gə̄ i tū tə́ tə́ ō, kə́ mbal̄ bo gə̄ gətóon̄ tū tə́ tə́ ō, kə́ kadə̄ bā bo tə́ bátə́ ugə̄n̄ Liban ō, adə̄ i Het gə̄, kə Amor gə̄ kə Kanaan gə̄, kə Periji gə̄, kə Hibi gə̄, kə Yebus gə̄ ní, oōn̄ najə̄ yā ɓē kə́ Ai kə́ nujə kɔ̄ɔ́ anī, 2əndān̄ rɔ̄də́ naā tə́ yā rɔ̄ɔń Jojue ō, ngán Israel gə̄ ō.
3De kə́ Gabaon gə̄ ń i Hibi gə̄ ní, oōn̄ yá̰á̰ ń Jojue rāā kə ɓē kə́ Jeriko ō, kə ɓē kə́ Ai ní ō, 4ba gḛyn̄ rāā yá̰a̰ i kə kum kedēé. Nin̄ sāān̄ sādə́ gə̄ ba ɔyn̄ ngísə ngong gə̄ gidə kərō yādə́ gə̄ tə́ ō, ɔyn̄ ngísə sɔl kasə nduú kə́ tə́nī kum gə̄ gidə kərō yādə́ gə̄ tə́ ō, 5tə́lan̄ ngísə kūbə̄ gə̄ rɔ̄də́ tə́ ō, ngísə sākə̄rā kə́ tə́nī kum gə̄ njadə́ tə́ ō, ɔyn̄ butə̄ mápá kə́ tutə gə̄ ō, 6ba aw̄n̄ rɔ̄ Jojue tə́ gérger kə́ Gilgal tə́, aw̄ ədan̄ Jojue ō, de kə́ dəngam gə̄ kə́ Israel tə́ ō na: J-ḭḭ i dɔ nang kə́ sa̰y tə́ n jə-reē rāā madə̄ naá sesí ní. 7De kə́ dəngam gə̄ kə́ Israel tə́ tél ədan̄də́ na: Majanī ī-ndiī i rɔ̄jí tə́ ngɔr, adə̄ j-a j-əhɔ madə̄ naā sesí alé. 8Banī nin̄ ədan̄ Jojue na: Jḭḭ i ɓer̄ yāí gə̄. Anī Jojue dəjedə́ najə̄ əda na: Sḭḭ̄ i náā gə̄? Ḭ́ḭḭ̄ i rá n ī-reēī toó? 9Nin̄ tél ədan̄ na: Ɓer̄ yāí gə̄ ḭḭn̄ i dɔ nang kə́ sa̰y tə́ n reēn̄ ní tām̄ oōn̄ lūlū Kɔ́ɔ̄ɓē Nə́ɓā yāí, j-oō yá̰a̰ malang kə́ kɔrkum gə̄ ń ni-rāā dɔ nang kə́ Ejiptə tə́ ní ō, 10yá̰á̰ ń ni-rāā kə mban̄g yā Amor gə̄ kə́ jōó gə̄ ń ndin̄ gidə bā Jurdḛ kə́ dām̄ kə́ nú tə́ ní, adə̄ i yá̰á̰ ń ni-rāā kə Sihon mban̄g kə́ Hesəbon ní ō, kə Og mban̄g kə́ Basan ń ndi Asətarot ní ō. 11Kum kɔɔ̄ yājí gə̄ ō, de gə̄ malang kə́ kem ɓē yājí tə́ ō, mērə̄n̄jí kɔy sádə̄ jījí tə́ ba kə jə-reē j-əngesí kə kə j-ədasí na jḭḭ i ɓer̄ yāsí gə̄. Ní, ə̄nī ndūsí ādījí ī-ə́hɔiń madə̄ naā sejí. 12Á̰a̰ī mápa yājí gə̄. Ndɔ̄ ń j-ɔrə̄ń dɔɔ́ yā reē kə̄ rɔ̄sí tə́ ní, j-ɔydə́ kújú i kə təngāá n jə-rāā sádə̄ tə́ ní. Ba ń toō, á̰a̰ī, tutə kɔ̄ɔ́ ō, tétə̄ rárák kɔ̄ɔ́ ō. 13Sɔl gə̄ ń toō, dan ń jə-tūr̄ kasə nduú kemeé ní, ton̄ i kə kijədə́ ɓáý. Ba ń toō á̰a̰ī, rə́ya̰n̄ kɔ̄ɔ́. Á̰a̰ī kūbə̄ yājí gə̄ kə sākə̄rā yājí gə̄ ngísən̄ kɔ̄ɔ́, tɔdɔ̄ j-ḭḭ i sa̰y.
14Ngán Israel gə̄ taān̄ núsə́ sádə̄ yādə́ sḛ́ý əsan̄ kanjə̄ koō yā Kɔ́ɔ̄ɓē. 15Jojue ənī ndūn adə̄də́ əhɔń madə̄ naā sedə́ tām̄ yā lɔm tə́. Madə̄ naā ní ɔjə kadə̄ ni a əya̰də́ kadə̄ a ndin̄ kə kumuú. Ngāgəra dɔ ngán Israel gə̄ túbən̄ ɔjənə̄ńdə́ kadə̄ najə̄ ní i najə̄ kə́ rɔ̄kum.
16Gō ndūdə́ ń ənīn̄ tə́ ní, rāā ndɔ̄ mətá anī, ngán Israel gə̄ oōn̄ kadə̄ de gə̄ ní i madə̄ ɓēdə́ gə̄ ndin̄ i ngɔr rɔ̄də́ tə́. 17Ngán Israel gə̄ əsōn̄ róbó, ba kə ndɔ̄ kə nge ko̰ mətá anī teēn̄ ɓē gə̄ ń de gə̄ ní ndin̄ kemeé tə́ ní. Rī ɓē gə̄ ní na i Gabaon ō, Kepira ō, Beerot ō, Kiryat Yearim ō. 18Ngán Israel gə̄ tɔ̄lə̄n̄ de gə̄ ní alé, tɔdɔ̄ ngāgəra dɔdə́ gə̄ túbən̄ kə rī Kɔ́ɔ̄ɓē Nə́ɓā yā Israel adə̄n̄də́. Banī ngán Israel gə̄ malang tāmə̄n̄ kə ngāgəra dɔdə́ gēé. 19Banī ngāgəra dɔdə́ gə̄ ədan̄də́ na: Jə-túbə j-adə̄də́ kə rī Kɔ́ɔ̄ɓē Nə́ɓā yā Israel kɔ̄ɔ́ ɓá, adə̄ j-asə rāā yá̰á̰ kə́ majaĺ sedə́ to̰ alé. 20J-a j-əya̰īdə́ kadə̄ ndin̄ kə kumdə́ sɔɔ̄ń túbú ń jə-túbə j-adə̄də́ ní, ré i beé aĺ anī, j-a j-ɔr wōn̄g yā Kɔ́ɔ̄ɓē yā reēń dɔjí tə́. Ba yá̰á̰ ń j-a jə-rāāī sedə́ ni n toó: 21J-a j-əya̰īdə́ kadə̄ ndin̄ kə kumdə́, ba j-a j-əndāīdə́ ta kəla sāā kīr̄ tə́ ō, kɔdə man̄ tə́ ō, tām̄ yājí tə́. Yá̰á̰ ń ngāgəra dɔ ngán Israel gē ndigən̄ rāā ní n nuú. 22Tā anī Jojue ɓāŕ de kə́ Gabaon gə̄ ba ədasí na: I tām̄ rí tə́ á ī-gólījí ə́daī na ḭ́ḭḭ̄ sa̰y, tá sḭḭ̄ i de gə̄ kə́ ī-ndiī i ngɔr rɔ̄jí tə́ ní 23Ngɔlaā ní ndɔ̄ĺ i dɔsí tə́ ō, sḭḭ̄ malang i ɓer̄ gə̄ kə́ gír a gān̄g dɔsí tə́ aĺ ō, ā ī-nárī kīr̄ ō, ā ūyī man̄ ō, tām̄ yā kújə yā Nə́ɓā yāḿ tə́. 24De kə́ Gabaon gə̄ tūr̄ ədan̄ Jojue na: J-oō kadə̄ Kɔ́ɔ̄ɓē Nə́ɓā yāí mēr̄ nge kəla yān Moijə kadə̄sí dɔ nang ń toō malang ō, mēr̄ tɔ̄l̄ de kə́ tū tə́ gə̄ kɔ̄ɔ́ malang nosí tə́ ō. I yá̰á̰ ń nuū n jə-ɓōĺsí ngá̰ý á rāań yá̰a̰ beé ní. 25Ngɔlaā ní jḭḭ i gíŕ tɔ́gə yāí tə́, adə̄ ī-rāā sejí yá̰á̰ ń kadə̄ i yá̰á̰ kə́ majə ta kumií tə́ ō, i yá̰á̰ kə́ gōtə́ ō ní.
26Yá̰á̰ ń Jojue rāā sedə́ ní n toó: Ni ɔgə̄ ngán Israel gə̄ tɔ̄l̄də́, 27ba əndā kəla tə́gā kīr̄ ō, kuȳ man̄ ō, dɔdə́ tə́ kadə̄ rāān̄ kəla gə̄ ń nuū tām̄ yā ngán Israel gə̄ tə́ ō, loo tun̄ yá̰a̰ yā Kɔ́ɔ̄ɓē tə́ ō, loo ń Kɔ́ɔ̄ɓē a gə̄rā tə́ ní. Ɓōólaā gə̄gē ngán kaadə́ gə̄ a rāān̄ kəla ń nuū laā ɓáý.
Currently Selected:
JOJUE 9: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JOJUE 9
9
Madə̄ naā kə́ kə de kə́ Gabaon gə̄
1Dan ń mban̄g gə̄ ń ndin̄ gidə bā Jurdḛ tə́ gō nang kə́ mbal̄ bo gə̄ i tū tə́ tə́ ō, kə́ mbal̄ bo gə̄ gətóon̄ tū tə́ tə́ ō, kə́ kadə̄ bā bo tə́ bátə́ ugə̄n̄ Liban ō, adə̄ i Het gə̄, kə Amor gə̄ kə Kanaan gə̄, kə Periji gə̄, kə Hibi gə̄, kə Yebus gə̄ ní, oōn̄ najə̄ yā ɓē kə́ Ai kə́ nujə kɔ̄ɔ́ anī, 2əndān̄ rɔ̄də́ naā tə́ yā rɔ̄ɔń Jojue ō, ngán Israel gə̄ ō.
3De kə́ Gabaon gə̄ ń i Hibi gə̄ ní, oōn̄ yá̰á̰ ń Jojue rāā kə ɓē kə́ Jeriko ō, kə ɓē kə́ Ai ní ō, 4ba gḛyn̄ rāā yá̰a̰ i kə kum kedēé. Nin̄ sāān̄ sādə́ gə̄ ba ɔyn̄ ngísə ngong gə̄ gidə kərō yādə́ gə̄ tə́ ō, ɔyn̄ ngísə sɔl kasə nduú kə́ tə́nī kum gə̄ gidə kərō yādə́ gə̄ tə́ ō, 5tə́lan̄ ngísə kūbə̄ gə̄ rɔ̄də́ tə́ ō, ngísə sākə̄rā kə́ tə́nī kum gə̄ njadə́ tə́ ō, ɔyn̄ butə̄ mápá kə́ tutə gə̄ ō, 6ba aw̄n̄ rɔ̄ Jojue tə́ gérger kə́ Gilgal tə́, aw̄ ədan̄ Jojue ō, de kə́ dəngam gə̄ kə́ Israel tə́ ō na: J-ḭḭ i dɔ nang kə́ sa̰y tə́ n jə-reē rāā madə̄ naá sesí ní. 7De kə́ dəngam gə̄ kə́ Israel tə́ tél ədan̄də́ na: Majanī ī-ndiī i rɔ̄jí tə́ ngɔr, adə̄ j-a j-əhɔ madə̄ naā sesí alé. 8Banī nin̄ ədan̄ Jojue na: Jḭḭ i ɓer̄ yāí gə̄. Anī Jojue dəjedə́ najə̄ əda na: Sḭḭ̄ i náā gə̄? Ḭ́ḭḭ̄ i rá n ī-reēī toó? 9Nin̄ tél ədan̄ na: Ɓer̄ yāí gə̄ ḭḭn̄ i dɔ nang kə́ sa̰y tə́ n reēn̄ ní tām̄ oōn̄ lūlū Kɔ́ɔ̄ɓē Nə́ɓā yāí, j-oō yá̰a̰ malang kə́ kɔrkum gə̄ ń ni-rāā dɔ nang kə́ Ejiptə tə́ ní ō, 10yá̰á̰ ń ni-rāā kə mban̄g yā Amor gə̄ kə́ jōó gə̄ ń ndin̄ gidə bā Jurdḛ kə́ dām̄ kə́ nú tə́ ní, adə̄ i yá̰á̰ ń ni-rāā kə Sihon mban̄g kə́ Hesəbon ní ō, kə Og mban̄g kə́ Basan ń ndi Asətarot ní ō. 11Kum kɔɔ̄ yājí gə̄ ō, de gə̄ malang kə́ kem ɓē yājí tə́ ō, mērə̄n̄jí kɔy sádə̄ jījí tə́ ba kə jə-reē j-əngesí kə kə j-ədasí na jḭḭ i ɓer̄ yāsí gə̄. Ní, ə̄nī ndūsí ādījí ī-ə́hɔiń madə̄ naā sejí. 12Á̰a̰ī mápa yājí gə̄. Ndɔ̄ ń j-ɔrə̄ń dɔɔ́ yā reē kə̄ rɔ̄sí tə́ ní, j-ɔydə́ kújú i kə təngāá n jə-rāā sádə̄ tə́ ní. Ba ń toō, á̰a̰ī, tutə kɔ̄ɔ́ ō, tétə̄ rárák kɔ̄ɔ́ ō. 13Sɔl gə̄ ń toō, dan ń jə-tūr̄ kasə nduú kemeé ní, ton̄ i kə kijədə́ ɓáý. Ba ń toō á̰a̰ī, rə́ya̰n̄ kɔ̄ɔ́. Á̰a̰ī kūbə̄ yājí gə̄ kə sākə̄rā yājí gə̄ ngísən̄ kɔ̄ɔ́, tɔdɔ̄ j-ḭḭ i sa̰y.
14Ngán Israel gə̄ taān̄ núsə́ sádə̄ yādə́ sḛ́ý əsan̄ kanjə̄ koō yā Kɔ́ɔ̄ɓē. 15Jojue ənī ndūn adə̄də́ əhɔń madə̄ naā sedə́ tām̄ yā lɔm tə́. Madə̄ naā ní ɔjə kadə̄ ni a əya̰də́ kadə̄ a ndin̄ kə kumuú. Ngāgəra dɔ ngán Israel gə̄ túbən̄ ɔjənə̄ńdə́ kadə̄ najə̄ ní i najə̄ kə́ rɔ̄kum.
16Gō ndūdə́ ń ənīn̄ tə́ ní, rāā ndɔ̄ mətá anī, ngán Israel gə̄ oōn̄ kadə̄ de gə̄ ní i madə̄ ɓēdə́ gə̄ ndin̄ i ngɔr rɔ̄də́ tə́. 17Ngán Israel gə̄ əsōn̄ róbó, ba kə ndɔ̄ kə nge ko̰ mətá anī teēn̄ ɓē gə̄ ń de gə̄ ní ndin̄ kemeé tə́ ní. Rī ɓē gə̄ ní na i Gabaon ō, Kepira ō, Beerot ō, Kiryat Yearim ō. 18Ngán Israel gə̄ tɔ̄lə̄n̄ de gə̄ ní alé, tɔdɔ̄ ngāgəra dɔdə́ gə̄ túbən̄ kə rī Kɔ́ɔ̄ɓē Nə́ɓā yā Israel adə̄n̄də́. Banī ngán Israel gə̄ malang tāmə̄n̄ kə ngāgəra dɔdə́ gēé. 19Banī ngāgəra dɔdə́ gə̄ ədan̄də́ na: Jə-túbə j-adə̄də́ kə rī Kɔ́ɔ̄ɓē Nə́ɓā yā Israel kɔ̄ɔ́ ɓá, adə̄ j-asə rāā yá̰á̰ kə́ majaĺ sedə́ to̰ alé. 20J-a j-əya̰īdə́ kadə̄ ndin̄ kə kumdə́ sɔɔ̄ń túbú ń jə-túbə j-adə̄də́ ní, ré i beé aĺ anī, j-a j-ɔr wōn̄g yā Kɔ́ɔ̄ɓē yā reēń dɔjí tə́. Ba yá̰á̰ ń j-a jə-rāāī sedə́ ni n toó: 21J-a j-əya̰īdə́ kadə̄ ndin̄ kə kumdə́, ba j-a j-əndāīdə́ ta kəla sāā kīr̄ tə́ ō, kɔdə man̄ tə́ ō, tām̄ yājí tə́. Yá̰á̰ ń ngāgəra dɔ ngán Israel gē ndigən̄ rāā ní n nuú. 22Tā anī Jojue ɓāŕ de kə́ Gabaon gə̄ ba ədasí na: I tām̄ rí tə́ á ī-gólījí ə́daī na ḭ́ḭḭ̄ sa̰y, tá sḭḭ̄ i de gə̄ kə́ ī-ndiī i ngɔr rɔ̄jí tə́ ní 23Ngɔlaā ní ndɔ̄ĺ i dɔsí tə́ ō, sḭḭ̄ malang i ɓer̄ gə̄ kə́ gír a gān̄g dɔsí tə́ aĺ ō, ā ī-nárī kīr̄ ō, ā ūyī man̄ ō, tām̄ yā kújə yā Nə́ɓā yāḿ tə́. 24De kə́ Gabaon gə̄ tūr̄ ədan̄ Jojue na: J-oō kadə̄ Kɔ́ɔ̄ɓē Nə́ɓā yāí mēr̄ nge kəla yān Moijə kadə̄sí dɔ nang ń toō malang ō, mēr̄ tɔ̄l̄ de kə́ tū tə́ gə̄ kɔ̄ɔ́ malang nosí tə́ ō. I yá̰á̰ ń nuū n jə-ɓōĺsí ngá̰ý á rāań yá̰a̰ beé ní. 25Ngɔlaā ní jḭḭ i gíŕ tɔ́gə yāí tə́, adə̄ ī-rāā sejí yá̰á̰ ń kadə̄ i yá̰á̰ kə́ majə ta kumií tə́ ō, i yá̰á̰ kə́ gōtə́ ō ní.
26Yá̰á̰ ń Jojue rāā sedə́ ní n toó: Ni ɔgə̄ ngán Israel gə̄ tɔ̄l̄də́, 27ba əndā kəla tə́gā kīr̄ ō, kuȳ man̄ ō, dɔdə́ tə́ kadə̄ rāān̄ kəla gə̄ ń nuū tām̄ yā ngán Israel gə̄ tə́ ō, loo tun̄ yá̰a̰ yā Kɔ́ɔ̄ɓē tə́ ō, loo ń Kɔ́ɔ̄ɓē a gə̄rā tə́ ní. Ɓōólaā gə̄gē ngán kaadə́ gə̄ a rāān̄ kəla ń nuū laā ɓáý.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.